بعد أن أصبحنا على يوم المباراة.. تعالوا لأحدثكم + وصـيــة ابو سارة - نادي الهلال السعودي - شبكة الزعيم

الهلالي- ابوسارة · #1 07/07/2005, 07:27 AM

[align=center]الهلالي ابو سارة يعود لكم من جديد ..

الله لا يصبح هـ (الخشش) الحلوة الا بالخير .. آمين .. ;)

بالأمس اصابني أرق فضيع ..

حاولت المناام ولكن أبت عيناي أن تنام ;) ..

حدثت نفسي عن ( الماتش ) حق اليوم..

سألتها بأريحية ارجوانية :p :

ماهي توقعاتك لمباراة الليله يانفسي العزيزه ؟

فقالت: أنها مباراة فرح وانتصار أزرق بحول الله..

سألتها : ولكن لا تنسي أننا سنواجه عميد البلد إتحاد جده السعودي !!

قالت بكل ثقه : وخير يا طير .. هذا الزعيم . وعلى قولة المثل: لاعميد في حضرة الزعيم ..

قلت: اراك متأكده يانفسي الغاليه ..

قالت : نعم وبثقة عمياء أقول لك اذا حضر الأسد فليلعب النمر بعيداً ..

قلت: أنسيتي أنهم نادي التكديس والصحافه تقول أن رديفهم مثل الأساسي..

قالت لي: أنسيت أنت أن رديفهم أخذ منا أربعة وأساسيهم خرج من كأس ولي العهد ..

قلت: وماذا تتوقعين من جمهورنا الأزرق هذا اليوم ؟

قالت : اذا لم يكن في الملعب 70 الف فأنتم لستم الا جاحدوون للمعرروووف!! ;)

قلت: كم تتوقعين النتيجه يا أيتها النفس الأبيه؟

فقالت لي حينها: أخس ياراعي الفصحى أقول نم لا يكثر !!

انتهى النقاش ونمت ساعة ثم أتيت إليكم لأحدثكم حديث المشتاق ..

____________________

قررت أن لا أكتب قبل كل مباراة إلا مقال واحد لا غير ..----> شيك ولا مقال

ولكن فلتسمحوا لي أيها الأحبه أن اخترق هذا القانون ..

ومن ثم أداهمكم بمقال ثاني وتحملووني بليز ,,

يا شباب أكتب لكم الآن والساعة تشير الى السابعه .. هنا لندن

أكيد فيه بعضكم الحين قد حط في راسه أنه يحضر الماتش ..

وبعضكم متردد ..

وبعضكم ناويها تي في

حديثي موجه للأخوان المترددين والمعتذرين.. ;)

ياشباب .. ياحبايبنا .. أنتم هلاليين ولا وش السالفه ---> أحس اني خربتهاا

هذي آخر مباراتين للأزرق .. وان ماحضرتوا اليوم فلا تحضرووون أبد ---> خربت بقووة

ياشباب الأزرق بحاجتنا ..

ألم تشتاقوا مثلي لمنظر السبعين ألف ؟

هل تستكثروون على فريقكم عشرين ريال.. وهو الذي دفع من أجلكم الملايين..

هل ستتخلوون عن الأزرق و((تتسدحوون أمام ماجد وبتال )) ..

أخس عليكم بس أخس واخزيااه يالله الخيره

---> الله يذكرك بالخير ياابوي

ارجو ا كل ما ارجوا ان لا أشاهد مقعداً واحداً خالياً ..

أرجوا أن ارى جموعاً حاشده ترعب الاخوان في ( أصفر مع أسود أبو دم خفيف )

هل تعلموون أن لعيبتكم يتفااخرون بكم في معسكرات المنتخب ..

هل تعلموون أنهم في شوق لحضووركم المهيب ..

نعم غيرنا يرضى ويقنع أن يحضر له أربعين وثلاثين بل وعشرين ألف مشجع،،

وفعلناها هذا الموسم اكثر من مرة ..

ولكن لنسجل جميعاً رقماً قياسياً هذا المساء الخميسي الجميل ..

لنكن سبعين ألف صوت خلف سامي ورفاقه ونثبت أننا اصحاب الشعبيه الأولى ..

ليست محلياً ولا خليجياً وعربياً بل وقارياُ ..

لا عذر أمامكم .. ولا حجة خلفكم ..

لعيبتكم في حاجتكم وملعبكم قربكم ..

فهيا سريعاً من عصر هذا اليوم ننطلق زرافات ووحدانا نحو الاستاد الدولي ..

تقسيم الملعب النص بالنص اتضح أنه اشاعه ..

سامي ورفاقه جاهزوون بحول الله ..

لا يحتاجون منا قصائد أو مدائح انترنتيه ..

إنما يريدوون حضوراً كثيفاً مهيباً هلالياً معتاداً.,.

ليقدموا لكم فوزاً مستحقاً مفرحاً ..

فهل انتم فاعلون ؟.!!

_________________________

ما سيأتي هو مقطع من مقال سابق كتبته قبل اشهر وللضرورة أعيده اليوم:

يالربع ..

أنا بأطلع للملعب .. ومعي امة الصمد ..

خذوني قدوة فقط هالمرة ..

يعني جمس 2002 فيه أعضاء الاستراحه السبعه ..

مع العلم ان اثنين منهم نثرااويين ..

بس أوامري ما تخالف

بالاضافه للكزس فيها 5 اشخاص من الحارة ..

مع علم متر ونص ..

مكتوب فيه ..

يا هلال انا وياك في كل حزة ..((أحد الأبيات اللي كتبتها في قصيده بالنت ))

هذي اعتقد أرقام قياسيه .. ;)

أتمنى تحطمووونها وربي ..

المطلووب..

والزبده ..

لا تروح الملعب لحالك ..

أخوك الصغير جنبك لا شغل ولا مشغله .. خذه معك .. ((تمشيه يستاهل ))

اختك ((مسيرة)) عليكم، وعيالها يطامرون قدامك بالحوش وغاثين أمك ..

خذهم معك ألزم ما على الواحد راحة أميمته

خويك يسحب رجلينه بالشوارع .. (أمعطه) من أذنه .. وخله يخاويك ..

أوووووووكي ؟؟

هذا شيء ..

(الثنق) الثاني .. أو الشيء الثاني :

اصحاب المزاج العالي .. أخواننا أهل (تكيات) ابو هيثم وما شابه ..

ترى اليوم بالذات مو يوم المقاهي ..

مو لايق عليك ..

يالحبيب .. قرر من الآن ..

ورح مع ربعك الملعب .. وحط تعميرتك بالشنطه .. ثم أنسدح بالدائري ..

ترى المعسل_اللي ماأنصحك به_بعد الفوز يصك في الراس ..

..................

همسه حزينه :

مدري ليش المنتشري كاسر خاطري اليوم

-------------------

همسة أخيره :

اللي ناوي يجي .. ويسب باكيتا.. ويصيح على كماتشو .. و(يسفل) بالخثران ..

تكفووون يرقد قدام الاوربيت الاعلاميه .. او يجلس بالمقهى وحسابه علي ..

أوكي؟

________

ختاماً:

آسف ان استظرفت ولم أوفق..

أو استخففت دمي الثقيل عليكم في هالصبحيه ..

ولكن اعذروني والله من وراء القصد ;)
سلام[/align]

للابداع عنوان · #2 07/07/2005, 07:33 AM

انشاء الله 80 الف مشجع هلالي باذن اللي ماتنام عينه

مغرور حدي · #3 07/07/2005, 07:33 AM

صباح الخير ابو ساره

ياحظ الي بالرياض بس

<<<<<<<<<<<<<<<<<<< محروم حتى حجز مافيه

وانشالله الجمهور مايقصر

تحياتي لك ابو ساره

سعد العثمان · #4 07/07/2005, 07:36 AM

اليوم ان شاء الله جاي مع رابطة الشرقية.

عــشــق الــكــتــابـه · #5 07/07/2005, 07:46 AM

[frame="7 80"][align=center]مبدع اخوي ابو ساره

دائماً مبــدع

اما سوالفك مع نفسك العزيزه شي ثاني

<== دخل معــها جــو رومانســي

انا كلامي من كلامك اخوي

الاخوان اصحاب ابو هيثم وهالمقاهي لازم يشوفون لهم حل

اما الاعدام بالكهرباء او الحضور للملعب <==== حلوه بالكهرباء ذي

اتمنى من الجمهور الهلالي في كل مكان الحضور والمؤازره

مو نجلس ثلاث ارباع المباراه ساكتين

والتفاعل مع الرابطه ماحولك احد :sad:

على العموم الاخوان فيهم الخير والبركه

ومشكور خيووو على الموضوع الحلو

ياحلو انت

تحياتي

عــشــق الــكــتــابــه[/align][/frame]

استهلال · #6 07/07/2005, 07:48 AM

يسلمــــو ويعطيك العافية....
الهمه..

الهمه..

ابوعسكر · #7 07/07/2005, 07:48 AM

ابوساره يسلمو حبيبي موضوع رائع الان الساعه 7:48 وياجماعه ماني قادر انام
ياني متفائل في هالمباراه تفائل غير عادي
يارب ياكريم انك تنصر الزعيم

عا iiiـق الـiiiـلهوب · #8 07/07/2005, 07:57 AM

ولا يهمك اخوي

80 الف

وارقد وآمن

ابو جبره · #9 07/07/2005, 07:58 AM

يهلا والله با ابو ساره

حبيبي على هالصبحيه استخف دمك بيدينك ورجولك انا امس كنت متشائم قمت اليوم مدري لييه احس

ان الهلال بيركوون الاتحااد بس تصدقوون اني ابروح من العصر واخاف ما القى مكان

مشكوووور يا ابوسااره وشعت صدووورنا على هالصبحيه وسلملي تكفى على نفسك العزيزه

يالجماهير تكفوون نبي تفااعل ماصار ني الاحظ جماهيلانا تتفااعل قبل المباراه والشوط الاول وبعدين يهجدوون ليييه

نبي صراخ وتشجيع نبي الملعب يهتز

العتيبي2005 · #10 07/07/2005, 08:00 AM

ياعمري انت فللللللللللللله الموضوع هذا

يالبا قلبك يابو ساره تحمسني ودي الحين اروح للملعب واحجز مكان خخخخخخخخخخخخخ

وانا اول الحظور ومعي ذا البزارين اللي بالحاره كلهم بجمعهم واخذهم غصبا عليهم بالباص خخخخخخخخخخخ

الهلالي- ابوسارة · #11 07/07/2005, 08:03 AM

أخوي عشق الكتابه ..

يا هم ( باااطين ) كبد كبد البنكرياس اللي عندي ..

تلقااهم في المقااهي ألووف مؤلفة ..

لو حضروا في ملعب النيو كامب ( ترسووه ) ..

بس إحساسي اليوم يقول انهم راح يبيضوونها ..

العتيبي2005 · #12 07/07/2005, 08:09 AM

8
8
8
8
8
قل ان شاء الله يارب

s e a f · #13 07/07/2005, 08:10 AM

يعطك العافيه ابو ساره

وانشاء الله هلاليه

هلالي في كندا · #14 07/07/2005, 08:12 AM

ههههههههههههههههههههههه

يليتك تكتب كل يوم موضوع يابو ساره بصراحه مواضيعك حلوه ودمها خفيف ما شاء الله عليك ,,,,,,

تصدق اني تحمست احضر !! لكن البركه في اهلنا في الرياض وما جاورها يملون الاستاد ,,,,,,,,

هالمباراه بصراحه ماهي مباراة مدربين (لأنهم لعبو مع بعض الين قالو بس) ولا لاعبين (لان الفريقين عندهم نجوم وعارفين بعض) انما هي مباراة جماهييييييير

يارب ياكريم توفق الزعيم ,,,,,,,,,, يارب توفق سامي ورفاقه قدام الاتحاد ,,,,,,,,

يارب تحمي لاعبينا من شر البلوي واتباعه ,,,,,,,,,, اللهم رد كيدهم في مفاصلهم ,,,,,,,,

تحياتي لك

روحي الزعيم‍ · #15 07/07/2005, 08:13 AM

هلا والله وغلا ابو سارة

انا جالس ارفع موضوعك الي قبل هذا لاني حسيته من المواضيع الي تحمس الجماهير للحضور بس تصدق يالله قدرت الحقه في الصفحه الرابعه من كثر المواضيع الي كلها على غير سنع البلوي والقحطاني

ليلة مباراة تاهلك على نهائي اغلى الكؤوس والعالم شغاله تكتب البلوي قال والقحطاني صرح

المهم ياحيالله ها الطالة ابو سارة<<<<<<<<<<<<بدري

وربي انا متفائل بشكل كبير ان الفوز ازرق مستوى ونتيجة بأذن الي ماتنام عينه ;)

وانشاء الله نشوف لك مقال وابداع ثاني بعد التاهل