[align=center]

السلام عليكم ورحمة الله وبركاته

تحيه معطره برائحة البن البرازيلي والكركدن الاستوائي والزئبق الماليزي لجميع رواد المنتدى .. ماابي اطيل عليكم في المقدمه لاني بصراحه اكره المقدمات تذكرني بحصص التعبير ايام المدرسه..


بصراحه ما ادري وش خلاني اكتب هالموضوع لاني كلي كسل وثقل واحباط..

فمن اجازه قصيره الى فصل صيفي طويل..

ومن طبيعة وسحر ودفء ماليزيا الى حر ورطوبة الخبر والظهران..

ومن شواطئ جوهرو بارو الى شواطئ نصف القمر..

ومن النظام والدقه في كل شيء الى التسيب والمزاجيه والفرديه..

المهم مالكم بالطويله ادخل في الموضوع مباشره..

ذكرياتي وذكرياتك وذكريات كل واحد منا وتدوينها..


من الطبيعي ان لكل واحد منا مواقف مضحكه او محزنه او محرجه من ايام الطفوله الى الان ومن الطبيعي ان تكون بعض المواقف حصلت مع الاصدقاء وغيرهم والاكيد ان كثير من هالمواقف عالقه بالذاكره ولكن هل لديك مذكرات تدون فيها المواقف او اليوميات اللي تحدث معك..


من جماليات هالعاده انك اذا فتحت مذكراتك من فتره للثانيه تتذكر المواقف اللي حصلت معك وايضا تشوف اسلوبك كيف كان وشلون تغير وتطور اضف على ذلك ان المذكرات لاتخلو من كتابات وتعليقات بعض الاصدقاء والمقربين..


عندي بعض التساؤلات تبيكم تشاركوني فيها..

* الملاحظ ان البنات هم اللي يهتمون بهالسوالف ويحرصون عكس الشباب دجه (ماعندهم سالفه)., لماذا؟

* لماذا لايرغب الاغلبيه بان يرى شخص اخر مذكراتك؟ هل هي الخصوصيه ام الاحراج ام ماذا؟

*ماسر هذه العباره عند البنات "اكتب لك بالاحمر علامة الحب الاكبر واكتب لك بالمقلوب علامة..... :p " والاحظ ان مافيه مذكره قريتها او زرفتها (هوايتي المفضله) الا فيها هالعباره؟؟!!

* هل يوجد في بعض الكتابات من قبل الاصدقاء مايتجاوز المعقول من حالات الاعجاب المتبادل ومايتخطى الخطوط الحمراء؟ وماتفسيرها؟


وبعد ماقضيت من اللي ابي اقوله وحطيت كل تساءلاتي امامكم.. اترك المجال حتى كل واحد يقرا من مذكراته بالقدر اللي يبيه وان كان دجه (سبق شرحها ) مثلي لا مذكرات ولاهم يحزنون عندك ثلاث وردات تهديها لمين وطبعا بدون نصب وخرابيط(الى حبيتي وعشيقتي) وبدون مجاملات ومصالح مع الاعضاء ;) ..


وانا بابدا بنفسي..

الوردة الاولى:// الى خالي ابو خالد الله يذكره بالخير.. هذا بزماننا كنا نسميه نصير البزارين..كان دايم ايام الاستراحات والسفرات لابها زمان يشفع لنا نلعب كوره مع اللي اكبر منا .. تدرون حكم القوي على الضعيف ونظرية هدني وهديتك ويوم مايبقى الا حنا البزارين يقولون يالله برا ماكم مكان ومالنا الا ابو خالد ولاشافوه مقبل من بعيد حطونا حرامية بيبان بس مافيها يانلعب يانخرب..

الورة الثانيه:// الى استاذي حسن الدريهم مدرس الرياضه في الثانويه .. هذا كان فله وانا وياه كذا لاني كنت معه في فريق المدرسه واسرع واحد يركض(عداء المدرسة على غفلة) واذكر اني ما احضر الا الحصتين الاولى والباقي يا اما برا المدرسه او يطلعونا بدري علشان التمرين في العصر..اما الحصه اللي عقب الفسحه ما اذكر اني حضرتها ابد بحكم اني احكم المباريات في الدوري بين الفصول وكنت مشهور في المدرسه بلقب عمر المهنا..

الوردة الثالثة:// الى حبيب قلبي ابو تركي (بمبا سابقا)..هذا واحد من الشباب المقربين لي ترك الجامعه واشتغل بارامكو واتزوج..طبعا خصيته بالذات لانه ياما حس في معاناتي ودايم يعزمني في بيته (تدرون عزوبي وبعيد عن هلي وذابحني اكل المطاعم) والله يباركلي في ابو تركي ولايحرمني منه..


والحين جا دوركم ولاتحرموني من ردودكم ومشاركاتكم وبالتوفيق للجميع..

تقبلوا تحياتي[/align]

بكل صراحة ما قد كتبت ذكرياتي ولا قد فكرت أكتبها

جميلة جدا كتابة المذكرات لمجرد الذكرى وأحيانا لانكتبها تبقى عالقة في أذهاننا . . .


أخي هلالي الظهران في كل شي لاتعم ، فأنت عممت بأن الشباب - من ناحية كتابة المذكرات ، والحفاظ على الذكريات - بأنهم دجه وأن البنات هم اللي يهتمون بالشي هذا أبدا كلامك غير صحيح فلكل منا له ذكرياته الجميلة ويحتفظ بها إما بتدوين أو تكون عالقة في الذهن أو غير ذلك . .

- أسلوب ( دجه ) مايليق بشخص متعلم ومثقف مثلك ( وجـهة نظر ) .

كتابة المذكرات للناس المبسوطين

أما اللي كل أحداثة في الماضي مآسي وجروح ويبغى ينساها

ليش يكتب مذكرات ................... لا زم يفتح جروح الماضي

و البنات يكتبن المذكرات أكثر لأنهن بطبيعتهن رومانسيات وأحلام اليقظة فيهم واردة

أما أبو الشباب ........ يا لعب كورة في الحارة ولا جلسه على الرصيف

و الورود الثلاثة ............. لاني ما أحب المجامله ......... ما عندي أحد أهديها له

مشكور على الموضوع الجيد

power-off

اخوي هلالي الظهران.....

يعطيك العافيه على الموضوع الجميل..

وعن كتابة المذكرات.....بصراحة فكرت في يوم من الايام اني اكتب مذكرات..بس للاسف ما عرفت اشلون ابدأ

حنا يالشباب مذكراتنا واااجدة وكثييييرة .... ويمكن اكثر من البنات بعد.. هذا بحكم طبيعتنا اللي فيها روحات وجيات وطلعات واللي تحصل فيها كثير من الواقف... بس مشكلة الشباب انه مو فاضي للحركات هذي ..كتابة ومذكرات وخرابيط.....وراه حاجات يمكن تكون اهم ....وراه مشاوير الاهل...رح جب امك ...رح جب اختك ..رح اشتر خبز..

اما البنات وش راهم ما غير نوم النهار وسهر بالليل عشان كذا يحبون يشغلون وقتهم بكتابة هذي المذكرات...

اما بالنسبة للوردات الثلاثة:

الوردة الاولى والثانية:// الى خالي ابونايف (لا تقول مقلدك تراها في بالي من اول ) الله يذكره بالخير..صح انه عصبي ومزعج ..بس لو احبه ..لانه قبله ابيض..

اما الوردة الثالثة:// اسمحلي عاد ولا تحرجني سر المهنة .......واللبيب بالاشارة يفهم