#1  
قديم 27/06/2005, 02:47 PM
زعيــم مميــز
تاريخ التسجيل: 22/12/2001
المكان: ارض الله الواسعه
مشاركات: 1,703
الدوخي انت وعّ ... هذي عاقبة اعمالك ياريّسنا ... ونشوفكم بعد شهر ياأعضاء شرفنا..!!

[align=center]السلام عليكم ...
مساكم الله بالخير جميعاً ...

هارد لك ياجمهور الهلال رحيل الدوخي ... والله يعوضنا بأخير منه ان شاء الله ...
ابتكلم عن 3 نقاط رئيسية في هالموضوع : الدوخي وجماهيرنا ، الرئيس ، حبايبنا اعضاء الشرف ...


[line]
الدوخي ... رح للاتحاد يا وعّ ‍‍‍‍!!
للاسف هذا حال جمهورنا ، يغطون حزنهم بالمكابرة ... فهي تعتقد انه من العيب انك تحزن على الدوخي وتعتقد ان هذا ضعف لانك سلمت بقوة البلوي وتعترف انه هزم الهلال في هالصفقة ..!! للاسف هذا واقع يهربون منه ... واقولها الان ، نعم البلوي وضع الرياضة بأكملها في جيبه ... فالاعلام اتحادي ، والاتحاد السعودي اسم على مسمى !! والاندية تخطب وده ليأخذ احد لاعبيها ((بهاك العدّه)) !!

هذا جزء من الجماهير ، نروح للجزء الثاني اللي يقولون خلوه يروح مانبيه ... وبكل اسف يقولونها وهم جادّين..!! طيب ياحبايبنا اذا راح الدوخي من بيحل محله ؟؟؟ اسألك بالله تشوف في الياس او العصفور مةاصفات النجم اللي يسد خانة الظهير الايمن ويبدع فيها مثل التخيفي ، الصويلح ، الدوخي ؟؟؟ سألتك بالله وش تفضل يلعب الدوخي ولا الياس ؟؟؟ وهل معقولة ان كل اللي دربوا الهلال مايفهمون كورة ؟؟ اي مدرب تلقى الدوخي اساسي معه ... معقولة لهالدرجة مدربينّا داجين ؟؟؟
وبهالمناسبة ... ابعطيكم ابرز لقطات الدوخي هالموسم ... وقولوا لي بعدها الدوخي وعّ ولا لا ..!!
- تجهيزه لهدف سامي في احد ..
- تجهيزه لهدف ديسلفا في النصر ..
- تجهيزه لهدف الشلهوب في الوداد ...
- تجهيزه لهدف العنبر في القادسية ...
- تجهيزه لهدف الصويلح في القادسية ...
هذا اللي اذكره بس..!!


[line]
رئيسنا ... عساك عرفت وش يصير البلوي ؟؟

لا خلاف ابداً على ان الامير محمد بن فيصل انتشل الزعيم من القاع الى القمة وشهد الهلال بحضوره تطوراً هائلاً لا من ناحية المستويات ولا من ناحية الادارة ولا من ناحية البطولات ...
ولكن ، كأي عمل اداري لا بد ان يكون هناك سلبيات ...
رئيسنا الله يحفظه اعلن ان هناك كلمة شرف بينه وبين البلوي بخصوص الانتقالات ، واتفاقهم على مخاطبة النادي اولاً ... رئيسنا الله يحفظه لهلالنا راح مع البلوي وحيّا جمهور الاتحاد كروح رياضية ..!!
هذا البلوي يابوسلطان اللي عطاك كلمة شرف و رحت تحيي جمهوره معه قبل ان تجف دماء مشجعين الازرق ... هذا هو وقع مع الدوخي ولا حتى سأل فيك ... ولا في كلمة الشرف اللي عطاكياها ... هذا البلوي اللي يبدو انك امنت جانبه ... ولا الومه ، فاذا كنت انا قذر واتعامل مع شريف فهذي ابرك الساعات ... لكن الومك انت اللي شفت البلوي يسحب خميس من الهلال وبكل بجاحة يطول لسانه على بندر بن محمد ... واخرتها يكون هذا تعاملك معه ...


[line]
اعضاء شرفنا ، نشوفكم في النهائي لا تخلونّا هماه ؟؟؟

نجي عاد للنقطة الاهم ، اعضاء شرفنا الله لا يخلينا منهم قولوا امين ... من يصدق ان اعضاء الشرف الله يطول بأعمارهم يشوفون كل هالمستويات الراقية والعمل الجبار و لا يدعمون ؟؟؟
تصدقون ياجماعة الخير ان اعضاء الشرف هالموسم مادفعوا الا 5 ملايين ؟؟ 3 من الوليد ومليون من ابناء مساعد ومليون زدته من عندي قلت يمكن احد اعضاء الشرف دفع ولا علمنا ((ايه هين)) ... وفي المقابل نجد ان ابوسلطان ووالده دفعا اكثر من 30 مليون في هالموسم فقط..!!
وبحسبة بسيطة ،،،
5 ÷ 30 = 0,16
0,16 × 100 = 16,6% << هذي نسبة مادفعه اعضاء الشرف من اجمالي المصروف على النادي !! يعني ابوسلطان ووالده تحملوا 84,4% من مصروفات النادي واعضاء شرفنا نايمين في العسل الله يحييهم..!! هذا اذا كانت حساباتي صحيحة وان اعضاء الشرف فعلا دفعوا 5 مليون ..!!

للاسف ولا واحد من اللي شفناهم في نهائي كاس ولي العهد يترززون قدام الكاميرات تدخلوا لانهاء ازمة الدوخي ... ولا واحد من اللي مهنتهم التصريح في الجرايد تدخلوا لانهاء ازمة الدوخي ...

ولو ركّزتوا في وضع اعضاء الشرف تجدوني مااتكلم عنهم عشان ازمة الدوخي لا بالعكس ... الازمة اكبر ... وتوضيحها في السؤال التالي :
مالذي يجبر الامير محمد بن فيصل للبقاء موسم اخر ويدفع 30 مليون واكثر كما حدث هذا الموسم ؟؟؟
اذا استمروا اعضاء الشرف على وضعهم هذا فيدورون لهم رئيس جديد من الحين ..!! وقبل لا يدورون رئيس جديد يولمون مشالحهم ترا المباراة النهائية قريبة لا تخلونا اذا تأهل الهلال ...

وسلامتكم ... [/align]
اضافة رد مع اقتباس
  #2  
قديم 27/06/2005, 02:56 PM
زعيــم متألــق
تاريخ التسجيل: 11/03/2005
مشاركات: 1,214
هذا يكفي

الامير محمد بن فيصل انتشل الزعيم من القاع الى القمة وشهد الهلال بحضوره تطوراً هائلاً لا من ناحية المستويات ولا من ناحية الادارة ولا من ناحية البطولات ...
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 02:30 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube