#1  
قديم 27/06/2005, 11:27 AM
زعيــم متألــق
تاريخ التسجيل: 21/04/2005
المكان: بجوار الزعيم
مشاركات: 1,012
حبايبي الاتحاديين

[align=center]بسم الله الرحمن الرحيم








الوداع يا احمد

الوداع الحار مني ومن كل عاشق هلالي لك

ايها المخلص ايها النجم ايها الشاب الخلوق



ودعت الدوخي بعبره شقت حلقي شق

راح الدوخي للاتحاد ويارب ما يكون مكانه الاحتياط زي غيره

كثير من عامة الجمهور جرح وغلط على احمد ليييش ؟؟ وبأي حق

الولد يدور عن تأمين مستقبله ولو اي واحد في مكانه كان سوا نفس الشي

تخيل يجيك عرضين واحد 3 مليون والثاني سمعنا انه يفوق الـ6 مليون وش راح تختار

لا تقول لي باختار النادي اللي احب والا الجمهور اللي شجعني لأن هذا كلام ماخوذ خيره

تصرف الدوخي عين الصواب وحنا الحين في عصر احتراف ولازم نتقبل فكرة اننا نفقد اي

لاعب اذا ما قدرنا نوفر له العرض الافضل سواء كان الدوخي او حتى الشلهوب والتمياط

اذا اتفقنا على ان تصرف الدوخي صحيح فهذا ما يخلينا نحكم على تصرف الاداره انه غلط

الادارة عندها ميزانية معينه والبلوي راح يرفع بالمبلغ حتى يوصله الثمانية او حتى العشره

طيب في حال وصل المبلغ للعشره هل نزيد عليه وهل الدوخي صاحب الـ 28 عاما يستاهل

هالمبلغ الفلكي اعتقد ان تصرف الادارة حكيم والنادي اللي طلع الدوخي يطلع احد مثله

او احسن منه .

نرجع لسالفة بعض هالجماهير الراقين اللي صار يسمون احمد الدوخي بـ اهمد الدوكي

بالله هذي اخلاق ناس مسلمين

بالله هذي اخلاق ناس رياضيين

بالله هذي هي الخاتمة عندكم

الولد لعب معنا مواسم كثيره وفرح معنا وحزن معنا وكان من افضل الاعبين اخلاقا

واكثرهم انضباطا .

هل البحث عن تأمين المستقبل صار عندكم الحين عيب وخيانه

والادهى من هذا تطاولكم على الامير محمد بن فيصل

هذا الشاب اللي قدم كل شي لكم

ودعم الهلال ماديا ومعنويا

ووافق ان يتولى منصب الرئيس في وقت الكل ابتعدوا عن الهلال

واحرز مع الهلال في اول موسم له مع الزعيم ثلاث بطولات والرابعة ان شاء الله في الطريق

واحضر الداهية باكيتا بعد بقايا المدربين اللي دربوا الهلال في المواسم الماضية

واحضر احد افضل الاعبين الاجانب اللي مروا على الكره السعودية تفاريس

بالاضافة الى الساحر كماتشو .

هذا رد المعروف تغلطون عليه وتعيرونه ببعض الالقاب الغبية اللي ما تمثل الا عقلية صاحبها

لو اختار الحين انه يبتعد عن الهلال ويرتاح في بيته من مطالبكم اللي ما تنتهي هل بتسير انت

والا الثاني امور النادي وهل انت اللي بتدعم والا ابوك .

الرجال ما قصر معنا وحقه اننا نوقف معه ونحضر مباراة الاتحاد بكثافة ونزف الزعيم للنهائي

من بوابة العميد وملايينه اللي ما راح تشفع له يوقف كند للزعيم لو يكون بيل قيتس عضو

شرف فيه .

الشي الوحيد اللي اثلج صدري في الموضوع انه افرز لنا بعض العقليات الرياضية الواعية

اللي افتخر بوجودها في هذا المنتدى .

كلمه اخيره .

حبايبي الاتحاديين جبتوا البلاوي لانفسكم وتذكروا كلامي في استاد الملك فهد . [/align]
اضافة رد مع اقتباس
  #2  
قديم 27/06/2005, 12:25 PM
الصورة الرمزية الخاصة بـ **ABU S3OOD**
زعيــم مميــز
تاريخ التسجيل: 01/04/2002
المكان: K.S.A
مشاركات: 3,105
بالتوفيق للزعيم وله
اضافة رد مع اقتباس
  #3  
قديم 27/06/2005, 02:23 PM
زعيــم متألــق
تاريخ التسجيل: 21/04/2005
المكان: بجوار الزعيم
مشاركات: 1,012
وبعدين فيه سالفه ثانيه خاشه عرض

يا ناس يا عالم شوفوا لنا حل مع السيرفر

والله شي يرفع الضغط كل ما جينا ندخل الموقع علق معنا
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 07:34 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube