#1  
قديم 26/06/2001, 12:25 PM
زعيــم نشيــط
تاريخ التسجيل: 19/04/2001
المكان: الرياض
مشاركات: 946
تدمير الزعيم................هل هو من الداخل ام من الخارج

حبايب البي.....
نبي نتكلم بشوية صراحه....
شفتوا الهلال هاالسنه وشلون؟؟
شفتوا تفكك اعضاء الشرف!!!
ومشكلة المدير مع اللاعبّّّّّّّّّّّ!!!!!
مالاحظتوا نها مشاكل جديده وخصوصا على فريق بحجم الهلال....
ومن السبب وهي هي مشاكل استحدثها الهلال !!!!
والا انه فريق بداء يترنح وخصوصا في اتخاذ القرار....ومن المسؤل اللي يمكن يوجه له مثل هاالسؤال.
ومن اللي يملك حق التصرف والتصريح والأعلان عن اي خطوه يتخذها النادي!!!!
ونرجع لمشكلة القرن اللي قامت بين فيصل والمصيبيح....
هل حنا اللي اعطيناها اكبر من حجمها والا الموضوع فعلا حساس,ويستحق ردود الفعل اللي ترتبت
على القضيه....
عدة اسأله احتار فيها صاحب القرار اكثر من المشاهد والناقد والمشجع....
والمشكله اللي تبي تبان وتظهر ,وهي ماسوف يترتب على هالمشكله...اذا استمر فيصل بالفريق
والمصيبيح ايضا...وكيف راح يكون التعامل بينهم...
هل راح ينسون اوراح يتكيفون مع بعض ....
والمشكله هذي عملت بدقه ورتب لها ترتيب جيد...
اذا لاحظنا ان الذي تكفل بخلق المشكله اللي بين الأمير بندر وبين اللاعب فيصل هو نفس الشخص اللي اثارها ويحاول يسكب البنزين على النار....
وبأختلاف الأراء الجماهيريه يبقى السؤال الأهم!!
هل عقلية اللاعب وعقلية الإداري وصلت الى هذا الحد .................!!!!
واذا كانت المشكله بغض النظر عن كونها صحيحه او مبتدعه.....
الى متى ونحن نسمح لمن يثير المشاكل ان يلاقي هالعقليات الي تتفاعل معه ويحيهاويوفر لها المناخ
اللازم لنموها ورعايتها....
الغريب ان اللي نعرفهم زين ومعجبهم الوضع الى الآن ماتدخلوا بالموضوع ...
ولاندري هل هي شماته او رحمه على زعيم دوري ذٌل!!!!
وليه ماصارت هالمشكله بالأنديه الأخرى ؟
اذا عرفنا اننا الوحيدين اللي ندعي بالمثاليه ونحاول تطبيقها حتى في اسواء حالات النادي....
الأسئله كثير ....
وشح غريب من المسؤل عن الإجابات...
والجمهور في حيره كبيره.......
ولاندري من اللي معنا او اللي ضدنا....
لا....لاعبين
.....لاحلول..
.....لامدرب
....لاتوقيع عقود
....ولاندري لمصلحة مين....
كل هالأشياء

-------------------------------انبراشات-------------------------------------------------------
@ اسواء شيء الصراحه ...وهي اللي نرفضها لأنها تفضحنا...وهي اهم شيء نحتاجه في هاالوقت
@ ماندري وش التعامل اللي راح يكون عليه التعامل بين الإداره واللاعبين.....
@ الى الآن ماندري من الغلطان.....فيصل والا المصيبيح
@ بالهلال التعاقد مع مدرب تتابعه وكأنها مباراة مصيريه اوركلات ترجيح..
وبالأنديه الثانيه التعاقد بسلاسه مطلقه ومايحتاج الا يوم او يومين.....واهل مكه ادرى بشعابه
@ يقولون ان الهلال يفاوض (نور) ومااقول الا الله ينور على عقل اللي جاب هاالخبر...
@ سامي شاص...الظهير الأنسب لشغل الموقع....التحام وبنيه وفكر كروي......بس....يبيله
@ حصول الهلال على البطولات اللي العام نشوفها او نقولها بـ إستحياء بـ إستثناء العربيه
@ السؤال في عالم الكره عن ( الكيف) افضل من ( الكم) وخصوصا على مستوى البطولات
@ الهلال سابقا كتاب مفتوح تعرف كل شيء وخصوصا التعاقد وخلافه...الآن كل من ايده الوه.
@ اتمنى اني اكون غلطان بكل ماقلت بس الحقيقه تفرض نفسه
  #2  
قديم 26/06/2001, 03:39 PM
زعيــم فعــال
تاريخ التسجيل: 16/04/2001
مشاركات: 473
Thumbs up

السلام عليكم...



حياك الله ياخوي يابورشا الله أني ولهان عليك وعلى(الأنبراشات الحلوة)!!



ولكن حب الهلال وتشجيعة يبغالة تعب شوي...



وأرجوا منك ياعزيزي أن تتحفنا بأكثر من أنبراشة جديدة:p :p :p



ولك تحياتي؛؛
  #3  
قديم 26/06/2001, 05:26 PM
زعيــم نشيــط
تاريخ التسجيل: 16/11/2000
مشاركات: 568
الله يعطيك العافيه أخوي ابو رشا تسلم يمينك يالغالي موضوع أكثر من رائع بس فيه نقطه واحد أختلف معك ألا وهي أن البطولات لا تعترف إلا بالكم والكم فقط أما الكيق فسوف يذهب مع أدراج الرياح

وتسلم أخوي والله يعطيك الف عافيه
  #4  
قديم 27/06/2001, 10:47 AM
زعيــم نشيــط
تاريخ التسجيل: 19/04/2001
المكان: الرياض
مشاركات: 946
حبيب البي الليور......
مشكور على مشاركتك وابداء الراي ......
وبالنسبه لنقطة( حب الهلال يبيله تعب ).....بصراحه ياليت لو توضح شوي.....

اخوي عواكيس....
مشكور حبيب البي.....
وبالنسبه ان البطولات تعترف بالكم انا معك......
والكيف يضل هو اللي يستشهد به من جميع النواحي........
من حيث نجوم الفريق وكيف كانت طريقة لعبه....ومن المدرب وكيف كان اسلوبه وماالى ذلك....من امور.....
ولو لاحضنا على سبيل المثال.....
ان فريق ريال مدريد اكثر فريق اوربي تحقيقا للبطولات....وهذا من سجلات الإتحاد الدولي...
ولم يشفع له الآن تاريخه الى مقارعة الفرق الكبيره مثل يوفنتوس....اوبارما او بايرن...اوسراي
والمشكله القائمه ان هذا الفريق وبحكم موقعه الأوربي والتطور الإحترافي الذي تعيشه الكره الأسبانيه
الا ان هذا الفريق محكوم تقريبا من (الكنيسه).....ويظهر جليا ماقام به مسؤليه عندما تم التعاقد مع
( انيلكا)وتم تنظيم استقبال حافل ومن ضمن الترتيب ان يذهب من المطار الى الكنيسه لمقابلة (البابا)
الا انهم صدموا بحديث اللاعب عندما وصل المطار واجتمع عليه الصحافه لسؤاله واجاب:
لن اتحدث الا بعد ان اذهب الى المجمع الإسلامي لأداء الصلاة.....
ومن هذا التصريح دبت الخلافات بينه وبين انصار الفريق على اختلاف مستوياتهم......
ومن هنا لاحظ الفكر الذي يتمتع به هذا الفريق على مختلف المستويات والذي له التأثير الأكبر على مسيرة الفريق.....
وهذي القصه ليست لها علاقه بنادينا ولكن من باب ذكر ان الفكر لهذا النادي لم يشفع له بالإحتفاظ بالأفضليه لكثرة بطولات.....فانظر كيف يتعامل وكيف حقق بطولاته
  #5  
قديم 27/06/2001, 06:41 PM
زعيــم فعــال
تاريخ التسجيل: 05/04/2001
المكان: الرياض
مشاركات: 238
السلام عليكم
أخي الغالي أبو رشا
انا اتفق معك في نقطه مهمه
جدآ الاوهي نقطة المدرب,مادري وش الاسباب
الي تخليهم يتأخرون في ذلك,واتوقع بيبدا كأس
الاتحاد ومابعد جبنا مدرب(اتمنى كلامي يكون غلط)

ودمتم
وعلى دروب الخير نلتقي.........
  #6  
قديم 27/06/2001, 07:55 PM
زعيــم نشيــط
تاريخ التسجيل: 19/04/2001
المكان: الرياض
مشاركات: 946
حبيب البي دكتور.....
والله هاالمدرب قضيه بحاله......
والحين المشكله ان هناك انقسام بين صناع القرار في نادينا.....
ومن ها المنطلق مش قادريين يحددون نوعية المدرسه اللي تتمشى وتطور لاعبينا.....منهم من يقول البرازيل ومنهم من يؤيد المدرسه الاوربيه وخصوصا الشرقيه.....
والواضح جدا لنا ولمستوى لاعبينا ان المدرسه الأوربيه هي الأنسب .....
ومادري حنا نلاقيها من المصيبيح وفيصل....والا من المدرب والا من العقود والا من مين والا من مين.....
لكن الله يكتب اللي فيه الخير.......
  #7  
قديم 27/06/2001, 10:32 PM
الصورة الرمزية الخاصة بـ صدى الامس
عميد المجلس العام
وعضو سابق بلجنة تطوير المجلس العام
تاريخ التسجيل: 26/02/2001
مشاركات: 4,223
اخوي ابو رشا هذا الحال الذي يعيشه الهلال

لم يكن اكثر المتشائمين يتوقعه

لكن الواحد يقول الله يستر من الجاي
  #8  
قديم 28/06/2001, 02:02 AM
زعيــم نشيــط
تاريخ التسجيل: 19/04/2001
المكان: الرياض
مشاركات: 946
حبيب البي ياصدى الأمس......
ياصدى من غير صوت......
الغريب واللي متفاجيء منه انه هل كل اللي يحصل الآن مخطط له سابقا او بمحض الصدفه.....
حتى على مستوى الكتٌاب تلاحظ الإنقسام اللي يبنهم وبن مؤيد ومعارض ومحبط ومحرض...........
وعلى فكره المدرب المقدوني اللي يفاوضه الهلال....واللي سبق وان درب فريق جابليو....
مدرب تكتيكي من الطراز الأول....
حتى ان الإتحاد الياباني فاوضه ولكنه رفض بسبب العرض المالي....
ويمووووووووت بشيء اسمه صناعة اللاعب وتبنيه ودعمه.....
  #9  
قديم 28/06/2001, 02:48 AM
زعيــم جديــد
تاريخ التسجيل: 14/06/2001
المكان: الرياض
مشاركات: 22
Lightbulb آه ... يالقهر

آه يالقهر .. ماقول الا ياليتك يا خالد بن طلال ( كملت ملف الترشيح ) ومسكت رئاسة الهلال اربع سنوات .. كان هذا الموسم 8 بطولات .. ولامشاكل مع اعضاء الشرف ولامشاكل اداريه ولا مشاكل مع اللاعبين .. ولا غيره .. خبره وعقليه ( وكاش ) وشخصيه قويه ولسان يحبه قلبك .. لكن مهي مكتوبه للزعيم

( عدم ترشيح خالد بن طلال لرئاسة الهلال .. كان اسعد خبر للانديه المنافسه )
  #10  
قديم 28/06/2001, 03:01 PM
زعيــم نشيــط
تاريخ التسجيل: 19/04/2001
المكان: الرياض
مشاركات: 946
حبيب البي.....لمسات
كلام حلووووو
واعتقد ان الرئيس الآن فيه الخير.....
وانشاء الله انه يتلافى كل الأخطاء( الغير مقصوده) اللي صارت....ويرتب الأوراق من جديد....
   

 

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 04:54 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube