إقتباس * سمو الأمير بندر بن محمد أخطأ في وقتٍ مضى ، وسمو الأمير عبدالله بن مساعد كذلك ، وليس عيباً أن يُخطئ سمو الأمير محمد بن فيصل الرئيس الحالي فهو من البَشرِ ولا داعي للدفاعِ عنهُ بغيرِ المنطقِ فذلكَ سيؤثرُ على مسيرتهِ الرئاسيةِ كما أثـَّر على من قبلهِ على مرِّ السنين ،،،

يظهر ان البلوي انه حط ابو سلطان في جيبه واقرأ هالتصريح لرئيسنا الغالي :

( رئيس الهلال يشيد بالتعامل الحضاري لرئيس الاتحاد ويقول:
الدوخي انتقل بموافقتنا.. وأتمنى له التوفيق

بارك رئيس نادي الهلال الأمير محمد بن فيصل بن سعود لأحمد الدوخي انتقاله للاتحاد، وتمنى سموه للاعب التوفيق في مشواره القادم.. وأشاد رئيس الهلال بالتعامل الحضاري من قبل رئيس الاتحاد منصور البلوي مع انتقال الدوخي وأوضح سموه أنه تلقى اتصالاً من البلوي بعد عرض الهلال الدوخي على لائحة الانتقال، حيث استأذن البلوي في مفاوضة اللاعب، كما أنه اتصل بسمو والدي الأمير فيصل بن سعود للغرض ذاته، وقد أكدنا له أنه لا مانع من مفاوضة الاتحاد للاعب، لأننا لم نصل مع الدوخي لنقطة تفاهم.
وأكد الأمير محمد أن الهلال والاتحاد سيصلان لنقطة تفاهم في مبالغ انتقال الدوخي والتي ستصب في خزينة الهلال.. وقال لن ننتظر قرار لجنة الاحتراف والاحتكام إلى المسطرة )

والخافي أعظم !

اقول بنجلس سنين وسنين عشان نعوض الدوخي

ورددو ياليل مطولك

ياناس مع احترامي للجميع والله مافيه لاعب سعود يستاهل هالمبالغ بس جاب الله هالتفيخ ودراهمه جعله يتمناها والله لو جايه فقير ما عطاه شىء . هذا المريض في باله انه يحارب الهلال لكن لن يستطيع.
اللي خلق الدوخي بيخلق غيره.والدوخي لاعب منتهي حتى الخانه في المنتخب ما ضمنها.

كلام رائع

هذا وقت احتراف.....والزعيم ما راح يتوقف لما يرحل الدوخي أو غيره عنه...

[align=center]الدوخي انتهي


اللى مايبي الزعيم حنا ما نبيه[/align]

إقتباس الرسالة الأصلية كتبت بواسطة الفــــــــاضي ماخذين الموضوع اكبر وخير ياطير راح الدوخ ماهو اول ولا اخر لاعب يروح ثاني شي الاعب اللي يساوم الزعيم مانبيه .... ويحمد ربه ان عرض الهلال 3 مليون والله كثيره عليه خاصه ان عمره 28 سنه . (( من باعنا برخيص بعناه ببلاش )) والوعد الخميس

يبقى أن الزعيم منبع للنجوم ..!!

سلمت أخوي الغالي ..!!

إقتباس الرسالة الأصلية كتبت بواسطة كتلوني ما اقول الا حسبي الله عليك يا بو سلطان حسبي الله عليك

ابو سلطان اللي تتكلم عنه ياكتلوني هو وجه السعد على الهلاليين وهو ادرى مني ومنك عن مصلحة النادي وأعمالة ليست خبط عشواء فهو يعلم وش قاعد يسوي للنادي وصدقني انا ماشفت رئيس لأي نادي كأبو سلطان فهو قريب جدا من اللاعبين وتحس انه واحد منهم في الملعب فهو يفهم كل لاعب وتجده ايضا اخ حميم للاعبين يدافع عنهم ويعطيهم حقوقهم ويجالسهم ويعرف كل صغيرة وكبيرة عنهم ولاننسى الدعم السخي في مباريات الفوز السابقة وهو الذي اعاد الجماهير الى الملاعب . وسوف نراه بإذن اللي ماتنام عينه يرفع كأس مولاي خادم الحرمين الشريفين حفظه الله

وشكرا

كلامك فيه الكثير من الصحه

وطبعا ماهو كله لكن برضه اختلف معك ببعض النقاط

وعموما الدوخي ماهو نهاية المطاف وهالمعمعه اللي صايره عشان الدوخي

مع احترامي للبعض اللي معطينه اكبر من حجمه

والدوخي طلع ولا نزل فهو نقطه من بحر ولا هو اي بحر بعد هذا الهلال

ياناس هذا الهلال مايتاثر بالدوخي او غيره

وانا بصراحة وطبعا اختلاف الراي لايفسد للود قضية واتمنى من الله

انه مايجينا احد مثل الدوخي يتعنفص علينا

ومنصور باذن لله يابو سلطان واهنيك على هالخطوة الجريئة

وبالتوفيق للجميع ان شالله ,,,

الله يعطيك العافيه وماقصرت

أقرى ردود بعض الإخوان وأضحك وإعذروني على هالكلمه

ناس جالسه ومكبره الوساده وأتوقع حتى بطاقة النادي ما شروها بس جيدين بتوجيه أصابع الإتهام للرأيس وغير الرئيس !!!!؟

وش سوى الواحد فيكم علشان يتكلم ؟

هل رحت للنادي وتبرعتلك بكم ألف علشان يتجدد للدوخي ؟ ما أظن
هل إنت أفهم من رئيس النادي وجهازه الفني الي راكن الدوخي إحتياط أغلب الموسم ؟
هل إنت أفهم من كالدرون عندما سألوه عن الدوخي قال بالحرف الواحد الدوخي لازم يراجع حساباته ويحسن مستواه علشان يرجع للمنتخب ؟

وزعلانين ؟ هههههههههههههههههههههه

هل فيكم واحد صارف من جيبه ملايين وجالس يطارد أعضاء الشرف علشان يغطي الميزانيه للنادي ؟
هل فيكم واحد كان عنده الجرأه الأدبيه يستلم أشلاء فريق ويحوله إلى فريق حصد كل البطولات المحليه حتى الآن ؟

هل وهل وهل وهل ؟ الأسئله كثيره ولا يفيد البكاء على اللبن المسكوب

الدوخي خيروه وبعرض جدا مغري وإختار الإتحاد فليش زعلانين ؟

لا اللاعب غلطان يدور مصلحته ولا الرئيس قصر معاه !!!!!
والحق يقول إن تجديد للدوخي لخمسة سنوات يعتبر جنون لسببين بسيطين مستواه هالسنه زي قلته والسبب الثاني عمره

الدوخي إن كثرت باقيله موسمين وينتهي فما فيه حسوفه من بيعته بالعكس أعتبرها خطوه جريئه وخطوه هي من أحسن الخطوات الي سوتها الإداره لأسباب كثيره أذكر منها
- عمر اللاعب ولنا في نادي الشباب عبره وهذا هو متصدر الدوري
- عبره لغيره من اللاعبين علشان ما يساومون طالما راغبين بالنادي
- الفلوس الي بتجي من ورى الدوخي تفيد بإنتقالات أخرى
- الدوخي راح يعطي سنتين على الأكثر وبعدها ثلاث سنين يستلم راتب وهو يتفرج ؟؟؟

مع إني من المحبين للدوخي كلاعب لكن زمانه إنتهى وجاء وقت الرحيل وطالما جت منه إذا ما نقول إلا خير وبركه

رجائي لا تفقدون أعصابكم وتخسرون موضوعيتكم بالطرح وينتهي بكم الأمر للإساءه إلى الرئيس وهو ما قصر لا مع الدوخي ولا مع النادي

الله يوفق الدوخي مع فريقه الي إختار وفضله على الهلال والي أستغرب إنكم تلومون أبو سلطان على رحيله وهو مبيت النيه على المشيه من النادي وعايف النادي

راح التخيفي ولا ضر الهلال لما يروح الدوخي
ومع إحترامي للدوخي ما يجي ولا نصف مستوى التخيفي لا جينا للحق

تحياتي

الامير محمد بن فيصل تعامل مع موقف الدوخي بكل عقلانية

لو وافق على طلبات الدوخي

فسيأتي لاعبون آخرون يطالبون بمثل ماطالب

كثرالله خير الرئيس وهومااخطأ ولاشي تحملون الرئيس كل شي ؟ لويقولون كل واحد يدفع عشرين ريال شهريا ماحد دفع ولاريال بس جيدين في الأنتقاد والكلام الفاضي !!!! خل الدوخي يروح وخل غيره يروح وخير ياطير ؟؟ اعتزل ابويعقوب وظل الزعيم زعيم نزل مستوى سامي وظل الزعيم زعيم . لاتدوشونا بالكلام الفاضي وخلونا ننتبه لللمربع والمبارة الجاية وختام تسلم يابوفيصل ؟ لاتنسون حق الهلال في الصفقة لايحوسونها برعاية الشباشب اللي مايندرى كم بتقدر حق الهلال ؟ اكيد بيدنفسونها بهالمسطرة جعلها حديد وتكسر على روسهم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟