#1  
قديم 26/06/2005, 11:49 PM
زعيــم مميــز
تاريخ التسجيل: 01/12/2003
مشاركات: 4,262
هنا ننعى كبرياء الرياض

بسم من لا يحمد على مكروه سواه

تحية طيبة لجميع المشجعين الهلاليين والنصراوييين والشبابييين

باختصار مشجعين اندية العاصمة كلهم

حبيت ننعى كبرياء انديتنا والتي حطمت على يد اداراتنا واعضاء شرفنا قبل ان تحطم على يد منصور البلوي

منصور البلوي ما هذا الذي تفعله

انت رجل واحد وتسدد اللكمات الخطافية لكل الرياض

كل الرياض اليوم تبكي

للاسف منصور حرق قلوبنا كلنا وجعلنا نردد لا خير في المال لا خير في المال


منصور الماسي منصور الذهبي منصور الفضي او سمه ما شئت

جاء للهلال ووجه له لكمة خطفاية يعرضون على لاعبهم ثلاثة مليون وهو يهديه ثمانية مليون وعدا الهدايا العينية الاخرى من ساعات وسيارات ...... بس مستغرب احمد وش يسوي في الخمسين الف الي فرحان سمو الامير انه سلمها له اتمنى احد يردها ويتصدق فيها على ادارتنا يمكن فيه لاعب حواري ولا لاعب من رديف الاندية الاخرى يبون يتعاقدون معاه

جاء للنصر وزاد احزانهم بالتعاقد مع سعد الحارثي وبمبلغ يقال انه قارب 25 مليون ريال واذاا كانت مصيبتنا تهون لان فريقنا فيه بدل النجم عشرة فالنصراويين لسه طالعين من هزيمة قوية وفوق كذا فريقهم مبتلي بالنطيحة والمتردية وما اكل السبع

وراح للشباب ووقع مع افضل لاعب عندهم غودين اترام مع انهم لسه مجددين عقده بس قلت لكم بريق المال يعمي العيون والابصار والمشكلة ان طلال ال شيخ ما حسب حساب ان فريقه وراه مباراة نهائية ولاعبه ممكن يتأثر طلال ال شيخ نسى انه رئيس نادي


يعني باختصار بعد ما خلص من النادي الاهلي ووجه له الصفعة تلو الصفعة ها هو ينقل هيلمانه المالي الى الرياض ويصفعهم


منصور متى ستتوقف

منصور ارحم عزيز قوم قد ذل



وفي النهاية اقولها بكل اسف

بص يمين بص شمال

منصور عامل زلزال

منصور تفرغ لاصطياد الغزلان

وعليكم الانتظار لعلكم تحصلون على مما اكل السبع

او لعله يتكرم عليكم بمتردية او نطيحة

خلونا على الياس وعلى العصفور وخلو ياسر لحق الناس الي تقدر تجيبه


صيد الملوك ثعالب وارانب وصيدنا عصافير !!!!!!!!!!!!!!!!!!!!!

لكن في النهاية ثق يا منصور انك وان هزمت اعضاء شرف ورجال اعمال وادارات اندية الرياض وجرحت كبريائهم فلن تهدم كبرياء جماهير واندية الرياض

ليس كل شيء يشترى بالمال يا منصور

وهذه الجماهير الوفية ستظل تشجع انديتها مهما وقعت ومهما اعلنت عن صفقة بعد صفقة

ثق يا منصور لن تتفوق على اندية الرياض ستظل ظلا للهلال وفي مستوى الشباب والنصر

سيظل الهلال بكبرياءه لان الكبرياء لا يملكه رجل واحد يتخلى عن لاعب لا يوجد في الكرة السعودية ما يملك نصف امكانياته بسبب نصف مليون !!!!!!!!!! قدمها للاعب ناديه استغنى عنه

الكبرياء لا يملكه من امسك بيدك وذهب ليحيي جماهيرك وهي التي قذفت باص لعيبته وكادت ان تحرق باص جماهير ناديه


الكبرياء لا يملكه من يظهر في الصحف ليقول انه اتفق معك على عدم المزايدة ....... مطبقا المثل الذي يقول ان لم تستطع ان تكسر يد خصمك فصافحها ... وكانه يظن ان القوي يوافق على مهادنة الضعيف

الكبرياء كبرياء الجمهور

وهذا الجمهور سيظل كبير

ولا سعد ولا الدوخي ولا اترام راح يكسر كبرياءه


ووعدنا يا منصور الرياض

وعدنا استاد الملك فهد

لتعرف ان راسك حتى لو اخضع مليون شنب

مو كفو ينحط مع راس الهلال
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 12:26 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube