صدقوني مارادونا مسيحي
وبعدين انه يجي اشوفها صعبه
تخيلو مارادونا وجنبه الثنيان شي جميل جدا

أخوي كنا نسمع بهالكلام .. من قديم الزمان .. لكن أنا اعتقد بل اجزم انها

ا شاعات ... و خـ ز عـ بـ ل ا ت

لا نريد اليهودي مردونا لا والف لا

لا لا لا لا لا لا لا لا لحظوور مارادونا ومن هم على شاكلته
إدمان مخدرات وضياع لا لحضوره :

ويوسف ستحضر له الجماهير في اعتزاله وبكثافة

أحب أشارك برأي في هذا الموضوع وإن كان الخبر غير مؤكد ولكن لنفترض الخبر صحيح فأقول لا وألف لا لحضور ذلك المدعو باسم النادي الهلالي المتميز في جميع الجوانب الرياضية والإنسانية والأخلاقية وأحب أركز على العنصر الأخير وهي الأخلاقية هل يعقل بأن تحضر شخص يحمل من الضفات الأخلاقية الرذيلة الى هذا البلد العزيز انه لعار وألف عار !!!!

عموما أنا واثق جدا تمام الثقة بأن الهلاليين وكذلك المشرف على المهرجان سمو الأمير عبد الله بن مساعد ذلك الرجل الذي أعطى وقدم وسيظل يقدم بفكره الراقي وبماله بأنه أكبر وبكثير من أن يخطو مثل هذه الخطوة المحسوبه.

والله الموفق

مانبي يهووووووووووووود في اراضينا

أخي الازرق الصغير

لابد من تحري الصدق في كلامك

الأهلي أحضر مارادونا في عام 89 ميلادي وقبل إحضاره لمرادونا كان الأهلي غائب عن البطولات منذ أربع

سنوات



هذا للتوضيح

وشكرآ

اولاً ..مارادونا كاثوليكي ...وليس بيهودي ...وسبق له زيارة القدس المحتله ونظم له اليهود زياره لحائط البراق !!
وهم يفعلون ذلك مع جميع زوارهم من المشاهير !!!

أما بخصوص دعاء العلماء على الأهلي عند احضاره لمارادونا ....فليس بسبب شخص اللا عب ....وانما بسبب ضخامة المبلغ المدفوع في احضاره (( آنذاك )) !!!!! وقد تولى الحمله الشيخ ا(( المحبوب ))...ان لم تخني الذاكره ....!! مع العلم أن مايدفعه البلوي للعيبه لايمتون لكرة القدم بصله أوقرابه ....يعادل أضعاف ..أضعاف مادفع لمرادونا !!!!

أجل ليش الأهلي تدهوروا بعد المباراة اللي جابوا فيها مارادونا وهم كانوا يقولون الأهلي هو قلعة الكؤوس


ياليت نعتبر بالناس وما نكون احنا العبرة

الله لا يجيبه
هي وقفت على ذا :sad:
أولاً قالوا نجم قلنا ماعليش لكن هو إلي شوه سمعته
ومزق تاريخه لو جاركم يستعمل مخدرات وتاب وجاء يخطب إختك
قلت له ما عندنا إخت وش فرقه ومارادونا تاريخه متعفن
أتمنى ما يجي

إقتباس الرسالة الأصلية كتبت بواسطة كاكاو انا ودي ادري من وين تجيبون معلوماتكم انتم اولا ماردونا مو يهودي ولا متشدد ولا من هالكلام اللي تقولونه وبالمناسبه بس تراه مسيحي وتصدق عاد ترى تفاريس مسيحي وكماتشو مسيحي وحتى باكيتا مسيحي هاااااااااااااااااااه وش رايك نطردهم من الديره يا اخي العزيز الرسول عليه افضل الصلاة والسلام كان جاره يهودي وكان يزوره اذا مرض وشي ثاني انا مره شفت برنامج عن ماردونا وعن حياته على قناة العربية على ما اظن وتكلموا عن حياته من اولها الى اخرها وتخيل عزيزي انه قال ان من اهم محطات حياته يوم جاء للسعودية تدري ليش لانه تفاجأ يوم شاف الناس يصلون مع بعض الغني مع الفقير مع الامير مع الحارس الاسيوي وما بينهم اي فرق بالعكس كلهم صف واحد ويصلون حتى على ارضية الملعب ولعلمك كان يقول انها من اكثر الاشياء اللي ابهرته في حياته شي اخير البرنامج كان غربي ومترجم للعربي يعني ما فيه كذب بالعكس اخوي حنا نستقبل كل الناس وكل الديانات علشان يشوفون اسلامنا الحنيف يمكن قلوبهم تشوف الحق اسف على الاطالة

اللي سمعته ان الأهلي لم يحقق اي بطوله بعد ماردونا الا عام 1418 هــ في نهائي كأس ولي العهد


واللي اشوفه
ان هناك لاعبين عالميين امثال زيدان ورونالدو وتوتي وايمار ورونالدينهو لو يجوون افضل بكثيييييييير
من الفريق الأرجنتيني

فعلا حضر ماردونا عام 1406هـ وكانت المناسبة مرور خمسين عام على تأسيس الأهلي ، وكان قبلها في فلسطين المحتلة وقد لبس طاقية اليهود ووقف على ما يسمى بحائط المبكى .
واذكر خطبة الجمعة للشيخ ابن محبوب وقد دعى عليه وعلى من أحضره ومن بعدها لم تقم له قائمة ودخل في مشاكل المنشطات والمخدرات والمافيا الايطالية وهناك دعاوى عليه من نساء عدة يدعين أنه والد ابنائهن ، حتى أنه عندما حضر كان بصحبته صديقته ! وقد أنجب منها
بالمناسبة اليابان تمنعه من دخول أراضيها .
فأنا وبأعلى صوتي أدعو القائمين على اعتزال يوسف عدم دعوة مثل هذا النموذج السيئ والقدوة الضارة لأبناء المسلمين .
فديننا أولا وثانيا وثالثا وأخير .

ههههههههههه عالم..!!

ياخي الهلال جاب نجوم العالم يتقدمهم زيكو ونكونو ولا انقطع عن البطولات..!! الهلال جاب بورتو بهاك العدّه ولا انقطع عن البطولات..!! يااخوان فكروا بعقل ... وش اللي سجل اعتراضك ؟؟ الا ابرك الساعات اللي نشوف فيها اثنين من عظماء الكرة جمب بعض ... بالنسبة للي قال ان مارادونا يهودي يسمح لي اقول له منتب يم جادّه مارادونا مسيحي ...
يالله ... مارادونا مسيحي سجل اعتراضك وعلى كذا شيلوا باكيتا وتفاريس وكماتشو ... مسيحيين وعّين ... طيب ليه ماقلتوا مثل ماقال العزيز كاكاو ... فرصة ندعيه للاسلام وانا اشهد مع كاكاو بخصوص البرنامج انا شايفه وفعلا مارادونا انبهر بعد ماشاف لعيبة الاهلي يصلون ...
كبروا عقولكم ياناس ولا تصيرون متحجرين ...