كان ياما كان في يوم من الايام وعصريه من العصريات
كنت جالسة بغيرفتي احوس وادوس بكمبيوتري .
شوي انسدخ واشوي آكل وشوي اتهاوش مع اخوي صويلح واشوي مغير هذر مع زميلاتي
االسااااخرات بهالتلفوووووون

المهم دق جرس بابنا
تررررررن طن ترن طوووووووووط ترن تتتن

امي .. يا جيجي (( الشغاله )) ما تسمعين جرس الباب يا مال الصقه اللي يشيلك شيل
ويرجعك لديرتك ويجيب بنت اختك بدالك.

جيجي . تيب تيب ماما انتي بس قرر كتير انا الحين يفتح
اجل انا وش سوي الحين ارقص
فتحو الباب .

مامي .. مين يا جيجي ابليس .
جيجي . هذا مدام ام مبروك اللي كل يوم يجي بس امس مافيه يجي .
مامي .. خليها تدخل وروحي سوي قهوه بس خليها تفوح مو من اول فايح تسكرين عليها
.

مامي .. هلا وغلا بام مبروك وينتس من زمان مالك حس والله اني احسبك فطستي .
ام مبروك .. والله ياالغاليه تعرفين مشاغل هالدنيا ما تخلص
وقبل شهر رحت للكوافيره ام هاني ابيها تصبغ شعري واحرقته لي
ما بقي فيه غير شعرتين . حتى شوفي الى هالحين ما طلع
الله لا يبارك فيها ولا بمحلها هاللي كنه زريبه غنم وبعارين.
مامي .. يا روابي نجد تعالي سلمي على خالتك ام مبروك.

أوووووه وهذا وقته وش تبي هالشينه .
دخلت عليها وانالابسه بجامه اخوي صويلح بجامتي لها عشر ايام بالغسيل ولا غسلوها
.
المهم دخلت وقامت ام مبروك هلا والله بروابي نجد ماشاء الله تبارك الله وش
هالزين والله كبرتي وتدورتي (( تدورت؟؟ صرت كوره اجل ))
بس وراه ملاغدك منتفخه كذا ووراه عيونك مفغصه ووراه شعرك طاير (( ذاك اليوم كان
لي 3 ايام ما مشطت شعري ولا غسلت وجههي ))

والله مشغووووله بالكمبيوتر .
مامي.. هاه يا ام مبروك وش رايك ببنتي .
ام مبروك .. والله يا حبيبتي ان شغالتك املح من بنتك .
هذه بنت ذي . الحمدلله ان ما عندي بنات مثلها .
تدخلت انا وانا مقهووووره منها .

لا يا عجوز خيبر انتي يا اشاره بلا ألوان وشارع بلا رصيف وخيمة بلا رواق .
امي تغمز لي .. يا بنيتي روحي لغريفتس بس .
لا مانيب رايحه اللين اشوف وش أخرتهامع عجوز الشياطين هذه .

جت القهوه . اخذتها وصبيت كاس لام مبروك وكبيته على وجهها.
ام مبروك .. والله انك مهبوله صدق .
انتي لو تدرين وراي جايه كان شلتيني فوق راسك.
وراه وشووووله جايه. اكيد تبين تنكه سكري ولا حزمه كراث من الوالده ولا طقم
قدرو.
ام مبروك .. انا جايه من طرف وليدي الغالي مبروووك.

وااااااااااااوووو مبروووووك (( حبيب القلب وزميل الطفوله والصبا ))
والله ما فيك زين غير ولدك مبروك.
قالت مامي .. ارتاحي يا ام مبروك ترى بنتي روابي نجد تحب تمزح معك
وهذا مزحها ثقيل .
ايوالله يا خالتو (( مصالح )) ارتاحي * وصبيت لها فنجال قهوه وقشرت لها حبه
حلاوه ولقمتها **
ام مبروك .. قلبها ابيض ** تسلمين والله يا بنيتي**

ام مبروك .. اسمعي يا جارتي انا جايه من طرف ولدي مبروك وطالبه يد ينتك روابي
القشرا لوليدي مبروك وش قلتو .
مامي . والله مبروك والنعم شاب اصلع وصايع وطول يومه هايت بهالشوارع واعور
وطالع على امه . والبنت من صغرها متعلقه فيه
خلاص مرونا بكرى وخليه يشوف البنت والله يقدم اللي فيه الخير
لازم يشوفها اخاف تغيرت عليه او بكرى يقول ما ابيها
لازم يشوفها ويقتنع فيها.

حددو موعد المقابله الحاسمه.
جا يووووووووووووووم اللقاء
قبل ما يوصلون بساعه انا جالسه بغريفتي اتمشط واغني
(( لقيت روحي بعد ماني لقيتك
............... بعد اللقا يا مبروك تكفى لا تغيبي ))
دق الباااااب ودق قلبي قبله .
دخل مبروك وامه وضيفناهم .
دخلت علي امي الى هالحين ما خلصتي عجلي يبي الولد يشوفك ويمشي مشتعجل عنده
مسابقه قبول بكليه الحواطا .
اقول مامي .. عندي لك طلب تكفين يا حبيبه قليبي انتي.
مامي .. عجلي يا العله وش تبين.
تكفين خوذي هالسوسه ام مبروك وريها الملحق اللي سويناه
ودوري فيها على النعناع اللي زرعته امس ومات وخلها تشوف بقرتنا نوسه الشقراء.

مامي .. ليه كل ذا وشووووله يا الشينه وش ناويه عليه .
بس يا مامي ابي اخذ راتي مع مبروك من غير عذال .
مامي .. طيب بروح اخذها وانتي اطلعي بسررررررررررعه.

قبل ما اروح لمبروك مريت على تسريحتي واخذت قلم كحلي الاسود
وحطيت لي حبه زووول على خدي الايسر . ومسحت شعري بكريم ابو نسر الاصلي علشان
يزيد لمعان .
ورسمت حواجبي وخليتها مثل حواجب عنز كانت عندنا.
وحددت شفايفي بقلم الشفاه اللين صارت شفايفي مثل شفايف عتاب الله يذكرها
بالخير.
ورسمت عيوني بقلم اخضر . (( وش طلعت عيون بقرتنا الشقراء عندها ))
المهم صرت رهييييييييييبه وأخبل العقل تخبيل .
(( والله اني خايفة على مبروك لا ينصدم من جمالي )).
وقبل ما اطلع اخذت قاروره عطر الليون . وكبيتها من راسي للرجولي.
لدرجه اني يوم شفت عمري بالمرايه خفت (( من كثره جمالي ))

المهم دخلت على مبروك وسميت عليه علشان ما ينصرع وهو جالس بمجلس الرجال .
اتميلح بمشيتي مره يمين ومره شمال ومره شمال ومره شماال .
وهو مستحي مرررررررررررره ومنزل راسه.
رفع راسه وناظرني بعيونه الحور الحووووول .
وصررررررررررررررررررررررررررررررررررخ
يممممممممممممممممممممممممممممممممممممممه
تعااااااااااااااااااااااااااالي
قلت بسم الله عليك وشفيك
قال من انتي جنيه.
قلت لا يا شيخ . من زينك يا قرد مقرود ووجه معبوط وهندي بلا كفيل .
واخذته من ثووبه وناديت جيجي وقلت لها افتحي الباب الخارجي .
وجدعته من اول الدرج اللين تدربى ووصل آخر درجه.
وصلت امه ومامي . روابي نجد. وين مبرووووووك ؟؟؟؟؟
مبرووووووووووووووووك . مبروووووك . مبرووووووووك.
طس وهونت ما ابي عرس ولا ابي احد يفاتحني مره ثانيه بمواضيع عرووووس.
اما جيبو لنا معاريس كشخه مزيونين مثل العالم والنااس او ما نبي عرس
بالمرررررررره
وطلعت جارتنا ورى ولدها مبروووووك .
حصلته ينزف دم تحت درجه المدخل . وربطه راسه بشماغه وقالت (( حسبي الله ونعم
الوكيل على روابي ابليس ))

وهذه سالفه خطبتي وش رايكم باللي سويته .
لو واحد منكم كان مكاني وش كان بيسوي .

---------------------------------
ملاحظة : منقول
---------------------------------