1. الأفضلية دائما للسيارة الأكبر حجما، فكلما كبر حجم سيارتك كلما كانت لك الأفضلية في فعل ما تشاء.

2. عند الدوارات أو التقاطعات فإن الأفضلية لمن يدخل مقدمة سيارته أولا.

3. إشارة المرور ماوضعت إلا لكي تقطع ! وإلا فماذا سيقطع الناس لو لم توجد إشارات المرور ؟

4. استح على وجهك وخلك رجال ولا تربط حزام الأمان لا يضحكون عليك الناس ويقولون مصدق نفسه !!

5. اسقط من اليمين ومن اليسار وماعليك من أحد..

6. السرعة القصوى في الشوارع، هذي ماوضعت لك هذي وضعت للي سياراتهم ما تقدر تسرع .. أما انت فادعس بنزين لين الآخر

7. الحين من قالك ان أعلى سرعة تقدر توصلها هي 120 ؟ يعني اليابانين والامريكين والألمان يتعبون أنفسهم ويحطون سيارات بسرعة 200 و220 ليه ؟ بتصير أحسن منهم ؟

8. لا تدق إشارة قبل ماتلف .. ترا مايدق إشارة إلا الخوافين والسواقين بس !

9. امسك المسار الأيسر .. واللي يرفض انه يفتح لك لزق صدامك بصدامه .. لين يخاف ويفتح.

10.المراية اللي قدامك ما وضعت إلا علشان تشخص فيها.. وماله داعي انك تناظر فيها اللي وراك.

11.إذا كنت مروق ذاك اليوم .. امسك المسار الأيسر وامش 80 واللي مو عاجبة يشرب من البحر.

12.خط المشاة ؟!!! وش هو خط المشاة ؟ أصلا وشوله يمشون ؟ مافيه ليموزينات ؟

13. ترا اللي خططوا المسارات ماعندهم سالفة.. فإنت امش في الشارع بالشكل اللي تبيه.. لو في النص بين مسارين.. أهم شيء ما يتعكر مزاجك

14. إشارة "قف" !!!!! أقول تراكم مصدقين انفسكم من جد !

15. اثنين احذر منهم .. خط البلدة .. والليموزين. فعندهم القدرة العجيبة على نقل سرعة السيارة من 120 إلى صفر في خلال ثانية وذلك اذا شافوا زبون واقف على الشارع ويأشر لهم !

16.أهم حاجة انك تكون مثقف، فما فيه أي مانع انك تقرأ جريدة أو أي ورقة وأنت تسوق.. أحسن من انك تطالع الأزفلت الأسود !!

هلا بالغالي....

اقووول الموضوع رائع بس اشكرك على اعاده نشره ....
http://alzaeem.com/vb/showthread.php3?threadid=20266



بس وش اسوي انا .......

زعيم آسيا:

حرام عليك لاتقول انه مكرر

ممكن تقول توارد الخواطر والأفكار

المهم انه غير مكرر

عاشق النمر:

مرة ثانية لاتسويها OK

قال توارد خواطر قال

اهلا وسهلا بعاشق النمر

الموضوع رهيب ويلامس الجرح وهذا اللي حاصل عندنا من دون تعليق

تحياتي لك

كح كح كح كح كح..... يوه وش ذا الغبار

ياقدم موضوعك ياعاشق النمر

امزح لاتزعل بس هو قديم اصلا على بالي بكحلها رحت عميتها

زعيم آسيا الله يهديك لاتدقق وانا اخوك ;) ,,,

هذي عوايد عاشق النمر وهيب اول مره يسويها .... لكن عاد حنا ماندقق ونقوله الله يعطيك العافيه وماقصرت علشان لايتحطم .... ولا معظم مواضيعه من هالنمونه الله لايعطي بليسه عافيه ,,,

لا وعيني عينك وبالنص بعد .... طيب إكتب المصدر يالنطول .... ولا الحقوق الفكريه والأدبيه ماتعنيلك شيء ؟؟ ,,,

دااااااااااااج كالعاده وماجبنا جديد ,,,

سماح المره هذي يازعيم آسيا وأمسحها بوجه سفر ,,,

هلا والله بالشباب :

يا شباب حرام عليكم الي تسونه في عاشق النمر .

هو ما نقل الموضوع بالنص هو غير الموضوع وهذا تغيير كامل ولا لا يا عاشق