¨°o.O ( تخيل نفسك في هذا الموقف .... أضف تعليقك ) O.o°¨ - صفحة رقم 2 - نادي الهلال السعودي - شبكة الزعيم

لوحة مميزة · #16 15/06/2005, 09:22 AM

[align=center]فيـصل

إقتباس


	. . . هلا والله لوحه مميزه ..

هلا بك
يالله حيه

وش أخبارك

إقتباس


	ياليتكم مستهبلين عليه اكثر لين يعرف ان الله حق

هههههههههههه المشكلة الدرج اللي معي يوم طلع خوينا قال هههه صدّق

<<-- --- يحسبني أستهبل هو الثاني

الله يرجه بس

إقتباس


	بس دامه حديث يمديه تراه سهل مره

صحيح

إقتباس


	وللاسف خربتها واخر شئ جبت بالحديث 97

ولا أعجبتك

إقتباس


	انا اتذكر الترم اللي فات كنت اغيب عن ماده كثير

أعلم وش أنت قااااايل لي من زمان

؟؟

إقتباس


	المهم من كثر غيابي حسيت اني محروم مع ان هالدكتور حبوب ويحبني

الله يقلعكم وشلون تسوونها

<<-- دايم ينقال له الدكتور هذا أصلاً خويي

إقتباس


	رحت ابكلمه بس استحيت

ياربييييه

أستحيت ههاااااااااااااي

إقتباس


	تعال لاتخاف معنا براشيم < اصدقاء سوء

في إختباراتي اللي راحت قبل 3 أسابيع

واحد على يميني مبرشم بورقة طابعه A4

والله ولا كن لمه أحد ... لا ومن البجاحة مرة من المرات يسألني قلت وش يدريني قال يعني ماعندك معلومات عامة (مب في مستواي هو)

.... بجيييييح منسم

إقتباس


	واطلع اول واحد في القاعه وجلست اسبوع وطلعت النتايج وخذت ج (جيد)

نعمه

إقتباس


	كل ابودايم شكلي ابغيب < ترى ماتصيب الا مره بس سلامو

مشكور على المرور خخخخ وعليكم الســـــــلام ...[/align]

واحد زاحف · #17 15/06/2005, 11:01 AM

[align=center]جاينك ياثالث !

..

احمد ياحبي لك بس

والله اني قايل لك ياخي !! :p

قلت يمكن المناطق لها دور لان حقون ثالث عندنا ماخلصوا

!

بس الولد شكله نسى الدنيا :p من الفرحه ماينلام

. .

تشاو محمد

ترا الضحك مايجي الا من الثلاثي المرح فالذيب عاد يعرف من هو احمد !

اذا انا ثامر وراعي الموضوع محمد ! فتتوقعون احمد مين ؟

فكروا شوي ;) :p [/align]

*مجنونة الهلال* · #18 15/06/2005, 12:17 PM

أحسن من اللي تذاكر تاريخ ويطلع عليها نحو !!!
أذكر بأول ثانوي و إختبارات نهائيه ذاكرت تاريخ و طالعت بالجدول الساعه 3 الفجر << من زود الثقه قامت تراجع !!
وأكتشف ان علينا نحووو
والله ودخلت الاختبار على عماها

بس المووهم اني نجحت

والحديث هين مهوب ذيك الماده اللي ترفع الضغط و أسئلة الأولاد سهله معلومات عامه <<< وحده حاقده

سلاموووز !!

الفيروسه الزرقاء · #19 15/06/2005, 06:25 PM

[align=center]

إقتباس


	جاينك ياثالث !

شوي شوي لاتتحمس ... بعدين يروح حماسك ع الفاضي

،،،

إقتباس


	ترا الضحك مايجي الا من الثلاثي المرح فالذيب عاد يعرف من هو احمد ! اذا انا ثامر وراعي الموضوع محمد ! فتتوقعون احمد مين ؟ فكروا شوي

لووو

وووووووو

وووول ،،،

تصدق جاء ببالي بست يوزر ... بس قلت لاااا يمكن يصير لي مثل ذاك الموقف

ياويلك لو تضحك

---->> عارفه طبعه ،،،

دامه بست يوزر ... بشر هاهـ عرف يجاوب بالأختبار وإلا لا ..!! وقل له ترى الفيروسه تقولـك وإلا وشوله تقوله عطاهـ الرابط يشوف ردي

،،،،

..:: بست يوزر خلصت الإجازهـ اللي عطيتك ياهـا

أرجـع لبيتك

::.. ---->> ياويلها تصرف إجازات للاعضاء من دون توقيع مشرفين المجلس

،،،،

يسلمووو ياولدي ع التصريـح أحسن من بعض الناس

،،،،

الفيروسه الزرقاء[/align]

فيلسوف زماني · #20 15/06/2005, 09:53 PM

موقف صعب وكويس انها مادة الحديث
صارلي نفس الموقف في الصف الثاني ثانوي في مادة النحو راحت علي نومه وجيت ابي اختبر ملقيت احد في القاعه اتهى الوقت وطلعوا ماادري ويش اسوي رحت عند مدرس الماده واثق انه بيعيد الاختبار لانه يعزني طلبته قلتله راحت علي نومه قالي عذر اقبح من ذنب اقلب وجهك رحت وانا على بالي اني راسب ويوم طلعت النتائج لقيت اني ناجح فرحان رحت اشكر المدر واسئله كيف سوى لقيت انه حل الاسئله بدالي 000؟
وش رايكم في الموقف

الهلالي- ابوسارة · #21 16/06/2005, 03:00 PM

[align=center] الله عليك يا لوحة مميزة ..

موضوع شيق وموقف أشيق و أشيق

-------> يمديك على الفصحى :p

اخوي والحاضرين بالله وش رايكم بهالموقف الجامد ..

ابو سارة مو بعيد عن الموقف اللي ذكرت ..

لكن موقفه ألعن وأدق رقبه .. هو بصراحه منكح مو موقف

............................

أيام التوجيهي والثالث ثانوي الله يا ذيك الأيام قبل خمس سنوات..

كنا في اختبارات الأسبوع الأول ..

جيتك يوم الاثنين مختبر نحـو ..

حطيت راسي وخرشت أمها نوومه لين أذن المغرب ..

صحيت الله لا يهينني ومسكت الجدول ..

طالعته مكتوب فيه كذا:

الثلاثـاء: إختبار أدب ..

مسكت لك الأدب وخـذ حفظ وإلقاء وشعر ..

مسكت خط مع مدرسة أبولو الشعريه وشعراء المجهر ومن أول من أدخل فن الروايه والتعريف بالشاعر والصور البلاغيه

المهم على هالوضع لين عشر الليل ..

عقبها طلعت مع الربع وكانوا عاطلين مو مثلي دراسات عليا

جيتك الساعه وحده الليل للبيت وقبل أخمد شيكت على الأدب وراجعت ونمت

قمت الصبح ومبسوووط حاس إني راح أبدع في الأدب لأني ذاكرت من قلب..

وأجيك مدحدر مع التخصصي رايح للثانويه ..

لا ومن زين الطبايع مشغل مزعل فرحاان وهو يصدح في هالصبحيه ويغني:

قلت اسمعي مااقوله اليوم ندمااان

(( الله المستعااان ))

دخلت الحوش أو الفنااء أذرب

تخبر الطلاب متجمعيين عند الدرج اللي يودي القاعاات ..

والوكيل يصارخ : يالله يا ولد ارمي كتابك .. يالله قاعتك الله يهديك .. كل واحد قاعته بسررعه

جيتك مدرعم رايح لعيال فصلي وهم يراجعوون ومسفط كتاب الأدب على شكل قمع وأخبط به في ركبتي وساقي (( تعرف عرابجةالثانوي

))

سلمت عليهم هااي شله .. كيف الأدب معكم ؟!!

يالربع أحمد محرم قصيدته طويله عقدتني ؟

(( بققوا )) عيونهم فيني وقالوا وش محرم ؟

قلت هذا اللي يقول أنى اتجهت الى الاسلام في بلد تراه كالطير مقصوصاُ جناحاه

العيال قاموا يناظروون بعض مستغربين ..

قلت اركدوا لا يكون محرم يقرب لاحد منكم وغلطت فيه ترى كل اللي قلته قصيدته صعبه

وانا احاكيهم يالغالي لمحت في يدينهم كتب غريبه غير اللي معي !!!

كأني لمحت كتب صفرااء مكتووب عليها إحيااء ..

طقتني ام الركب وحنجرتي بدأت تتحرك والعبره بعيني وحسيت اني محتاج امي

بس تعرف المخطي يحسب نفسه هو الصح حتى ولو كانت الأدله ضده:

وقتها نرجسيتي قالت لي يمكن انك صح وهم اللي ذاكروا الماده غلط

لما وراني واحد منهم الجدول لقيته الثلاثاء حق الاسبوع الثاني هو الأدب

وعرفت اني جبت العيد السعيد (( مبرروك الله يعيده عليكم ))

رحت غرفة المدرسين اركض ووراي العيال زاافيني

كلمت مدرس الأاحياء الله يذكره بالخير أجودي وطيب ورهيييب ..

ضاق صدره علي لأنه كان يحبني ويقول أخلاقك تعجبني ;)

تشاور مع الوكيل والمدير وقرروا :

إعطائي نصف ساعه اذاكر الاحياء بغرفة الوكيل ويراقبني الفراش ابو سعد عشان لا اطلع واعرف الاسئله ..

ياعمري يابو سعد كان يطل علي ويقول اذكر الله أشد من كذا ويفرجها ربك

كان يوم منيل بستين نيله وفضيحتي على كل لسان

المهم دخلت بعدها القاعه بنصف ساعه وجبت على الورقه 15 من 35 ..

والله يعافيه المدرس دزني بخمس درجات يقول عشان شخصيتك الحبوبه واخلاقك تستاهلها ;)

...............................

نتائج المقلب :

1- صرت اذاكر الجدول قبل اذاكر أي مااده

2- كرهت مزعل واليوم اللي عرفت فيه مزعل

3- لأني آخر العنقود ولالي اخوان اصغر مني .. حاط حيلي ونصايحي لعيال اخواني:

أهم شيء الجدول انتبهوا لجداولكم قبل المذاكره ..

انا لما كنت كبركم كنت أصم الجدول عشان ما أتعرض لموقف محرج --> أبد ياعمهم ماشربكت الأدب في الاحياء

..........................

برايفت فيروسه :

اعنبوا دارك كل ذا حب خبر وسواليف وحش بالعالم لين فاتك الاختبار

أول مرة اشوف واحد يفوته اختبار عشان سواليف

واحلالاة اني مكان ابوك بس خمس دقايق:

أستعير رجل الجمعان ثم امزعك واعلقك بالثمانيات حتى الدعيع ومبروك زايد وحسن خليفه مايصدونك

-------> عادي يالربع يمووون

................................

برايفت وزير التربيه والتعليم ------> اخس يالخطير :

خلصنا ثانوي واحياء وماني عارف ايش ..

طيب الدلفين من الثدييات والبط يبيض والمجهر اخترعه نمساوي وش استفدناا

لا أشوفها بليز السنه الجايه

[/align]

كيفي كويتية · #22 16/06/2005, 10:01 PM

[align=center]باختصار وبصراحه ببجي وبدرس الى ان ادخل اللجنة

او بشوف لي واسطة واجيب لي عذر طبي قوي من اي مستشفى وبأجل الامتحان

الحمدالله ماقد واجهت موقف مثل هذا

وان شاءالله ما اواجه

وبس

[/align]

الهلالي دائماً · #23 17/06/2005, 12:12 AM

هلا بك اخوي لوحة مميزة

قسم بالله عندنا ناس دجة

اذكر ايام الثانوي كان علينا جغرافيا وجا واحد من العيال

مذاكر حديث

والله اني ايام الاختبارت الزق الجدول على جدار الغرفة وشوفها

كل يوم ثلاثين مرة

حنا مانذاكر ايام الدراسة ونجي في الاختبارات مضيعين

شكر لك اخوي لوحة م م ي ز ة

الهنوووف · #24 17/06/2005, 01:13 AM

والله انا السنه الجايه ان شاء الله ثالث

والله موف يروووووووووووووووووووووووووووع
اتوقع بجلس اصيح وبيروح الوقت علي
من الروعه ماراح اعرف اذاكر
واتوقع بتجيني حاله نفسيه>>>>>>>>>>ههههههاي
بس
بشر عساه حل هالولد الله يوفقه ويكون بعونه وياليت ياخذ 30

المقامـ السامي · #25 17/06/2005, 06:00 AM

موقف محرج شوي بس عادي عنده وقت000

يمديه يذاكر زين ويحل000

سلاامي

Ronal__10__Dinho · #26 18/06/2005, 12:40 PM

ههههههههههههه

انا في مرة صار لي نفسه .. لكن غير

ذاكرت مادة غير عن المادة اللي علينا ..!!

أبو فالح الهلالي · #27 18/06/2005, 04:18 PM

يحليلكم والله

شرهتكم على اللي يدخل الاختبار وما يدري وش عليه << بايعه بجح

" صالح " · #28 19/06/2005, 09:42 AM

والله هذا زحفيش قاضي

أجل في أحد مايعرف وش عنده بكره ولا من زين الطبايع ( ثالث ) وحاذف جدوله خخخخخخخخخ

بس زين أنكم عطيتوه خبره .. لعل وعسى ذاكر شوي وجاب شين طيب

ويعطيك العافيه ..,, وأن شاء الله ماتصير لنا مثل هالمواقف

نـــــــ15ــــــمر · #29 19/06/2005, 11:49 AM

موضوع ليس بالغريب وكثير ما نسمع عن مثل هذه القصص
لاكن الغريب انه ما يدري متى بعطل

لاني انا من اول يوم اعرف متى راح اعطل

لاكن مو مشكله الحديث
ماده بسيطه المذاكره حقتها ما تتجاوز 4 ساعات بالكثير للشخص الي فيه عرق (سوري) يعني طباعه ;)

لاكن الحمد لله الاختبار جاء سهل
ومع اني ما ذاكرت زين افكر بالطلعه بكره واني ابصير متخرج حليت زين ويالله لك الحمد

تشــــــــــــــــــــــــــــــــــــــــــاو

بس بعد تشاو
عندي سؤال لحقين ثالث
من محمد اسد
ومن ناصر الدين دينيه؟؟