#1  
قديم 14/06/2005, 04:41 PM
زعيــم فعــال
تاريخ التسجيل: 02/11/2003
المكان: الرياض
مشاركات: 388
Angry كلنا زاجالو !!!!!!!!!

إستأت كثير من بعض مشجعي نادي الهلال بمباراة الهلال الأخيره وعلى وجه الخصوص علشان ما تقولون لا تعمم المقصد هم الجمهور الي تلفظو بكلامي خارج على الآداب العامه بحق المدرب وبحق بعض اللاعبين !!!!!!!!!!!!!!!!!!!!!!!!

بخصوص باكيتا والي سبوا باكيتا
أسوأ طبع فينا إن كل واحد محسب نفسه زجالو !!!!!!!!!!!!!!!!!
يا ناس بطلووووووووووووووووووا هالعاده وباكيتا أعرف !!!!!

يقول المثل أعط الخباز خبزه لو أكل نصه !!!!
هل يعقل إننا نشكك بقدرات بكيتا ؟
وخصوصا بعد ثلاث بطولات بموسم واحد وهو الي إستلم بقايا فريق متهالك !!!!؟

أليس باكيتا هو من تولى تدريب الفريق بمسابقة فيصل وكسبها ؟ مع إن أغلب مدربين الهلال ما كانو يمسكون الفريق بهالبطوله لصغر سن اللعيبه المشاركين ؟

ألم يكن بكيتا أصلا مدربا لفئة الشباب ؟

إذن هو أعرف من الكل بالمراحل الي يحتاجها اللعيبه علشان يتطورون ويعرف متى يستفيد منهم مثل ما حصل بمباراة القادسيه

وأستهد بمدرب مانشستر يونايتد الي أول ما جابوه ما جاب ولا بطوله وصبرو عليه
ولا فيه أحد سبه بالملعب ولا سب اللعيبه
وبالنهايه قبل أقل من سنه مكرمينه لأنه كمل معاهم ألف مباراة وجابلهم كل البطولات !!!!!!!!!!!!!!!!!!!!

ومن يكونون منتقديه ؟
مشاركين غيورين على مصلحة النادي
ما أشكك بالشيء هذا ولكن ما أظن الي يده بالمويه زي الي يده بالنار !!!!!!
ولا أظن فيه مدرب ما يبي يكسب كل البطولات !!!!!!
فخلونا واقعيين وخلونا نترفع عن هالعاده السيءه بتقييم المدرب والإعتراض على كل صغيره وكبيره!!!!!!!!!!!!!!! للحد الي توصل للسب


بالنسبه للا عبين ومن تعرضهم بالسب من الجمهور الي يحضر المباريات
تخيلو معاي لو أحد من هالصغار هو الي يطب في كل مباراة في الشوط الثاني مثل الصويلح أو العنبر بدال ديسلفا ولا عمره سجل هدف ؟
صدقوني كان إنتهى !!!!!
إعطاء الفرصه للاعب صغير سلاح ذو حدين
ممكن يكسبه الخبره وممكن ينهي حياته الكرويه
إذن لازم نثق بالمدرب إنه قادر على إختيار الوقت المناسب وتذكروا إن الجاهزيه البدنيه بالحالها ما تكفي وإنما الجاهزيه النفسيه مهمه جدا
بالإضافه لذلك اللاعبين الصغار أفضل يطب بنهاية المباراة للإستفاده من نشاطهم وثانيا لإكسابهم الخبره لكن لو إعتمدت عليه راح تحرقه !!!!!!!

رجائي من الكل إننا نبطل نشوف أنفسنا كلنا زاجالو وندعي إننا أفهم من مدرب معروف وتاريخه مرصع بالبطولات مثل باكيتا وثانيا أرجو من الكل إننا ما نستعج على لاعبينا الصغار ونضغط على الكل علشان يلعبونهم وتذكرو إنهم ممكن ينتهون بالطريقه هذي

أخيرا وليس آخرا السب والخروج عن الآداب العامه مسأله غير مقبوله لأي سبب كان ؟
فمن الي يعطيك الحق عزيزي الهلالي بأنك تسب أحد أو تغلط عليه لأن الأمور ما مشت على هواك أو لأي سبب كان ؟ المفروض جمهورنا الواعي يكون أول من يرفض هالأسلوب وهالتعدي على مثالية جمهور الزعيم
وتخيل نفسك بالشارع ويجيلك واحد مريض نفسي ويسبك ؟؟؟؟؟
هل راح تقبلها ؟ ما أظن

تخيل نفسك طبيب جراحه بالإسعاف وجالك مريض وتوفى بين إيدينك لا سمح الله هل ترضى إن أهل وأصحاب هالمريض يسبونك ويتعدون عليك ويقولون ما عندك سالفه وإنت الي قتلته وإنت جراح زي قلتك ؟ والغلطان المستشفى الي جابك وشغلك مع إن أي طبيب ثاني ماهو مظمون إنه كان بينجح بالي إنت فشلت فيه ولا أظن فيه طبيب يبي مريضه يموت بين إيدينه ؟
مثل المدرب واللاعب الي يتمنون الفوز بكل مباراة ولا ظنتي فيه أحد منهم يبي ينهزم أو يبي يضيع على نفسه بطوله لأي سبب كان !!!!!!!

الي يشوف واحد بالملعب يسب ويسكتله ولا يرده عن المسبات تراه مشارك بالسب ولا فيه سبب يخول أي شخص يسب مدرب أو حكم أو لاعب أثناء المباراة لأي سبب كان

أنا بحضر كل مبارياة الهلال الجايه ومعاي عجرا الظاهر والي بسمعه يسب أحد ويخل بأدبه
راح أعطيه على راسه لووووووووول !!!!

إعذروني على قسوتي بس من غيرتي عليكم وحبي للهلال وجمهوره الراقي كان لازم يكون لنا وقفه وعسانا نصير الرواد بدثر مثل هذي الظاهره للأبد في ملاعبنا

تحياتي
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 05:14 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube