#1  
قديم 13/06/2005, 12:50 AM
زعيــم متألــق
تاريخ التسجيل: 04/04/2005
المكان: بالمكان اللي فيه الهلال
مشاركات: 1,412
رسالتي إلى جمهور الهلال الحبيب (( فقط ))

السلام عليكم ورحمة الله وبركاته ...

قبل كل شي هاردلك التعادل ونقطه احسن من ولا شي ...

موضوعي يا حبايبي ويا عشاق الزعيم ...

هو او بالاصح هي مشكله نواجها بالمدرجات .. من ناحية الجماهير ..

نلاحظ من الجماهير .. السب في المدرجات سوا السب يجي الاعبين او الحكام .. وينسون هم وش جايين له .. حنا جايين نشجع جايين نوقف مع زعيمنا .. وانتم سب ولعن ليه ..؟؟

يا اخواني اللي يشوف في نفسه انه عصبي لهذي الدرجه لا يحضر ياخوي محد ضاربك علي يدك وقال لك غصب تجي للملعب .. اجلس لك بقهوه ولا ببيتكم وسب ولعن على كيفك ..

بصرحه انقهرت من الجمهور كثير ... خاصه يوم خلصت المباراة .. مع الشباب

هذا الموقف حصل وقت مباراة الشباب ..

(( تخيلوا جالسين عند الرابطه والاعبين يطلعون من الملعب ويدخلون لغرفة الملابس من جهة الرابطه والملعب ماهو كبير لو تقول ياهو سمعك الاعب ... كان واحد جالس قريب مني اسمعه يقول اطلع برا يالدوخي خل البلوي ينفعك والله يا شباب اعروقه طلعة من علو صوته .. وللاسف وقت التشجيع ما سمعنا صوته .. وهذا للاسف للاسف الشديد شكله من رواد المنتدى ويقراء هالمواضيع اللي لا تودي ولا تجيب .. والمسكين يتأثر ... هذا من ناحيه ))

ومن ناحيه ثانيه سب الاعبين لما تضيع فرصه .. ويحسبون ان الاعب ملاك وما يخطي

وللاسف الحين نشوف حمله على الدوخي .. ليه كل هذي القسوه حنا هلاليـــــه ونبغى الدوخي وما ظنتي راح نحصل واحد احلى من الدوخي لعب وفن ويمتعنا بلعبه .. انا معكم ننتقد الاعب ونخاف عليه بس ماهو كذا .. هذا مره سامي ينزل مستواه ومره نشوفه فوق وهذا الشلهوب وهذا حسن العتيبي وهذا عزيز تذكرون ولا اذكركم بكلامكم ..؟؟ انتم ما تدرون وش فيه الاعب ما تدرون وش ظروفه وللاسف بدل ما نفتح قلوبنا لاعبينا نسد في وجيهم الابواب ...؟؟
هذي مشكله نواجها بالملعب للاسف الشديد وما يدري هذا اللي يسب انه السبه ترجع له ...



المشكله الثانيه سب الحكم ... الحكم ماراح يدير لك بال لما تسبه ... يعني إذا سبك بيقهره صدقني ما راح يقهره بالعكس ... الاعبين وش يبغون غير حضوركم وصفقتكم وصوتكم ...؟؟

وشلون تبون تحمسون الاعبين وانتم مشتغلين سب فيهم وبالحكم ...


حتى والله الرابطه سكتت بسبب واحد جالس يسب ويلعن ... متى راح تكون عقولنا كبيره ونجي لجل الزعيـــــــــــــــــــــــــــــــــــم ..؟

المشكله الثالثه .. لما يجي هدف بالهلال ... مثل مباراة القادسيه و مباراة الشباب .. الاحظ هذا الشي بجمهورنا فقط ... إذا جاء الهدف الاول بالهلال تجيهم حالة صمت .. وحالة صمت قويه ويقولون الرابطه ماتسوي شي .. والله الرابطه ما قصرت ويعطيهم العافيه لكن وشلون تبون الرابطه تؤدي ماعليه وانتم يالجمهور ساكت ...؟؟؟
الرابطه تبغى تفاعل منكم تبغى صوتكم تبغى صفقتكم تبغى وقفتكم مع زعيمنا تبغى مؤازرتكم لنادينا الهلال تبغى هز الملعب ... واللي يقول حنا جايين نشوف لا ياحبيبي اجلس فبيتكم وشوف على كيفك الملعب حطوه والمدرجات حاطينها للتشجيع فقط ..

يا شباب ياحبايبي يا هلاليه .. لا لا تجون الملعب وانتم تعرفون انكم بتسكتون ولا جايين تسبون احسن لكم اجلسو فبيوتكم اريح لكم ... مع انه حضوركم يزيد الواحد واحد لكن مدام حضوركم ماله معنى تكوا في بيتوتكم اريح لكم وريح لنا ...


وبالاخير لآسف على الاطاله واللي عنده اعتراض يتشرف ويقول لنا .. وانا بتقبله بكل رحابة صدر ...


واتمنى محد يزعل من كلامي .. هذا بصراح اللي جالس يصير بالمدرجات ..


اخوكم طارق
اضافة رد مع اقتباس
  #2  
قديم 13/06/2005, 03:48 PM
موقوف
تاريخ التسجيل: 29/04/2004
المكان: في اللفة !
مشاركات: 7,555
مشكلة .. ظلت وستظل بملاعبنا .. دام إنه توجد جماهير غير واعية ..!!
اضافة رد مع اقتباس
  #3  
قديم 13/06/2005, 04:29 PM
موقوف
تاريخ التسجيل: 19/04/2005
مشاركات: 2,521
مشكووووووورحيبي ووقفتك مع الهلال في كل مباراة مهم

وثانيا بالنسبة للجمهور اللي يشتم ترى والله مو اخلاق دي لازم يوعون روحهم

لكن بعد في جمهور يحب الهلال لدرجة الجنون فادا جا لاعب يستهتر ويلعب بغرور فما يقدر يمسك روحه
اضافة رد مع اقتباس
  #4  
قديم 14/06/2005, 03:08 AM
زعيــم متألــق
تاريخ التسجيل: 04/04/2005
المكان: بالمكان اللي فيه الهلال
مشاركات: 1,412
قلب الشلهوب

اسد بحريني

مشكورين على طلتكم .. ومداخلتكم


والله يعينا ..
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 03:44 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube