حبيبي تغيب الشمس ..
نقد الشباب لباكيتا في مباراة البارح لا يعني المطالبه بفسخ عقده .. ماننسى ان باكيتا هو من جهز لنا فريق اخذ ثلاث بطولات ومقبلين على الرابعه انشالله .. لكن خطاه البارح كان خطا قوي باللعب بثلاث محاور دفعه واحده..
لا اخفيك سرا اني في بداية المباراة كنت معجب بالطريقه اللي هو بدا فيها .. لكن مع احداث المباراة وتطبيق اللاعبين للخطه وقفت وعرفت انه ما كان مصيب ..
اخوي تغيب .. اول مره اشوف عبداللطيف الغنام يدخل مباراة ولا يكون له اثر فيها .. لاتقول لي عبداللطيف ما كان في مستواه او انه فاقد حسه على الكره .. لا اخوي .. عبداللطيف ظاع في زحمة الوسط البارح .. او بالاصح زحمة المحاور .. الدوخي كان باسوا حالاته .. ماحد ينكر هالشي .. خصوصا ان الخطه امس تلزم ظهير من نوعية الدوخي اللي نعرفه قبل موب دوخي تسحيب الرجلين ..
تعيب الشمس استغرب كلامك عن سالفة انك تبغى نقابل الاتحاد بالرياض .. حبيبي الصداره كانت في ايدينا امس .. ونستنغني عن مربع مادري مستطيل .. يعني دايركت للنهائي .. لانك ما تضمن وش يحصل في مبارايات المربع .. ابسط الاحتمالات حكم من نوعية المطلق وحتى لو كان اجنبي وقتها نقول ليتنا فزنا على الشباب وارتحنا .. احتمال اخر .. طرد احد لاعبينا في مباراه من مبارايات المربع تنهي عليك تعب وحلم موسم كامل ..
المقصود من كلامي انه موب على كل حال اننا لو اخذنا الثاني ولعبنا في الرياض قدام الاتحاد نبي نفوز .. اخوي تغيب انا ما احب المثبطين وبرضوه ما احب المطبلين .. لكني واقعي وباجيب لك امثله من الواقع .. تذكر معي زين مربع سنة 1419 فزنا على الاهلي في جده واحد صفر .. جا الاهلي للرياض سجلنا الاول وانطرد حسين عبدالغني .. وش اللي صار بعدها فاز علينا الاهلي ثلاثة واحد وفي الاستاد ..
خذ عندك مثال ثاني .. دور الاربعه كاس ولي العهد 1421 ( يوم اصابة نواف ) في الرياض قدام الاتحاد وانهزمنا !!
اخوي تغيب المثالين كلها ترى الهلال كان في احسن حالاته لكن القصد ليه ما ريحنا انفسنا امس ولعبنا بخطه نقدر فيها قوة الفريق الشبابي ونستغل فيها قوتنا ولا نبالغ في الخوف ..
الفرق بين التاهل مباشره للنهائي واللعب في المربع .. ان المربع فيه احتمال اصابات .. بطاقات تحرم اللاعبين من لعب النهائي في حالة الفوز .. ارهاق للاعبين وكلنا شاهدنا كيف كانوا الدوليين امس مرهقين .. ظغط نفسي هائل على اللاعبين .. ظغط جماهيري ..
اخيرا اخوي تغيب انشالله نحتفل بالتاهل للنهائي مباشره سويا يوم الخميس القادم بعد ان ينهزم الشباب من الاتحاد
ونفوز على احد ..
وانشالله مبروك الدوري مقدما ..