أذا انهار النظام وتوقف الكمبيوتر عن العمل ...اليك الحل - نادي الهلال السعودي - شبكة الزعيم

J.A.J · #1 23/06/2001, 01:39 AM

System Damage

لحل مشكلة انهيار النظام عليك اتباع التالي :-
أولا - اعد تشغيل الجهاز بالضغط على زر Restart
ثانيآ - اضغط على زر F8
تظهر لديك 6 أختيارات أختر منها Prompat Only

ثم أكتب ألأمر التالي C:Scanreg

بعدها Enter

وحين ظهور الشاشة الزرقاء هناك 3 أختيارات أختر منها ( تحميل نسخة سابقة )في الحالة هذي لسوف يعيد النسخة مرة اخرى ليس عن يوم الأنهيار وأنما قبله.

عندها تنتهي المشكلة بعد أعادة التشغيل مرة أخرى .

اللي عنده اضافة أو ملاحظة مسموح ولكم الشكر.

أخوكم JAJ

ابوسليمان · #2 23/06/2001, 02:26 AM

تسلم يالغاليJ.A.J

والله يعطيك العافيه على المعلومه

J.A.J · #3 23/06/2001, 02:54 AM

هلا ابوسليمان ...تسلم أنت والكرم الحايلي ألأصيل اللي جايبهم معك ...أبريق غضار ودلال سيف العتيقة ... هذا يدل على الكرم الطائيي اللي عندكم بعد حيي وميتيي.

يازينكم ويازين كرمكم يا أهل حايل .

ترى عندي أشعار لجدي رحمة الله عليه عن حايل حين زارها.

باأقولها لك بس في وقتها .

أخوك JAJ

ابوسليمان · #4 23/06/2001, 03:03 AM

يسلم جدآ وأبوك اللي ورثوك يالغالي

الأصايل ماتجيب ألأ أصايل( ويسلم حيك ويرحم ميتك )

وبنتظار الشعر وتراني أحب الشعر وخصوصآ مواريث أجدادنا وأبائنا

على فكره الدلال أسمهن ( بغداديات ) وهن من أشهر الدلال بمنطقة نجد والشمال

ومره ثانيه لك الشكر والثناء ياأبن ألأجاويد

J.A.J · #5 23/06/2001, 03:27 AM

لعيونك يا ابوسليمان من اشعار جدي رحمة الله عليه وعلى جميع المسلمين والمسلمات :-

جبال سلمى رسم ما نيب ناسية.... يشهد له التاريخ بأوله وتاليه

جاه أشقر راعي العلوم الفضيله...من أبو تركي لحائل ومن فيه

وبعد قال في القصيدة :-

اليوم ياربعي تراها جزيله...رحلة عظيمة وكل جرح تداويه

هدية لك ياولد حايل

ابراهيم النجيدي · #6 23/06/2001, 05:06 AM

بدا الموضوع بدايه " كمبيوتريه " رائعه ....

لكن ماتلاحظون إنكم قلبتوها منتدى عام !!

,,,

الله يعطيك العافيه ياJ.A.J وتسلم يمينك ياغالي ,,,

تحياتي لك ,,,

ALANIZY · #7 23/06/2001, 10:00 AM

thanks JAJ

ALANIZY · #8 23/06/2001, 10:08 AM

I would like to thank you a lot for all your subject i will start late with trafic rul

تركي الهلالي · #9 23/06/2001, 01:53 PM

طيب واذا اختل بحيث فقدت بعض الملفات وتلخبطت اسماء الملفات جميعها ؟؟؟

ماالعمل ؟؟

شاكر ومقدرا لك تعاونك

fahoode · #10 23/06/2001, 02:02 PM

هلا والله باخوي jaj :

مشكور اخوي على ها الموضوع .

J.A.J · #11 25/06/2001, 02:20 AM

ابراهيم النجيدي ليش لا... والله يسلمك .
ALANIZY مستنين وماراح نروح بعيد.
تركي الهلالي .... بيروح اللي راح ذاك اليوم ... وماقبله ... لا....أوكي .

fahoode هلا بك وبريحتك ياغالي

بــحــر · #12 25/06/2001, 08:38 PM

اخوى J.A.J

الله يعطيك العافيه على المعلومه القيمه ...... و يا ليت مثل ماقلت الى عنده اضافه يضيف

بعدين قلبت الموضوع و خليتة مضارب الباديه

الحقيقه لا انت و لا ابو سليمان ........... الله يخليكم و يكثر من امثالكم
اخوكم bahr01

J.A.J · #13 26/06/2001, 01:25 AM

bahr01 هلا بك ياغالي وأسفين على اللي حصل نسيت نفسي أحسبني بالمجلس العام .

أسفين ياجماعة أخوكم JAJ

حمدى عبد العليم · #14 03/09/2007, 08:42 PM

شكرا على هذه المعلومة[