شكرا ياسام ...
الاخ نايف ...حبيبي ماراح نتطاق على سوريا والاردن ....وش الله واكبر عاد راس مالها تمشيه ...
لكن ارجع لكلامك لاشعب ولا ولا ولا ....وبعدين ذكريات لاتوصف ...علينا اعترف تراي ادري وش فيها ...
ونصيحه لااحد يروح للجبيهه بعائله ترا الشبيبه طاقين الرسم ومشخصين كوبرا وينتضرون عبي وانواع الترقيم ......
اذا عزوبي عادي رح تراها وفيها ذكريات لاتوصف (انا بعد ) ;)
بالنسبه للطرق .....لاتمشي الا وانتم ممخين نوم ...
من الرياض لحفر الباطن 500 كم تقريبا .....فيه طريق مختصر قبل الحفر ينزلك على رفحاء لكن مانصثحك فيه بالرغم من انه يختصرلك اكثر من 100 كم لكن تراه مقطعه لاتجيه الا اذا كنت عزوبي ومعك شباب ...
من الحفر الى رفحاء 270 كم ....
من رفحاء الى عرعر 380 كم تقريبا ....(اصعب طريق) لاتمشي الا وانت حافضه اذا كان بالليل
زيي انا والخبل سفر اما ماتعرفه امش بالنهار (لاتستعجل )....
من عرعر الى طريف حوالي 200 كم .... ومثلها من طريف الى الحديثه ...
فيه بعض الاغراض تخفيفا عليك بالنسبه للحمل اشترها من الحديثه ......عندهم بقالات رهيبه
وكلش عندهم رز وشاهي .........والخ ..
من الحدود الاردنيه العمري الى عمان 150 كم لكن اذا كنت على سوريا مباشره 200 كم الى حدود جابر وزي ماقلتلك اسئل واجد علشان ماتضيع ( ماتدري الا وانت طاب بالغلط على حدود العراق )
من حدود نصيب السوريه الى دمشق 101 كم (وياقصرها ) ....
من دمشق الى حمص 130 كم ...
من حمص الى حماه 40 كم ....
من حماه الى حبيبة القلب حلب 140 كم .....
من دمشق الى اللاذقيه 200 كم تقريبا .....
واحد من الاخوان نصحك تروح لحلب .... تراها افضل مدينه سوريه لكنها غامضه يعني در الين تمل وبتعرف اماكنها الزينه .....اماكن العوائل واجد لكن الشباب هذي اللي ماتلقاها الا بصعوبه لانهم متكتمين وماعندهم شي مفضوح ( ماقصد اماكن مخيسه ...لااقصد جلسات و بلياردو واخواتها )
كيلوات واجد صح لكن لايهمك استعن بالله وامش (تراك شوقتني انت وموضعك ودي امشي بكره )
:p .......وشكرا
...
...
الوضع العادي
