المنتخب السعودي استحق الفوز على المنتخب الكويتي دون جدال


غير هذا المنتخب الكويتي كان سيء جدا وانا اجزم انه لو لعب ضد لاوس او فيتنام كان سيخسر المباراه فكيف الحال وهو يلعب مع منتخب صعد كاس العالم ثلاث مرات منتخب قوي جدا


بس المشكله ان المنتخب السعودي كان فايز بالمباراه دون الحاجه الى الحكم الا ان الحكم شوه المباراه ببعض قراراته هدف السعوديه الثاني واضح وضوح الشمس انه خطا واخطاء ثانيه

طبعا هذا ماهو تبرير لخساره الكويت لانها فعلا كانت خسرانه قبل يسجل المنتخب هدفه الاول

الشيء الثاني عذر الاضاءه اكاد اجزم لو منتخب ثاني حصل له نفس لشيء كان انسحب خصوصا انه مهزوم فلا تعيبوا على الكويت انه فكر في الانسحاب ولو انه درة الملاعب معناها ان هذا الملعب نازل من الجنه ملعب رائع ممتاز ولايقارن بملاعب الكويت طبعا بس كان فيه اعطال تسببت في تاخير وقت المباراه ومن حق الكويت الاعتراض على هذا

الشيء الاخير يا اخوان حرام عليكم زعلانين من الكويتيين انهم يقولون خلهم يصلحون ملعبهم

على الاقل كويتيين في منتدياتهم ماغلطوا على السعوديه وماادعوا انهم يبون تربية السعوديين وماجابوا في اعراض السعوديين كما يفعل البعض هنا وكلامهم عن الكويت واهلها تعرفون السبب لانه فيه ناس بالمنتديات يوقفون اللي يغلط عند حده


يعني اسوء ماقالوه الكويتيين صلحوا ملعبكم مااشوف فيها شي هذي الملعب فيه اعطال بالاضاءة فعلا وكلنا شفنا هالشيء


يا شباب الله يرحم والديكم اتقوا الله في الكلام عن الناس وفي اعراضهم طبعا انا اتكلم عن قله في المنتدى لان والله الكثير محترمين اشد الاحترام


الله يهديكم ان شاء الله


وشكرا لكم