المنتديات الموقع العربي الموقع الانجليزي الهلال تيوب بلوتوث صوتيات الهلال اهداف الهلال صور الهلال
العودة   نادي الهلال السعودي - شبكة الزعيم - الموقع الرسمي > منتديات نادي الهلال > منتدى الجمهور الهلالي
   

منتدى الجمهور الهلالي لمناقشة جميع الأمور المتعلقة بنادي الهلال

إضافة رد
   
 
LinkBack أدوات الموضوع طريقة عرض الموضوع
  #1  
قديم 04/06/2005, 01:42 PM
زعيــم مميــز
تاريخ التسجيل: 23/10/2003
مشاركات: 1,612
عن زيـدان وميكـالليلي يحلـى الكلام.. وخلونا ندردش عن حكاية هلالي وأهلاوي واحد !!

[align=center] الهلالي ابو سارة يعود لكم من جديد ..

السلام عليكم .. ومبروووك الفوز المستحق على الكويت

في البداية أحب أقول:

أصعب شيء على الكاتب .. أنه ينوي الكتابه وهو ما عنده عناصر محدده ..

يحاصره إبداع المنتخب وسامي بالأمس .. ولا يستطيع التعبير !!

ولكن لا بد من الكتابه في هذا الوقت ومجاراة إبداع الذئب ورفاقه .. وما اصعب هذا الأمر !

..............................................

(( إستهلال ))

عندما يأتيك الإنصاف من الخارج .. وفي الداخل ترى التشكيك وخربشات الأطفال..

فـ واصل في دربك ولا تلق لهم بالاً ..

وعندما تتغزل فيك وكالة الأنباء الفرنسيه وغيرها من الوكالات العالميه .. ثم ترى

منتدى يشتمك .. وصحفي يهاجمك .. فـ اصفح واعرض عنهم وقل سلاما !!

هذا الكلام رساله لـ سامي بن عبدالله الجابر ..

شفت زيدان مع الريال .. مع فرنسا .. يصنع .. يراوغ .. يمرر .. يسجل .. يقود الفريق.

وشاهدت سامي بالأمس وكما هي عادته .. راوغ مرر حاول وأبدع ..

فـ عرفت أن الفرق بين الإثنين هو شيء واحد :

مزمار الحي لا يطرب .. أو بالأحرى هو يطرب ولكن يتجاهلون السماع ..

أنا ما اقارن سامي بـ زيدان .. لن ابالغ فهذا تتلمذ في أوروبا وذاك في الرياض وشتاان..

ولكن أتكلم عن الأدوار والقياده والحكمه في القرار داخل المستطيل الأخضر .

الله يخليك لنا يا سامي .. ويخليك لهم .. فوجود ضروري لهم ولن يعدموا حالتين :

إما أن تساهم في تأهلهم بررووووعة ما تقدم ..

أو أن تتحمل عنهم الخروج لا قدر الله كما هي كبوة 2002 ..

فـ لك الله يا ولد الجابر وما اروعك ومسكين من قلب اللي ما عنده سامي.

__________________________

أذكر أني شاهدت فلم وثائقي بعد إنتهاء الحرب البارده وبعد تفكك الاتحاد السوفيتي

وحرب افغانستاان ..

كان فريق من الأمم المتحده يمسح الأرض هنااك ومعهم جهاز أسمه كاشف الألغام ..

يحدد أماكن الألغام فيقومون بتعطيلها ..

بـ تقولون وش جاب طاري هالموضوع ولا حكاية استعراض ثقافه يابو سارة

الموضوع ومافيه إني تذكرت امس هذا الجهاز وانا اشوف كاشف الألغام خالد عزيز ..

أي هجمه تبدأ للكويت.. ينقض عليها ويقضي عليها ..

أي محاولة تمرير .. تجده أكتشفها وقطعها ..

أي محاولة مراوغه منهم تعني عنده إستحاله.. وممنوع التجاوز ..

أمس تحلف بالله أن دائرة الملعب ملك لأبوه

ما خلاهم حتى يمرون عليها أو (( يطبونها ))..

ماشاء الله عليك ياخالد ويا مكالليلي الهلال

___________________________

أخذت فره على المنتديات بشكل عام ..

النصر.. الاتحاد .. المنتديات الخليجيه والعربيه وبالذات الكويتيه ..

الكل أشاد بالمنتخب وقائده ..

ماعدا منتدى واحد فاجأني .. وبحق اقولها فاجأني لأني سمعت أنه راقي!! أو هكذا قالوا

منتدى الأهلي وحتى لحظة كتابة هذا المقال لا هم لهم إلا :

(( سامي المجامل ومدمر المنتخب!! عزيز الأهوج !! الخثران اللي مافي راسه كورة !!

الهلال المحابى .. سامي طفش عبدالغني ولعيبة الاهلي !! سامي يحارب طلال ))

إركدوا يا بعدي !! إركدوا ياراقين !! ركوود سامي والزعيم موجود!!

خثران فاشل!! ((سلامة عمرك يا أخو فتو )) !!

عزيز أهوج !! ((إدعوا بسلامته ولو عندكم واحد مثله قابلوني)) !!

المشعل طفشه سامي !! ((من متى هاللاعب ما طقها في ناديكم)) !!

الحقد على الهلال مع أن الاتحاد هو منافسهم التقليدي !

البلوي شرى التذاكر .. ليش ماتقولون هو حارب نجومكم!! مع أنها طلعه خرافيه !!

اللهم لك الحمد والشكر .. ومن الآن واللي يرحم والديكم فكوه طاري وفضوها سيره..

الهلال وجمهوره واعلامه واحد .. وبلاش كذب ونفاق

في غنى عن كل نادي بالعالم ولا نحتاج ولله الحمد أي انصاف من أحد ..

خزائننا تعج بأشكال الذهب.. ولاعبينا يتزينون بأحلى الألقاب .. وجمهورنا رقم واحد ..

عتبي على كل هلالي ردد مقولة هلالي وأهلاوي واحد !!

أبغض مالي في الرياضه اثنين : الاتهاد والنثر !!

ومع ذلك أنصفوا الهلال ونجومه في منتدياتهم وقالوا الصراحه..

بينما حبايب بعض ربعنا .. طايحين سب وشرشحه في الهلال وكابتنه وياقلب لا تحزن

بانت الحقيقه وانكشف المستور اللي قلته من زمان..

ومن الآن: أي تشويه لسامي او حش وانتقاد تراه ابرد من الماء على كبودنا..

بعد أداء أمس ورده الكبير.. ماعلينا لو حكوا

ولا تستغربون يخش علي واحد يقول:

الهلالي ابو سارة مندس !! يبي يخرب بين الأهلي والهلال .. مع انها خاربه خاربه ومن زمان

__________________________________-

عندما قال البكر أن الهلال هو الترمومتر لللكرة السعوديه هاجموه,.

ترنح الهلال وابتعد لاعبوه عن المنتخب فترنح الأخضر..

عاد الأزرق فعاد الجمهور فعاد الأخضر ..

والآن وبعد أن أصبح للكرة السعوديه شكلها ورونقها العالي ..

أقل ما عليهم فعله هو: رفع القبعه احتراماً لرأي الرياضي المحنك والخبير !

_______________________________


سعد الحارثي..

شا ب نحيل .. موهوب .. هلالي الميول كعائلته ..

كان يأتي الى ملاعب النسيم بطقم الهلال ورقم 9 ..

ذهب للهلال فـ تجاهله الإخوان ..

جرب نفسه في النصر فـ تم التسجيل والقبول ..

موهوب موهوب موهوب أقولها كل ما شفته ..

وأقول بعد: هو الرجل المناسب في المكان الغير مناسب ..

والله يعينه على منطوح !!

__________________________

لم ( يشوه ) أداء الأخضر غير غشيان الغفله محمد أمين !!

كلما شفته يهز جذعه ويترقص .. قلت آه يانواف ..

مكانك محجوز وماحولك أحد عجل بالعوده ..

عشان يكون سامي والدعيع أربع مشاركات كأس عالم وانت وصيفهم بـ ثلاث..

كما هو الدعيع عميد اللاعبين وسامي قريباً وصيفه ..

ألم أقلها لكم: هذا الهلال لا ينافس إلا نفسه

__________________________________

نقطة مالامها دخل بالموضوع :

يــا حــق مـا أبقيــت لي صديــقـاً


[/align]
اضافة رد مع اقتباس
  #2  
قديم 04/06/2005, 01:47 PM
زعيــم مميــز
تاريخ التسجيل: 27/06/2002
المكان: الرياض
مشاركات: 3,940
[align=center]أولاً أبارك لك الفوز التاريخي أمس للمنتخب وأقول لك ألف ألف مبرووووك يا أبو سارة وجميع الأعضاء .

بصراحة أمس: كان سامي الجابر وخالد عزيز والشلهوب أفضل اللاعبين في الفريقين ..!!!
واللي ما يعجبه يشرب من البحر .

شكراً أبو سارة على الموضوع الرائع وهذا إبداعك كما هي عادتك دائماً .



إقتباس
ماعدا منتدى واحد فاجأني .. وبحق اقولها فاجأني لأني سمعت أنه راقي!! أو هكذا قالوا

منتدى الأهلي وحتى لحظة كتابة هذا المقال لا هم لهم إلا :

(( سامي المجامل ومدمر المنتخب!! عزيز الأهوج !! الخثران اللي مافي راسه كورة !!

الهلال المحابى .. سامي طفش عبدالغني ولعيبة الاهلي !! سامي يحارب طلال ))

صورة مع التحية للأخ جزرة !!!! [/align]
اضافة رد مع اقتباس
  #3  
قديم 04/06/2005, 01:52 PM
زعيــم فعــال
تاريخ التسجيل: 05/05/2005
المكان: بعيـــونها
مشاركات: 320
والله كلامك كذا

يعطيك الف عافيه
اضافة رد مع اقتباس
  #4  
قديم 04/06/2005, 01:57 PM
الصورة الرمزية الخاصة بـ ياسيدهم وينك
زعيــم مميــز
تاريخ التسجيل: 26/02/2002
مشاركات: 13,209
الهلالي ابو ساره شكرا على موضوعك ومبروك فوز الاخضر
اضافة رد مع اقتباس
  #5  
قديم 04/06/2005, 02:02 PM
الصورة الرمزية الخاصة بـ الهلالي ابو خالد
زعيــم مميــز
تاريخ التسجيل: 10/04/2005
المكان: نادي الزعيم
مشاركات: 2,765
الله يعطيك الف عافيه يا الهلالي ابو ساره

كفيت ووفيت وحرقت دمهم

فعلا الذئب سامي تاتيه الاشادات من الخارج

والانتقادات والتشكيك تاتيه من الداخل

ارجوا من الجمهور الهلالي ان يرجع ويقراء الموضوع مره ثانيه

وخاصة في مقولة اهلي وهلال واحد

لان هذه المقوله كاذبه
اضافة رد مع اقتباس
  #6  
قديم 04/06/2005, 02:06 PM
زعيــم مميــز
تاريخ التسجيل: 23/10/2003
مشاركات: 1,612
أخوي عاش اليمن ..

يا غالي مشكور على المباركه والمرور والتعقيب الجميل ..

لكن صدقني أنا ما اقصد شخص بعينه ولا حبيت أنك تسمي أحد عشان مايتشعب الموضوع..

أنا تكلمت بصيغة الجمع المبهمه (( تحس أنه كلام كبير ))

الله يعطيك العافيه يالغالي
اضافة رد مع اقتباس
  #7  
قديم 04/06/2005, 02:12 PM
زعيــم مميــز
تاريخ التسجيل: 13/09/2004
مشاركات: 1,685
انت

سامي النجم الاول في المنتخب .. رضي من رضي وزعل من زعل

والله مابقى شي ماسواة امس ماشاء الله عليه ....

الطامه الكبرى انه الاشادات بسامي تاتي من خارج الوطن ومن الفريق الكويتي
الخاسر وبالثلاثه وفي تحليلهم للمباراه اشادوا بااداء الذيب اكثر من مره ...

واخواننا المحسوبين على الوطن يسبوا سامي ويهذون بما لا يدرون .. او يتجاهلون

مااقول الا يخلف الله على ذا الناس وقاتل الله التعصب ,,,


انا بصراحه مدري وش يبون سامي يسوي امس .. مدري شيبون زياده عن اللي سواه

او مايبون سامي والسلام .....

عموما الف مبروك علينا فوز المنتخب وسامي .. مبروك للمشجعين الوطنيين وبس


يعطيك الف عافيه اخوي الهلالي ابوساره
اضافة رد مع اقتباس
  #8  
قديم 04/06/2005, 02:14 PM
زعيــم مميــز
تاريخ التسجيل: 17/08/2004
المكان: هالزاوية مكان لفلسفة الأعضاء وانا ما احب البربسة ومالي في اسمي نصيب
مشاركات: 2,113
[align=center]يعطيـك العافيـة ( هلالي ــ ابو سارة [/align])

ان كنـت معك في طرحك فلايعني اني اختلف معك في نقـطة ..

جماهيـر الأهلـي تضل راقيـة .. بالنسبـة لبعض الشرذمـة فهذا لايعبر عن ولا 1% من اراء جماهير الأهلي .. بالعقـل
بعديـن منتداهـم ( مش حالك ) وما يعلـم من يكتب خلف الشاشـة ..
وبصراحة لا اخفي عليك وعلى القراء أن ميولي بعد الهلال ستين هلال ثمن الأهلي ..
وأخلاق جماهيـر الأهلي لا تقارن بشلل الانحطاط الاخلاقي الاتحاديـه ..
حتى في الصحافة اليك المقارنـة ( جستنيه × الشمراني ) وبلا مقارنـة وبصراحـة من الافضل .. ! والله اظلم الشمراني وان حاطـه بجنب نجس النيـة

يعنـي كأقرب مثال جزرة 2005 .. كان احد ابرز من دعم الرابـطة الهلاليـة.. حتى انه قاد الرابطـة في بعض الاهزوجات الاهلاويـة ك ( يكوي ) ..



يضل الاهلاويـن اخوان ..
وعلى فكـرة زرت منتديات الاهلي ولم اجد حرفاً من اللي بتقولـه .. !!
اضافة رد مع اقتباس
  #9  
قديم 04/06/2005, 02:19 PM
زعيــم مميــز
تاريخ التسجيل: 23/10/2003
مشاركات: 1,612
[align=center]
إقتباس
وعلى فكـرة زرت منتديات الاهلي ولم اجد حرفاً من اللي بتقولـه .. !!

ياقلبي يابربوس ..

قلها وريح بالك:

انا مفتري وكاذب !!

لا يا غالي الكلام موجود بس ناظر بعينك مو بقلبك ..

بعدن تراه اللي أقصده منتدى الأهلي السعودي مو منتدى الأهلي المصري

وعلى فكرة أنا ميولي هلالي ثم هلال ثم هلال وامسك خط لين توصل ىخر ميولي راح تلقاها هلال[/align]
اضافة رد مع اقتباس
  #10  
قديم 04/06/2005, 02:36 PM
زعيــم مميــز
تاريخ التسجيل: 17/08/2004
المكان: هالزاوية مكان لفلسفة الأعضاء وانا ما احب البربسة ومالي في اسمي نصيب
مشاركات: 2,113
شكـراً ..
ومقبولـة منـك ..
..
اقسم بالله انـي ما شفت ولا شي من الي بتقولـه ..
..
وإن سوء الظن اثم ..

ومنتدى الأهلي 4 الاف عضو هل يمثل جماهيريـة الاهلـي .. ؟
1 أو ا2 منهم هل يمثل شعبية المنتدى حتى يمثل شعبية الكيان الاهلاوي .. !
ومهما اختفنا نتفق على حب الهلال ..
..
ما كان ودي اخربش بموضوعك الجميل .. ولا كان عاد تقبلنا ورأينا بصدر رحب
اضافة رد مع اقتباس
  #11  
قديم 04/06/2005, 03:09 PM
زعيــم مميــز
تاريخ التسجيل: 27/08/2003
مشاركات: 2,228
لي عودة وسأكتفي بالزعيم ؟؟؟
اضافة رد مع اقتباس
  #12  
قديم 04/06/2005, 03:10 PM
زعيــم متواصــل
تاريخ التسجيل: 08/04/2005
مشاركات: 60
[align=center]الأهلي والهلال وجهان لعملة ذهبية واحدة[/align]
اضافة رد مع اقتباس
  #13  
قديم 04/06/2005, 03:54 PM
خبير سيارات
تاريخ التسجيل: 15/02/2005
المكان: USA, CO
مشاركات: 5,499
الله يعطيك العافيه يا ابو ساره
اضافة رد مع اقتباس
  #14  
قديم 04/06/2005, 04:08 PM
زعيــم مميــز
تاريخ التسجيل: 10/04/2005
المكان: *&(قلب الهلال)&*
مشاركات: 2,511
إقتباس
أمس تحلف بالله أن دائرة الملعب ملك لأبوه



حلوة
تسلم على الموضوع الرائع
















تحياتي
اضافة رد مع اقتباس
  #15  
قديم 04/06/2005, 04:28 PM
زعيــم نشيــط
تاريخ التسجيل: 03/10/2002
مشاركات: 689
العزيز ابو سارة

أنا معك اخوي الهلال مهو بحاجة أي نادي بس وش المانع يكون فيه على الاقل علاقات احترام متبادل بين جمهور الهلال والاهلي.. حنا ما قلنا شجعو الاهلي بس على الاقل (احترام متبادل وعدم اساءة) !! يعني لازم كل مشجعين الاندية الثانية يكرهونا :sad:

الشي الثاني يا غالي ممكن تحدد بالضبط اي منتدى اهلاوي اساء لسامي ( الكواسر ... الامبراطور.. الخ) مع انه اول مرة ادخل منتديات اهلاوية بحياتي ولقيت انهم يشترطون التسجيل عشان تقرا المواضيع فقلت مهوب لازم.. ان شاء الله عني ما قريت

تحياتي.
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 08:40 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube