20/06/2001, 09:27 PM
|
| زعيــم مميــز | | تاريخ التسجيل: 04/04/2001 المكان: الرياض
مشاركات: 1,692
| |
|
سكان المريخ يغزون الفيصليه
التوصيات لقراءة الموضوع عليكم بالتالي
اللي عندها رجل تقول له الغاز مخلص ونبي نطبخ الغدا والا العشاء … وتعطيه المقاضي مره وحده بعد عشان يبطي ما جاء ..
اللي عنده حرمه يقول لها تعصر له كرتون برتقال (انواع التعذيب) وهذا وجهي ان شاف خشتها قبل يخلص موضوعي .
-----> تعاني من كثر ما تعصر البرتقال في الشتاء
2. واللي عندهم مبزره واحد من حلين … يا أما تدربيهم على الجيران يا أما تحقنهم بدوا الكحه وكان الله بالسر عليم
3. وآخر توصيه واهمها … خذ لك عصير البقره القويه افصل الخط وشنقل كراعينك وتمتع بالرحله … وعناد في المرور لا تربط حزام الأمان !!
story ------> اخرووووووووووو
تخبرون هالايام وقت برّان وفلة حجاج والعام مهيصه وماتطلع للثمامه والا خزام ما تلقا الا هالعالم مخيمين وفالين الجحش ...لا ولا يفوتكم هاللي متسدحات ملقياتن الخط مقفاهن يقالها ما تبي احد يشوف وجهها (عسى ما شر كن الخلفيه مهيب تبعها!!)
عاد من ضمن اللي خيمو... محاتسيتكم هي واهلهم ... وبما ان عماننا معنا وجب علي اتغطا طول الوقت ... وبما ان حنا في البر وانا منسجمه ومصدقه روحي اني صرت اخت بدوا قمت اتندح بشرشف صلاة فوشي وغطوه ... وانواع تنطيل الوجه عند ابونا كود يعشقني يعني على بالي وضحى وبن عجلان (اللي عنده حساسيه يفطن لعيونه من الغبار) ومن هنا تبداء القصه !!
في هاك اليوم وحنا أول يوم نمرح في البراصبحت وانا انتفض من البرد واكبع شرشفي واطلع على بالي بساعد في تزيين الفطور ما دريت الا هاك اللي صافين على النار ومولمين القهوه والحليب والزنجبيل ويوم شافون قامو يتلافتون ويميلون خششهم ... احم ... الساعه حدعش الصبح ... على
بالي اني في بيتنا ماهنا الا ابونا مخيس في فراشه واذا قام عقبي اقعد اهلس عليه واقول اني قايمه من سبع وانا يالله امداني اغسل كشرتي قبل يقوم .
المهم اني طاح وجهي وعشان اروح عن نفسي قلت خلني اتمشى كود يفهمها ابونا ويصير رومنسي ويجي يراضين بكلمتين والا يقول لي مثلا محشومه انتي اللي تنخدمين وكلهم تحت رجليس لا تصيرين حساسه ... (صفقني انكانه قام من النوم اصلا!!) ...
والله واجيك بطلع هاك الطعس ومير يدخل الرمل في الكعب (لابسته لزوم الرزه يقالي طويله يعني) ... المهم ان العرق نئح علي وماش العربجيه عربجيه حتى لو تحلق كل صبح ! ... مير ومن الحمق افتش الغطوه وارجع شوي لورا همن اجيكم مسفحه والشرشف يهفهف وراي (انواع الرومنسيه) واطلع الطعس حفيانه ... ويوم ارتكزت والا هاك المنظر اللي يهبل ... اشعة الشمس المنعكسه على المشق البادي على خداي وهاك الشي الخضر اللي رجلي غافصتن فيه!
وجاااااااااااع ---> صرخة قرف
وجع وجع وش هاللي يتمغلص ... وووووووووع يا ويلي عسى مهوب **** بعير ... شكله fresh بعد خضر !!
ومير ادنق اقعد اتمقله شوي والى يوم بدا يتحرك ويتلوى ويوم قام يكبر ويطلع على شكل ادميه لابسه شرشف !!!!
الرجاء تخيل ام العصاقيل تتنافظ وتقرا المعوذات ونص الآيات تطمرهن من الروعه وما تسمع الا هاصوت اللي طك طك طك (الركب يتصافقن)... لا عادت على وضحى وبن عجلان ... هذي عقوبة اللي تناظر طاش ما طاش وتندح عند ابوهم بالشرشف تبيه كود يقلب شاعر في يوم وليله!!
ومير توني ببدا اشاهق واصيح وامصع الايمان اني بتوب ومعاد اناظر طاش ما طاش ولا اقلد ذيك العجوز ام قرنين ... ومير تحتسي هاللي قدامي ..
ايه … ويوم شفت هاالي يتمغلص بدا يصير بشكل حرمه لابستن شرشف …و توني ببدا اناهق واصيح وامصع الايمان اني بتوب ومعاد اناظر طاش ما طاش ولا اقلد ذيك العجوز ام قنازع ... ومير تحتسي هاللي قدامي ..
"السلام عليكم" ...
((وووووو ... ووو... وعليكم ... انسيه والا جنيه!!))..
" اختك حصه من كوكب المريخ" ...
((... حتى انتم عندكم حصه!!))
" ... لا تقولين انتم بعد عندكم اسم حصه!!"
(( اي والله تصدقين))
----> مستانسه العمه ومنسجمه نست ان الحرمه تو كانت **** بعير !
"وش اسمتس انتي"
((اسمي منيرتا الحمد)) … "والنعم" … ((والنعم بحالتس … اقول يا خّيه وراتس لابستن شرشف قط بالمريخ ما عندكن عبي))
"لا والله بس لابستن زيكم الرسمي" …
واثر الحرمه تحسب اني شرشف الصلاة هو الزي الرسمي للسعوديات … ما درت ان الدعوا مهيب سايبه وان فيه انظمه وكل حرمه ولها سيستم
وعملا بمبدأ العلم كرهب … ما قصرت معها عطيتها كورس يحبه قلبكم … طرت بها على الفيصليه عشان تشوف ان حريمنا ملتي سيسم (يعني يتروشن كل يوم )
انا قلت اسمعي يا حصيصه (صارت خويتي الحين) … انتي ناظري وأص … هنتس تهرجين والا ترا بهالعصقول على صلاهيمتس (يعني مناكيرتس للي ما يعرفون) …
والله الحرمه طلعت اجوديه … او انها شاريه عمرهايمكن وقالت ابشري … ومير ما سمعت له حس
وامير نخش الفصيليه (يا ما جرا لهالفيصليه)… وابدا أأشر على الانظمه وحصيصه متنحه
ومير تقوم حصيحص والله وتجلد عقب ما هددته بعصاقيلي ... كخخخخ مير اثري اخوف الى صرت صدزيه ...
وندرعم على بوابة الفيصليه ... بشراشفنا ومير محدن قال لنا شي ... من السكيرطي متعودين على المهابيل اللي هناك ...
والله ومن يوم ندخل والا هاك الاشكال والسيستمات اللي اشكال والوان ...
وابدا عاد أأشر لحصيحص واشرح ...
دوتس يا حصه ذي ... ام الشباب ... مسويه فيها نظام الشخصية الملكي... العمه تجيتس حاطتن العبايه على الكتف ومشخصه بالطرحه منسفتها تقل شماغ
والصدام متر قدام ولا صدام جمس ابو عبارتين يا شيخه !
حصيحص مطيرتن هالعوينات ... ولم تنبس ببنت شفه (وخرووووو جاكم سيبويه منفوحه)
يوه دوتس ذي ابو مصير وش جايبه للفيصليه شكله مضيعتن الدرب ...ذولي عاد يتعاملن بنظام الشباك البحري ...
ذي تجيتس مغطيه كل مغز ابره ما عدا الوجه يطل علينا..هي ارحم عندي من هاللي يشخصن تحسب الوحده فلته وهي اذا شفت كشرتها جبت غداك
(الله يعزكم)
.... لا والا ذولي تكفين ... دوتس يا حصه نظام الكوبيه (سيارات الكشف)..
ذولي خوياتنا الامريكيات تجيتس لابسه العباة والكشّه اللي تقل طلحتن يابسه والوجه طالعات والرقبه تومي كنها زيبق ...والله ياهن متعباتن رويحتهن بعد
وحدووووووه وخري عن ريح الاطياب والعود ... دوتس عاد اللي غنى فيهم محمد عبده الله لا يعطيه عافيه من يوم غنا فيهن وحنا مبتلشين...
هذولي طال عمرتس يتعاملن بنظام البرقع ...
من اول البرقع ما يلبسه الا البدو ... والحين مير خلوه البدو للخلف اللي يلبسنّه .... وانواع الخدود اللي تطلطل والغرر اللي توايدز ... ولا يهون الكحل اللي يشرنّه بالكيلو والرموش الصناعيه ... تقل الوحده قاصته من مكنسة بيتهم من طوله!
دوتس يا حصيحص ... نظام النقابات ... ذا الغالبيه العظمى تتعامل به لكنه عاد اشكال وانواع بس لا تفوتس هالخبله اللي
تقل ننجا مطلعتن الجبهه والحجان والعيون وطريف الخشم وشاقلتن هالاكياس ... ترا ذا كله من الحماس في السوق يالله يمديها تركّض وتدوج على المحلات ... شكل ابوهم قايلن له بجيكم عقب نص ساعه وهنّي ما القاتس عند البوابه !!
ما أمداني اكمل كلامي ... الا والله هاك اللي جت تدهدر علينا!!
الشيخه تتعامل بشي اسمه نظام اللثام ...
ذا عاد وخر عن طريق اللي لابسته ... قسم اني ادوخ عندهم وانا حرمه خلو عاد عيالنا ... تجيك الوحده ناتفتن الحواجب وخاطتهن ... وراسمتن العيون... والبشره تلاصف من الأساس والكريمات واللثام وش يغطي ... مغير الاثم وراس الخشم !! وسمعت في روايه ان الكوفيرات يجيهن زبونات من هالنمونه تطلب مكياج اللثام .. يعني الأخت تمكيج العيون وأعلى الوجه وباقي الوجه ... مب تبعها !
8.نظام القرفانات ... ويسمى ايضا نظام العطسه .. ذا اخو الفتشه بس من الرضاع
ذولي تجيتس فاتشه الوجه ... عااااااااااادي شباب .... همن الى خطم من جنبا واحد تلقينها رفعت طريف الطرحه وغطت الخشم تقل مخيسها احد !!
دوتس دوتس يا حصيحص تباحرتس وراها ... يؤ يؤ يؤ ...
تعرفون بعض !! ...
وترد علي حصه بعد ما انفقعت مرارتها (ومرارتكم) من كثر هرجي ... وتقول : ياخيّه وش بلاتس انتي ذي بنت خالتي وذولي كلهن اللي تهرجين عنهن اللي خويتي واللي تقرب لي من بعيد واللي دارسه معي بالتمهيدي (ياحبي لي) ...
صدز ... يعني الحين ذولي امهات ملتي سيستم وخرابيط مب سعوديات !!
كيف الحال !! ... اقولتس خوياتي وقرايبي وتقولين مب سعوديات ... ذولي اصلا مب من كوكب الأرض يا خيّه .
صدز!! والله !! ... اجل وين راحو حريمنا!
دوريهم ببيوتهم والا يتمرقعن عند رجالهن في البرّان...
==================
وسلامتكم ... ارجو ان يحوز الموضوع على اعجابكم .. ومعليش على التطويل ... وشكرا
انا كتبت لكم السالفه كا مله وبدون اجزاء تلبه لطلابا تكم.......
موعدنا انشالله معكم.......مع سالفه جديده انشالله.......وتحيا تي للجميع.
انشالله تكون اعجبتكم..وان خليتها السالفه في جزء واحد....وهذه تلبيه لطلا با تكم....وانتم تا مرون.... انا كتبت السالفه لكم كا مله وما حبيت اجزئها..............وذلك تلبيه لطلا با تكم.....موعدنا مع قصه وسالف جديده انشالله......... |
الأخ (محترف توقعات)...... 
RAID2001
الوضع المتطور
