#1  
قديم 21/05/2005, 07:18 AM
الصورة الرمزية الخاصة بـ ابوساري
زعيــم متألــق
تاريخ التسجيل: 18/03/2003
المكان: حصه بنت محمد
مشاركات: 1,241
Unhappy وربي لعيون الهلال كل هالموضوع

السلام عليكم ورحمة الله وبركاته ..

أخواني في الله .. أخواني بالدم الأزرق ...


الهلال هالأيام مايطمن .. مب الهلال اللي ببداية الموسم ...

صدقوني هذا شي لمسته وحسيته من خلال مشاهدتي للهلال في آخر مبارياته ..

بتقولون لي الإرهاق .. وضغط المباريات .. أنا معكم ..

بتقولون الظروف اللي وقفت ضد الزعيم .. من تحكيم ولجان بطولات ... بقولكم معكم ...


لكن اللي قاهرني إن الحلول متاحة ...

أنا ماراح أكون أعرف أكثر من أبوسلطان ولا الطاقم التدريبي ..

ولا راح أسوي روحي فاهم ..

لكني كمشجع هلالي ... لي نظرتي .. أشوف تراجع مخيف جدا في مستوى الهلال ..

حتى بطولة ولي العهد ... ترى ماقدم الهلال فيها شي ...

اللي خدم الهلال .. وهو سبب فوز الهلال بعد الله سبحانه وتعالى .. هو جمهور الهلال الكبير ..

صدقوني وانا اتابع من ورى الشاشة خايف .. عاد كيف لو ألعب ..

وهذي قالها أكثر من لاعب قدساوي ..

صدقوني لو لعب الهلال برديف الرديف .. راح يفوز بإذن الله بوجود هالجمهور حتى لو ماقدم مستوى..

اللي أبي أعرفه ... مكافأة الفوز بكأس ولي العهد .. كم ؟؟

يعني هل هي مغرية لدرجة إن الهلال يتنازل عن بطولة العرب ؟؟

لاتقولون مانبي بطولة العرب ... الهلال نادي حكومي .. يعتمد على الله ثم على الدولة ..

ودعم أعضاء شرفه اللي مافيه الا كم واحد هم اللي يدعمون باخلاص ..

يعني إذا كاس العرب فيه 6 ملايين ... وش نبي بولي العهد ؟؟

الستة ملايين تمشي أمور النادي وتجيب لك لاعب محترف بدال الفاشل بغنة .. الخباز ديسلفا ..

الهلال لو لعب بلاعبيه الأساسيين قدام الإتحاد في الرياض ... كان الهلال طاير لنهائي العرب ..


بالنسبة لباكيتا ... والله العظيم مابي أظلمه ... لكن من تالي صارت نظرته غير ..

يعني الهلال وش ناقصه عشان يلعب بمهاجم واحد ؟؟؟

ناقصه مهاجمين ؟؟؟ ...

الهلال فيه العنبر والصويلح وسامي .. حتى الموري يقدر يلعب فيه هجوم أيمن ..

ليش مصر يلعب بسامي هجوم لحاله .. وسامي لو يلعب معه مهاجم واحد ( غير ديسلفا ) كان هجوم الهلال رعب ..

سامي لو يلعب خلف المهاجمين ... ويخلي الصويلح والعنبر قدام .. بيكون شكل الهجوم ثاني ...

راح تكون الضربات الثابته مثل ضربات الجزاء ..

بوجود كماتشو للتنفيذ... وتفاريز والصويلح والعنبر كمتابعين للكرات الهوائية ...

وجود الصويلح والعنبر كثنائي ... راح يكون بينهم انسجام في المستقبل ...

كصفوق وسامي ... كالمهلل وسامي ...

وايضا يعطيهم الخبرة مستقبلا .. وينمي مهاراتهم ...


انا شخصيا غير مقتنع بفهد مبارك .. حاولت أكثر من مرة ألعب على روحي .. بس ماقدرت اقتنع

انا اسأل عن المطرف ؟؟؟ .. لكن غير متوفر حاليا مدري ليش ؟؟؟


يقولون ياسر بـ18 مليون ..

أنا أقول لاعب افريقي ب500 ألف ... صدقوني بيكون أحلا وأوفر ..

مانقا وأترام شواهد على كلامي ...

يعني سالفة القحطاني .. مثل اللي بيركب اكسسوار للسيارة ب30 ألف ...


القحطاني خطير وممتاز ... لكن 18 مليون تجيب أحلاها لاعب بنصف القيمة ..



أنا كما سبق وذكرت ...

كلامي هذا مب أتكلم فيه عشان أحس روحي أفهم من الإدارة ولا المدرب ...

لا ..

هذي قناعات داخلية ... وشخصية ... تحتمل الصواب وتحتمل الخطأ ...

تبقى قناعات لين يجي اثبات يغير لي قناعاتي ..



يعيش الرأي الحر ... وتسقط الدكتاتورية

أخوكم أبوساري
اضافة رد مع اقتباس
  #2  
قديم 21/05/2005, 08:01 AM
زعيــم متألــق
تاريخ التسجيل: 03/09/2003
المكان: قصيمي ابا عن جد
مشاركات: 1,356

يسلمك ربي ابو سااااره على الكلام الجميل

والله يكتب الي فيه الخير

وان شالله نحقق بطولة الدوري وكأس السوبر السعودي المصري



اضافة رد مع اقتباس
  #3  
قديم 21/05/2005, 08:09 AM
زعيــم فعــال
تاريخ التسجيل: 25/12/2004
المكان: الغرفة الوسطى
مشاركات: 327
تسلم ابو ساري على الطرح الجيد

كلامك فيه عقلانية وتفكير عميق وصحيح اللي تقوله

لكن القرار النهائي بيد الادارة

اتمنى ان احد المسؤؤلين يطلع على كلامك ويكون له رأي فالموضوع
اضافة رد مع اقتباس
  #4  
قديم 21/05/2005, 08:10 AM
زعيــم نشيــط
تاريخ التسجيل: 31/01/2005
المكان: الرياض ..
مشاركات: 700
ياولد يايعيش الرأي الحر وتسقط الدكتاتوريه اثرك منت بهين


اخوي خلاص قل وداعا لانصاف النجوم

قل وداعا لفهد مبارك اللي غصب يصير مثل ابو يعقوب

قل وداعا وبالذات لخالد عزيز لاعب الغفله اللي حاولت 1426 مره اكذب على نفسي واقول انه يعرف يلعب

لاعب يلعب في نادي مثل الهلال ويتم اختياره الى المنتخب يصر ولايزال يصر بعدم رفع رأسه وهو يركض !!

نواف الغنام الخراشي الحربي جو يعني اللي قلتهم فوق الله لايهينهم كل واحد يضف قشه


تقبل تحياتي !!
اضافة رد مع اقتباس
  #5  
قديم 21/05/2005, 08:24 AM
زعيــم فعــال
تاريخ التسجيل: 02/04/2005
مشاركات: 405
^
^
^
^
^
^
عيب عليك اذا هم انصاف لاعبين فانت من ارباع المشجع المخلص للاسف........ياخي عزيز ومبارك لاعبين صغااار ياخي ما تفهم لسه قدامهم ما يقدمونه.....




لصاحب الموظوع




كلامك عين الصواب اتمنى احد من اعظاء الادارة يشوفون الموظوع
اضافة رد مع اقتباس
  #6  
قديم 21/05/2005, 08:38 AM
زعيــم نشيــط
تاريخ التسجيل: 03/01/2002
المكان: المدينه المنوره ( فديتها )
مشاركات: 777
أبو ساري شكرا لموضوعك الذي يدل على حبك للهلال


عموما موضوع نقاشي حلووووو



أتوقع بوجود التمياط والخراشي .... مستقبلاً ...
يجعل باكيتا يستغني عن عزيز وفهد مبارك ..

لاكن والله العظيم ........عزيز بطل ... بطل ...بطل
صحيح عزيز ترا تغير ماهو بمثل ما أول جاء تفليت ..... وخلها على ربك .. :sad:

أما فهد مبارك للأسف .....أناني ...غير قوي بالأتحامات ....عموما ماينفع


ولكلامك عن ياسر القحطاني .......... أنا من الذين يحبون ياسر لاكن 18 مليووون ..
والله لو أن الهلال بيشتري الرياض ......

أضن هناك بالدوري السعودي بجميع درجاته من هم كفو لهذا المحل مثل....! !


فؤاد الحربي يلعب للوطني
.. وأبو عراد ... كلكم تعرفونه


أو أي لاعب أجنبي يكون أفضل .....


وبنفسي أقابل ياسر وأقوله


اللي تغلى يخلــــــــــــــــــى ....! ! ! ! ! ! ! ! !


وبالنهايه أتمنى أتاحة الفرصه للشبح الهلالي مشعل الموري ....
مشعل الموري نجم الموسم الهلال ................. والله يخليلنا سم سم والدعيع
ولا يهوووووووووووووون الباقين



وشكرا لكم أتاحة الفرصه الحلووووه للتعبير عن الرأي




نسيت أقووووووووووووووووووول

أ[و سلطان

والله مافيه مثلك بأسياء



الزعيم العياضي
اضافة رد مع اقتباس
  #7  
قديم 21/05/2005, 09:03 AM
زعيــم نشيــط
تاريخ التسجيل: 31/01/2005
المكان: الرياض ..
مشاركات: 700
اضحكتااااااااااااااااااااااااااااني كثيرا كثيرا كثيرا !!

المدفعجي الله يقطع سواليفك انا من ارباع المشجعين المخلصين

الله يرجك انا يوم عرفت شي اسمه الهلال انت للحين ابوك ما أخذ امك الله يرجك مثل رجة علبة البيبسي !!

على العموم اخوي المدفعجي لن الومك فقد يكون احد هؤلا قريبا لك او صديق ;)

اما انا فتهمني مصلحة الهلال قبل كل شي

على العموم ياخي وسع صدرك كلها وجهات نضر مني ومنك وصدقني لن تقدم ولن تؤخر !!

دمتم سالمين << اخوي مدفعجي انصحك متابعة هذا البرنامج لما فيه الفائده لك ! وفقك الله ورعاك !!
اضافة رد مع اقتباس
  #8  
قديم 21/05/2005, 12:37 PM
الصورة الرمزية الخاصة بـ دبــل كيــك
زعيــم مميــز
تاريخ التسجيل: 02/12/2003
مشاركات: 3,445
دعـوا باكيـتـا يعمـل بكـل هـدوء ...

واستمتعـوا بالإنتصـارات ..

لاتنسـون الموسم هذا دخل الزعيـم للبناء فقط لاغيـر وحقق ثلاث بطولات ...

الحمـد لله على كل حـــال ...
اضافة رد مع اقتباس
  #9  
قديم 21/05/2005, 01:00 PM
زعيــم مميــز
تاريخ التسجيل: 21/03/2005
المكان: جدة
مشاركات: 3,282
شكرا أخوي ابو ساري على عذوبة وسلاسة طرح الموضوع وأتفق معك في عدم الجدوى من التعاقد مع ياسر القحطاني بهذا المبلغ الكبير ..
اضافة رد مع اقتباس
  #10  
قديم 21/05/2005, 01:14 PM
الصورة الرمزية الخاصة بـ ياسيدهم وينك
زعيــم مميــز
تاريخ التسجيل: 26/02/2002
مشاركات: 13,209
لاتعليق !!!!!!!!!!
اضافة رد مع اقتباس
  #11  
قديم 21/05/2005, 01:33 PM
زعيــم مميــز
تاريخ التسجيل: 05/05/2005
المكان: مع كفيلي الإقامة
مشاركات: 1,834
والله اذا عمل المدرب ما أعجبك وهو كل ماشارك في بطولة حققها (ماعدا العربية)
اجل وش اللي بيعجبك ياخوي

واذا تتكلم عن الأخطاء
لابد منها في كرة القدم

ولك خالص تحياتي
اضافة رد مع اقتباس
  #12  
قديم 21/05/2005, 01:33 PM
زعيــم متواصــل
تاريخ التسجيل: 22/03/2005
مشاركات: 169
والله أبو ساري قال الكلام اللي نفسي أقوله , واعتقد قلته كم مرة للشباب بس موعلى الشبكة عموما كلام منطقي جداً ، بس أعتقد موضوع القحطاني كثر حوله الكلام واللاعب باختصار ( فنان ) وإذا تكفل أحد أعضاء الشرف بالصفقة فهذا المطلوب والا فما فيه مشكلة إن شاء الله لويكون سعره 20 مليون ، وإذا ما حصل اللاعب فعندنا لاعبين فيهم الخير والبركة ....

مع أحلى الأماني لزعيمنا بتحقيق كاس الدوري بإذن الله

سبحانك اللهم وبحمدك أشهد ألا إله إلا أنت إني كنت من الظالمين [U][I]
اضافة رد مع اقتباس
  #13  
قديم 21/05/2005, 04:59 PM
زعيــم فعــال
تاريخ التسجيل: 02/11/2003
المكان: الرياض
مشاركات: 388
إختلاف الرأي لا يفسد للود قضيه

أخوي أختلف معاك بالرأي

أولا بطولة العرب راح تحصل منها بالمركز الرابع مليونين ريال تقريبا إذا موب أكثر يعني ما راح تطلع من المولد بلا حمص

ثانيا البطوله العربيه ما راح تأهلك للوصول لشيء ولا تفيدك مستقبلا بس تفيد قناة الإتهاد الغير رسميه ART

ثالثا تعتبر بطوله وديه غير رسميه بنظر الفيفا ولا تفيد كثير بتقييم الفريق عند الفيفا ولا تساعدك بتحسين مركزك بين فرق العالم لأن مباريات البطولات الوديه مثل البطوله العربيه أقل وزنا من مبارياة البطوله الأسيويه لأنها رسميه ومعتمده

رابعا بالنظر لأي المراكز لازم تحصل عليه بالدوري علشان تشارك بالبطوله العربيه تعرف أهميتها بالمقارنه مع البطوله الأسيويه (الأسيويه لازم أوائل الكاس والدوري ;) )


بطولة الكاس تعطيك الحق بالمشاركه ببطولة أسيا ومن بعدها بطولة العالم للمره الثانيه بتاريخ الهلال

وأي عاقل راح يقولك إنها أفود بمراحل للهلال من بطولة الضفدع كامل الإتهادي وقناته المضحكه وعموما إختلفنا أي البطولات نبي وإتفقنا على حب الهلال

إنشاء الله السنه الجايه ما راح تفلت ولا بطوله برجعة الأربعه المصابين الي لعبوا مع الشباب مباراة وديه ;)

تحياتي
اضافة رد مع اقتباس
  #14  
قديم 22/05/2005, 08:05 AM
الصورة الرمزية الخاصة بـ ابوساري
زعيــم متألــق
تاريخ التسجيل: 18/03/2003
المكان: حصه بنت محمد
مشاركات: 1,241
موادع ...

ألف شكر أخوي على كلامك الذوق ...

إن شاء الله البطولات هلالية بإذن الله ...

مشكور على مرورك أخوي ...

...........................

أبوسلطان ...

تسلم أخوي على كلامك .. وعقلانيتي ممكن تقون مب عقلانية بالنسبة بغيرك ..

لكن يسعدني انك تشاركني الرأي ..

أشكرك على المرور والتعقيب ..

.........................

عاشق الزعيم ...

إيه منب هين ههههههههههههههههههههههههههههههه

الله يرجع نواف بالسلامة .. جد اشتقنا له ...

انا اتفق معك بفهد مبارك ... يمكن المركز مايصلح له مابي اظلمه ...

لكن خالد عزيز لاعب ممتاز في المحور ...

ومثل ماقلت لك .. ديموقراطية في الرأي .. لاتهاوشني عشان عزيز هههههههههههههههههه

مشكور على المرور والتعقيب ...

......................

المدفعجي الجمعان ...

أشكرك على مرورك وتعقيبك .. والله يسمع منك أخوي ...

........................

الزعيم العياضي ...

أخوي .. عزيز لاعب ممتاز بالنسبة لي ... لكن اللي رأيي ورأيك مانقدر نقنع الناس فيه ..

لأن كل شخص له نظرته ...

والله يرجع نواف بالسلامة .. ويرجع الوسط الهلالي الذهبي بوجود نواف ومحمد ..

فعلا فيه مهاجمين في الدرجة الأولى كبار بمستوياتهم .. لكن الأضواء مب مسلطة عليهم لأنهم لاعبين أندية صغيرة ...

أراءك ممتازة ...

مشكور على المرور والتعقيب الجميل والتعليق ...

......................

دبل كيك ..

يعني الحين مزعجين باكيتا والله مادرى عننا ههههههههههههههههههههههههههههههه

صدقني انا مستمتع على الآخر ... بس خايف على الهلال ..

راح نشوف وش يصير أخوي .. وكلامك بناخذه صدقني ..

ومشكور على المرور والمشاركة ...

...........................

سابي النظر ...

فعلا ياسر مايستحق هالمبلغ .. والله نجيب اربعة مثل ياسر فيه ... يمكن أحسن بعد ...

مشكور على المرور والمشاركة أخوي سابي ...

..........................

ياسيدهم وينك ...

أشكرك على مرورك ... مع اني تمنيت أشوف تعليقك ...

.............................

عزوز الحامد ....

أخوي ماقلت شي أنا عن عمل باكيتا في السابق .. أنا أتكلم عن اللي صاير الحين ...

باكيتا ترى جاب بطولة ولي العهد ... بالجمهور ...

يعني لو تجيب أي فريق وتلعبه قدام جمهور الزعيم بيخسر من الهلال .. صدقني ...

يعني القادسية لعبوا بالهلال لعب .... وكانت متجهة للقادسية لولا الله ثم مهارة الشلهوب ...

وقبلها قدام الاتحاد ... وبعدها بعد ..

يعني باكيتا مصر على ديسلفا ... هل هذا صح ؟؟ ... أبي رأيك ..

أشكرك على مرورك وتعقيبك ..
.............................


مانجر ...

الله يسلمك .. صدقني هالكلام من قلب ...

لكن اختلف معك بالقحطاني .. هو فنان .. لكن والله مايستاهل ال18 مليون ... ولا نصها بعد ...

واذا على الهجوم .. جيب لك لاعب بمليونين يكون لاعب اجنبي ...

لأن الهلال مو محتاج غير تفاريس دفاع اجنبي ... باقي الخطوط قوية ...

لكن حاجة الهلال لهجوم أجنبي ... وياليت لاعبين ...

لأن الوسط نار بلاعبين سعوديين ...

يعني بمليونين يجيبون لك لاعب أحلاها لاعب ....

مب 18 مليون ...

مشكور على المرور والتعقيب ..وكلامي مجرد رأي ووجهة نظر ...

.................................

ذا تايقر ...

أنا معك إن بطولة العرب بطولة غير رسمية بنظر الفيفا ... لكن فيها 6 ملايين ..

وبطولة ولي العهد صدقني الهلال كان بياخذها بإذن الله حتى لو لعب بالرديف ....

يعني مب لازم يريح فريق كامل قدام الاتحاد ... ويخليهم يفوزون وياخذون دفعة معنوية ..

وفازوا ثانية ...

بطولة الدوري إذا أخذها الهلال إن شاء الله بيتأهل للأسيوية ..

بطولة ولي العهد كانت قدام القادسية أولا ... وبين الهلال وجماهيره ثانيا ...

يعني مباراة شبة مضمونة ومحسومة من قبل لاتنلعب ....

مشكور على مرورك ... وتعقيبك الحلو ...

والله يرجع جميع المصابين بالسلامة






أخوكم أبو ساري
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 11:23 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube