هلا فيكم ..اليكم الجزء الثا ني من ليلة عرسي..كما وعدتكم..واسف على التا خير...:


ايـــــــــــــــــــــــــــــــه وين وصلنا؟؟؟
امممممممممممممممم...اممممممممممممممم....اممممممممممممم... وبعد امممممممممممممممممممم..
ايه وصلنا يوم تسمي الكوفيره تبي تذتسنيني ... والله ويوم شمرت المره ذرقت اخيتكم عصعص ... قلت وش تبي ذي.. ذا عرس والا مجاهد!! خبركم عاد البراءه اللي مقطعه بعضها ...

مالكم في طوالة السالفه ... والله يوم قامت المره تطلع من هالقواطي وتلطط في كشرتي .. عاد أول وهي تدهن بالسفنجه بس يوم استفحل الوضع وتحمست والله وتقوم تقحش بيدها من القوطي وهاك يا لط هاك يا لط ... لين معاد حسيت بوجهي .. يعني صراحه اللي يبي يدخل مضاربه احسن له يسوي مكياج عشان اي احد يزعله يطقه بوجهه .
والله الكوفيره طلعت بنت حلال لأني احتجت وجهي في مضاربه اخر الليل مع الطقاقات

ويوم خلص المكياج ويجي دور اللبس ... وانواع اللقافه ... خالاتي وأمي وخواتي اللي ما عمر الوحده مدت لي المنشفه اذا نسيتها وانا في الحمام كلهن اليوم سبحان الله يبن يلبسني (فيه شده هنا على النون بس مدري وشلون اطلعها)... مير مالهم امل ... يوم قلت بافتح سحابي والى والله يوم حضرو(شده على الضاد) في الغرفه...


طبعا تخيلو عصعص تلتفت على الباب وتلقى هاك الجمع الغفير من المتفرجين والمشجعين ... اوووووووووه هييييييييه عصعص عصعص ... !!!!..


خيـــــــــــــــــــــــر! ------à تزعق عليهم

نعم وش تبون انتم ... هيش ... ايه انتم وش تبون بلبس فستان العرس يالله تقلعو ...

" لا نبي نساعدتس" ... علي !! علي!! علي الكلام ذا!! ادري تبون تبلغون شفكم يا الملاقيف مير معصي يالله بررررررررررررا!

والله وتقوم امي وتكرشهم (ضامنه الدوري انها بتقعد معي) وتقعد تعذر لي من خالاتي وتقول معذوره مستحيه عصعص (تبي ترقع يقالها) ...

اي مستحيه يا أميمتي ... اقول خوذي الباب معتس بس الله لا يهينتس ---------> امحق عروس!!



المهم والله وأكرش ام عصعص وابدا معركتي مع النفاش حق الفستان ... الحين ذا من وين يلبسونه !! والله البلشه وش الله بلاني بالعرس بس!!
اجيه يمين يروح يسار اجيه من تحت يروغ عني... وش السواة!!... ما فيه الا طريقه وحده !!

والله وأجيب لكم الكرسي اللي كنت جالسه عليه يوم تزيني الكوفيره وارقى عليه وأجيكم "كأواكابنقــــــــــــــــــــــــا" وسوبلكس في وسط النفاش ... تمام !! لبسنا النفاش..

باقي الحين الفستان .... فغصت عمري في هاك الفستان (الله لا يذكر من خيطه بالخير) لين بغت تناقز عويناتي .. وتمت عملية اللبس.

والله وأجيكم وأطل على العالم اللي برا الغرفه ... والله لا يوريكم على الاشكال اللي برا... المهم ما علينا !! وأطل عليهم وانادي أمي "يمـــــــــــــــــــــــــــــــــــاه... قلطو المعرس" ... ( حسبي الله عليتس وين قالط على عروس والا مفطح)..

وتجيك امي تطامر الله لا يفضحنا فضحتينا يالله سترك عمرتس شفتي عروس تنادي على المعرس ؟؟!!! .. قلت لا يهمتس بس خليه ينجز علينا ابي اشوف العرس ومنتب مطلعيني لين يجي وش ازين لكم! والله وتطق على ابوي باب المقلط (مافيه جوالات ايام عرسي) "ابو عصعص ... البنت تقول قلطو المعرس!!!"

واللهي ويجيكم ابوي مسلفح هو ويا المعرس (عارفني ابوي .. فضيحه لو ما جابوه طلعت اناديه)... ويدخل علي ذاك المملوح اللي يتلاصف من الدهن ... (الله يديم النعمه بس).. ويجي يصافحني والله واسوي نفسي ما استحيت .. واعطيه بالكف على يده طرقااااااااااااع "يـــــــــــــــــــــا حيالله المعرس .. تصدق أول مره في حياتي اشوف معرس!! "( عسى ما شر !!)

"قم انجز علينا يالله ندخل عند الحريم فيني رقصه"... كل هذا والضعيف ساكت ما قال ولا كلمه ... اصلا معذور انبله في جمالي سبحان الخالق!!!

والله وتطمر لكم عصعص وتسحب المعرس من بشته ... تخيلو عصعص وهي تسحب المعرس من بشته من ورا وهو مقفي وجهه ما يبي!!...

وجع!! ... بلا وجع ... وراه معيي ذا؟!! ...

والله يوم شفت الرجال معيي واقوم لكم وأحط بشته من فوق كتفي واسحبه لين طاح على وجهه وقعدت اسحبه لين دخلنا على الحريم...

وهنا نتوقف ونكمل لكم في الحلقه القادمه .





انتضرو الجزء الثا لث والا اخيررررررررر..........

ههههههههههههههههههههههههههههههه
هلا وغلا اخوي محترف توقعات..
انا وراك وراك انت وعصعص..
يله بس عجل علينا بالجزء الثالث <==== طاحت الميانه الله يعينك علي بس

===============
العن ام الطفااااااااااااااااقه مطفوقه صدددددددق ننتظر الجزء الثالث.... .
---------------------------------

هههههههههههههههههههه

امحق عروس اجل تقول قلطو المعرس ههههههههههه

الجزء الثالث بسررررررررررررررعه

ههههههههههههههههههه طرقة
حشا هذي ماهي عروسة...

بسرررررررررررررررررعة الجزء الثالث...
مشكووور

انا ما ابيكم تقلطوا لي عروس ابيكم تقلطوا لي ذبيحة <<<<<<<---سنوني نظيفة...

نحن بانتظار الجزء الثالث تكفى كثر فيه اللحم زين...

بسررررررررررررررررررعه يله اكتب الحين الجزء الثالث بسرعه بسرعه تراني استنا;)

الا اعجوبه:
تمون افاااااا عليك بس....تا مر امر..واشكرك على تعلقك.

نا يف:
الف شكر لك...وابشر بالجزء الثا لث.

صدى الامس:

غا لي وسير على غا لي...هلا فيك وابشر.

عا شقة الهلال:
تحيا تي الك...وابشري تا مرين.

اللورد سامي:
ابشر بالمفا طيح:p ...بس جهز الصحووووون<غبااااار>;)

ما روكو:
ابشري اختي..ولا يهمك.


انتضرو...الجزء الثا لث والاخير..
من سالفة ليلة عرسي...قريبااااااا


<<<<<<<<<< يبي يحمسكم
;)

اقول تراك طولتها و تعبتنا <------ قفلت





عطناها كامله بسرعه


ماصدقت ارجع أمهات أفكاري واسترجع الجزء الأول عشان افهم الباقي الا وتقول الباقي بعدين



بسرعه تراها قصة مصرقعة من جد عطنا تاليها


ايوا وبعدين ويم جرته ببشته ......... أخلص علينا كودها جرته ببشته مع الدرج :p :p


<--------- انواع النذالة في ذالراس

هلا اخوي عا شق النمر:

ياااااا حبيلك...

اجل تدربي ادمبجتك..:p


لعيونك يا عا شق....

<<<<<<انواع الغزل
;)

هلا والله بمحترف :

والله العظيم هذي ماهيب عروس صاحية اجل تقول قلطوا المعرس ولا يوم دخل المعرس جرته مع بشته وتقول يالله ندخل على الحريم فيني رقصة , الحمدلله على نعمة العقل .


والله لا يبلانا بزوجة مثلها .


اخوي يالله الجزء الثالث بسرعة .

الغالي: fahoode

هلا فيك...وابشر بسعدك...

وللعلم فالقصه او السا لفه حقيقه..

والجزء الثالث..هو الا اهم وفيه التفا صيل..

<<<<<<ذا يبي يحمسكم اكثر فاكثر فاكثر..

هلا والله بمحترف :

القصة صدق .

والى الان هم متزوجين ؟؟؟؟

ما اقول الله يعين الزوج اذا استمرت على ها الهبال .

هلا والله بمحترف :

القصة صدق .

والى الان هم متزوجين ؟؟؟؟

ما اقول الله يعين الزوج اذا استمرت على ها الهبال .

ههه وبعد القصه صدقيه ...

لالالا حلووووووووووووووووووووووووووووووة,,,,,
مررررررررررره