السلام عليكم ورحمة الله وبركاته
إخواني الزعماء الكرام
أخوكم إنحرج وطاح في مشكله يوم حب إنه بيتفلسف على واحد
القصه ان واحد من الأصدقاء توه شاري له CD-RW وحاب يركبه على الجهاز
وقلت له إزهله يا أبو الشباب أنا أركبه لك
وركبت له القطعة ومشى الحال وجيت أعلمه كيف يستخدمة وإنه يوجد على جهازه بإسم F
وما دريت الا وصاحبنا صكني بسؤال دوخني
ليش ما صار موقعه B مع أن الجهاز فيه الحروف A و C و D و E و F هاه يا أبو الشباب
بصراحه تلعثمت وصرفت أخينا بالله
وقلت له في السابق كان هناك محرك أقراص مرنه B كبير حجمه 5 بوصه ( الشباب صغار السن من 25 وتحت يمكن ما عمرهم شافوه في حياتهم بس الشياب أكيد لحقوا عليه وأنا منهم بس ما أذكر بصراحه وين كان موقعه بالضبط ) بس إنقرض الحين بالاضافه الى المتوفر حاليا 3.5 بوصه ؟؟؟ تصريفه ما خشت في بالي بس مشت الحال ......
ومعه حق وين المحرك B ؟؟؟؟
اللي عنده من الزعماء إجابه لا يبخل علينا فيها .
تحياتي وتقديري
power-off