#1  
قديم 02/05/2005, 09:27 PM
زعيــم جديــد
تاريخ التسجيل: 17/04/2005
مشاركات: 15
Talking && انواع بنات الرياض&&((ولا يزعلون))

انواع بنات الرياض (ولا يزعلون)

--------------------------------------------------------------------------------

السلام عليكم
تبون تعرفون انواع بنات الرياض (ولا يزعلون)
(مسويه ماهي منهم )

أنــــــــــــواع بنـــــــــات الــــــــــــرياض بسم الله

فيه بنات ( قراوى ) .. وفيه نوع ( يسوون نفسهم موب قراوى وهم قراوى ) .. وفيه نوع مسوين فيها ( يااى بزياده ) وعلى بالهم هاى كلاس مارا مارا ( يعنى مره مره بس بطريقتهم )

ان كان يهمك تعرف هالانواع ووش تصنيف كل وحده فيهم .. تعال اعلمك ردة فعلها على كل موقف ( بس كل معلومه بخمسه يورو )


المواصفات و المعلومات عامه

الياى :
ماتتغطى على بالها محد يهمها ( لكن ان كانت توها صاحيه من النوم اى هين تكشف انواع الخشوم والعيون المتفخه )
وعباية عليها كل نقشات العالم + بوت مشي
المشيه تنقز تنقز بزعمها جاقنق
ومن رواد شارع العليا العام والتحليه والدبلوماسي
ومطاعم السيزون والريف اللبنانى والايطالى والقلوب والكوارتو

اللى هى قرويه بس مسوى فيها موقرويه :
تتلثم .. وعباية مطرزه (يبيلها سيوف الننيجا ) ..والعيون ترسمها 3 ساعات + تنس شوز
المشيه حبه حبه بزعمها ناعمه مره
من رواد المملكه والفيصليه والسيفوى وصحارى سنتر
و المطعم البرازيلي ( الترازو ) و ستارباكس و دابينو والصينى

القرويه :
برقع + نقاب .. عباية مخصره + جزمه حمرا عاليه
المشيه فيها هزه كنها راكبه جمل..ماعندها توافق عقلى عصبي فمشيتها
من رواد اليورمارشيه والجزيره والفيصليه والمملكه والاندلس والعروبه بلازا
والمطاعم ..مكدونال وهرفي و كودو ويامال الشام
ههههههههههههههههههههههههههههههه

الاهتمامات

الياى :
فلانه خطبها امير ؟!!
تمارين رشاقه ودايت قبل الصيف
ودى اتحجب هالسنه
متى ابطل تشاكليت

اللى هى قرويه بس مسوى فيها موقرويه :
فلانه طلقها زوجها
ابي اروح السوق عندى مقاضي
مسلسلات مصريه وكويتيه
تكلم 24 ساعه

القرويه :
تروح زواجات
تروح الخياط
تحط حنا فشعرها ( يععع )
تطبخ هههههههههههههههههههههههههههههههه

اول ماتعرفها .. نوعية المواضيع اللى تحكى فيها معك

الياى :
عن وين سافرت اجازة الحج .. عن انها تبي تاخذ تان وتغير ستايلها .. عن ابوها وشركاته

اللى هى قرويه بس مسوى فيها موقرويه :
عن الشباب ومضايقاتهم .. عن انها دايم تغير موبايلها .. عن خطابها وكثرتهم

القرويه :
عن طلاق اختها .. عن ابها وجوها .. عن اخوها انه مايوديها للزواجات
(من جد قراوى)



لين جيت بتديتها

الياى :
تواعدك فالكواترو فى الفورسيزن .. والا تجيك بسيارتها ( والسواق وده يلعن خييرك )

اللى هى قرويه بس مسوى فيها موقرويه :
تواعدك فى الفيصليه ( ومعها كل خواتها ) .. والا تروح تاخذها من بيت صديقتها فى الروضه هههههههههههههههههههههههه

القرويه :
تواعدك فى شاليهات الديره ( الثمامه ) ... والا تروح تاخذها من عرس( انواع الروائح بعد الرقص )
ههههههههههههههههههههههههههههه


لين بغت تتفشخر و تدعى عليك

الياى :
تقول تصدق انو بابا يبي يغير البي ام حقى يقول خلاص له سنتين معك بس انا ماابي حبيت سيارتى خلاص احسها جزء منى ( بزعمها مايهمها )... والا تقول ههههاى الكردد حقى مافيه الا عشرين ريال انا مفلسه ( بزعمها واثقه من نفسها ) .. والا تقول ماما خيرتنى بين ساعه الماس والا تسفرنى ويك اند بيروت وش رايك؟ (ياربيييييه)

اللى هى قرويه بس مسوى فيها موقرويه :
تقول شركة الاتصالات حراميه بزود تونى مسدده فاتورة جوالى 5 آلاف... والا تقول هالسنه محتارين نسافر القاهره و دبي والا نروح ماليزيا و تركيا .. والا تقول كل اسبوع لازم نروح الاستراحه .. والا تقول انامليت وانااعزم صديقاتى فى الفيصليه ابي اغير وين اعزمهم ؟

القرويه :
تقول والله تونى شارية جوال ابوكاميره ( بزعمها قوه لوول ) .. والا تقول ابوى بيودينا لابها والشرقيه وحنا نبي سوريا .. والا تقول ياخى سواقنا ذا الاندلوسي وش زين سواقته ( بزعمها ماتطلع ماخوها )
هههههههههههههههههههههههههه


لين قلتلها عرفى بشخصيتك او ميولك

الياى :
انا انسانه ابحث عن كيانى .. اكره القيود .. محد له سلطه على الا عقلى .. اسمع فيروز و كاترين برادا وكلاسك ميوزك .. احب الرجل يكون شكله شرقى لكن له مايند غربي

اللى هى قرويه بس مسوى فيها موقرويه :
انا صريحه .. اسمع راشدالماجد ..واحب الشعر .. برغم كثر مايخطبونى لكنى ابي زوج مثل خالد الفيصل .. عيبي طيبتى .. واموت فى (احمد السقا ) الممثل المصري .. غيوره حتى من نفسي

القرويه :
شف .. انا مانيب احب اللف والدوران يعنى احب الزبده .. ومنيب اجامل يعنى وجهى مغسول بمرق .. اه لو انك خالد عبدالرحمن .. اتمنى الاقى زى زوج اختى الكبيره تهانى .. احب البس تفصيل مااحب الجاهز
(تلقى ملابسها كلها تفصيل عند الخياط اللي جنبهم) هههههههههههههههههههه


كيف تكلمك على موبايلك ؟

الياى :
ترسلك مسج تقول اى مس يو .. يعنى عشانك خفيف ومتاكده انك بتكلمها على طول

اللى هى قرويه بس مسوى فيها موقرويه :
تدق رنه وتسكر ..تقول اخاف يطلع رقمك فالفاتوره عند اهلها

القرويه :
تكلمك ربع دقيقه ..تقول كلمنى الحين مابقى فالرصيد الا 17 ريال ومخليتهم رسايل
ههههههههههههههههههههههههههههه


كيف وضعها معك وباى طريقه تكلمك

الياى :
لازم تقول .. اها .. ولين طاح منها اى شيى تقول اوتش .. وطول ماهى تكلمك تحاكى الشغاله بالانقليزى.. تقولك مااعرف اكلم الا ومعى كوشنز .. ونص المكالمة تسمعك اغانى بايخه.. وقبل لاتسكر تقول تيك كير

اللى هى قرويه بس مسوى فيها موقرويه :
لازم تقولك انا متضايقه ابوى جايه خطيب كويس مره واخاف يجبرنى .. طول ماهى تكلمك امها تناديها بصوت عالى .. لين جتها اختها تحطك هولد تبي توريك عندهم سنترال ..لازم تقول تشاو قبل لاتسكر

القرويه :
لازم تقولك ابقوم احط لى عشاء.. تتصل عليك فاليوم 450 مره .. كل شوى تدبج فى ولد اختها وهى تكلمك .. تطلع السطوح تصلح الدش وانت معها عالخط .. ماتخلو اى مكالمه من الاهات والتنهدات.. تقولك ليش ماتتوظف ؟
هههههههههههههههههههههههههه

لين بغت تتركك لاى سبب

الياى :
تقولك : ماعاد احس ان فيه بيننا كونكشن روحى .. وبليز اذكرنى بالذكر الكويس عند الناس واعتبرنى سحابة صيف (اما هي)

اللى هى قرويه بس مسوى فيها موقرويه :
انا انخطبت ..ولو سمحت رجع صوري اللى خذيتها فعيد الحب .. وحطها لى فالمناسبات

القرويه :
اهلى كشفونى .. وتكفى رجع الدوب اللى شريته لك من اليورمارشيه
هههههههههههههههههههههههههه


لين تركتك فتره طويله ورجعت الفضاوه واشتاقتلك

الياى :
تحط لك على الفويس ميل( ياى عالفويس ميل) اغنية ( هاو كان اى كاتش يو )
وترسل مسج مكتوب فيه:
اى نيد سم ون
هى ونت مى
بت .. ووال بتوين اص
وير ازت ؟
اى لوزت ؟

اللى هى قرويه بس مسوى فيها موقرويه:
:تكلمك صديقتها تقولك كلم فلانه ضرورى مسئلة حياة او موت
وتتصل عليها .. تقولك انا ماكلمتك الا محتاجة لك فعلا .. عندى مشاكل وتعبانه نفسيا.. اعتبرنى اخت او صديقه

القرويه :
تسجلك اغنية .. ابصملك على العشره
وتدق عليك رنه وتسكر 250 مره .. لين كلمتها تقول وشدعوه هالتغلى .. ياخى العشره ماتهون الا على السمرمدى

منقوووووووووووووول
اضافة رد مع اقتباس
  #2  
قديم 10/05/2005, 08:29 PM
زعيــم متواصــل
تاريخ التسجيل: 08/04/2005
مشاركات: 65
مشكور أخوي الحمدلله أنا بالدمام
اضافة رد مع اقتباس
  #3  
قديم 10/05/2005, 09:39 PM
زعيــم نشيــط
تاريخ التسجيل: 19/08/2002
المكان: There, In No Where
مشاركات: 678
[align=center]
إقتباس
الرسالة الأصلية كتبت بواسطة بحر الهموم
مشكور أخوي الحمدلله أنا بالدمام

الحال من بعضه
لكن ما يمنع أن نقول أن هالنوعيات من البنات متوفرة في كل مكان

(لا تلوموني عشقي هلالي) تسلم على المشاركة الرووعة [/align]
اضافة رد مع اقتباس
  #4  
قديم 15/05/2005, 07:44 PM
زعيــم متألــق
تاريخ التسجيل: 08/10/2004
المكان: <>الكرة لارضية<>
مشاركات: 1,439
مشكور أخوي الحمدلله أنا بالدمام
اضافة رد مع اقتباس
  #5  
قديم 16/05/2005, 02:35 PM
الصورة الرمزية الخاصة بـ الهنوووف
عضو استشاري للمجلس العام
وعضو تحرير مجلة الزعيم
تاريخ التسجيل: 18/01/2005
المكان: زاوية ارى الناس ولايروني
مشاركات: 11,544
كلش ولا بنااااااااااات الرياض عاد

يسلمووووووووووووووو
وعقبال شباب الرياض
اضافة رد مع اقتباس
  #6  
قديم 25/05/2005, 07:52 AM
زعيــم فعــال
تاريخ التسجيل: 25/12/2004
المكان: الغرفة الوسطى
مشاركات: 328
لووووووووووووووووووول

وكمان لووووووووووووووول

مشكووورة ماااااررة

عاد الدورالجاي على بنات جدة

<====== مسوي نفسه مو من جدة
اضافة رد مع اقتباس
  #7  
قديم 01/06/2005, 03:01 PM
زعيــم نشيــط
تاريخ التسجيل: 18/03/2005
المكان: قصـر الزعامـة
مشاركات: 521
صراحة شيء روعة واتمنى من البنات كل وحده تصنف نفسها من أي نوع




ما أبي تقولون أنكم من الياي


لأني ادري إن فيه بعضكم من الأنواع الأخرى


وترى عادي ما فيها شيء الأنواع الثانية



امنيتي يكون فيه موضوع للتماسيح عشان أقدر اصنف نفسي من بينهم

ومشكور أخوي على الموضوع
اضافة رد مع اقتباس
  #8  
قديم 01/06/2005, 04:12 PM
زعيــم مميــز
تاريخ التسجيل: 01/10/2003
المكان: الامــــــــــــــ العين ــــــــارات
مشاركات: 1,939
انا مو من السعوديه

فلت منها
اضافة رد مع اقتباس
  #9  
قديم 16/06/2005, 10:08 AM
مشرف سابق في منتدى المجلس العام
تاريخ التسجيل: 18/12/2004
مشاركات: 9,684
ههههههههههههه

والله انك صادقة
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML غير مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 09:25 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2018, Jelsoft Enterprises Ltd

Google Plus   Facebook  twitter  youtube