وش السواة بالعملة المعدنية ؟؟؟ السلام عليكم ورحمة الله وبركاتة زمان كانوا يقولون ان العملة الحديد ( الهلل والقروش ) يشترون بها ؟؟؟ هذا زمان .... وقبل كم سنة كنا اذا تقضينا من الاسواق الكبيرة الي ترجع لنا الباقي ( الهلل ) بالنسبة لي كنت أفتك منه أما عن طريق مكائن بيع المشروبات الغازية أو عن طريق صناديق التبرعات الي عند بيبان الأسواق الكبيرة قبل ما يشيلونها بسبب إحترازات أمنية ( عسى ما كنا ندعم جهات مشبوهة وحنا ما ندري ) الله يحتسب لنا الأجر على النية .... بس الحين مصخوها هالكاشيرات ( محاسبين الصناديق في الاسواق الكبيرة ) يا اما يلطشونها عليك :nono: او يغثونك بها يرجع خمس هللات و لا عشر هللات ...... صراحة امتلا درج السيارة من الهلل ومكائن بيع المشروبات الغازية ما عاد تقبل الهلل براحة ( يضيع عليك الهلل لا هو قبله ولا هو رجعه ) ..... و بطاقات الصرف الالكتروني يضيع وقتك عند المحاسب اما الشبكة معطلة او العملية فاشله ؟؟؟؟ بصراحة الواحد ما يدري وش يسوي ..... يوقف عند المحاسب ويحاسبة بالهلل ((( الله يعينة من نظرات الناس حوله ))) :rolleyes: بيقولون وش ذا البخيل ؟؟؟ او يترك الهلل ويقولون وش ذا الدلخ :cry: احترنا بالعمله المعدنية ؟؟؟ :confused: بنغى نستنير بآرائكم يا زعماء فلا تحرمونا منها .............. والله يحفظكم |
أووووههههه شكلك شوّيب يالأخو !!!!!!!!!!!!!!!!!!! |
والله اني حاااس في معاانتك بس ياخوي اكثر المجمعات الي ترجع الهلل يكون فيها جهاز تحويل عن طريق الصراف يعني لاعاد تستخدم الدفع الكااش وبكذا راااح ترتاح من شيلتهم اما اذا ماكان عندك صراف صلح لك صندوق من الخشب وكل عمله معدنيه ضعها فيه واذا حسيت انك داج رح لمؤسسة النقد تراهم يغيرونها لك غصب والله يعينك ياخوي |
شوووهد ما سبق صحيح هي مشكلة000 بنسبه لي عندما يكون لي باقي هلل فني لا أتحرك حتى استلمه لا عندي هويه جمع العملات المعدنية000 اخوووكم000 s13s |
اقتراح: احصل على صندوق جمع تبرعات وضعه في بيتك ... (ممكن علبة نيدو مشقوق غطاها ;) ) .. ضعها في مكان بحيث تشاهده يوميا تقريبا .. للتذكير .... كل ما جا في جيبك شي ... ارميه فيها ... بعد كم شهر . تمتلي العلبة .. وبعدين ؟؟!! خذها الى مكتب هيئة الأغاثة او ندوة الشباب الأسلامي ... بيستلمون الهلل منك ومعاها دعوة وابتسامة غير الأجر عند ربك ان شاء الله .. وتكون تصدقت بمبلغ يكون العادة مصيره الى الضياع .. ثم تعيد الكرّة ... طبعا هي كلها مشوار او اثنين في السنة ... اذا مرّة عاجز.. ارسل لي على الخاص واجيك البيت استلمها انا :D |
[align=center]^ ^ ماشالله تبارك الله .. جزاك الله خير .. أفضل حل :) ولاتنسى العلوك او الحلاوه للأطفال :) [/align] |
الشكر لجميع من شارك في الموضوع والاقتراح ( أبو علبة نيدو مشقوقه ) s60s على كيف كيفك وان شاء الله بسويه وجزاكم الله خير رفعتوا معنوياتي بالردود الطيبة تحياتي وتقديري power-off |
أبو علبة نيدو مشقوقه ) على كيف كيفك |
ماشاء الله عليكم ردود حلوه :D داخل عرض على باله الموضوع موضوعه :D المهم وأنا أخوك اللي ماعنده قرش مايسوى قرش :razz: مع تحيـــــــــــــــــــــــــــــــــــــــــــــــــــــــــــــــــــــــــــــــاتي |
:D ماشاء الله عليكم ردود حلوه داخل عرض على باله الموضوع موضوعه ولو أخوي الأمبراطور نواف ......... ليش تقول كذا ... :nono: كلنا واحد خذ راحتك والموضوع موضوعك وإذا بغيت تعدل فيه سوى اللي يريحك ... :D كم عندنا من الأمبراطور نواف...... :D مشكووووووورين جميعا على حسن التفاعل شاكر ومقدر :D |
8 8 8 8 أقول وش رايك تعطيني إسمك ورقمك بالمنتدى علشان أعدل على كيفي :D :D :D مشكور على موضوعك الحلو :razz: |
s13s s13s s13s s13s s13s s13s s13s |
[align=center]مرحبا بك أخوي Power Off بصراحة موضوع جميل جداً .. ونقطة جديرة بالنقاش ..:) تصدق عاد أذكر إني سمعت إن الريال الورقي بيلغى ويخلون بداله ريال معدني ( صار ماء :D ).. لأنهم يقولون إن تكلفة الورقي أعلى من قيمته ..:no: المهم أذكر بالإمارات ماعندهم ورق إلا فئة خمسة درهم فما فوق ..لذلك الدرهم والنص تجي معدنية ..:) المشكلة إن تفكيري إنها مثل اللي عندنا يعني ما نعطيها وجه ماغير نجمعها على جنب :D .. غير كذا ابتلشنا بها ..كان معي كاميرا دايم أشيلها وفي أي مكان .. في شنطة الكاميرا درجين واحد استغليته حصاله :D لما صارت الهلل ( مصر أسميها كذا حتى بالإمارات :D ) أثقل من الكاميرا ..:( تصدق عاد إننا عبينا السيارة بنزين فيها وحنا ما درينا .. :rolleyes: يعني مجمعين مبلغ ما درينا عنه .. :wallbash: الحل .. إنهم يخلوننا نشقق من الريال الورقي على قد اللي نبي .. يعني نص ربع ... وهكذا.. :D بكل صراحة الحل اللي قاله الأخ " الجاحظ " جدير بالاهتمام وحل رائع جدا..:) شكرا لك على هذا الموضوع أخ طاقة مطفأة .. :D وتقبل تحياتي ،،،[/align] |
أخوي البارق 2000 مشكووووووووووور على مرورك على الموضوع وكلي فخر بتعقيبك عليه وأنا ماني طاقه مطفأه بل معنى ذلك طاقه معطله :D ( كلها سوى بس حب الواحد يتفلسف :D ) ومشكله الريال لو صار معدني يتصير مثل الهلل يعني تخيل أولاد المدارس إذا وقفوا عليك يقولون ( عطني ريال معدني جديد ونظيف مو هذا المصدي :D ) ويبغالنا نغير نوعية محفظة النقود ( نبغى نوع له سحاب لحفظ الريالات المعدنية من السقوط ) ولا نصير مثل الجنس اللطيف كل واحد منا يشيل شنطته :D المهم من كذا ليش ما يصير فئة النصف ريال ورقيه ( على طارى تكلفه طباعة الريال أغلى من الريال طيب بنعطيهم تكلفة الطباعة ويعطونا بدالها ورقة فئة خمسمائة :D ) الشكر الجزيل لكل من تفاعل مع الموضوع وأعدكم بإذن الله بمواضيع فعاله أخرى في القريب العاجل power-off الطاقه المطفأة |
الوقت المعتمد في المنتدى بتوقيت جرينتش +3.
الوقت الان » 01:07 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd