#1  
قديم 27/04/2005, 09:27 PM
زعيــم فعــال
تاريخ التسجيل: 25/04/2005
مشاركات: 316
وش السواة بالعملة المعدنية ؟؟؟

السلام عليكم ورحمة الله وبركاتة

زمان كانوا يقولون ان العملة الحديد ( الهلل والقروش ) يشترون بها ؟؟؟

هذا زمان ....

وقبل كم سنة كنا اذا تقضينا من الاسواق الكبيرة الي ترجع لنا الباقي ( الهلل ) بالنسبة لي كنت أفتك منه أما عن طريق مكائن بيع المشروبات الغازية أو عن طريق صناديق التبرعات الي عند بيبان الأسواق الكبيرة قبل ما يشيلونها بسبب إحترازات أمنية ( عسى ما كنا ندعم جهات مشبوهة وحنا ما ندري ) الله يحتسب لنا الأجر على النية ....

بس الحين مصخوها هالكاشيرات ( محاسبين الصناديق في الاسواق الكبيرة ) يا اما يلطشونها عليك او يغثونك بها يرجع خمس هللات و لا عشر هللات ......

صراحة امتلا درج السيارة من الهلل ومكائن بيع المشروبات الغازية ما عاد تقبل الهلل براحة ( يضيع عليك الهلل لا هو قبله ولا هو رجعه ) .....

و بطاقات الصرف الالكتروني يضيع وقتك عند المحاسب اما الشبكة معطلة او العملية فاشله ؟؟؟؟

بصراحة الواحد ما يدري وش يسوي .....

يوقف عند المحاسب ويحاسبة بالهلل ((( الله يعينة من نظرات الناس حوله )))
بيقولون وش ذا البخيل ؟؟؟

او يترك الهلل ويقولون وش ذا الدلخ

احترنا بالعمله المعدنية ؟؟؟

بنغى نستنير بآرائكم يا زعماء فلا تحرمونا منها ..............
والله يحفظكم
اضافة رد مع اقتباس
  #2  
قديم 27/04/2005, 09:49 PM
موقوف
تاريخ التسجيل: 31/07/2002
المكان: المملكة العربية السعودية ..
مشاركات: 759
أووووههههه


شكلك شوّيب يالأخو !!!!!!!!!!!!!!!!!!!
اضافة رد مع اقتباس
  #3  
قديم 27/04/2005, 10:23 PM
زعيــم متألــق
تاريخ التسجيل: 03/09/2003
المكان: قصيمي ابا عن جد
مشاركات: 1,356

والله اني حاااس في معاانتك

بس ياخوي اكثر المجمعات الي ترجع الهلل يكون فيها جهاز تحويل عن طريق الصراف

يعني لاعاد تستخدم الدفع الكااش وبكذا راااح ترتاح من شيلتهم

اما اذا ماكان عندك صراف

صلح لك صندوق من الخشب وكل عمله معدنيه ضعها فيه واذا حسيت انك داج رح لمؤسسة النقد تراهم يغيرونها لك غصب

والله يعينك ياخوي

اضافة رد مع اقتباس
  #4  
قديم 28/04/2005, 12:29 AM
زعيــم مميــز
تاريخ التسجيل: 29/04/2002
المكان: عمها : عالم من اختياري
مشاركات: 3,217
شوووهد ما سبق

صحيح هي مشكلة000 بنسبه لي عندما يكون لي باقي هلل فني لا أتحرك حتى استلمه لا عندي هويه جمع العملات المعدنية000

اخوووكم000
اضافة رد مع اقتباس
  #5  
قديم 28/04/2005, 10:18 AM
قلم مثقف بالمجلس العام
تاريخ التسجيل: 21/01/2004
المكان: الظهران
مشاركات: 1,453
اقتراح:


احصل على صندوق جمع تبرعات وضعه في بيتك ... (ممكن علبة نيدو مشقوق غطاها ;) ) ..

ضعها في مكان بحيث تشاهده يوميا تقريبا .. للتذكير ....

كل ما جا في جيبك شي ... ارميه فيها ...


بعد كم شهر . تمتلي العلبة .. وبعدين ؟؟!!


خذها الى مكتب هيئة الأغاثة او ندوة الشباب الأسلامي ... بيستلمون الهلل منك ومعاها دعوة وابتسامة غير الأجر عند ربك ان شاء الله .. وتكون تصدقت بمبلغ يكون العادة مصيره الى الضياع ..

ثم تعيد الكرّة ...

طبعا هي كلها مشوار او اثنين في السنة ... اذا مرّة عاجز.. ارسل لي على الخاص واجيك البيت استلمها انا
اضافة رد مع اقتباس
  #6  
قديم 30/04/2005, 11:40 AM
عضو سابق بلجنة التغطيات بشبكة الزعيم
تاريخ التسجيل: 12/12/2003
المكان: الــريــااض
مشاركات: 1,679
[align=center]^
^
ماشالله تبارك الله .. جزاك الله خير .. أفضل حل

ولاتنسى العلوك او الحلاوه للأطفال [/align]
اضافة رد مع اقتباس
  #7  
قديم 30/04/2005, 11:50 AM
زعيــم فعــال
تاريخ التسجيل: 25/04/2005
مشاركات: 316
الشكر لجميع من شارك في الموضوع

والاقتراح ( أبو علبة نيدو مشقوقه ) على كيف كيفك

وان شاء الله بسويه

وجزاكم الله خير

رفعتوا معنوياتي بالردود الطيبة

تحياتي وتقديري
power-off
اضافة رد مع اقتباس
  #8  
قديم 07/05/2005, 03:25 PM
موقوف
تاريخ التسجيل: 04/10/2004
مشاركات: 688
أبو علبة نيدو مشقوقه ) على كيف كيفك
اضافة رد مع اقتباس
  #9  
قديم 07/05/2005, 05:18 PM
زعيــم مميــز
تاريخ التسجيل: 04/11/2002
مشاركات: 2,768
ماشاء الله عليكم ردود حلوه

داخل عرض على باله الموضوع موضوعه

المهم وأنا أخوك اللي ماعنده قرش مايسوى قرش

مع تحيـــــــــــــــــــــــــــــــــــــــــــــــــــــــــــــــــــــــــــــــاتي
اضافة رد مع اقتباس
  #10  
قديم 08/05/2005, 12:52 PM
زعيــم فعــال
تاريخ التسجيل: 25/04/2005
مشاركات: 316
ماشاء الله عليكم ردود حلوه

داخل عرض على باله الموضوع موضوعه

ولو أخوي الأمبراطور نواف ......... ليش تقول كذا ...

كلنا واحد خذ راحتك والموضوع موضوعك وإذا بغيت تعدل فيه سوى اللي يريحك ...

كم عندنا من الأمبراطور نواف......


مشكووووووورين جميعا على حسن التفاعل

شاكر ومقدر
اضافة رد مع اقتباس
  #11  
قديم 08/05/2005, 03:30 PM
زعيــم مميــز
تاريخ التسجيل: 04/11/2002
مشاركات: 2,768
8
8
8
8
أقول وش رايك تعطيني إسمك ورقمك بالمنتدى علشان أعدل على كيفي

مشكور على موضوعك الحلو
اضافة رد مع اقتباس
  #12  
قديم 08/05/2005, 04:35 PM
زعيــم فعــال
تاريخ التسجيل: 25/04/2005
مشاركات: 316






اضافة رد مع اقتباس
  #13  
قديم 09/05/2005, 02:06 AM
مشرف سابق بمنتدى المجلس العام
تاريخ التسجيل: 06/01/2001
المكان: w w w . a l z a e e m . n e t
مشاركات: 6,596
[align=center]مرحبا بك أخوي Power Off

بصراحة موضوع جميل جداً .. ونقطة جديرة بالنقاش ..

تصدق عاد أذكر إني سمعت إن الريال الورقي بيلغى ويخلون بداله ريال معدني ( صار ماء ).. لأنهم يقولون إن تكلفة الورقي أعلى من قيمته ..

المهم أذكر بالإمارات ماعندهم ورق إلا فئة خمسة درهم فما فوق ..لذلك الدرهم والنص تجي معدنية ..

المشكلة إن تفكيري إنها مثل اللي عندنا يعني ما نعطيها وجه ماغير نجمعها على جنب ..

غير كذا ابتلشنا بها ..كان معي كاميرا دايم أشيلها وفي أي مكان .. في شنطة الكاميرا درجين واحد استغليته حصاله لما صارت الهلل ( مصر أسميها كذا حتى بالإمارات ) أثقل من الكاميرا ..

تصدق عاد إننا عبينا السيارة بنزين فيها وحنا ما درينا .. يعني مجمعين مبلغ ما درينا عنه ..

الحل .. إنهم يخلوننا نشقق من الريال الورقي على قد اللي نبي .. يعني نص ربع ... وهكذا..

بكل صراحة الحل اللي قاله الأخ " الجاحظ " جدير بالاهتمام وحل رائع جدا..


شكرا لك على هذا الموضوع أخ طاقة مطفأة ..


وتقبل تحياتي ،،،[/align]
اضافة رد مع اقتباس
  #14  
قديم 09/05/2005, 09:49 AM
زعيــم فعــال
تاريخ التسجيل: 25/04/2005
مشاركات: 316
أخوي البارق 2000

مشكووووووووووور على مرورك على الموضوع وكلي فخر بتعقيبك عليه

وأنا ماني طاقه مطفأه بل معنى ذلك طاقه معطله ( كلها سوى بس حب الواحد يتفلسف )

ومشكله الريال لو صار معدني يتصير مثل الهلل يعني تخيل أولاد المدارس إذا وقفوا عليك يقولون ( عطني ريال معدني جديد ونظيف مو هذا المصدي )

ويبغالنا نغير نوعية محفظة النقود ( نبغى نوع له سحاب لحفظ الريالات المعدنية من السقوط )

ولا نصير مثل الجنس اللطيف كل واحد منا يشيل شنطته

المهم من كذا ليش ما يصير فئة النصف ريال ورقيه ( على طارى تكلفه طباعة الريال أغلى من الريال طيب بنعطيهم تكلفة الطباعة ويعطونا بدالها ورقة فئة خمسمائة )

الشكر الجزيل لكل من تفاعل مع الموضوع
وأعدكم بإذن الله بمواضيع فعاله أخرى في القريب العاجل

power-off الطاقه المطفأة
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 07:40 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2019, Jelsoft Enterprises Ltd

Google Plus   Facebook  twitter  youtube