27/04/2005, 08:02 PM
|
 | زعيــم مميــز | | تاريخ التسجيل: 01/04/2002 المكان: K.S.A
مشاركات: 3,105
| |
|
اخواني يتصلون علي بين الشوطين وينك؟؟؟
[align=center]السلام عليكم ورحمة الله وبركاته والف مبروك الفوز وعقبال المباراه الجايه والبطوله
ماحبيت اعكر اجوائكم وصفوها لاكن انا متاكد ان فيه ناس تعكرت اجواها وتنتظر تتكلم
اسرد عليكم سالفتي وانتم احكموا
الساعه السادسه مساء جوني اخواني (واحدفي الجامعه والثاني في الثانوي) وودعوني وقالوا عقبال مانفرح بالفوز ودعتهم وقلت احجزوا لي مقاعد لحق ثلاثة اشخاص ؛ مروني اخوياي ووصلنا الملعب قالوا لي خلنا نروح درجه ثانيه وننبسط مع الشباب وكنت انا ناصحهم بالممتازه لاكن بحكم انهم اثنين فغلبوني رحنا ولقينا العجب العجاب طوابير شراء تذاكر وتخيلوا شخصيين يبيعون التفت يمين الى فيه طوابير ثانيه تفتيش عسكريين يفتشون واثنين يسولفون !!!!!!! قلت لربعي مابدهاش خلونا نروح درجه ممتازه زياده 30 ريال مو مشكله وصنلنا الشباك مافيه الا انا وربعي وثلاث مشجعين تقريبا اول المفاجات التذكره بـ 100 ريال !!!!!! قلت له انا ماابغى درجة ممتازه أ انا ابي ب قال مافيه الحين أ حولوها منصه و ب ممتازه؛ تخيل تجلس مثل مايجلسون اي واحد في الملعب بـ 100 ريال قلت مومشكله كل شي للهلال يهون دخلنا وشف الفرق مافيه تفتيش ولا شفت اي عسكري ولا اي قروشه
يعني لازم ادفع 100 ريال علشان مااتعرض للتفتيش؟؟؟؟؟ او فيه خوف من يمرون من ذيك المنطقه وانتم فاهمين قصدي
دخلنا ولاحظت التقسيم في المدرجات وكيف تعرض الهلال للظلم واشوف البوابات وحصلتها تقفلت مع ان طرف الدرجه الثانيه بالنسبه للهلاليين ماامتلى ؟؟؟
المهم بين الشوطين جاني اتصال من اخوي توقعته بيسالني عن الشوط الا ان صوته يلهث ؟؟؟
سالته وش فيك؟ قال رفضوا يدخلونا انا واخوي وقفلوا البوابات!!!!!!! شف لنا حل ؟؟
واعدتهم عند شباك التذاكر الممتازه وهذي 200 ريال لشوط مع اني حاولت ادخلهم واتفاهم مع امن البوابات بان معهم تذاكر فرفض وقال لازم يدفعون يعني دفعوا 240 ريال لدخول المباراه
اخواني الاعضاء ادارة النادي يامسئولين عن الرئاسه
اذا كنت انا قادر باذن الله ادفع لاخواني وبدخلهم كيف اللي بالطقاق جمع له 20 ريال علشان يحضر ويستمتع وينحرم من ابسط حقوق في الدخول للملعب ويذل؟؟ اذا كان واحد قدر يقتحم الملعب من اوله لاخره ولا اعترضه احد هل التطفيش من البوابات؟؟
علم ممنوع تصبغ وجهك ممنوع توقف ممنوع تشجع ممنوع تطلع منت براجع قلم ممنوع برمودا ممنوع
مهزله في مهزله في مهزله
يابو سلطان يابو سلطان يابو سلطان كفايه ذل والله اقولها من حره انت املنا
حول المباريات للنادي وانا مستعد باني اطرح موضوع لانشاء ملعب خاص بالنادي تتكفل فيه الجماهير وماعليك انت الا اخذ موافقة اقامة المباريات عليه من الرئاسه وكفانا ذل
انا طالع لجده ان شالله وبنشوف الفرق
الى رئاسه الشباب ( لاحظوا يعني المسئولين عن الشباب) هل تسمحون بهذه الفوضى في مباريات المنتخب القادمه او الهلال فريق من كوكب عطارد
ملاحظه / 989 هذا رقم خاص بالمواطنين والمقيمين لشكوى رجال الامن ماعليك الا الاتصال بـ 905 واخذه واشتك اي واحد منهم حاول الاساءه لك صارت الدعوى فوضى كل من لبس زي عسكري وكانه ملك الكون
واسف على الاطاله[/align]
اخر تعديل كان بواسطة » **ABU S3OOD** في يوم » 28/04/2005 عند الساعة » 01:38 AM |
يعطيك العافيه
[/align]
الوضع العادي
