ماقصرت ياسمو الامير ولكن...........
السلام عليكم ورحمة الله وبركاته وشلونكم حبايبي انشالله بخير.........
ودي اتكلم عن سمو الامير محمد بن فيصل ....هذا الرجل الرائع صراحة الي قدم كل مالديه من اجل هلالنا الله يخليه لنا هو والهلال ..........
واعتقد كل الي حضر المباراة امس شاف الامير وهو يحمس الجمهور الهلالي وكان يلوح بيده الكريمه لجمهور الزعيم العريق ..
وايضا ماننسى دوره من الناحيه الامنيه وخلى رجال الامن ينضبطون ومثل ماشفتوا ماجتنا اي مضايقات من رجال الامن وكان تعامله معهم ممتاز جدا ((ياروحي يابوسلطان))........
لكن ومع احترامي لكم ما اقول الا ذيل الكلب اعوج عمره مايعتدل وانا اقصد رجال الامن الي خارج الملعب.....
والله ياعيال صارلي موقف امس سخيييييييييف جدا وبعدها صراحه كرهت شي اسمه الدوريات الامنيه .......والله مره ثانيه مااحتمي فيهم ((اي حرامي يطب بيتنا مانيب داق عليهم بدق على الإف بي آي يمكن يكونون اهون منهم))
السالفه ياحبايب قلبي كنت طالع انا ومعي اربع من اخوياي من الملعب ومثل ماانتم عارفين جمهور الهلال يحتفل بالفوز برا الاستاد دايما بس اذا دخل وسط المدينه خلاص يحترم نفسه ويدخل العلم داخل السيارة.....
المهم كنت متجه على فندق الانتر لاني بنزل واحد من العيال عنده شغل وبيطلع ومثل مانتم عارفين ياسكان اهل الرياض انه جمب فندق الانتر فيه نقطة تفتيش....
المهم كنا رابطين حزام الامان وكلش....وانا يوم اني بالملعب اشتريت شال هلالي وكنت حاط الشال على كتفي يعني لاحنا الي زاعقنا ولاحنا الي فحطنا ولا سوينا اعمال شغب ومريت من جمب العسكري بنقطة التفتيش وانا حاط الشال على كتفي يعني شال عادي موب علم وماكنت متوقع ان العسكري بيوقفني شوي الا قال وقف عطني اثباتاتك انت واخوياك ولبق السيارة ...والله وعطيته الاثباتات وجا عندي وقال انت هلالي قلت ايه قال انا ادوركم بالسماء والقاكم بالارض والله يايومك هذا بيكون اسود لأن الله طيحكم بأيدي قلت ليش قال انت ماحترمت رجال الامن وحاط الشال على كتفك هاه ابك انت ماتفهم ....يوم قال ابك انت ماتفهم انا غسلت يدي قلت بس الله طيحني بيد بدوي مافي امل يفكني مع اني والله قسما بالله ماسويت شي .....المهم ركبونا الدوريه وودونا لشرطة السليمانيه والجندي ابن اللذينه كاتب فيني تقرير للظابط المناوب اننا كنا نشجع قدام الدوريه وهذا فيه استهتار واستخفاف برجال الامن ((سواها سالفه ابن اللذينه الله لايوفقه دنيا وآخره))والله ياعيال احمد ربي ان الضابط المناوب هلالي وكان فرحان بفوز الهلال مثل مانتم خابرين الضابط يكون جمب مكتبه غرفه صغيره فيها تلفزيون علشان يناظر المباراة .....المهم سلمو التقرير للضابط ودخلونا عليه والله ضابط قمه في الاخلاق يوم شافنا قال انتم هلاليين قلناله ايه قال انا التقرير قدامي مكتوب انكم استهرتوا بالدوريه وانكم تشجعون قدامه علموني وش السالفه ابي اسمعها منكم وقلناله على الي صار ووالله ماقعدنا عنده 5دقايق الا وحنا طالعين ويوم جيت اطلع من مكتبه قال انتبه لاتطيح بيد هالجندي الي كتب فيكم التقرير تراه نصراوي بحت وانا كم مره قلتله لاتدخل ميولك الكرويه بشغلك لكن الظاهر ان لي تفاهم ثاني ................والله بغيت احب راس الظابط ..
على العموم ياشباب احذروا من رجال الامن ومن تعاملهم السيء مع الجمهور الهلالي وانا شكلي طولت عليكم.............ولكم تحيااااااااااااااااااااااااتي........
الوضع العادي
