السلام عليكم ورحمة الله وبركاته


حبيت استفسر يا شباب ...

هل كاميرات التصوير الفوتوغرافيه ممنوعه في المدرجات , وهل كاميرات الفيديو ممنوعه ... وإذا كانت ممنوعه ماهو السبب .. وإذا هي ممنوعه ليش ما يمنعون جوالات الكاميرا ..؟؟

ادري اني فتحت باب للجوالات بس الله يعينكم بكره يمنعونها

انتظر منكم الرد ..

لا عادي مهيب ممنوعه في جميع ملاعب المملكة ..


الا ملاعب الرياض ممنوعه ..

ذاك اليوم حاضر مباراة الهلال والنصر الاخيره اللي جاب فيها سامي هدفين .. ما دخلو كمرتي والعسكر قالو رجعها للسيارة ..


با المقابل كنت متواجد مباراة الاهلي والاسماعيلي الاخيره في جدة وسمح للكاميره با الدخول ..

الحمدلله والشكر

عساهم يسمحون بعقالك بمباريات الهلال ... وأنت تبي كاميره !

;)

في السعودية كل شي جائز ان يصير ممنوع او غير ممنوع
هذا الشي راجع للحراس

كاميرا

ألحين علم ما يدخولنه تبي كاميرا

طيب شباب وش الحل بنظركم ...

انا ان شاء الله حاظر المباريات اللى بالرياض كلها ... لكن يحز في نفسي اشوف الموج الازرق ولا اصووره لان انا احب التصوير وبصراحه الموج ما يتفوت والله حظرت مبارات الهلال والوداد ياخي عجبني منظر الجمهور وحبيت اصوره لكن لا جوال كاميرا ولا كاميرا .. ابي منكم حل ...

هل اقدر لو اروح للنادي وجيب خطاب منه بدخول الكاميرا ؟؟؟ ولا مقدر ؟؟؟ او عن طريق الرابطه ؟؟؟

شباب لازم لازم لازم ... وإذا ما حصل هالشي راح انجن والمشكله اني ما احب جوال ابو كاميرا لان ما وراه الا المشاكل ... شباب شوفولي حل تكفون انا مستعد اخبيها ودخل لكن جوه يتكلمون ولا لا ؟؟

لان انا ما احب المشاكل والله ... ولا الله يعينكم ياللي في المنتدى وبيحظر للمباراة لخلي يشحن جواله من اليوم لمباراة الهلال الجايه ... واخذه واصور فيه ..

الشال الأزرق ممنوع !!! تبيهم يدخون كاميرا !!!
الحراس كلهم اعراب مامعهم اي مؤهل علمي ولاعندهم اي دوره في مجال التعامل مع الجمهور !! وش تنتظر منهم !!

انشالله مباراة ::. الهلال و الاتحاد بجده ::. بجيب كمرتي معاي ::.

إقتباس الرسالة الأصلية كتبت بواسطة قرقاص الشال الأزرق ممنوع !!! تبيهم يدخون كاميرا !!! الحراس كلهم اعراب مامعهم اي مؤهل علمي ولاعندهم اي دوره في مجال التعامل مع الجمهور !! وش تنتظر منهم !!

حلوه كلمة أعراب

هههههههههههههههههه

في مباريات الهلال زين إذا سمحولك إنك تدخل كيف الكاميرا 0


لكن حسبي الله عليهم الله لا يوفقهم لا دنيا ولا آخرة 0











تحياتي 0

والله العظيم ياشباب ان العسكري في ملعب الملز عيا على خويي يدخل بقلمه للملعب قال رجعه للسياره


والله التخلف

ياشباب والله الامن في ملاعب الرياض متشدد مرة كأنهم ماسكين حراسات على وزارة مو ملعب..

كل شيء ممنوع ممنوع اتوقع مباراة الاتحاد راح يرجعون العلم اللي انا مسويه((اخضر والزرق وابيض))

والله مكلفين كثير رغم ذلك عندي احساس انه راح يمنع من الدخول..

اتمنى ان تجد الرئاسه العامه ووزارة الداخليه حل لهذا التعنت والصلابه في التعامل من قبل رجال الامن..


تحياتي
اهلاوي هلالي

انا كتبت الموضوع لاني عارف ان السلنتح نصهم متخلف وربع منهم حاقدين والربع الاخر مخرفين ....

مالوم مدام في قسم الشرطه بدل مايكتب مازدا كتب مازدة تاء مربوطه


لكن يا شباب تتوقعون وش الحل الوحيد ... ابي مساعدتكم ...

ياليت تدلوني ع شخص يقدر يخدمني هالخدمه الانسانيه ...


والله يا شباب حاس بمعاناتكم مع رجال الامن ... لكن مانقدر نسوي شي ولا بيدينا ... ما نقول الا حسبي الله ونعم الوكيل فيهم ...


والله يا شباب حلات المبارات الجايه نسوي مظاهرات وما ندخل لو تعرضوا لنا
بس معصي والله هذا هم اللي يبونه معصي ثم معصي والله لو يدخلوني بدون جوال بدون المحفظه بدون المفتاح بدون كل شي مستعد وعناد لهم ...

بس والله لا هم ولا غيرهم يوقفون قدام الطوفان البشري الموج الازرق ..... معي حق ولا انا غلطان ؟؟

وانا ان شاء الله يا كاميرتي معي ولا اضطر اتسلف من احد الشباب جواله ..

وصور ونزل اللي براسي كله وانزل الصور ع كمبيوتري واهديها لكم

للأسف هذا الي حاصل


على اي اساس يمنعونها ما ادري