مبروك يا جماعه الفوز ..


وكنا نطمع بمزيد من الاهداف لاكن باذن الله رجال الهلال قدها وقدوود




االحضور اليوم كان جيد وكنا ايضاً نريد المزيد لاكن مثل ما يقولون المباراة في وسط اسبوع .. نمشيها ها المره ;)

















ياجماعه انا طفشت قسم بالله



انفقعت مرارتي ...


قسسم بالله من اول ماصفر الحكم حتى نهاية المباراة وانا العن واسب فيهم لا ابوهم ابو من استقعدهم لنا ...


والمشكله اني اشجع الهلال..


في البداية توجهة انا ومعي اربع اشخاص الى الاستاد وصلنا قبل بداية المباراة بساعة ونصف..


كنت مسوي علم كبير جداً فيه صور سامي والدعيع ونواف والشلهوب والدوخي ..

<< فرحان با العلم

شريت التذاكر يوم جيت عند التفتيش قال وش هذا قلت علم يعني وش بيكون تلفزيون؟؟ّ!!!


قال افتح العلم خلني اشوف ... يوم شاف صور اللاعبين قال ممنوع ياخي وش ممنوع ياخوي تراه قماش وبوية قال ممنوع خلاص لا تناقش ..

قلت يابن الحلال وقمت اترجى فيه لكن ها الجندي مستقعد رحت للمدخل الثاني ونفس الشي ممنوع؟؟؟؟ !!!!!!!

ياخي تراه صور لاعبين مهوب صور بن لادن !!!!!!!!!!!!!!؟؟؟؟؟؟؟؟


والله ورحت رجعت العلم في السيارة وانا اسب والعن


ياليتها وقفت على العلم بس ..


شفنا واحد مسكين من ها اللي جاي يشجع مسكه عسكري وقام يجلد قدام الناس !!؟؟؟ سلامات يا بو ..

وكل العساكر خششهم (( وجيهم)) لمنا تقول بيودونا السجن بعد المباراة !!!!؟؟؟


طيب تصدقون ان احد الجنود ما اذكر اسمه بس كان على ماذاكر علي القحطاني .. وانا اشجع قالي شوي شوي ؟؟؟؟؟؟؟!!!!!!!!!!

شوي شوي ياحبيبي جالس في بيت اهلك انا يومك تقول شوي شوي؟؟؟؟؟؟؟




طلب من ابو سلطان بيض لله وجهك ترى الجمهور كل ماله وينقص بسبب ها الامن المتخلف في ملاعبنا كل من خذا سادس ليلي حطوه جندي علينا

ابو سلطان لازم تكون لك وقفه مع ها الموضوع وتشوف لنا حل الله يطول بعمرك والله ملينا ..

وترى اغلب مباريات الهلال با الرياض على نفس الوتيرة ..




واتمنى ان المباريات اذا ما تحسن الوضع تقام في النادي ..وتعال شف التشجيع وش لون ..








فمان الله

اضم خشمي لخشمك :p قصدي صوتي لصوتك ..

انا ابغا اعرف ليش مانعين الصور والشعارات الكبيره .... رغم انها هي اللي كانت تعطي طابع حماسي للمباريات ...

الله يسقي ايام زمان بالخير ايام (( سام 6 وايام عفو البطوله هلاليه وايام الكونكورد 7 وايام الفيلسوف 15 اللي كانت كامرا غصب ون ماتجيب اولها من اتلاها ))

بايوو

للرفع

بصراحه شي يرفع الضغط

من جد والله انواع الاستقعاد

يوم مسكوا ذاك الضعيف وجلدووه

همج قسم بالله

لو يمسكونه ويقولون له تفضل معنا

بدل مايجلدونه قدام هالعالم

والله ياحلاة من قلب عليهم وفقع خشومهم هالجنود وطواقيهم اللي جايه هديه مع بامبرز

والا جايبين جندي يصور

وهذولا ربع جمهور الهلال

ان شاء الله نشوف الكل بالمبارايات الجايه

لاجندي ولا غيره يوقفون بوجهينا

بس والله يعجبنــي انه رد على عسكــري بطــق


عيــال الناس موب لعبه عندهم يصفقونهم


خلهااا تصير الي يصير بس يطقني بدون سبب والله لا ارد طق عليــه


من جد ما صــارت

ويطقون قدام فوق 15 الف متفرج بذمتكم موب قهـــر


وبعدين ليش ما يدخلــون الاعلام خيــر ان شاء الله


لا يكون حاطين فيهاا صور ممثلات
:p


ويعطيك الف عافيه اخوي وصدقني موب انت الوحيد الي انرفع ظغطه


ممن طق هذاا الشخـــص


وياليت يا شباب الي يعــرف سبب طقــه يعلمنـــا

لا انا احسن منك بشوي جيت ودخلت مع بوابة22 وقالوا اللي معي زحمه بنروح مع بوابة19 قلت قدام
ورحت وجلسنا والوضع مستتب حتى الأن وبعد ماصفر الحكم نقز واحد من العسكر وقف قدام خشتي بين الدرج وانا جالس على الطرف
قلنا نصبر شوي ويجي الهدف ولا شفناه قلنا ماعليش ابو الشباب زودها مررررررررره

قمت وقلت(( السلام عليكم)) قال ((مرحبا))الله لايهنيك احوي انا من بداية المباراة وانا ماشفت شي ما اشوف الا ظهرك رح يمين ولا يسار ولا فوق ولاتحت بس ابي اشوف قال تبي تعلمنا شغلنا رح انطق تحت ولا رح فوق تراه مفتوح قلت ياخي انا جاي ومعي اخوياي 7 اشخاص قال مو مشكلتي اجلس محلك قلت ابشر يا استاذ


والله مصيبه تعامل ناشف اخلاق تجاريه
ويقولون عزوف جماهيري


لكن مالنا إلا الصبر من شان الزعيم

ياخوي انا صابغ وجهي أزرق وأبيض ...

معي المزمار ومعي المايك ...

المفروض اني انتظر اخوياي بمكان حنا متفقين عليه ...

مدري وش اللي لقفني وقلت ابناظر المدرجات بشوف الجمهور ...

يوم قربت من البوابه الا هذاك يقولي تعال تعال ...

قلت خير ؟؟

قال راح غسل .. قلت مانيب داخل المدرج اصلا ...

قال رح غسل ويمسكني مع يدي ...

قلت يابن الناس مانيب حاضر المباراة ...

خذا المزمار من يدي بغى يكسره ...

قال منتب ماخذه الا لما تغسل ...

قلت .. طيب هذا مايروح الا بتنر ...

قال تستهبل انت تحط تنر على وجهك .. الرجال حجر لي ...

قلت طيب عطني المزمار برجعه لصاحبه يحتروني ...

قال طيب عطني اثباتك .. قلت اثباتي ضايع <=== ورط نفسه ...

قال يعني تمشي بدون اثبات .. خذه يافلان( ينادي خويه ) خذه وده الحجز ...

لحووووووول ... خلاص الله يرحم امك هذا اثباتي بس عطني المزمار برجعه لصاحبه ...

عطيته الاثبات عطاني المزمار ... يوم انا رايح الا واحد منهم لاحق وراي ...

نترجاك حنا تغسل نترجاك ... وينافخ ومدري وش ...

طبعا مقدر ارد عليه وهذا اللي يقهر ...

رحت والله غسلت الصبغات اللي على وجهي مريته اخذ اثباتي ...

استاانس كأنه لقى مليون ريال يوم طفشني ...

المشكلة اللي بالي بالك مورينهم الويل .. ويجون يحطون حرتهم وحيلهم علينا ...

هههههههههههههههههه


تغيب اجل صابغ وجهك ههههههههههههههههههههه


وليش مانعينك,,,على كيفهم هم


الله يستر بس لا يقولون ان استاد الملك فهد طلع للعؤائل فقط :p

والله شئ يقهر ولا فيه شقردي معه جوال بكميرا يصور الي حصل مع هذا المسكين
لكن تدرون فيه حل يروح يصلي ركعتين ويرفع ايده بالدعاء لرب العالمين فدعوة المظلوم ليس بينها وبين الله حجاب

لا وازيدك من الشعر بيت ........

اذا شفت عيون الواحد منهم تلقاها جاحظه من زود القزقزة قالك مخلص ......... والله اني اذكر انه في احد المباريات ماشاء الله على العسكر صافين صف خطير تقول مافيه امل احد يتحرك حتى لو تكح المهم كل هالتجهيزات ومادريت الا ذاك قوطي الكولا اللي جاك يمشي مليون ووين طاح .......!!!!!!!!

عند العسكري وانكب عليه وحالته حاله .... قلت افااااا هذا وهو العسكري اجل الله يخلف علينا .....

ويامالك من هالضحك .... ووسع صدرك وانا اخوك ......

تحياتي

والله مب من الجنود

















من الي مقعدهم

ياشباب والله مشكلة الامن مو مع جماهير الهلال بس احنا في جمهور الاهلي نقول الاتحاد جمهور مقدس كل شيء لهم واحنا الامن مستقعد لنا ..

اقولكم قصه حدثت في العام الماضي في استاد الملك فهد نهائي كأس ولي العهد بين الاهلي والاتحاد كان فيه علم اهلاوي كبير تحت الساعه يسار المدرجات وعلم اتحادي زيه تحت الساعه اللي على يمين المدرجات المهم قبل المباراة جاء عقيد ابن حرم قال للعسكر شيلوا هالعلم من تحت الساعه((والله هذا اللي صار)) رحت انا والاخ عادل الحازمي((رئيس الرابطه))للعسكري وقلنا ليش شلتوا العلم قال هذي اوامر قلنا طيب شف الاتحاد حاطين علم نفسه قال لاتناقشني روح لاوديك للحجز عادل عصب وثار في وجهه اتصل على مشرف كرة الاهلي طارق كيال وقاله تجيني الان شفلنا حل مع هالعسكر جاء طارق وتكلم معهم لكن مافيه فايده قلنا طيب احنا معنا اعلام كبار زي اعلام اليبانيين((اكيد شفتوها))نبي ندخلها قالوا نكلم الضابط وافق الضابط بعد مابدت المباراة دخلوا علينا العسكر في الرابطه كانهم مداهمين وكر إهابيين وجلسوا يضربون في اللي ماسكين الاعلام واخذوها منهم بالقوة رحنا كلمنا الضابط قال للعسكر شيلوهم للحجز وودونا للحجز ولاشفنا المباراة وهذا اللي حصل بدون زيادة..

يعني هذي ياشباب ماتقهر..

تحياتي
اهلاوي هلالي

سااااااادس ابتدائي ليلي 000

والثاني : الملعب للعوائل فقط