#31  
قديم 05/04/2005, 09:16 PM
زعيــم مميــز
تاريخ التسجيل: 25/11/2002
المكان: معي بطاقة أحوال
مشاركات: 1,865
حبايبي


أعزائي


يمكن يبونكم تسوون زيي


أقولكم وشلون



يعني


تقعد على كرسيك مؤداااااااااااااااااااااااااااااب

إن دخل الفريق الملعب تحييه بصفقتين فقط لاغير

وإن جت هجمة لك لاتوقف
بس تقول هيييييييييييييييه وبصوت مايكون عالي
عشان لاتزعج تتنيحة حضرة العسكري الهمام

وأن جاء قول لفريقك توقف ثلاث ثواني وخمسة أعشار جزء من الثانية

وإن عصبت على حكم

تقول بصوت حنووووووووووووووون الله يسامحك ياحكم

بكذا تمشي أمورك صح ولا يتعرضون لك هالمطعسة الاميين ذولي

ما أقول إلا الله يعيننا عليهم بس
اضافة رد مع اقتباس
  #32  
قديم 05/04/2005, 09:21 PM
زعيــم نشيــط
تاريخ التسجيل: 01/04/2003
المكان: الرياض
مشاركات: 949
يرفع الموضوع لي محمد بنت فيصل والاتحاد السعودي ووزراة الداخلية



شوفو لنا حل ياعااااااااااااااااالم
اضافة رد مع اقتباس
  #33  
قديم 05/04/2005, 09:41 PM
زعيــم مميــز
تاريخ التسجيل: 31/01/2005
المكان: الرياض
مشاركات: 2,059
اما قالك شوي شوي هههههههههههههههههههههه

خير يابو وين جالسين

حلوة سادس ابتدائي ليلي<<<<<هو فيه اصلا؟؟
اضافة رد مع اقتباس
  #34  
قديم 05/04/2005, 10:10 PM
زعيــم مميــز
تاريخ التسجيل: 26/05/2004
المكان: الرياض
مشاركات: 1,589
[align=center]بصراحة موضوعك مهم جدا

يعني ع الصميم ..

اللي لاحظته اننا فقط جمهور الرياض نشتكي من هذا الشي ؟؟


يعني خذلك مثال ..

انا حضرت مبارة الهلال والاتفاق بالدمام انا وخمسه من ربعي ..

المهم معنا كم واحد يدخن وتعرف عندنا بالرياض الولاعه ممنوع دخولها للملعب

فـ وش اللي صار من خوينا جالس له ساعه يزبن الولاعه مرة بجزمته الله يكرمكم
ومرة بالجاكيت ومرة ما ادري ايش ..

واول ما وقفنا عند بوابة جلسنا نطالع العسكر كانوا 2 يسولوفون ..
نحتريهم يجوون يفتشون كالعاده

ما حولنا احد ..

قال العسكري تحرك يالطيب تراك سببت زحمه للي
وراك وجلس يكمل سواليف

بصراحة استغربت ..

ولا يوم دخلت الملعب واحصل اعلام بعصيانها والاعلام اللي عليها كتابات وصور
يعني الوضع طبيعي جدا ..

ومحافظة جدة يدخلون الالعاب الناريه والنمور والتماسيح والخ ..
والوضع طبيعي جدا .

يعني ليش بالتحديد فقط بمنطقة الرياض هذ1 اللي يحصل من اجرائات متشدده ؟؟


اتمنى من ابو سلطان يشوف لنا حل مع هالمشكلة والاجراءات اللي ترفع الضغط وتعل ..

ومشكور اخوي من كل قلبي على موضوعك ..



يالله يالله وداعة الله ’’


اخـــــــــــــــــــوكم مـــــــــــــــــــــــــراوغ [/align]
اضافة رد مع اقتباس
  #35  
قديم 06/04/2005, 01:48 AM
زعيــم مميــز
تاريخ التسجيل: 05/07/2004
المكان: Riyadh
مشاركات: 5,106
shr alblyh ma yoth7k
kber ya hilal
اضافة رد مع اقتباس
  #36  
قديم 06/04/2005, 11:10 AM
زعيــم فعــال
تاريخ التسجيل: 27/05/2004
المكان: مقر نادي الهلال
مشاركات: 335
نعم الامن في ملاعب الرياض عقيم جداً وتعاملهم سيئ كانهم يتعاملون مع بهايم الله يكرمكم وليس بشر



انا كنت طالع من برنامج تقوية في المدرسة المغرب وذهب الى الاستاد تلبية لدعوه الامير محمد بن فيصل ونجوم الزعيم..

وعند التفتيش منعو دخول الاقلام ؟؟ المشكله اني ناسي الاقلام في جيبي والسيارة بعيده ...!!!!! والاقلام من النوع الغالي نوعاً ما القلم شاريه ب 6 ريال


قلتلهم قسم الله اني منيب حق شغب والله العظيم هذا اقلام المدرسة!!!


رفع صوته علي وقال انقلع حط الاقلام في الكرتون ولا لا تصج راسي؟؟؟؟؟؟؟ اعامله بكل ادب ويرد بقلة ادب؟؟ ما ادري هل انا قاتل احد من اهله ؟؟

استسلمت للامر الواقع ورميت اربع اقلام في الكرتون ودخلت الملعب كل شي يهون لجل الهلال



وبين الشوطين اردت الخروج لدورات المياه اكرمكم الله ... قابلني رجل الامن عند البوابة وقال بالحرف الواحد اذا طلعت ما تدخل ؟؟؟؟؟؟؟؟؟؟؟ !!!!!!!!!!!!!

وخرجت ويوم جيت ادخل قال ممنوع .. بدا الشوط الثاني وضليت انا ومعي مجموعه كبيرة عند البوابة نطلب رحمة رجل الامن حتى يدخلنا للمدرجات سبحان الله ؟؟؟ّ!!!! ولم ندخل الا عند الدقيقة 10 من الشوط الثاني


غير اسلوب قمع الجماهير الذي دائماً يتكرر في استاد الملز و الملك فهد



وعلى ذكر الاعلام انا في مباراة الاسماعيلي والهلال في الملز رفض شال هلالي مكتوب عليه الشلهوب الموهوب 10 وسام 9 وفي الوسط مكتوب زعيم القرن الاسيوي .. وكان معي مجموعه كبيره عند بوابة الدخول ... والسببب انهم يحملون شالات زرقاء

وبعد اتصالات عديده مع رئيس الرابطه الاخ عبدالرحمن ادخلنا للمدرجات



...






اضافة رد مع اقتباس
  #37  
قديم 06/04/2005, 12:20 PM
زعيــم نشيــط
تاريخ التسجيل: 31/05/2004
المكان: الظهران
مشاركات: 944
الحييين عرفت ليه جماهير الهلال منعزلة عن مبارياتها..

يااخوان والله رجال الامن هذولي كلاب مشردة لا مواخذة.. يسوون هالحركات علشان الحقد على الهلال وكل ما هو هلالي.. انا متاكد ورا هالمصيبة (جحا)..

وش هاالتحامل اللي مال امه داعي.. المشكلة بعد مافيه احد يقدر يناقشهم.. اليوم قبل شوي اول ما صحيت من النوم خذيت جريدة الاقتصادية وقريت كان مكتوب ان الامير محمد بن فيصل زعلاااان من رجال الامن ومعاملتهم للجماهير الهلالية.. طيب يا سمو الامير.. ظنك المشكلة كذا تنحل؟؟؟؟

انا لو مكانك وربي قبل كل مباراة للهلال اروح لم بوابة الدخول واعمم على كل الجنود انهم يسمحون بدخول الاعلام وادوات التشجيع ايا كانت..

معقولة حقنا يهضم واحنا ساكتين؟؟؟؟؟

وربي سخافة.. المشكلة بعد رجال الامن هذولي بدو محد يقدر يناقشهم..

تحياتي
اضافة رد مع اقتباس
  #38  
قديم 06/04/2005, 01:01 PM
زعيــم نشيــط
تاريخ التسجيل: 14/10/2002
المكان: مـمـلـكـة الـزعـيـم
مشاركات: 662
فيه مثل قديم يقول اذا خصمك القاضي من تقاضي

والله مشكله اذا كان العساكر المسؤلين عن امن الملاعب والمحافظه على النظام تصدر منهم التصرفات والمضايقات هذي نشتكيهم على مين مانقول الا الشكوى على الله :sad:
اضافة رد مع اقتباس
  #39  
قديم 06/04/2005, 03:02 PM
زعيــم فعــال
تاريخ التسجيل: 20/12/2004
المكان: بحـــار
مشاركات: 203
السلام عليكم ,,,

ياليت الموضوع يكون مثبت في المنتدى ..
لين ما نشوف لنا حل مع مشكله الاعلام والتصرفات البايخه ..

موقف حصل لي مع رجال الامن كانت مبارات الهلال والاسماعيلي ...

عدم دخول الشال اللي عليه كتابات بالعربي .. بس الشال اللي يجيك ابيض وزرق عادي واللي مكتوب عليه الزعيم بالانجليزي عادي !!!!
طبعا انا كنت ماحذ خاويي معاي كل واحد كان معاه شال .. وايامها كان الجو بارد
انا حلف يمين ماراح ادخل الا معي الشال وخاويي يقول بلاش الشال امش ادخل
حنا بنشجع بصوتنا والله ماراح يوقفون بطريقنا حط الشال بالكرتون وخلنا ندخل
قلت واللي خلقني داخل فيه داخل طبعا بعد المحاولات منعونا قلت انا اوريكم
<<<< عنيد لكن مايحب احد يعانده
واروح ورا البوفيه الله يسلمك وازبنه وجيت وقلت لخاويي خلاص حطيته هناك عند البوفيه
سمعنا العسكري وفتشنا ودخلنا
دخلنا بالمدرجات وطلع لك الشال واربطه قدام العساكر ولا واحد تكلم .. ودقايق الا اشوف واحد معاه اعلام وشالات داخل فيها يوزعها ع الجماهير ...

يا سلاحيت مدام عارفين انه بيجيكم واحد وبيهزء فيكم وبياخذها غصب عنكم .. ليه تمنعونها

يا ابو سلطان يا عزنا وفخرنا يا اعضاء الشرف الهلالي تدخلوا قبل فوات الاوان تكفون لا والف لا للسكوت مانبي نسوي انقلابات على السلاحيت المطاعيس تكفون تكفون شوفوا لنا حل

اللعاب الناريه ممنوعه والسبب عشان ماتجي على واحد وتحرقه - ماقصرتوا تاخفون علينا
الاقلام والولاعات والسبحات ممنوعه عشان ما ترمي من المراهقين ع العساكر والجمهور - قلنا اوكيشن
المويه والبيبسي واكياس الحب نفس الشي عشاء المراهقين ما ترميها عالعساكر والجمهور - قلنا اوكي وامرنا لله ,,,,,,
الاعلام اللي فيها صور ممنوعه عشان الصور حرام وما ظنيت تعرفون الحرام من الحلال وقلنا يا صبر ايوب على بلواه ....

لكنــــ الشالات ليش تمنعونها ........؟؟؟!!!!! هذي والله البلشه


اتمنى من كل قلبي اتمنى من كل قلبي ومن كل قلب عاشق للزعيم وعاشق لجمهوره ان يشوف لنا حل ومانبي نحلف اننا انسوي انقلاب على اشياء تسوى واشياء ما تسوى يا اميرنا العزيز يا ابو سلطان إذا ما بيدك حل قول لنا والله نطلع لك حلول وابشر بعزك وحنا جماهير الزعيم والله لو يقولون لو يسون اللي يسون حنا جماهير الزعيم لا هم ولا عشره من اشكالهم ولا مليون من امثالهم يوقفون قدام طوفان بشري موج هائل وإذا وقفت ع الاعلام والله لدخل وشجع بغترتي وثوبي ياحبي لك يا ابو سلطان يوم جيت وحيتنا .. والله يا بو سلطان لعيونك وعيون الزعيم وعيون الجماهير كانت اجازتي من الدوام يوم الاحد حاولت وكذبت ولفقت وغيرت مع واحد من الموظفين وخليته يوم الاثنين لجل عينك تكرم ولجل جمهور الزعيم يكرم ,, والله يخليك لنا ذخر ويخلينا لك وعساك ع القوه

ويا عساكر يا اللي ماتفهمون حنـــا جماهير الزعيم
وفهموها .... ( حكيم وقالها : غلطان يمعاند الزعيم )
لا انتم ولا مليون من اشكالكم يوقف قدام الموج الازرق



ملاحظه : ماهو كل العساكر نفس الطبع - اصابع يدينا ماهي سوا -
وبالنسبه اللى تطاق مع العسكري انا ماني عارف السبب
لكن والله انغبنت يوم شفته يطاق وعليه ثلاث عساكر بس والله برد كبدي يوم ردها علي وطقه وكفو والله ثلاثه مقدرو عليك ... لكن لو كنت غلطان تستاهل بس مو قدام الالف الجماهير بس بردت كبدي يوم طقيت العسكري ويستاهلون وياما بيشوفون من ظلمهم لجماهير الهلال ....

والله فيني قهر ادري بطول بس صبركم علي خلوني افرق القهر اللي فيني استحملوني

الموقف الثاني انا رحت الملعب مباراة الهلال والوداد دخلنا من البوابه 23 ونزلنا تحت بعدينا رحنا يمين متجهين للرابطه يوم وصلنا بنصعد فوق للرابطه منعنا السلتوح الواقف وقال مليان شوف لك مكان ثاني والحمد لله لقينا مكان بالطرف تحت الرابطه بثلاث مدرجات او اربع وجلسنا خاوي وانا كنت واقف طول المباراة طبعا تشجيع مع الرابطه وهو كان جنبنا واقف يناظر فيني بحقد من وصلت وانا واقف واصفق واغني ...
طبعا انا من النوع اللي يبيعها يبيعها ... انا كنت اشجع لفت انتبباهي العساكر يمشون ورا بعض
طبعا انا متعمد اقول واحد ثنين واحد ثنين للعساكر وهو يلتفت ويقول لي اسكت هذولي اصدقائي انا جلست اضحك وخاوي يقول بلا مشاكل وانا اضحك عليهم واللي برد كبدي زياده الرجال اللي تطاق مع العسكر والله شوي وانزل افزع معاه لولا الله ثم خاويي مسكني والله مايردني احد .. لو اروح فيها قصاص ولا ينطق واحد هلالي قدام عيني ....


اخوكم الجديد طارق
اسمي بالمنتدى Blue Longing
انتظر تفعيل اسمي من الاداره ....

الملاح الهلالي .. اخوي وصديقي صبرك علي اشكرك مره ثانيه واسمح لي كل ماودي اشارك وما تفعل اسمي بدخل باسمك وبكتب وما قصرت يابعدهم

اخر تعديل كان بواسطة » الملاح الهلالي في يوم » 06/04/2005 عند الساعة » 03:22 PM
اضافة رد مع اقتباس
  #40  
قديم 06/04/2005, 03:37 PM
موقوف
تاريخ التسجيل: 12/07/2003
المكان: الشرقية-الظهران
مشاركات: 5,776
باختصار هم نصراوية وتفوووووووووو عليهم وعلى فريقه

ياخي لي شفتو هلالي ينجلد لاتسكتون مثل عندنا بالشرقية يوم مع

الإتفاق طبو مجموعة كبيرة من الهلاليين على الشرطة بس لأنهم اجلدو

هلالي بس المفروض مانسكت ليه مايمنعون الأعلام النصراوية أو الأهلاوية أو........
اضافة رد مع اقتباس
  #41  
قديم 06/04/2005, 07:16 PM
زعيــم مميــز
تاريخ التسجيل: 12/04/2003
المكان: فــي سمــااااء الزعيـــــم
مشاركات: 2,386
تكفى يابو سلطان شف لنا حل



من جد والله ملينا
اضافة رد مع اقتباس
  #42  
قديم 06/04/2005, 09:31 PM
الصورة الرمزية الخاصة بـ **ABU S3OOD**
زعيــم مميــز
تاريخ التسجيل: 01/04/2002
المكان: K.S.A
مشاركات: 3,105
ارجوا تثبيت الموضوع وايصاله من قبل مسئولين الشبكه لابوسلطان وطلبنا هو نقل جميع مباريات الهلال للنادي رجاء خاص نقل جميع المباريات للنادي وفكونا من مشاكل العساكر او ايجاد حل مع ادارة الاستاد وادارة ملعب الملز او المقاهي وبيوتنا ارحمم لنا

ياجماعه قدام عيوني واحد لابس بنطلون برمودا يقول ممنوع !!!!!!! اي تخلف هذا ؟؟؟

جاي للملعب وش ابسط حقوقي اسويها واخذها معي ؟؟ حمل علم او شال ويقولون ممنوع

حظرت الملعب الساعه 7:30 ومادخلت الا 8:55 علشان جنديين يفتشون 30000 مشجع

والطامه لما وصلت المدرج قفلت الابواب بحجة الازدحام واكلم اخويانا ويقولن فاضيه المدرجات خاصه اليمنى

كرهنا الملاعب وكرهنا الذهاب لاي مكان

رحنا المعب قالوا ممنوع رحنا كوفي شوب قالوا ممنوع بعد 12 رحنا مقهى الساعه 1 اطلع ياخوفي يجي قر ار ويقول ممنوع جلوس الشباب في بيوتهم بعد الساعه 1

وليش هذا كله يصير في الرياض بس ؟؟؟

الجمهور الانقليزي وانتم عارفينه يحظرون سكارى للملعب ولا احد يقول شي شاف عليه غلطه ياويله واحنا من قبل لاتوصل وتشم ريحة الاكتئاب لعلمكم هدف سامي ماشفته كله من اجل حماة الوطن

تكفون تكفون شوفوا لنا حل والا لاتلومونا اذا ماحظرنا

على فكره حظرت انا واربعه معي وبالطقاق سحبتهم واترجاهم واخرتها يقولون لي شفت لو اننا في المقهى كان افضل

ارجوا تثبيت الموضوع وايصاله لابوسلطان
اضافة رد مع اقتباس
  #43  
قديم 06/04/2005, 10:21 PM
زعيــم نشيــط
تاريخ التسجيل: 18/09/2004
مشاركات: 583
أنا تشجيعاً للأخ كاتب الموضوع برفع الموضوع هذا واكتب موضوع ثاني عن نفس الشي لأن عنوان واحد مايلفت الأنظار ....
اضافة رد مع اقتباس
  #44  
قديم 06/04/2005, 10:37 PM
زعيــم نشيــط
تاريخ التسجيل: 18/09/2004
مشاركات: 583
إقتباس
الرسالة الأصلية كتبت بواسطة فهد_المشيطي
يرفع الموضوع لي محمد بنت فيصل والاتحاد السعودي ووزراة الداخلية



شوفو لنا حل ياعااااااااااااااااالم


فهد المشيطي حطيت ريسنا بنت تكفى عدل أو أحذف وانت ماتنلام مما توجس يابعدي .....
اضافة رد مع اقتباس
  #45  
قديم 07/04/2005, 01:39 AM
زعيــم نشيــط
تاريخ التسجيل: 22/09/2001
المكان: الرياض
مشاركات: 862
للرفع ....

ارجو تثبيت الموضوع .......

والله شي يقهر ( دافع فلوس وجاي تنبسط وفي مهمه وطنيه وتمثل بلدك وتلقى ناس ما تربت واسلوب اقل من شوارعي ونفوس شينه كنك داخل بيت اهله ....... تفتيش بطريقه استفزازيه واسوب حقير كل شوي تحرك ..... لاتاقف هنا ...... وش موقفك ...... ورا ما تمشي .... وين حنا بسوق الغنم ) اعزكم الله ....... صراحه لابد من حل بأن تشكل لجنه من الرابطه والعلاقات العامه ويكون الرئيس معهم ويقوموا بزياره لقائد القوه المسئوله عن التنضيم الأمني وايضاح الحقيقه كامله ........ وبعد كذا يكون لنا تصرف ثاني بأن يرفع الأمر لمن هم اعلى من صغار الضباط الموجودين بالملعب .
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 06:24 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube