#1  
قديم 29/03/2005, 07:14 PM
زعيــم مميــز
تاريخ التسجيل: 23/10/2003
مشاركات: 1,612
يا بشار عبدالله: عشان كذا هم مايحبون سامي.. فهمت؟!!

الهلالي ابو سارة يعود لكم من جديد ..

اللهم حيهم كلهم ..

.........

اكيد متشوقين ودكم تعرفون وش قصة العنوان حق الموضوع ..

و وش دخل بشار بالسالفه ..

لا تستعجلون على رزقكم جايكم بالكلام ..

بسم الله (( بدري يالشيخ )) ..

......................

صرح بشار عبدالله للاعلام الكويتي بالأمس بالتصريح التالي:

(( سامي الجابر يخيفنا .. لديه امكانات هائله وحماسي وسيدفع زملائه بالدعم المعنوي والفني...

سامي لاعب كبير .. ونجم .. لكن لديه مشاكل مع الاعلام السعودي .. يكرهونه مدري ليش؟؟!!!))

انتهى التصريح ..

................

اخوي بشار ..

لاعجب ان يمارس بعض الاعلام الممارسات السلبيه والحقوده تجاه ابو عبدالله ..

تخيل ياطويل العمر .. ان الصحفي المحسوب على الصحافه كانت ميوله نصراويه ..

مو سامي هو اللي مجرعهم المر.. ومعيدهم بأول رمضان بثنائيه ؟؟

مو سامي اللي متخصص في مرماهم ب12هدف واخرجهم من كذا بطوله ..

مو هو اللي عجل برحيل ماجدهم من المنتخب والدوري بكبره ؟!!

............

تخيل ان الصحفي ماطلع نصراوي.. وكانت ميوله اتحاديه ..

يالييييل ... امسك معي خط يا بشار ..

مو سمسم اللي بهذل جميلهم وخليويهم؟؟

مو هو اللي حارق دمهم وانبراشاتهم ..

مو هو اللي في كل مباراة ضدهم يبصم لهم ببصمه جابريه .. تكسر غرورهم ؟

أخرتها الرباعيه الشهيره .. والهدف الخرافي اللي صنعه بعد مافتح فيهم شارع من اليسار لليمين..

.....................

بشار افرض مثلاُ يعني مثلاُ اني خاصمتك يوم ..!!!

اقصد افرض ان الصحفي صار اهلاوي هالمره ..

مو ابو عبدالله اللي حرمهم من أول دوري في حياتهم 1416 ..

مو هو صاحب اعلى اسكور في شباكهم.؟؟

مو سامي اللي تسبب في حرمانهم من اكثر من بطوله واجهونا فيها .. تتجاوز الثمان بطولات..

مو هو اللي شارك في أكثر من رباعيه دكت مرماهم .. وخماسيه بعد !!

.........................

يعني يابشار انا خذت لك نوعيه وتحفه من بين الانديه الاعلاميه ..

أما الانديه الفقيره اعلامياً فلم اتطرق لها مع أن سامي للأسف ايضاً ما رحمهم واسألوا الرياض والشباب..

بشار انت تتحدث عن نجم ألجم النقاد من حوله .. فكرهوه لله في الله ... ومارسوا ضده الاساليب الرخيصه..

.............

لكن حبيبي بشار لو سمحت تلقي نظره على الهلال واعلامه وجماهيره ..

الهلال النادي اللذي هو في كفه وبقية الأنديه في الكفه الأخرى ..

الهلال اللي جماهيره نصف الوطن ولا ابالغ واقول ثلاثة ارباعه ..

هذولا .. ما يسمعون في شيء اسمه سامي ..

مثل ما حرق النصف اللي شرحت لك أعلاه .. فهو اسعد النصف هذا في أكثر من عشرين انجاز,,

هذا سامي اللي حرق قلوب تولاها حرق ..

هذا سامي اللي لو غضب .. لغضب معه نصف الوطن لا يسألونه فيما غضب ..

هذا ابو عبدالله يابشار واررجوا أني أكون جاوبتك ..

تحيات ابو سارة
اضافة رد مع اقتباس
  #2  
قديم 29/03/2005, 07:37 PM
زعيــم نشيــط
تاريخ التسجيل: 25/01/2004
المكان: الظهران
مشاركات: 590
يعطيك العافيه ياأبو ساره....

فعلا سمسم (حلوه سمسم ) حارق دمهم ومرويهم الويل ...



تحية تقدير وإعجاب بموضوعك الرائع ...

أخوك المحب / هلالي أبد الدهر
اضافة رد مع اقتباس
  #3  
قديم 29/03/2005, 07:44 PM
زعيــم فعــال
تاريخ التسجيل: 08/02/2005
المكان: الرياض
مشاركات: 223
ما اقول الا ان سامي كذا
ومااقول الا ان معاند سامي كذا
اضافة رد مع اقتباس
  #4  
قديم 29/03/2005, 07:52 PM
زعيــم نشيــط
تاريخ التسجيل: 09/02/2004
المكان: جدة أم الرخا ...
مشاركات: 634
راااااائع يابوسارة


وكبيييييييييير يابوعبدالله



( خسران يامعاند سامي )
اضافة رد مع اقتباس
  #5  
قديم 29/03/2005, 07:52 PM
زعيــم مميــز
تاريخ التسجيل: 21/08/2004
المكان: دحل ذيب
مشاركات: 4,479
ابـــــــــــــو مــــــــــــاجـــــد بـــيــرد عــلى موضــوعك يـابــوساره

اول شــي اقوول الله يحييك ويسلمك ( شكله ذا راعي طويله اذا فيها اول شي )


وثــاني شـي ســــــــامـــي معـــروف انـــه عمـــهم كلـــهم واكـــيد حــارق دمـــهم وهاذا شــي ما ينــكرونــه

وثــالــث شــي بفـــهمك شــي يعنــي انــت متــهاوش مع واحد وموريك الويـــل وش بتــسوي بتظــهر بالاعـلام وبتمــدحه ولا بتــسبه يعني من عــقل

سـامي حرام عليــك النصراويــه كانــو مســتانسين ببدايــة رمضــان وخــربت الجو عليهم

الله يســامحك بس انشــهد انك ذيـــب مثــل ابــو سارة

وفي الختام اقوول والله واحشني موووت يانــواف

بااااااااااااااااااااااااااااااااي ماتشووف شر يا ابو ساره
اضافة رد مع اقتباس
  #6  
قديم 29/03/2005, 08:21 PM
زعيــم فعــال
تاريخ التسجيل: 05/08/2004
المكان: جسد المنصه الزرقاء
مشاركات: 344
[align=center]الاخ ابو سارة
انت كفيت ووفيت
وانا ازيد على كلامك اجاوب بشار
واقول له يابشار:
إذا عرف السبب بطل العجب

وبعدين شف من يكتب عن سامي
جميعهم او اغلبهم ينحدرون من اصول غير سعودية
والشاطر يفهم

وشكراً لك على هذا الموضوع
وتقبل تحياتي
[/align]
اضافة رد مع اقتباس
  #7  
قديم 29/03/2005, 08:52 PM
زعيــم مميــز
تاريخ التسجيل: 09/03/2004
المكان: رجعنا لرياضنا الحبيبه
مشاركات: 1,525
بشار عبدالله يعرف ليش بعض الاقلام والصحف تكره سامي على حد تعبيره ,,,

هو يعرف سبق وان عاش ولعب في السعوديه ليس جاهلا ,,

اخوي الهلالي ابو ساره كفيت ووفيت بالنسبه لموضوع ليه هم يكرهون سامي ,,,,

دائما ما يقول مشجعي الفرق الاخرى ان سامي اخذ اكبر من حجمه في الاعلام وهذا كلام غير صحيح سامي ضره الاعلام اكثر مما نفعه ,,,

اللي يكره سامي اعلاميا ما يخرج عن حالتين :

اولا : اما انه مثل ما اسلفت يااا ابو ساره تجرع مرارة اهداف سامي التي غالبا ما يكون فيها الدفاع والحارس ساقطين الارض ( صدق شباب انا ملاحظ اغلب اهداف سامي يكون الدفاع والحارس طايحين على الارض وهو يسجل هدف) ..

ثانيا : وهي النقطه التي تحز في خاطري انه يوجد بعض صحفيين الهلال من اضر بسامي بمقالات وتضخميات ودخول بمهاترات مع صحفيي الانديه الاخرى ويكون سامي بطلها وهو اصلا لا ناقة له ولاجمل ,,, وهذا مما يجعل الحقد يزيد على سامي ما اقول الحقد اقول الكره ,,,

بس طبعا يضل السبب الرئيسي هو الاول .

قفله : ودي اقول لبشار لو دخل سامي بمباراة الكويت بالكويت هاااااتريك هااااتريك اقول ... ترا بيطلع صحفيين بالجرايد وبيشككون في سامي واهدافه وخطر علينا يقولون ان سامي راشي ( واعوذ بالله من هالكلمه) اقول رااااشي حارس الكويت ودفاعه لا والاتحاد الكويتي بعد ,,,,

الا الحماقة اعيت من يداويها .....
اضافة رد مع اقتباس
  #8  
قديم 29/03/2005, 10:06 PM
زعيــم فعــال
تاريخ التسجيل: 18/11/2004
المكان: الخبر _ العقربيه
مشاركات: 366
مشكوووووووووووووور

فعلا ســـامي بهــذلهم

ولكن رغم حربهم الإعلاميــــه لم يتــأثر ســامي

ولازال يجرعهم المــر جرعـــه ورا جـرعـــه........
اضافة رد مع اقتباس
  #9  
قديم 29/03/2005, 10:12 PM
زعيــم فعــال
تاريخ التسجيل: 17/01/2005
المكان: وين مايروح الازرق
مشاركات: 435
احسن شي ان بو عبدالله مطنشهم
اضافة رد مع اقتباس
  #10  
قديم 29/03/2005, 10:31 PM
زعيــم نشيــط
تاريخ التسجيل: 14/09/2004
المكان: الرياض
مشاركات: 511
صح لسانك يابو ساره


كلمات من ذهب
اضافة رد مع اقتباس
  #11  
قديم 30/03/2005, 12:06 AM
عضو سابق بلجنة تطوير المجلس العام
تاريخ التسجيل: 25/11/2002
المكان: سجن الحياة
مشاركات: 2,298
مرحبا بك يابوسارة ,,

دائما مواضيعك تشد قارئها فكيف وهي عن سامي ؟

والآن سامي في مهمة وطنية ويمثل كل اللي قلتهم غصب عنهم ,,

وإن كان ضيق صدورهم الأيام اللي راحت فبكرة بيسعدهم إن شاء الله ,,

ولو إني متأكد أنه مهما قدم فلن يرضوه عنه ولكن يكفيه حب الهلاليين ,,

تقبل تحياتي ,,
اضافة رد مع اقتباس
  #12  
قديم 30/03/2005, 12:35 AM
زعيــم مميــز
تاريخ التسجيل: 09/07/2004
المكان: رووووم الزعيم بالبالتوك
مشاركات: 2,068
لاجديد يا با سارة

قل لبشار وش نسوي تعبنا من العالم المتحجرة فكريا المتخلفة عقليا

بس يقولك سحايب صيف ( لو كل كلب عوا القمتة حجرا لاصبح الصخر مثقال بدينار )
اضافة رد مع اقتباس
  #13  
قديم 30/03/2005, 12:36 AM
زعيــم متواصــل
تاريخ التسجيل: 02/05/2004
المكان: الرياض
مشاركات: 195
مبدع .. كلمة قليلة عليك ..

والله لو اجمع كلام الاعجاب كله ماوفتك حقك ..

وبالتوفيق ياابو سارة
اضافة رد مع اقتباس
  #14  
قديم 30/03/2005, 12:54 AM
زعيــم مميــز
تاريخ التسجيل: 23/10/2003
مشاركات: 1,612
اخواني الأعزاء الغالين ..

فرداً فرداً ..

الله يعطيكم العافيه ..

وشرفتوني بمروركم الكريم

أخوكم الهلالي ابو سارة
اضافة رد مع اقتباس
  #15  
قديم 30/03/2005, 01:01 AM
زعيــم نشيــط
تاريخ التسجيل: 07/11/2004
مشاركات: 623
سامي اثبت انه يحمل شخصية القائد داخل المستطيل الاخضر والذي افتقدها المنتخب آخر سنتين ولك ان ترى الحماس الذي يبثه هذا المحنك سواءا للاعبين او حتى للجماهير ولا ابالغ ان قلت لحكم المباراة !!
سامي يااحلا الاسامي !!
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 12:29 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube