الزعيم ما انهزم في 14 مباراة متتاليه !! ولا انا احلم ؟؟ السلام عليكم جميعا ,,,,
ياجماعة الخير ,,,,, والله الي يدخل منتديات الزعيم يظن ان الفريق بعيد كل البعد عن المربع ,,,, ليش كل هالسلبيه في الطرح والنقاش ,,,,,,, انا ما ادافع عن احد ,,,, صحيح ديسلفا سيئ ,,,,, لكن هذي قناعات مدربين ,,,,,, وما فيه مدرب ناجح يغير قناعاته عشان الجمهور ,,,,,,, زجالو استبعد افضل نجوم البرازيل روماريو والامثله كثيره محليا وخارجيا ,,,,
والي يطالبون ابو سلطان بالتدخل مع احترامي لهم ينادون بخراب النادي واقرب مثال جارنا العزيز ,,,, فالرئيس له مهام كثيره غير اختيار التشكيله او التدخل باشراك او ابعاد لاعب ,,,,,, ابو سلطان ما قصر اجتمع بالمدرب واوصل له وجهة نظره ووجه انذار رسمي لديسلفا ,,,,,
يا ناس ,,,,,,احمدوا ربكم ,,,,, فريقكم متمسك بالصداره وماشاء الله 14 مباراه بدون هزيمه ,,,,,, واتركوا عنكم التشاؤم الزايد ,,,,,, ولاتبنون على أسوأ الاحتمالات ,,,,, والقادم بعودة المصابين والدوليين احلى باذن الله
واذا كنت حريص على مصلحة الزعيم ما فيه مانع تنتقد ,,,,, لكن احضر في الملعب بعدين تكلم ,,,,, عشان تكون قول وفعل ,,, ارجو ماحد يقول بيرتفع ضغطي من التشكيله ,,,,, ياخي اعتبر حضورك لعيون ابو سلطان ولعيون ملايين الهلايين والي عاجبينك في التشكيله ,,,,,, مو معقول كل ال11 لاعب يرفعون الضغط ,,,,,,, صدقني لو الملعب مليان بتشوف مستوى غير ,,,,, لان روح الهلال ما تبين الا اذا امتلى الملعب عن بكرة ابيه ,,,,,,, اما انك تنتقم من الجميع عشان شخص راتبه مضمون في جيبه ومصيره بيروح لديرته ,,,,,, فاسمح لي هذي قمة الحماقه ,,,,,, شف جمهور الاتحاد انهزم من الانصار والقادسيه وصب جام غضبه على المدرب مع كذا لايزال يحضر ,,, والمثل يقول " خذ الحكمه من افواه المجانين "
سلاااااااااااااااااااااام |