من المؤسف ان يكون جمهور الهلال ،،،، جمهور قول بلا فعل
فمن شاهد رد الجماهير على رئيس الهلال يتخيل ان الجمهور سيملى الملعب ،،،،،، بعضهم يقولون نبي نهد الملعب ،،،،، وبعضهم يقولون نبي نكسر كراسي الملعب ونهزه هز ،،،،، وبعضهم قال على الدولة انشاء ملعب جديد لأن استاد الملك فهد سيهدم تحت اقدام جماهير الهلال والكثير من الكذب والقليل من الصدق ،،،،، موال ما ينتهي استجداء من رئيس الهلال ومن اللاعبين والرئيس يقول تكفوووووووون تعالوا ،،،، وقبل ما يخلص من كلامه ما تشوفوا الا الردود بالالوووووف ،،، ابشر يابو فيصل ،،،،، وسم ،،،، وتأمر امر ،،،،، وغيره من النصب

تبدا المبارة ،،،،، كالعادة جمهور قليل جدا ،،،، وبعد بدون تشجيع كل السالفة رقص في رقص

تنتهي المبارة يدور الجمهور الهلالي على اقرب لوحة مفاتيح ونفس اسلوب السب و شتم اللاعب المفضل ديسلفا ؟؟؟؟

موال متكرر من بداية الموسم ،،،،، موال يجيب الملل ،،،، وصراحة فقدت الامل من جمهور الهلال

نداء لرئيس الهلال تكفى لا تعب نفسك وتنادي ترى لا حياة لمن تنادي
جمهور الهلال اصبح جمهور منتديات ،،،، جمهور اشباح اعدادهم بالالوف بالمنتدى وبالملعب بالمئات ،،،،،، جمهور الهلال صرنا نسمع فيه ولا نشوفه

الله يرحم الجمهور الهلالي سابقا ،،،،، حضور وتشجيع وحماس وكل شي جميل
اما الجمهور الحالي الله يخلف ،،،،،، للأسف فقدت الامل بجمهورنا الجميل

تحياتي

هد أعصابك يالبى قليبك

أخوي عاشق النمر والذئب أولا أشكرك على حماسك وروحك الحلوه عشان زعيمنا

بس صدقني ياخوي فيه ظروف كثيرة تمنع بعض الناس من الحضور

أولا بعد الأستاد
ثانيا توقيت المباراة وسط الأسبوع
و
و
و

أرجو أخوي أنك ماتفهم كلامي أني أدور تبريرات للجمهور لا والله بس هذي بعض أسباب أتوقع أنه حرمة البعض من الحضور

ومشكور أخوي