أعذروني على ماسأقوله..لكن من حرصي وخوفي على المنتخب على ضياعه في أيدي هؤلاء ال..

فمنتخبنا على بعد خطوات من الضياع..سلطان بالله من متى يعرف الرياضة؟؟

نـواف...ماتذكرون إنه كان شاعر وبعيد عن الرياضة؟؟شاللي خلاه يروح للرياضة..؟

أخلي الجـواب لكـم...

أحضروا لنا أناس وأنا أعتقد بأنهم يشتغلون عندهم..

فاندر ليم..الذي لم ينجز أشياء تذكر...أرجو بأن لايذكرني أحد بكأس العرب والخليج..أتمنى بأن تروا المنتخبات التي لعبنا ضدها..المقياس الحقيقي لفاندر ليم كان في كأس آسيا..قدم لنا مستوى مشرف..!!

ثم أقالوه..وكالعادة عينوا ناصر الجوهر(سبير)وأعتذر للكابتن ناصر على هالكلمة..لكن هذا للي نشاهده..تم تعيينه لفترة..فأحضروا الداهية العالمي(كـالديـرون)..شرفنا بكأس الخليج..ومو ذنبي لو تقولون مااختار اللاعبين..لان عرضوا عليه ان يمسك التدريب في هالبطولة ناصر الجـوهر..لكن حب الرجال يظهر عضلاته..عشان لافزنا نغتر فيه..ويقول أتا توني في البداية...ولو خسرنا بيقول انا مااخترت التشكيلة وفعلاً قالها..عدينا كأس الخليج..جات التصفيات..ياجماعة احنا العادة نفوز على أوزبكستان ثلاثة أو اربعة أهداف بالراحة..شفتوا يوم جاب سامي الهدف شوف كيف الكل فرح..!!

لهادرجة صرنا نخاف من اوزبكستان.؟؟أجل لو تخيلنا شوي وحلمنا بأننا تأهلنا لمونديال المانيا..وصارت معنا البرازيل شنسوي؟؟

انتهت المباراة..جات الأعذار..
1-المباراة مو في أرضنا
2-الجو بارد
3-اللاعبين مو متأقلمين مع بعض..

مشينا الأعذار,,

ياجماعة شالغباء...في مدرب يستدعي لاعبين وعنده بعد 3 أيام مباراة ودية مهمة..؟

لعبنا مع مصر وخسرنا بشرف...بس المباراة كانت في أرضنا..!!
والجو متعودين عليه المنتخب...
ومسألة التأقلم هذه بيد المدرب اللي ماأستدعاهم إلا قبل المباراة ب3أيام..

ياجماعة احنا بنلعب مع كوريا..يعني منتخب مثله..تجيبون لنا ناس من افريقيا؟؟

احنا بنلعب مع الكاميرون ولا مع تونس؟؟

الكل قال ودية واستفدنا..قلنا العوض في فنلندا...لعبنا مع فنلندا..واستفدنا من اخطاءنا في مصر..حطينا الدفاع في المكان اللي يبونه..وشرفونا ب4..والكل يقول انها ودية وماتهم..ياجماعة دامها ماتهم..ليه نلعب ودية؟؟

وأظن ان المدرب يسوي شي ومايدري شيصير..يبي يخلي تأهلنا من عنق الزجاجة..مثل يستبعد الدوخي ونور...ولاتأهلنا الكل يقول هذا عالمي وماري شنو..!!ولا ماتأهلنا بيقول الدوخي مصاب ونور مصاب..

لكن وربي ماكتبت هالموضوع إلا بعد ماقريت الخبر الصاعقة استبعاد نور والدوخي..من بيحل مكان الدوخي؟

تيسير الجاسم؟؟
أحمد البحري؟؟

ومن بيصير مكان محمد نور..؟؟

خالد عزيز(الفلتة)؟
ولا سعود كريري؟

يأأخوان انا بقولها ومستعد أراهن فيها من يبي يراهن..

ترى منتخبنا ماراح يتأهل..وأنا مسؤول عن هالمقولة..ووعدنا بعد التصفيات..!

يضم لي حسن العتيبي..أنا أعترف بأن حسن العتيبي حارس ممتاز هالموسم..وأبدع..ولكن لنبتعد كوننا هلاليين..ألا يستحق محمد الخوجلي حراسة المنتخب..؟

وبذكركم بحركة بيسوونها..الأمير سلطان بن فهد(بكنباور)...والشاعر الأمير نواف بن فيصل(بلاتيني)..إذا خسرنا مباراة كوريا..وهذا اللي متأكد مني..راح يقيلون كالديرون..وبيحطون ناصر الجوهر..أنا ماني متأكد بوقت الاقالة..لكن راح يقيلونه..صدقوني بيقيلونه..وناصر الجوهر بداله..

وانا والله ماني صابر عالمنتخب إلا علشان(ســامي)..بـــــس

وانا حدي مع المنتخب لهالتصفيات..وبعدين راح يخسر أحد مشجعيه..!!

خلونا نجامل ونحضر لهم هالتصفيات...ونشوف شبيسوون..


أتمنى بس ماثقلت عليكم بموضوعي...وتذكروا كلامي زيــــــن..
(ترى منتخبنا ماراح يتأهل..وأنا مسؤول عن هالمقولة..ووعدنا بعد التصفيات..!)


شـكراً..

وانت صادق خلهم يرددون ))ياليييل مطولك))
والله يستر من ثمانيه جديده ومنهو السعيد الحظ الي بيجيبه

خلنا نتأهل أول وبعدين نعرف من بيجيب علينا ثمانية ثانية..!!

صادق بكل كلمة قلتها والله

شكرا أخي الغالي سعووودي على تشريفك...

صادق بكل كلمة قلتها والله ...كلامك عين الصواب


الله لايحرمنا من مواضيعك

دمتى لنا

تسلم اخوي الغالي فراولة على مرورك للموضوع..

تسلم اخوي الغالي فراولة على مرورك للموضوع