[align=center]بسم الله الرحمن الرحيم
مسيكم - صبحكم بالخير ياغالين,,,, باختصار شديد
يوم الثلاثاء الموافق 13/1/1426 هـ الساعه 9 بالليل قررنا انا والشله الموقره اننا نروح للصمان
وتحديدا لروضة الحسنة اللي تبعد عن الرياض تقريبا فوق 350كم المهم بعد الاتفاق وتوزيع المهام واختيار السيارات .
وطبعا من ضمنها موتري (( كحيلان )) ,,,,اتفقنا على كل شي وبالاخير نط علينا واحد من الشباب
قال عندنا غدا يوم الخميس بغينا نتوطى في بطنه ولكن ولله الحمد مااضطرينا نسويها
لان اهله سمحوا له يروح
المهم اتفقنا نمشي يوم الاربعاء الساعه 3 العصر ونلتقي في بيت واحد من الشباب في حي الصحافة.
يوم الاربعاء :
الجميع استاذن من دوامه اجتمعنا خلصنا امورنا وطلعنا من الرياض الساعه 5.30 بعد ماكنا مقررين
نمشي الساعه 3 العصر بالكثير (( سعوديين ماينلامون )).
بعد ماقطعنا يجي 200 كم وقفنا هنا

تحركنا من هالمكان ومشينا حول 60 كم بعدين دخلنا بر وقطعنا 25كم وصادفنا هالمكان :

المهم اجتماع طارئ فورا قررنا الاتي :
1- نطق رواق الخيمة بس ,,,2- نتعشى 3- اذا اصبحنا نكمل طريقنا باتجاه روضة الحسنه .
يوم الخميس :
وبعد مااصبحنا اثرنا في وسط فرشه خضراء على مد النظر سبحان الله وكانت الساعه 11 الصباح :








لا احد يرد [/align]

ملاحظة (( الصور اللي ماتطلع اضغط الزر اليمين - اظهار الصورة ))

[align=center]المهم افطرنا وعينا خير وشلنا خيمتنا واغراضنا :




وفي اثناء اتجاهنا لروضة الحسنه كان الجو مشمس نوعا ما لكن الغيوم كان لها حضور :







وهذا اللي صادفناه في طريقنا :












[/align]

لا احد يرد

[align=center]وبعد الوصول تم استكشاف المنطقه بواسطة ولد وايل .
جنة الله في ارضه :









وهاهنا كحيلان يقف شامخا بين ثنايا الطبيعه ,,,, احم






























[/align]
[align=center]صورة احترافيه بما تعنية الكلمة من معنى << احلى ,,,,انواع التسدح بس يحق لي

لا احد يرد مطولين [/align]

[align=center]المهم ركزنا خيمتنا ثم طبخنا غدانا وصلحنا الشاهي واحلى لعبة ورقه , تقريبا الساعه 6 المغرب
بدا المطر ينزل .

يوم الجمعه :
اول مااصبحنا الساعه 9 الصبح المطر مستمر من امس افطرنا وكل ماجينا نشيل الخيمة زاد المطر ,,, وبعد صبر جميل وقف المطر وفكينا الخيمة بسرعه كانت الساعه 1 الظهر .
قشعنا اغراضنا




الساعه 2.44 الظهر حركنا ورجع المطر يستمر






الساعه 6.14 مسكنا الخط بعد 75 كيلو بر (( اقصر من الروحه ))




وحن راجعين كان المطر يستمر بغزارة شديدة لدرجة ان كل عشرين كم نوقف من السيل
اللي يقاطع الخط (( طبعا الخط واحد رايح جاي ))
صادفنا موقف عجيب كنا نمشي وكان الوضع طبيعي لكن المطر كان شديد
المهم خويي الحبيب قدامي بالونيت وكان فيه سيارة جاية من السيد الثاني المهم فجأة ابو الشباب يحذف على خويي ومادريت الا هو في وجهي سبحان من ستر علينا ,,, لا شعوريا بردة فعل انا وقفت وعكست وراه ويوم حديته ونزلت اثاريه والله يالربع ان شايب وخوييه شايب ثاني سكارى رايحين فيها قسم بلله لولا الله ثم كبر سنه كان راح فيها .. الحمدلله اللي ستر علينا .
وصلنا الرياض الساعه 10.30 بالليل وهذي نقطة تفتيش الرياض - القصيم :


للمعلومية الصمان هي المنطقة الوحيده بالمملكة اللي مرت عليها امطار موسمية بغزارة
هالسنه
تحياتي للجميع واسف على الاطالة

اقول كحيلان للبيع



ماقصرت ويعطيك العافية على المجهود

مشكور وصراحه طبيعه حلوة

يعطيك العافية ولد الوايل


رحلة صراحه حلوه ياليتني معكم بس :sad:


بس المكان الي خيمتو فيه روعه روعه روعه والله


يصلح للكورة









انا ومن هذا المنبر اعلن عن فكره رحلة جماعية لي اعضاء شبكة الزعيم للمكان هذا ;)






والله الموضوع كله حلو من صور ووصف والحذفه




بس شكلك مصور من جوال ولالا؟

لو كانت بكاميره كانت احلى

ماشاء الله

والله شي هالمناظر تسلم لنا يا ولد وايل وكثر منها

وعلى فكره ممكن الوصف للمكان بالضبط لاننا انشاء الله رايحين رايحين الله لا يعوقنا بشر

الصور غير ظاهره اخوي ولد وايل

[align=center]

إقتباس الخير 33 اقول كحيلان للبيع ماقصرت ويعطيك العافية على المجهود

اممممممم يفداك كحيلان وراعيه >>> لاتصدق عاد
الله يعطيك العافية على مرورك

إقتباس عالي الشان مشاء الله عليكم توقيت الرحله كان رووووعه لأنه صادف امطار وسعة صدر ... ووصفك كان مميز بصراحه العيب الوحيد يمكن هو الصور جودتها نص ونص ليت كانت معك كاميرا رقميه عشان الموضوع يكمل ونشوف هالربيع اللي يشرح الصدر مشكور

يلله حي عالي الشان ,,,, شف ياطويل العمر
من ناحية توقيت الرحلة ,, الحمدلله توفقنا ولكن تراها جات صدفه حتى يوم مسكنا الخط
استوعبنا انها ليلة 15 وكملت بالامطار والجو الزين يلله لك الحمد .
وبالنسبة للصور سامحونا عاد ماحسبنا حسابها خيرها بغيرها .

إقتباس ..][ فـهـد ][.. ماشـاء الله والله مناظــر خلابـة وحلووووة وتسلـم على هالصـور

إقتباس المركب الأزرق: مشكور وصراحه طبيعه حلوة

الله يعطيكم العافية على المرور

إقتباس جاك الذيب: يعطيك العافية ولد الوايل رحلة صراحه حلوه ياليتني معكم بس بس المكان الي خيمتو فيه روعه روعه روعه والله يصلح للكورة

يلله حي الذيب اسفر وانور الموضوع بردك ,,,, يادرج << يمون
بعدين تعال اي كورة الله يرحم والديك ,,, شكلك متعود على الحديقة اللي جنب بيتكم

إقتباس انا ومن هذا المنبر اعلن عن فكره رحلة جماعية لي اعضاء شبكة الزعيم للمكان هذا

إقتباس بس شكلك مصور من جوال ولالا؟ لو كانت بكاميره كانت احلى

ايه ياقوي مصور من جوال والله انك ذيب تصدق عاد

إقتباس فرصه ضايعة: ماشاء الله والله شي هالمناظر تسلم لنا يا ولد وايل وكثر منها وعلى فكره ممكن الوصف للمكان بالضبط لاننا انشاء الله رايحين رايحين الله لا يعوقنا بشر

شرفتن بالمرور ياشوتة ديسلفا
من ناحبة وصف المكان اذا انت ملزم ارسلي رسالة خاصة بس وانا اعطيك احداثيات الروضه
للمجلان .

إقتباس العرفج: الصور غير ظاهره اخوي ولد وايل

افاااااااااا يذا العلم لكن مايصير خاطرك الا طيب

إقتباس هلالي وان ضاع السمن قصدي جار الزمن: حيا الله ولد وايل أحلى يا الصمان بس والله ما لك داعي ليه ما أعطيتني خبر بالرحلة

تحيا وتدوم يادرجي العزيز ,,,, بعدين يادرج يقالك بتخاوينا الحين,,,, ايه

إقتباس يا أخي اصلاً ما أبي أروح .. بس المسئلة تقدير خيرها في غيرها ..

لا قل مااقدر اروح لا تقول ماابي اروح

إقتباس بس أنا عرفت ليه ما كلمتني أروح معكم

ماقلت لك انك ذهين

إقتباس عشان لا أقفل على مفتاح السيارة

لا ياغبي عشان ماتقفل على روحك والمفتاح برا ,,,, من يوم شفتك ذاك اليوم ,, اسئلك
وين زر قفل البيبان تقول مدري وتدربي راسك يعني الظاهر لو تقفل على روحك
منت قادر تطلع

إقتباس أهم شيء أستانستوا ولا لا بس الكحيلان حركة

من ناحية الوناسة مافيها كلام ,,, اما حكيلان فهذي عاداته دايما كذا احم

إقتباس بعدين ليه ما حطيت صور لك أو للشلة أنا أدري ليه أوقل خلنا ساكتين أزين

اقول لايكثر والله اني احلى منك يالشين ,,, انا اصلا خايف ينضلوني <<<< ايه

شاكر ومقدر للجميع على جولتهم الموقرة والمنتازه آمل انكم قضيتوا اوقات سعيدة
تحياتي [/align]

صور روعة ياولد وايل

وتسلم عليها


ودمتم بود

يا خسارة لية ما صورت غداكم ( الجنة بلا ناس ماتنداس )