فــضــفــضـــة و عـــجــائــب او الــلــي تــبــون !! - نادي الهلال السعودي - شبكة الزعيم

صدى الامس · #1 04/03/2005, 09:49 PM

[align=center].
.

فضفضة و عجائب او سموها اللي تبون !!

ـــــــــــــــــــــــــــــــــــــــــــــــــــ

الحين ما يقهرك الا حقين هـ الدعايات ياخي ما يعرفون يركبون سيناريو ينفع للدعاية.. مثل هاك الدعاية اللي تخليك كول لـ تقول اللي بـ قلبك !! يعني ابي اعرف وش دخل الإعجاب والحب في معجون الأسنان ؟؟!!؟؟ .. والا بعض الدعايات اللي مفروض قبل لا يعرضونها يحطون مثلث احمر ومكتوب بالبنط العريض لمن هم فوق الـ 18 سنة فقط !! ياخي حتى بعض الدعايات تستحي وانت تشوفها مع اهلك !! والا ذيك الدعاية اللي يجيبون لك بنت ترقص وهي لابسه شبه من غير هدوووم !! والدعاية عن عطر !! ابي اعرف وش دخل الرقص ولبس الملابس اللي شبه من غير هدوم بالعطر !! يعني من جد ما فيه اي دخل !! وكلها كوووم وذيك الدعاية عن معطر الجسم اللي يركب الاصنصير

وهو باااااخ على جسمه من مزيل العرق وتجي تركب معه بنت ويجي ***** طووووووووووط ********طوووووووووووووووووووووط********* المخرج قطعها !!! يعني من جد وش يبون ذولا !! (( صحيح اني بخيت منه الف مره وكل شوي وانا عند اصنصير ولا صار لي شئ

ومن يومها وانا حاقد عليهم

)) وغيرها الكثير والكثير !!

ـــــــــــــــــــــــــــــــــــــــــــــــــــ

اجل ما سمعتوا وش آخر العجائب والغرائب !! هيفاء وهبي تقول ان الناس صارت تعرف وتفرق بين اللي يقدم فن محترم ومحتشم وببين اللي مخربها !! من اللي تكلم بس واغسل يديك !! لا وفوق هذا وهي تقول هالكلام لابسه لبس محترم ومحشم جداً جداً وابو الجدنات كلها !! اجل هيفاء وهبي تقول هالكلام !! خلاص هذا اكبر دليل على ان اللي نشوفه الحين هو فن محتشم مهوب زي ما انتم متوقعين !! وتتكلمون عنهم ليل ونهار !! ياخي اصلا فيه فرق بين الفن المحتشم والغير محتشم كله فن في فن

!!

ـــــــــــــــــــــــــــــــــــــــــــــــــــ

ايه ما دريتوا ان اللغة العربية صار فيها تغيير في الحروف !! شوفوا هالدعايات لو انها على النطق ما نقول شئ بس انهم من زود الدباشة والغباء يكتبونها !! " هلا صار فيك تمسج وتبعت رسايلك عـ **** " ولا ويقهرك اذا جاك واحد ويتكلم عن اللغات وعن العربية بالذات ونص كلامة مصطلحات اجنبية سواء فرنسية والا انقليزية والا منغولية !! وان تكلم عربي صار يقلب في هالحروف ويتكلم بحروف عام 2005 !! الله يخزي بليسك لو انك تقول اني ما اعرف اتكلم عربي خير شر ابرك لك انت ووجهك !! << طيب انت الحين يوم انك شاب عليهم من قال انك تتكلم عربي مثل العالم

!!

ـــــــــــــــــــــــــــــــــــــــــــــــــــ

البرنامج سيتم عرضه في الاوقات التالية 4KSA - 1GMT .. وهالبرنامج تراه على قناة جزر الواق الواق !! طيب وش دخلنا بجزر الواق الواق حنا !! والا لو بهم خير كان كتبوا وقت البرنامج على توقيت ديرتهم !! يعني الحين الغالبية من البرامج واكثرها تعلن الوقت على حسب توقيت السعودية وجرينتش !! طيب جرينتش عالمي ما قلنا شئ !! بس السعودية وش دخلها !! ياخي من جد ما تلاحظون اننا معطينهم وجه اكثر من اللازم

!!

ـــــــــــــــــــــــــــــــــــــــــــــــــــ

بعض الناس يعتقد انه هو الوحيد الفاهم في هـ الدنيا !! وان محد من الناس مثله ولا يشبه له !! يعني يجيك يتفلسف على سنع وعلى غير سنع !! وفوق كذا تلقاه وهو يتكلم شايف نفسه وبــ فوقيه (( متعوب عليها )) يعني هالاشكال نشوفها بالحياة بشكل كبير نشوفها في العمل نشوفها في الشارع في التلفزيون وفي النت !! يعني ليش شوفة النفس ذي وليه ؟؟ لا انت اول واحد يفهم في هالامور ولا آخر واحد !! ولا تحسب انك اذا صرت تفهم في بعض الاشياء انها غايبة ولا هي معروفة عند غيرك !! وتلقى اغلب كلامه بصيغة الانا .. يعني انا بتكلم - انا بعلمكم - انا بشرح لكم ... إلخ .. بس مشكلة ما يقول انا شايف عمري

!! << طيب وراك ما تقول انا داج وتفكنا بس

!!

ـــــــــــــــــــــــــــــــــــــــــــــــــــ

الا على طاري الإنتخابات

الكل شاف هالحوسة اللي صارت بالرياض وما جاورها

!! اعلانات وحوسه وصجه ورز من هالصور والاشكال !! صورة على جنب صورة وهو يفكر صورة وهو يشخص صورة وهو يسولف صورة وهو *********

!! يعني من جد حوموا تسبودنا !! وين ما تروح الا بوجهك هالإنتخابات بالجرايد بالتلفزيون بالنت بالبيت لا وفوق كذا بالجواااااال

!! بكل مكان تصدقون حتى بالأحلام

<< ابوووووووووووووك يالنصاااااااااب

.. لا من جد هالإنتخابات حاستنا حوس .. يعني من جد اللي يشوف هالعالم يقول انهم يبون يرشحون انفسهم لـ إنتخابات وزارية والا انتخابات على الحكم والصن

!! ترى رأس مالها بــلــديــــة

!! ولا وبعضهم يسمع بالإنتخابات حاط من ضمن برنامجه ايجاد وظائف تحسين التعليم وغيرها من الأشياء اللي من جد ما لها دخل في البلدية ولا تقرب لها لا من بعيد ولا من بعيد

!!

ـــــــــــــــــــــــــــــــــــــــــــــــــــ

بعض مقدمين البرامج ياخي يرفع ضغطك يحسسك انه جالس في استراحة ! يعني يجيك ويكلم الضيف ويناديه بـ ابو فلان !! طيب انا وش دخلني هو ابو فلان والا علان !! ياخي قله يا فلان اسمه الاول وريحنا وفكنا من هالحركات البايخة !! والا بعض المذيعين خصوصاً في الاذعة يجيك يقص لنا قصة حياته اليوم !! والله اليوم صار لي كذا وكذا وبعدها يبدأ في البرنامج !! طيب انا كـ مستمع وش اللي باستفيده من هالكلام ومن اللي صار لك !! والا بعضهم يقلبها سواليف عن نفسه وعن اصدقاه وعن حياته !! ياخي من جد حسوا فينا حسسونا << مهوب عاقل عبدالرحمن العقل ;) ..

ـــــــــــــــــــــــــــــــــــــــــــــــــــ

مبروك عليك يا حاتم ..سهل

[/align]