المشكله يقعد يلاحق الكاميرا وين ماتروح !! - نادي الهلال السعودي - شبكة الزعيم

هلاليه سنعه · #1 04/03/2005, 03:58 AM

السلام عليكم ورحمة الله وبركاته

..صباح الخير لكل زعيم وزعيمه..

حبيت أناقشكم موضوع الترزّز قدّام الكاميرا

بمعنى أصح مطاردة الكاميرا من قبل الجمهور سواء الرياضي

أوغيره .. صحيح الموضووع تكرّر كثير

لكن اللي أشوفه أن الناس بعضهم مهما تطورت يظل هذا السلوك

ملازم لهم

وهذا منظر غير حضاري ويتكرّر كثير في البرامج سواء الرياضيه او الاجتماعيه

او غيرها

المراسل او المذيع مثلاً.. جاي ياخذ لقاء مع أحد الأشخاص

وهالجمهور راز عمره وراه .. ليش تفرض نفسك ألا تطلع ؟؟

والمشكله يقعد يلاحق الكاميرا وين ماتروح

والطامه الكبرى انه يستعرض بجواله ويكلّم ويتبسّم <<حركه قديمه
.
.
تمنيت اننا نتناقش عن اسباب هذي الظاهره..
هل هو حب البروز.. فرض النفس على الغير..الاستمتاع بمشاهدة نفسه خلف الشاشه
اوغيرها من الاسباب...
.
.
.
ومتى بتنتهي هذي الظاهره .. ياليت اعرف ارائكم حوول هذا الموضوع..

تحياتي...

هلالي موعالبال · #2 04/03/2005, 04:08 AM

للأسف اخوي معاك حق والحين الجوال اصبح اقل من عادي

في المجتمعات ولم يعد ترف وهذا يدل على التخلف مع الاسف

الشديد

سندريلا الهلال · #3 04/03/2005, 04:34 AM

انتي وموضوعك رائعين

والله ياهلاليه قسم بالله انهم يرفعون الضغط

يفشلون اهلهم :sad: اجل يعني وشوله ترتز وانت مالك داعي

بس يابنت الحلال حب الكاميرا والشهره يبون يطلعون عشان

يقولون في ذيك السنه اللي طلع فيها فلان بالتلفزيون يعني تصير حادثه

وتأرخ بسببه

الله يعطيك الف مليون عافيه يالغاليه

هلالي وان جار الزمن · #4 04/03/2005, 06:58 AM

[align=center]أختي هلاليه سنعه :
يعطيك الف عافية على موضوعك الظريف هذا

وبالفعل شعب يعشق الظهور بشكل غير طبيعي

دعيني أذكر لك موقف ظريف في احد المنتزهات المشهورة في جنوب المملكة قبل كم سنة :
كنت أتمشى مع بعض الشباب في المنتزه .. وكان المنتزه مكتظ بالناس من جميع أرجاء المملكة والخليج ... وكان معي كاميرا فيديو كبيرة شوي ( اللي يجي معها مايك وكشاف

) .. وجالسين نصور المناظر الطبيعيه والجبال و الاشجار .. جانا شباب وقالوا أنتم التلفزيون

قلنا ايه

قال وش تسوون

قلنا نصور حلقة الناس والصيف

شوي ويجون قدام الكاميرا وحولها ويطلبون منا مقابلات

وبالفعل سوينا معهم مقابلات

شوي ويتجمعون حولنا أمة محمد ( كبار وصغار .. شباب وصبايا .. سعوديين وأجانب .. هلاليين ونصراويين

) وكلهم يبون يطلعون في التلفزيون

.. وأنواع الضحك مني أنا والشباب ... تخيلوا نسئل بعضهم : هاه كم ميزانيتك في الاجازة

وش كان غداكم اليوم

والعالم متحمسة تجاوب بحماس

وأن شاء الله راح أوريكم الفلم قريب ..
وأسف على الاطالة .. وأكرر شكري لهلاليه سنعه [/align]

أبو ميار · #5 04/03/2005, 08:27 AM

أنا من الناس اللي إذا شفت الكاميرا أستحي وشلون عاد تبوني أترزز وراها

يعطيكي العافيه أختي على الموضوع

برق الزعيم · #6 04/03/2005, 02:44 PM

[align=center]

إقتباس


	تمنيت اننا نتناقش عن اسباب هذي الظاهره

بالنسبة لي اشوف ان السبب الرئيسي يرجع لشخصية من يقوم بهذاالعمل اللي ماتنتهي مباراة اومقابلة اوحتى توزيع جوائز الا وهوناطل وجهه على الكاميره..!!

على العموم الظاهره هذي ماراح تنتهي

يعطيك العافيه هلاليه سنعه

------> عاجبني اليوزر

تحياتي وانااخوك

ابودانه[/align]

ديـك الـجن · #7 04/03/2005, 02:51 PM

[align=center]

إقتباس


	دعيني أذكر لك موقف ظريف في احد المنتزهات المشهورة في جنوب المملكة

لا تكون أنت الي مسوي زحمة ذاك اليوم في أبو خيال

إقتباس


	والطامه الكبرى انه يستعرض بجواله ويكلّم ويتبسّم <<حركه قديمه

ألو ... ألحقوا افتحوا التلفزيون تروني طلعت فيه ... لاتنسون تسجلونه فيديو

[/align]

..][ فـهـد ][.. · #8 04/03/2005, 03:00 PM

إقتباس

الرسالة الأصلية كتبت بواسطة هلاليه سنعه


	والطامه الكبرى انه يستعرض بجواله ويكلّم ويتبسّم <<حركه قديمه ..

[align=center]هههههههههههههههههههههههههه

عاد هالحركـة والله مالهـا داعـي مرة

والله أنـي ماأحب هالحركــات وخاصـة اللي في المباريـات

أو في الأســواق والبقـية تأتي

لكـن هذا طبـع الواحـد يحب يترزز ويتميـلح

لكـن ليتـهم يصيـرون مثلـي ثقـل وحيـاء <<< أحم

ومشكــورة[/align]

قرقاص · #9 04/03/2005, 03:36 PM

وازيدكم من الشعر بيت كل هذا كوم والملاقيف اللي يجون بعد المباريات أثناء المقابلة مع اللاعبين يجي يبوس اللاعب ويقاطع التصوير ويحوس ابو المقابلة

بو فهد عم جواهر · #10 04/03/2005, 04:29 PM

A,,,شوووهد ما سبق

بنسبه لهذه المشكله لن تزول ما دام هناك كاميرا ونقل مباشر وهذا لرغبت بعض الاشخاص اضهور على الشاشه لكي يراه الاهل والاصدقاء 000

BAJF0526

هلاليه سنعه · #11 05/03/2005, 01:45 AM

..هلالي موعالبال..

مشكور على المرور ..وهذا يرجع لعقليات بعض الاشخاص

ّّّّّّّ^^^^^^^^^^^^^^^^^
..سندريلا الهلال..

تسلمين أختي سندريلا منوّره بطلّتك الموضوع
صادقه يمكن ودّهم يشتهرون
بس حلوووه مسألة التاريخ

^^^^^^^^^^^^^^^^^
..هلالي وإن جار الزمن..

الله يعافيك أخوي شرّفت الموضوع
ومشكور على تفاعلك
أما الصيف والناس حلووه

ياحليلهم ماصدقوا خبر هاللي بالمنتزه
كلن وده يشوف نفسه بهاالتلفزيون

ومشكور على هاالموقف المضحك

حنا بإنتظار الفلم..

^^^^^^^^^^^^^^^^^
..مولع بالهلال..

مشكور أخوي على المرور
والحياء شعبه من الإيمان..

^^^^^^^^^^^^^^^^^
..برق الزعيم..

أهلين أخوي مشكور على التفاعل
شئ أكيد ان هذا خلل بشخصيته
الله يعافيك بس ترى >>اليوزر موب للبيع

^^^^^^^^^^^^^^^^^
..ديك الجن..

مشكوورعلى المرور
عاد أهله مايصدقوون خبر ويسجلوونه

اعتررف شكلك مسوّيها

^^^^^^^^^^^^^^^^
..][فهدد][..

يعطيك العافيه أخوي على المرور
طيب إذا كان طبع يحاول يغيّره
لأنه طبع أقشر
ثقل وحياء هذا طبع الهلاليين

^^^^^^^^^^^^^^^^
..قرقاص..

مشكور أخوي على المرور
عاد اللي بعد المباريات شئ ثاني
مايخلون اللاعبين يقابل معهم زين

^^^^^^^^^^^^^^^
..بوفهد عم جواهر..

أهلين أخوي
أجل الله يعيننا عليهم وعلى بثارتهم

^^^^^^^^^^^^^^
تحياتي لكم..

سهل · #12 05/03/2005, 02:35 AM

إقتباس


	المشكله يقعد يلاحق الكاميرا وين ماتروح !!

وحنـّـا نقعد نتفرج عليه وننسى المقابله

-------------------------------------

خاص / لمنتدى الجمهور

الموضوع موجود بالمجلس العام ... حيّـاكـــم

وش رايكم

azizk · #13 05/03/2005, 08:46 AM

اختي انتي هلاليه سنعة واخصائيه إجتماعية ممتازه

شي حلو اننا نحوال عرض بعض المواقف ومحاولة تصحيحها .

اما فيما يخص تواجد الاشخاص خلف المقابلات التلفزيونيه والوقوف بجانبهم اعتقد ان من 8 سنو ات الى 15 سنه شي طبيعي .مرحلة عمريه

وما فوق ذلك اعتقد ان مشكلة حب الظهور هي المشكلةالاساسيه التي يعانون منها .

وحلها يمنعون من دخول ارضية الملعب

هلالي غصب · #14 05/03/2005, 09:16 AM

للأسف اخوي معاك حق والحين الجوال اصبح اقل من عادي

في المجتمعات ولم يعد ترف وهذا يدل على التخلف مع الاسف

الشديد

هلالي ثنياني · #15 05/03/2005, 09:32 AM

المشكلة ياعالم ترا موبس عندنا

في كل العالم بعد مباراة الهلال والإفريقي كان فيه ناس ورا نبيل معلول في المقابلةلآيضحكون وينططون

في البرامج الآجنبية اللي تتصور في الشوارع نفس الوضع

فضول وحب ظهور وبس
ناس مو لاقيه شهرة

لكن اللي يقهرني صدق
هذاااااك الصحفي اللي في كل المقابلات يطلع بكوته حتى في الصيف مع كل الآندية والمنتخبات
يطلع ويجري في الملعب ويتصور مع الفايز والمغلوب وآخر شي طلع حتى في طاش

ترا مو قصدي...........