السلام عليكم ورحمة الله وبركاته...

إقتباس شباب انا توني راجع قبل شوي من الهجوله ...وصار لي موقف والله اني حزين وماتوقعتها من الغنام بتاتا.. والله تفشلت عند اخوياي النصراويه والاتحاديه وجلسوا يتشمتون فيني وفي لعيبة الهلال بسبب حركة الغنام البايخه اللي سواها معي ...

شباب هذ موقف صار لي من فتره مع الغنام وكتبت انا الموضوع وكنت والله وقتها معصب لأني من جد اقدر هاللاعب بشكل خيالي..وجيت كتبت الموضوع هنا لكن مشرفنا الزعيم دي سي فورا نقله للشكاوي وهدى الموضوع..وانا اشكره جدا جدا على هذي الحركه لأن الموضوع ماقراه الا قليل فلو لم ينقله لكنت فعلا ظلمت هذا اللاعب الكبير الغنام....انا لم اقل هالكلام ولم اكتب الموضوع اللي شكوت الغنام فيه الا لحبي له وتقديري له...وانا حبيت اوضح لكم ايش اللي صار وايش كان رد الغنام علي..

إقتباس كنت في السياره مع خمسه من اخوياي.((انا الخامس)) واحد نصراوي وثنين اتحاديه...وكنا واقفين عند اشارة الامير عبدالله تقاطع الملك عبدالعزيز ((اشارة سوق صحارى)) المهم..خويي النصراوي قالي..سعود شوف على اليسار..مو هذا لاعبكم الغنام... انا التفت يسار الا والله هو عبداللطيف الغنام...والله يا عالم اني فرحت فرحه كبيييييييييييييييييييييييييييييره يوم شفته والله قمت اطامر في السياره من الفرحه لأني من جد احب هاللاعب ... انا نسيت نفسي وقت ماشفته قلت لخويي..هد شوي لين مايجي جنبنا ابي اصوره ابي اسولف معه شوي...((تعرفون الاشاره زحمه تقعد ساعه لين ماتمشي.)) يوم وقفنا جنبهم...التفت وشافني الغنام..انا ابتسمت له وتوني بنزل الدريشه..هو مشى قدام بعد عني .. اخوياي النصراوي والاتحادي جلسوا يضحكون علي والله قالوا لي..شف لعيبة الهلال كيف اخلاقهم زفت...ماعندهم تقدير لجماهيرهم...والله انك مسكين ياسعود فشلك ... انا قلت لهم..لا مافي امل يسويها الغنام اكيد انه يمزح معي..قلت لخوي قدم روح جنبه...يوم رحت جنبها تخيلو...جلست اتبسم له وطلعت جوالي قلت له بصور معاك..راح الغنام لبس كاب ونزله لين خشمه مايبيني اشوفه بعدين جلس يلتفت يسار

هذا اللي صار باختصار...فالبارح كان معي ثنين من اخوياي اعرفم من زمان..بس الاغبيا ماقالوا لي انهم يعرفون الغنام من زمان ..وجلست اشكي لهم ..يعني الموقف ترى راح عليه اسبوعين بس انا شايل من جد..في الاخير قالوا لي..تبي تكلم الغنام..!!
انا حسبتهم يستهبلون قلت والله انكم رايقين..قالوا والله انا نعرفه ول تبي تجلس معه وديناك له..((صراحه انا ودي بقوه والله بس ماحبيت احرج اللاعب فرفضت وقلت لهم بس وصلوا له كلامي والموقف وقول له انه حطمني)) قالوا اوكي...

فجاني اتصال اليوم من خويي اليوم الساعه 1 الا شوي الظهر وان في الجامعه...وكان معه الغنام ...
فاللاعب الكبير عبداللطيف انصدم لما سمع كلامي..لأني انا فهمته غلط..وجلس يعتذر وقال لخويي وصله اعتذاري ...بعدين وضح لي الموضوع وقال...

انا يوم شفتك انا قدمت وجيت جنبكم علشان ابيك تصورني..لكن يوم شفت اخوياك يضحكون ويستهبلون انا خفت تعرف سالفة البلوتوث اليومين هذي مسويه مشاكل...علان كذا انا لبست الكاب..

والله شباب ان كلامه ذا انا كنت كاره نفسي اليوم في الجامعه والله يوم سمعت الكلام هذا اني من جد بغيت اطير من الفرحه من جد...وطلعت انا ظالم الرجال للاسف لكن لحبي له والله ..

انا حبيت اكتب هالموضوع لأن في ناس قروا كلامي وقلت ابي اوضح النقطه هذي ان الغنام فعلا لاعب كبير وخلوق ولا يمكن يسوي هالحركه..لكن الموضوع اني فاهمه غلط..

اما بالنسبه للخبر...الغنام قال...

ان الحمدلله تعافى من الاصابه..وانه بكره بيسافر مع الفريق لتونس وانشالله انه بيلعب لأن المدرب ناوي يجرب اللعيبه اللي ماعلبوا من زمان ويمكن يشركه في المباراه...والكلام هذا اليوم السبت بعد صلاة الظهر وانا والله كان ودي من زمان اكتب لكم هالموضوع بس توني راد من الجامعه

ومعليش لو طولت عليكم ...

[align=center]اخوي بالنسبة للزعل والانفعال بعد موقف معين موجودة في المنتدى وفي منهم من كبار اعضاء المنتدى ولكن
((ليس العيب ان تخطئ ولكن العيب ان تستمر في الخطأ)) وهذا الي عودونا عليه اعضاء الشبكة بعد ان يخطئوا يعترفوا بخطأهم وصدقني هذا لايقلل منك ولكن بالعكس هذا يرفع من مقدارك ونتمنى تمتعنا بابداعاتك في الشبكة. [/align]

كفووو والله ..



رح قل لأخوياااااااك وقلهم السالفه ..

عاااد نشووف الحلوي والشله يلموون .. وااااو والله من التكبر .. لو تشوف لا عبينهم تقول وش عنده اللي يلعب مع ريل مدريد ولا الهلال ..

أهم شي بالسالفه أنك فهمت صح يألبي ..

لا يصير بعدين تشووف سامي بالإشارة ودك تسلم عليه .. ثمن يمشي وتفهم غلط .. يمكن تكون الإشارة فاتحه


يا حبيل قلبك يا SiLeNT EviLL

ما أقول الا الكبير كبير ياغنام.

الغنام لاعب واخلاق عاليه

والله من يوم قريت بداية الخبر وأنا داري إن فيه سوء فهم

الغنام أسطورة في كل شي
ما يسويها

كيف يقول البلوتوث والخرابيط هاذي وصورة بكل مكان


طيب وش معه سياره ايكورد صح؟؟

الغنام ..فكر محترف .. اخلاق .. فن

إقتباس الرسالة الأصلية كتبت بواسطة المحب لزعيم اسيا [align=center]اخوي بالنسبة للزعل والانفعال بعد موقف معين موجودة في المنتدى وفي منهم من كبار اعضاء المنتدى ولكن ((ليس العيب ان تخطئ ولكن العيب ان تستمر في الخطأ)) وهذا الي عودونا عليه اعضاء الشبكة بعد ان يخطئوا يعترفوا بخطأهم وصدقني هذا لايقلل منك ولكن بالعكس هذا يرفع من مقدارك ونتمنى تمتعنا بابداعاتك في الشبكة. [/align]

اي والله انك صدقت اخوي..وما انسى بعد المشرف الزعيم دي سي والله سوا خير يوم نقل موضوعي الاول...والف شكر لك اخوي وانشالله تشوف كل خير..

إقتباس الغنام ..فكر محترف .. اخلاق .. فن

والله اعتقد ان جميع لعيبة الهلال كذا اخوي بربوس ...

إقتباس والله من يوم قريت بداية الخبر وأنا داري إن فيه سوء فهم الغنام أسطورة في كل شي ما يسويها

والله انا مثلك اخوي في ذيك اللحظه انا قلت هالشي...لكن اللي معي ذولي النصراويه والاتحادي رفعوا ضغطي والله..

الله يهديك لابد تركد ولا تتسرع في الحكم على الاخريين ماتدري وش ظروفهم .

إقتباس الرسالة الأصلية كتبت بواسطة ..::جحيم الأزرق::.. كفووو والله .. رح قل لأخوياااااااك وقلهم السالفه .. عاااد نشووف الحلوي والشله يلموون .. وااااو والله من التكبر .. لو تشوف لا عبينهم تقول وش عنده اللي يلعب مع ريل مدريد ولا الهلال .. أهم شي بالسالفه أنك فهمت صح يألبي .. لا يصير بعدين تشووف سامي بالإشارة ودك تسلم عليه .. ثمن يمشي وتفهم غلط .. يمكن تكون الإشارة فاتحه يا حبيل قلبك يا SiLeNT EviLL

ا

إقتباس والله انك صدقت خخخخخخخخخخخ ياخي والله سامي ولا الغنام كلهم ياحبينيلهم بطامر لهم كلهم ... وياحبيلي لك بعد ياجحيم كيف يقول البلوتوث والخرابيط هاذي وصورة بكل مكان طيب وش معه سياره ايكورد صح؟؟

لا ترى الرجال صادق شف وش صار لياسر القحطاني المسيكين...

اما السياره ايه معه اكورد

شكرا اخوي على اعتذارك الحلو


واتمنى توصل سلامنا لعبداللطيف

وش اللي معه أكورد أنا شايف الغنام بمدارس الرياض ومه لكسز جيب أسود مظلل من ورى ولا بس أزرق
ومعه واحد من الطلاب جمبه أمير الظاهر ولد الأمير سلمان ان ماكنت غلطان و هذا الكلام قبل مايجي الهلال
بيوم واحد بس ووقتها جاني خبر انه بيجي ونقلته للمنتدى ,,

بس يمكن معه أكورد الحين مدري والله لكن للتصحيح فقط

بالفعل الغنام قمه في كل شيء

حتى الاخلاق