من هو مزود خدمة dsl الأفضل وبأي راوتر 4 بورت تنصوحني
[align=center]اخيراً قدمت على dsl وفي انتظار رد شركة الاتصالات قالوا لي انتظر من أسبوعين إلى ثمانية أسابيع ويركبونه لي ولا راح إلا نص اسبوع حتى كتابة هذا الكلام (الله يصبرني)
اتفقت أنا وجيراني إلى معي في العمارة أن أشترك في الـ dsl وأمد لكل واحد سلك شبكة حنا أربعة فالتكلفة سوف تكون منخفظة جداً . اللهم لك الحمد .
المهم ... جيراني واثقين فيني وهم عليميين شوي بالكمبيوتر وأنا يا الردي أحسنهم يعني أنا الزعيم عندهم ولو أقولهم أي شي يسونه وودي ما اتسرع في إختيار مزود الخدمة حتى لا أحرج معهم .
وأبي منكم الفزعه .
بعض مزودي الخدمة يعطونك مع 6 شهور سرعة 256 راوتر بأربعة منافذ وبعضهم ما يعطيك راوتر أبد وبعضهم ما يعطيك راوتر إلا مع عرض أبو سنة وأنا في الحقيقة ما ودي أتشب لي مع مزود خدمة لمدة سنة مدري يمكن تصير عليه مشاكل مع السرعة أو الداون لود أو تتغير الأسعار ـــ خصوصاً بعد ما سمعت أنهم عرضوا على مجلس الشورى تخفيض أسعار الانتر نت ـــ يعني أبو 6 شهور هو الأنسب .
وأريد منكم تكرماً نصحي وتوجيهي لمزود خدمة مجرب ما عليه مشاكل يعني ما أبلش كل شوي وأنا زاهم على دعمهم الفني وإلا مشغيليني جيراني على أن الخدمة سيئة ونحو ذلك .
ثانياً ما أدري هل العروض إلى فيها راوتر توفر علي مثلاً جيل عندهم عرض 6 شهور 256 بـ2000 ريال مع الراوتر أربع منافذ راكب مشغل فهل اشتراكي معهم وفر علي قيمة الراوتر أو الراوتر إلى عندهم مشي حاللك نورني الله ينور عليكم .
ثم ما هي أسعار الراوترات أربعة منافذ وأيهن الأفضل .
علماً بأن السرعة إلى ناوي أشترك فيها 256
أخواني ترى ردودكم سوف تغير من أرائي لثقتي فيكم فالله الله من الاهتمام بالموضوع .
وأخيرا يا مشرفين المنتدى الأعزاء ترى قبل لا أكتب الموضوع بحثت عن موضوع يفيدني في الاشياء إلى أبغاها ولكن لم أجد شيء مع الأسف فكتبت الموضوع ولعله يكون سبب في الفائد لي ولغيري .
آسف على الإطالة وشكرا لكم لكم .[/align]
[align=center]هلا والله أخوي عبد الله ومشكور مقدماً على المرور والرد السريع
وبعدين المودم أبو بورت واحد usb أو منفذ شبكة ثم يا ليت توضح هل الهب يأخذ من المودم ويوزع على الأجهزة إذا كان كذا ممكن بحيث إن الهب هو إلي يعمل أتصال بالأنتر نت وجهازي ماله علاقة يشتغل أو يطفي بقية الأجهزة ما تتعطل .
أما أن يكون جهازي سيرفر فهذي مشكلة لازم أتصل على طول .
أتمنى إن أكون وصلت لك المعلومة بشكل واضح .[/align]
تجربتي مع اول نت ( اشتراكين ) 128 و 256 الخدمة سيئة جدا"وخصوصا" بعدالساعة التاسعة مساء" ويتعذرون بأن الخلل من شركة الاتصالات ..
المميز في خدمتهم عرض الراوتر مجاني مع اشتراك السنة لـ256
بالنسبة للاسلكي ما ينفع معي لبعد الأجهزة عن بعض وبعدها كذلك عن السبلتر واللاسكي حسب فهمي ما يوصل أكثر من 15 متر فبالتالي أعتقد إنه غير مناسب لي هذا غير إن سعره غالي جداً مقارنة بالراوتر العادي .
الأخ mams
بالفعل عند اشتراكك مع أول نت لمدة سنة سرعة 128 يعطونك راوتر أربعة بورت، وسرعة 256 يعطونك راوتر أربعة بورت لاسلكي، لكن مثل ما قلت في أول الموضوع ما أبي أنشب لي مع مزود خدمة لمدة طويلة ما أدري يمكن تتغير الأسعار، أو يتفوق عليه مزود خدمة آخر .[/align]