انتم طبعا تقصدون جماهير الدرجة الثانية انها باردة وماتشجع .... والسبب على قولكم أنهم طاقين الثقل طول الوقت ...

طيب خلوكم معاي وامشوا معي حبة حبة ....

معروف ان اللي يجلس بالدرجة الاولى يكون عادة شخص مايحب الازعاج لان ذاك المكان مخصص لها النوعية من الناس ...

لكن اللي منكم كان مع الرابطة في مباريات الاهلي والاتحاد والاسماعيلي راح يشوف شلون هالشخص الثقيل اللي جالس بالدرجة الاولى .. راح يشوف شلون تفاعل وشجع بكل حماس مع الرابطة ...

اما حقين الدرجة الثانية طبيعي راح يكونون هاديين وجالسين كان على روسهم الطير .. بحكم بعد الرابطة عنهم ....

والوضع راح ينعكس تماما في حالة وجود الرابطة في الدرجة الثانية ... وهو اللي اتمناه حقيقة ...

عموما انا دايم اعيد واردد هالكلام .. ياجماعة الخير واللي رفع سبع ... والذي لا اله الا هو.. جماهير الدرجة الثانية الاتحادية .. حالها نفس حال جماهير الدرجة الثانية الهلالية .. والي يبي يتاكد يشوف اي مباراة للاتحاد بالتفلزيون وراح يتأكد من كلامي ....

الزبدة من هالكلام العادات والتقاليد مالها اي دخل ... ولو كانو الشباب يحكٌمون العادات والتقاليد بكل شئ ماكان شفنا الرقص اللي نشوفه بشارع التحلية بمناسبة وبدون مناسبة ... ولو كانو يحكٌمون العادات والتقاليد ماكان شفنا الغزل والمضايقة لبنات خلق الله ... ولو كانو يحكٌمون العادات والتقاليد ماكان شفنا ... وشفنا .. وشفنا ....

أعيد واكرر العادات والتقاليد مالها أي دخل .. وبكل صراحة شباب اليوم هم ابعد مايكونون عن العادات والتقاليد إلا من رحم الله .....

أعيد واكرر التفاعل والحماس لن يكون الا بوجود الرابطة أينما حلت الرابطة سيحل الحماس والتشجيع ...

تحيــــــــــأتي لكم ........

سأرد على الاخ الذي قال بمادخل السامري وماعلاقة التفاخر..

اقولك السبب ياناقص العقل....

لان كاتب الموضوع الجاهل يقول ان (( سبب سكوت الجماهير عن التشجيع هو العادات والتقاليد )
لذلك انا ماعتقد ان الجمهور مطالب بالغناء والرقص لذلك هذا ليس مبرر له ان يقول العادات والتقاليد سبب الصمت

وانا ذكرة ماذكرة من احتفاليات ومناسبات لاننا لم يخجل اهل نجد اهل العادات والتقاليد منها يرقصون ويغنون ويعرضوووون ماظنهم يغنون وحاطين السنتهم على الصامت

ماعتقد اهل العرضات يعرضون بدون صوت مرفوووع بالعالي..

واهل نجد اهل العرضااااات

لذلك الفاشل صغير العقل قال اننا نسكت في الملعب بسبب عاداتنا وتقاليدنا ولهذا ذكرة ماذكرة اتمنى تكون فهمت وإذا مافهمت ( أركب تكسي وحدد له شهار )


اما التفااااااااااااااخر.................... فنعم إذا كان كاتب الموضوع قد كتب موضوع للإساءه لابناء نجد بسبب تمسكهم بالعادات والتقاليد

فانا اقول انها راس مالنا وعزنا وفخرنـــــــــــــا هي عاداتنا وتقاليدنا...

وعلى فكرة ترا انا اكثر شخص كتب ردود عن صمت الجماهيرررررر... وسو بحث لردود القليلة التي ستجدها بسهولة وستشاهد بان اغلب مواضيعي هي عن صمت الجمهور........


لذ1لك يجب أن نحترم العادات والتقاليد.. الي لولاهااااااا ماكان حافظت على عرضك ولا شرفك ولا حافظت على دينك وكان صرنا مثل المجتمعات القذرة.. امريكا ومصر والجزائر والبلدان الي تخلت عن العادات والتقاليد.. وانفتحت للقذارة الاجتماعيــة

وانا اسف على عصبيتي بالرد ولكن انتم تتحدثون بحسن نيــــــــة

ولكن هناك الااااااااااف البشر ممن يريدون اصطيااد مثل هذه المواضيع حتى يسيء بها لمجتمعنا السعودي..

والي يفهم يفهم والي مايفهم يركب مع خويه الاول بالتاكسي.. فمان الله...

وماقول الاحسبي الله على جهلة القوم من المؤمنين

إقتباس اقولك السبب ياناقص العقل....

إقتباس لان كاتب الموضوع الجاهل

إقتباس لذلك الفاشل صغير العقل

إقتباس وكان صرنا مثل المجتمعات القذرة.. امريكا ومصر والجزائر

بلد المليون شهيد صار قذر !!!

إقتباس والي يفهم يفهم والي مايفهم يركب مع خويه الاول بالتاكسي

اخلاق عاليه ,,, آنموذج رائع للرجل النجدي

ياخي من جدك ؟؟

لا نصلح لشيء في نواحي الحياة ابداً!!

مدري هالكلام .. تقوله قياس على نفسك .. أو دراسه سويتها ..؟؟

لا يا خوي الله لا يهينك ..

حنا الأصل والفصل. . ومواقفنا القديمه والحاليه والجايه بأذن الله .. تشرف ومشهوده ..

هذا شيء..

الشيء الثاني:

حنا النجديين .. ودايم اقولها .. ما نقارن بجده والغربيه كلها ولا حتى الشرقيه ..

ياخي شيابنا.. اللي هو ابوي وابوك .. تلقاهم ما اقتنعوا بشيء اسمه كوره ..

لكن شياب الغربيه .. يطقون الثمانين.. والسبعين .. وتلقاهم مع الرابطه وياكلك وما ياكلك .. يالله حسن الخاتمه.

يا خي ايه نستحي .. والحياء شعبه من الايمان ..

تخيل بهالسكسوكه والخليجيه .. وأطق مع الرابطه .. واصفق !!

ياخي برشلونه والريال جماهيرهم يجون ومثلنا.. سكتم بكتم ..

يكفي الصرخه على الحكم لا أخطى .. ويكفي نرفزة المنافس بالتصفير مثلاً..

أهم شيء الحظور ..

أما دق الطبول .. والرقص والمسخره.. اسمح لي ..

واقولها.. وبكل فخر..

ايه عاداتي ماتسمح لي أغني واشجع واطامر زي حقين الاتحاد والأهلي..

يمكن يقول احد .. لا تحظر يابوسارة مادام هذي نظريتك ..

احب اقوله .. أجل الله لايهينك .. قبل تجي الملعب .. جب معك طار .. ومرواس .. عشان يكون حظورك مثالي..

** وجهة نظر

مع اني اخالفك في الكلمه الأولى اللي في مقالك وبشده..

وكلامك هذا يشككني انك نجدي ..

كلامك جميل وفي محله

لكن صدقني السبب الوحيد في عدم تفاعل الجمهور

هو ابتعاد الرابطة ابو علي ووالي معاه

هم يقولو ياكلك وحنا ياهلال عزك عزنا يعني مافيه تفاهم

اتمنى ان يرجعو مثل اول في منتصف المدرجات


((بدون المزمار إحتراما لبعض الجماهير))

شباب الزعيم عموما 00000000000 اخي صاحب المقال 0000000000
صباح الخير جميعا وبعد0000000000
صدقوني ان الامر اسهل مما وصل اليه 00 فلماذا التصعيد 0 فلما نجد اشخاص يناقشون الى حد الاهانه لماذاااااااااااااااااااااااا؟
تستطيع تقول للاخ الذي طرح الموضوع انك يا اخي الغالي قد اخطأت بقولك ان اهل نجد لايصلحون لشي ؟؟؟؟؟ كيف لا يصلحون لشي ؟ هل من اجل تشجيع والتصفيق ؟
الجميع يعرف ان العوامل الجغرافيه تؤثر على اهلها مثلا نحن في نجد تجدنا جديين 0 ونكون اسرع من المدن الساحليه غضبا 00 هو لسبب الجو الصحراوي 00 اما المدن الساحليه فا الطبيعه البحريه تجدها قد اثرت عليهم وهي طول البال 0 حيث قيل انه بسبب ان الفرد في المدن الساحليه يوجد لديه طول بال 0 وبعد نضر0 وبساطه 0( الشخص عندما يكون على الشاطي تجده يمتد نضره الى ما لانهايه فيسرح بفكر هادي ) ويؤثر ذلك على حياه العامه 0 بعكس الذين يعيشون بمناطق جبليه تجده حاد المزاج سريع الانفعال 0لا يفكر للمستقبل ابدا 0وذلك بسسب الطبيعه الجبليه ( حيث تتطلب الشده وحيث انه اينما ينضر يجد امامه جبل قد اغلق عليه مد النضر 000000 وكذلك النقص في الاكسجين با المناطقالعاليه ) فيكون كذلك بحياته العامه 000 وهكذا يتاثر الانسان بطبيعته وبيئته 000
000 هذا الذي اردت ان انوه عليه ولم اكن اريد التعليق ولكن لانني رايت ان الموضوع بدا يا خذ منحنى اخر 00
فكل شخص لابد ان يفخر بعاداته ولكن ربما الاخ اراد غير ما طرح 000 ( اما عني يا عزيزي فلاااااااااااااايمكن ان ارقص او اشجع باان اغني با الملعب واستعيب ذلك 00 ولكنني والحمدلله افلح با اشياء كثيره 0 فا الدنيا ليست حكر على الطق والرقص 0
وشكرا لك

بصراحة

المجتمع النجدي مجتمع مغلق زيادة عن اللزوم.. ويبالغون في اشياء مالها داعي.. زي التشجيع.. يعني على بالهم عيب وووو..............

صراحة الانغلاق مأثر عليهم كثيييييييييييييييييير وفيه عادات بصراحة مالها داعي.. يعني دايما متحفظين فكل شي.. بصراحة كذا ما ينفع..

الحمدلله اني شرقاوي

حطيت اليد على الجرح اخوي هلالي91

نتمنى اهل نجد يتركون هالتحفظات اللي (مالها داعي) ويتطورون شوي وينفتحون اكثر

تحياتي

لأول مره أحضر مباراة في حياتي كانت مباراة الهلال الاخيرة مع الدراويش
وبصراحه كنا خمس شباب هم اللي اقنعوني نروح للملعب والا والله كنت رافض الفكره
دخلنا الملعب انا فتحت فمي اطالع في خلق الله عالم مهيب سهله حاضره اللقاء المهم اختارو لنا مكان كويس جلسنا انا بصراحه دخلت مزاجي الفكره وبديت اتحمس وربعي انواع الطنازه ( يقولون وش عنده رئيس الرابطه تحمس ) الله يخسكم والله اني تحمست جد
بس انواع التحطيم بس لا يهمكم والله ما عطيتهم وجه بالعكس الا كل ما جت اغنية حلوه تكلمت عليهم عشان يرددون مع الجمهور وبصراحه النتيجه كانت مخيبة للآمال التعادل ما كان يرضينا
ويمكن اكتب موضوع عن هذاك الموقف من دخلت الملعب لين طلعت منه !!
شكرا لك على هذا الطرح الرائع
وفعلا نحن نتشيم من بعض الامور العادية اللي المفروض نمشيها بس ما عندك احد !!

الحمد لله إني مكاوي ;)

رائعــــــــه نجـــــــد بعاداتها وتقاليدها

رائعـــــــــه نجــــــــد بأهلهــا وساكنيها

والحياء ليس من نجد ولم تورثه نجد الحياء من الدين

ولكن هذا لا يمنع من التشجيع والمؤازره بالعكس

نتمنى ان نجد الحماس والتشجيع والاهازيج هذا لا يتعارض

مع عاداتنا وتقالينا واولا ديننا اذا كان لا يوجد الات موسيقيه محرمه

التشجيع نوع من الترويح عن النفس بطريقه محببه لا تخدش الحياء العام

ولو ان التشجيع فيه عيب او نقص لا صبح كل من في نجد ناقصا لا ن اغلب

اهالي نجد يشجعون وخصوصا نادينا نادي الهلال فنجد لا تمنع التشجيع

فلا تصب جام غضبك عليها

وشكرا لك على اطرائك هذا الموضوع

الله يرحم أمك أنت وياه لا تجيبو طاري الحيا و الخجل ..

أي حيا والواحد طول ما هو جالس يسب ويلعن ..

اجمل مافي الامر ان نادي الهلال في الرياض
واجمل مافي الامر ان المباريات في الرياض
والاجمل من ذالك .. الفرق الراقصه ليست من الرياض لهذا لا تاتي وتشوه صورة الجماهير الهلاليه
في المدرجات من الاصباغ والمطامر
اما عن كاتب الموضوع فهذا هو يعبر عن رأيه وعن نظرتها التي اتهمت عاداتنا وتقاليدنا ..

لكن يا جماهير الشرقيه وياجماهير الغربيه الافضل الهلال فريق الاصايل لهذا لا اعتقد انه يتمنى ان يلعب في الشرقيه والغربيه بل سوف يلعب في الرياض وجماهير الرياض هي من سوف تحضر بكل عاداتها وتقاليدها
وبكل حيائها وبكل مثاليتها
ان اعجبكم الامر اهلا وسهلا ان لم يعجبكم هناك 11 فريق في الممتاز اختارو من تشجعون

إقتباس الرسالة الأصلية كتبت بواسطة الهلالي محمد أتفق تماماً .. كما قال الأخ للمجد بقية في موضوع الأخ الغريب .. التركيبة الاجتماعية تتطلب ذلك .. فقط 90 دقيقة تخلوا عنها .. الغريب بالامر تجدنا في أمور تخجل أكثر من تشجيع بالملعب و نفعلها و لكن عندما نحضر للملعب نخجل من ذلك .. السب و الشتم موجود بكل ملاعب العالم و نحن نحلم ان يختفي من الملاعب .. و لكن لنحاول التقليل منه بأعتماد اسلوب التشجيع .. آمر أخر التشجيع ليس بمجرد الهتاف عدة طرق للتشجيع .. مثل اللوحات البلاستيكية و آخرى كثيرة سأرسلها لأحد أعضاء اللجنة .. و لكن فقط لنتخلى عن كبريائنا لأجل شيء نعشقه .. .. علماُ أن كبريائنا لن يخدش بتاتاً .. ذلك لا يمنعني أن أقول عاداتنا و تقاليدنا مصدر عز و افتخار لنا .. لكنها لا تنافي التشجيع .. .. من جهة أخرى .. كم أتمنى ان يعود الملعب مليئاُ بالثياب .. كثرت الملابس الرياضية و الجينز بالملاعب <=== أكثر واحد يلبس جينز علشان ما يجي أحد يتفلسف .. .. لكن أمر مفرح لي .. عندما أرى الجمهور يحضر بالثياب .. أنها توضح لعادة و نقل لثقافتنا .. اينما ترحل في السعودية ستجد أناس يهتفون بأهزوجة (( يأكلك )) الاتحادية .. هي نقل لثقافة اهل الحجاز .. .. عن طريق الرياضة .. لماذا لا نرسخ ثقافتنا و ننقلها للاخرين بلبس الثياب بالملعب .. .. أعلم أنها وجهة نظر يراها الكثيرون غريبة و لكن أراها تستحق الاهتمام .. الاهم الآن عودة الجماهير للحضور ..و التفاعل بالتشجيع لا تتوقع أن يتم بليلة و ضحاها لأنه ضحية تراكمات أجتماعية .. أهلا بك .. ..

خير الامور الوسط

صدقت يا هلالي 91

الجمهور الهلالي في الرياض ناااااااايم

يعني لو جابوا الكاميرا على الجماهير عن قرب

لا تستبعد تلقى واحد يتثاؤب

شوف الجمهور الهلالي في الشرقية و جدة ومكة وش يسوي

اقسم بالله الملعب يرج رج

اما حكاية المتابعة الدقيقة اللي تكلم فيها الاخوان و اعطوا مثال الجمهور الاتحادي

ياخي مو شرط انك تحط الجمهور الاتحادي كمثال

رغم ان الجمهور الاتحادي انشط منا في وقت المباراة.. و هذي حقيقة

ليش ما مثلت باليوفي او الانتر او الميلان؟؟؟؟؟؟؟

و هم اللي جمهورهم يحرق الملعب حرق

و الا بس احنا اللي نفهم كورة و نهتم بمتابعة المباراة؟؟

و مشجعي الاندية العالمية الباقين سذج!!

نطالب الفريق انه يمسك اللعب و يهدف على طول 90 دقيقة

و حنا ما نؤدي 10 دقايق من اللي مطلوب مننا

لا تكون المتابعة حجة..

و الا يمدحون التليفزيون في النقل

نجلس في بيوتنا نتابع و(نفصفص)