|
هل عاداتنا وتقاليدنا هي السبب يانجديين؟ أبتكلم بصراحة وبدون مجاملة.................................................. لماذا نحن النجديين بالذات لانصلح لشي أبدا في جميع نواحي الحياة لن أتكلم الا في الرياضة لاننا في منتدى رياضي والا الكلام يكثر في جميع نواحي الحياة عنما حضرت مباراة الاسماعيلي ورأيت تلك الجماهير المهيبة والهائلة من أخوننا المصريين وتللك الاهازيج والتشجيع الهائل والحماسي والعبارات الوطنية العظيمة وتلك الاصوات المنظمة والجماعية دهشت ودار في بالي تساؤل كبير لماذا هم يشجعون بتلك الحماسة؟ بالمقابل أرى جمهورنا صامت مستغرب تلك الحماسة من الجمهور المصري حتى يصل الامر الى نقدهم وكائنهم يعملون أمر منكر ويقولون بالعامي وش يبون ذولا المصريين الحمد لله والشكر نعم لم أسغرب هذا الكلام لاننا نحن النجديين ننظر لمثل تلك الامور بمنظور نقدي وأنة أمر مخجل وعيب أن نشجع بتلك الصورة وهولاء مصريين ونحن عيال قبايل مانشجع كذا حدنا ياهلال عزك عزنا ياهلال بس أما التشجيع بتلك الصورة وأن نشجع الوطن لا عيب تربيتنا تقول لا عيب لنكن صريحين أنظر أبوك ماذا يقول لك بمجرد أن عرف أنك ذاهب للمباراة يقول ياوليدي وشتبي بالمباراة ناس مهبل يلاحقون كورة تخسر فلوسك وبس وش تبيبهم :confused: هذا هو منظور النجدي للرياضة والكورة اللي أبي أصالة أن حنا النجدين محنا حقين تشجيع طبيعتنا وبيئتنا تفرض علينا أشياء مانقدر نتجاوزها حنا بطبعنا حيائين نستحي نشجع نستحي نتكلم بوطنية شوفو الحجز كيف يشجعون شوفو أهل الشرقية كيف يشجعون تركيتنا كذا النجدي بطبعة مايحب الفرح مايحب المزح تشجعينا سخيف وممل حضور المباراة مهما كان المباراة مهمة ماأحس بداخلي أني شجعت نقدنا عنيف كلامنا بذي نكرة الاخر لمجرد انة من غير بيئتي منغلقين ننظر للامور بمنظور قبلي حتى في الكورة صدقوني الكلام طويل وطويل جدا لكن حتى ماتملون أكتفي بهذا الكلام وليت كل مباريات المنتخب لاتكون في الرياض لاننا بختصار لانصلح للتشجيع والله يخلي لنا الهلال اللي صبر علينا ولاتنسوا أختلاف الرأي لايفسد لحبنا للهلال قضية |
لا والله الفقر عند المصر يين يخليهم يحللون فلوس التذكره |
جيت على الجرح وسبق قلت هالشيء المشجع يحضر ... وللأسف العادات الإجتماعيه معشعشه في راسه صدقني فيه ناس ( تخجل ) إنها ترفع العلم ووالله إني أذكر أحد الإخوان مره حاضر مباراة معي ... الرجل أول ماجلسنا في المدرج .. ( دق اللطمه ) !! إستغربت .. قلت ابو فهد ليش ؟؟ قال أخاف ابوي يشوفني في التلفزيون :D ... رجال وموظف ومتزوج .. وعنده عيال بعد .. ويصدر منه هالكلام !!!! والله حاله .. وشي يغبن . والثاني في مباراة الهلال والنصر الأخيره .. شباب اللجنه الله يعطيهم العافيه يوزعون البلاستيك الأزرق ... والأخ الفاضل اللي معي .. أخذ القطعه الزرقاء ووضعها تحت السجاده خجلاً !!! والأخ الثالث في مباراة الوحده - كأس الأمير فيصل تحت 23 سنه - الجمهور متفاعل .. والساعه تشير للدقيقه الـ 45 .. وهو يقول للجمهور ( اقعدوا خلونا نشوف ) !!!! والمشكله أنهم من ( كبارية ) أعضاء المنتديات الهلاليه - :sad: - وإفهم يافهيم ! هذا كم مثال .. لتعرف ان السبب الرئيسي هو ماتطرقت له أنت :) بيّض الله وجهك .. وياليت تتغير نظرة الناس ويتركون العادات والتقاليد - داخل الملعب فقط - . |
أتفق تماماً .. كما قال الأخ للمجد بقية في موضوع الأخ الغريب .. التركيبة الاجتماعية تتطلب ذلك .. فقط 90 دقيقة تخلوا عنها .. الغريب بالامر تجدنا في أمور تخجل أكثر من تشجيع بالملعب و نفعلها و لكن عندما نحضر للملعب نخجل من ذلك .. السب و الشتم موجود بكل ملاعب العالم و نحن نحلم ان يختفي من الملاعب .. و لكن لنحاول التقليل منه بأعتماد اسلوب التشجيع .. آمر أخر التشجيع ليس بمجرد الهتاف عدة طرق للتشجيع .. مثل اللوحات البلاستيكية و آخرى كثيرة سأرسلها لأحد أعضاء اللجنة .. و لكن فقط لنتخلى عن كبريائنا لأجل شيء نعشقه .. :) .. علماُ أن كبريائنا لن يخدش بتاتاً .. ذلك لا يمنعني أن أقول عاداتنا و تقاليدنا مصدر عز و افتخار لنا .. لكنها لا تنافي التشجيع .. :) .. من جهة أخرى .. كم أتمنى ان يعود الملعب مليئاُ بالثياب .. كثرت الملابس الرياضية و الجينز بالملاعب <=== أكثر واحد يلبس جينز علشان ما يجي أحد يتفلسف .. :) .. لكن أمر مفرح لي .. عندما أرى الجمهور يحضر بالثياب .. أنها توضح لعادة و نقل لثقافتنا .. اينما ترحل في السعودية ستجد أناس يهتفون بأهزوجة (( يأكلك )) الاتحادية .. هي نقل لثقافة اهل الحجاز .. :) .. عن طريق الرياضة .. لماذا لا نرسخ ثقافتنا و ننقلها للاخرين بلبس الثياب بالملعب .. :) .. أعلم أنها وجهة نظر يراها الكثيرون غريبة و لكن أراها تستحق الاهتمام .. الاهم الآن عودة الجماهير للحضور ..و التفاعل بالتشجيع لا تتوقع أن يتم بليلة و ضحاها لأنه ضحية تراكمات أجتماعية .. أهلا بك ..:) .. |
يانااااااااس انا في اعتقادي انه لا خجل ولا شيء انا في اعتقادي ان الجمهور الهلالي يحب يتابع مجريات المباراه بدقه اكثر من انه يشجع حتى لو لاحظت بعد المباراه وبعد الفوز للزعيم تشوف الجمهور وش يسوي وكيف يشجع وكيف يطلعون مع الشبابيك حقت السياره وكيف يرفعون على صوت مسجل السياره انا في اعتقادي ان كل الامر ان جماهير الزعيم تحب تتابع مجريات المباراه بدقه اكثر من انها تشجع :rolleyes: تحياااااااااااااااااتي للزعمااااااااااااااااااااااااااء |
حنا كجمهور هلالي فاهمين بالكوره وواعين يعني نجي الملعب نتابع أكثر من أننا نشجع :) واذا تبينا مثل جمهور الأتحاد اللي يجي يطق ويصرخ ويطلع من الملعب ما يعرف وش انتهت عليه المبارات :d |
اولا يجب عليكم ان تفاخرون وتباهعون بعاداات وتقاليد نجد الأبية.. نجد الفخر والشهامـــة اما عن مسألة الجمهور فلا تنتمي لها العادات والتقاليد.. فلو كانت عادات وتقاليد لم كانت الدولة حكومة وشعب تحتفل بنجد سنويا بالعرضـة وماكان اهالي القصيم والي معروف عنهم العادات والتقاليد بشدة ماكان سنويا وفي كل مناسبة يرقصون السامري.. وماكان روح البداوة الي في كل نجدي موجودة ماكان اخوننا وحبايبنا البدو يشيلون الشيلات بمناسباتهم الزواجات وخلافها.. ناهيك عن العرضات في كل وقت ورقصة الوقفة.. فياخي الكريم يجب عليك ان تتحدث عن العادات والتقاليد النجدية بفخر اما إذا كنت لاتفقه وتجهل الفرق بين مايحصل في المدرج وابتعادها كل البعد عن العادات فهذا نقص في عقلك.. نجــد راح تظل رغم انف الأغبياء من الحاقدين والحاسدين متمسكة بعاداتها وتقاليدها.. وموت ياحاسد |
إقتباس:
لا صدق والله ماننفع اهل نجد.. :sleep: إقتباس:
ياليت مباريات المنتخب في جدة والدمام.. والله الحماس اكثر.. وكلنا يتذكر مباراتنا امام ايران في التصفيات في جدة كيف كان الملعب مليان وحمااااسي.. شباب.. خلوا العادات والتقاليد شوي.. وفكونا من نجد الشهامة حقتكم ذي.. مااحد تكلم على نجد.. وقلنا العادات زينة - ماظنتي بس يالله - بس لو يخلونها الجمهور شوي وقت المباراة.. :nono: يعني شوف هلالي ارسنالي وش يقول: إقتباس:
تدري لو ترد بـ(ايه). فهاذي مصيبة.. وصدقني الله بيسالك عن فلوسك اللي دفعتها على وش دافعها اذا ماراح تستفيد منها ولاهمتك.. الله يتوب عليك بس.. استخدم عقلك شوي واترك المهاترات اللي مالها داعي.. نعلمه الصح يقوم يطلع كلامنا خطأً.. إقتباس:
إقتباس:
مشكووور اخوي على الموضوع... :rolleyes: شكراً.. :) :) |
طال عمرك ربي أدى المصري صوت عن عشرة سعوديين اللهم فلا حسد |
إقتباس:
قويه ترى هذي بس والله انا مدري ليه الجمهور ما يشجع اجل جايين ليه تدفع 15 عشان تتفرج ياخي اجلس في بيتكم احسن لك الفريق يحتاج دعم والله انا اعتقد لو جمهور الاسماعيلي ما شجعه كان ما تعادلوا بالعكس يمكن يتلقمون بخمس اهداف بس انا لما اشجع واقول ياهلال اشوف اللي حولي يناظروني كاني مسوي شي غلط والله قهر يعني اسكت احسن والله اللي ما يبي يشجع يجلس في بيتهم اقولها الف مره لا تجون الهلال ما يحتاج ناس ساكتين ومهمتهم بس التلعين في اللاعبين ويقولون الله يلعنك ما تشوف والا شتها يا حمار |
اول شئ المصرين ملسونين ثانياً جمهور الهلال مع انه اكثر جمهور سعودي الا انه نايم في التشجيع (يستحي) ثلاثاً اتمنى للزعيم التوفيق |
الحيا ذبحنا ياجماعه وكل انسان وطبعه |
اولا يجب عليكم ان تفاخرون وتباهعون بعاداات وتقاليد نجد الأبية.. نجد الفخر والشهامـــة اما عن مسألة الجمهور فلا تنتمي لها العادات والتقاليد.. فلو كانت عادات وتقاليد لم كانت الدولة حكومة وشعب تحتفل بنجد سنويا بالعرضـة وماكان اهالي القصيم والي معروف عنهم العادات والتقاليد بشدة ماكان سنويا وفي كل مناسبة يرقصون السامري.. وماكان روح البداوة الي في كل نجدي موجودة ماكان اخوننا وحبايبنا البدو يشيلون الشيلات بمناسباتهم الزواجات وخلافها.. ناهيك عن العرضات في كل وقت ورقصة الوقفة.. فياخي الكريم يجب عليك ان تتحدث عن العادات والتقاليد النجدية بفخر اما إذا كنت لاتفقه وتجهل الفرق بين مايحصل في المدرج وابتعادها كل البعد عن العادات فهذا نقص في عقلك.. نجــد راح تظل رغم انف الأغبياء من الحاقدين والحاسدين متمسكة بعاداتها وتقاليدها.. وموت ياحاسد |
[align=center]الموضوع عن التشجيع ,,, ومع هذا هناك من يحور الموضوع ,,,, انسوا يكون فيه تشجيع مادام لدينا مشجعين لايفرقون بين الملعب والحياة العاديه سؤال ;; ماعلاقة السامري ,,,, وماعلاقة التفاخر ?? قمة التعصب[/align] |
كلامك سليم اخوي بس وش نسوي هذا شي فينا فينا يعني من الصعب اننا نغيير العادات بالسهوله الي يمكن الواحد يتصورها المهم ترا فيه ناس ودها تشجع بس بيني وبينك انا فالمباريات اكون على اعصابي خصوصا اذا كنا متعادلين او فازيين بفرق هدف وين اقدر اشجع وانا على اعصابي ولا اذا قمت ولا شي انواع الازعاج وراك ياخي اجلس نبي نشوف نبي نشوف :nono: s13s تحياتي للزعماء s13s |
| الوقت المعتمد في المنتدى بتوقيت جرينتش +3.
الوقت الان » 03:35 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd