هلا بك .. واهزوجه روووووعه ..
وكثروا وطلعوا هالابداع ..
بلا تقليد بلا هم ..
ومثل ماتشوفون الامن اللي في الملعب يحاول يخرب كل شي على جماهير الهلال ..
اعلام وخذوها .. لافتات ومنعوها .. حتى قلم احد المشجعين ماسلم ..
مالكم الا اصواتكم .. مايقدرون ياخذونها .. ;)
حرووووووووووووهم بها .. وبإذن الله الفوز هلالي في مباراة الاسماعيلي .. كرد اعتبار أولا .. وكمواصلة لسلسلة الانتصارات ثانيا ..
وبالنسبه للمزمار .. انت قلت انه حرااام ..
والسلام الملكي .. مانقدر نمنعه :sad: .. ولا هوب بيدنا .. حتى جماهير الاندية الغربية .. ماهيب في يدنا نمنعهم ..
بس احنا لنا قدره على انفسنا
.. ومحاسبين على اللي نسوية مدام لنا قدره عليه ..
وماهوب عذر اننا ماعندنا بدائل
.. من يقول ان ماعندنا بدائل .. هالاهزوجة اللي قلتها روعه
بس .. هل تحس انها تمشي مع مزماار ؟؟
انت تسمع الاتحاديين يقولون الـ ياكلك مع المزمار ؟؟؟؟؟؟؟
يقولونها لحالها .. وباصواتهم مرة وحده .. وتطلع حلوه بطابع خصوصي لهم ..
احنا مو مشكلتنا يا اخي في المزمار ان ماله بدائل .. حنا بس يبيلنا شوية تنظيم .. والصوت يجي مرة وحده ويجي التشجيع ولا أروع ..
والا انا ما اذكر ان المزمار كان من ركائز التشجيع في الهلال ..
وانا بحاول اطلع كم اهزوجه للجماهير .. بلهجتنا .. اهل نجد .. مثل ماهم يقولون بلهجتهم ..
وبالنسبة للاخبار .. ياخي فيه اختراع
اسمه muting اذا شفنا المذيع ارتز ضغطناه وطلع صوته ..
اما العورة اللي تتكلم عليها .. فاللاعبين بعيدين .. وتقدر تغض وماتشوفها ..
ولو قربت الصورة ياخي نبعد عيونا عن العورة .. ياخي نتمقل وجه اللاعب ..
لكن المزمار ياخي يشق الاذان شق .. مهما ابعدت والا لفيت على اذانك .. يظل مزززززعج .. غير انه حرام ..
وتذكر .. من ترك شيئا لله .. عوضه الله خيرا منه
يعني لانخلي وسيلة تشجيعنا بمعصية .. وربي منعم علينا بعودة الفريق لمستواه وتوهجه .. وانت شفت كيف ربي انصف الهلال قدام الاهلي .. بهدف قاااااتل في الوقت القاتل ,,
وتبينا نشكره بعصيانه ؟؟
...............
هذا رأيي في قضية المزمار ..
اتمنى ان تلقاه بصدر رحب ..
وانا على يقين ان رجال الرابطه لديهم البدائل ..