[align=center]القناة الرياضية السعودي
هل هي قناة فاشلة ام ناجحه
صراحه انا اشوفها فاشله لعدة اسباب
1- البرامج:
2- التحليل الفني للمباريات:
3- الدعم الضعيف
4-وقت القناة ومركزها
ونفصلها واحد واحد
البرامج:
1-نبض الشباب
عباره عن برنامج ديني يأتي فيه الشيخ سعد البريك او غيره مده تقريبا نصف ساعه
وش نبغا فيه ؟؟؟؟؟
طالعو القنوات الباقية ما فيها اي برنامج ديني لان البرامج هاذي ما تفيدك كرياضي
صحيح ان فيها فائده دينية لكن اكثر الشباب ينتقدون هذا البرنامج
2- شباب
برنامج يحكي عن قضايا ومشاكل الشباب
التدخين- التطعيس-الموضه-التقليد- الإنترنت- الإختبارات - المدرسه -الطب ( هاذي من الحلقات اللي قد شفتها)
مالها اي شغل بالرياضه ووكل مواضيعهم سخيفه
3-قهوة المساء:
برنامج لقاء مع واحد يسألونه اسئله وخلاص خلص البرنامج ( مجرد تضيعة وقت )
4- زوايا:
نفس الشي اللهم فيه بعض الحاجات البسيطه المختلفه ( ومجرد تضيعة وقت )
5- البرامج الرياضية:
في البرامج الرياضيه مثل الرياضه حول العالم
يجيبون اخبار رياضية جدا بايخه
كريكت- بسبول- ركبي- قولف - التنس
وش نبغا في الاخبار هاذي
وين البرامج الرياضية وين المباريات وين الاشياء اللي وعدتنا فيها هاذي القناة
نيجي الحين للسبب الثاني اللي هو التحليل الفني للمباريات :
التحليل الفني فاشل فاشل فاشل لسببين
1- المحللين:
ماجد عبدالله ونجيب الامام نجمين كبيرين في عالم الكره
لكن نبغا اكثر منهم مو في كل مباراه ما يطلع لنا الا هم بس
2- طريقة التحليل
يحللون فقط على من اللي اقوى ومين اللي لعب احسن
ليش ما يتواجد معاهم حكمين دوليين ممتازين معروفين يحللون الأخطاء المشكوك فيها ويقيمون حكم المباراه ويعرف الحكم اخطائه ويتجنبها في المباريات القادمه يصير كأنه صافره
ما يسير الواحد يدور في المنتديات ويعرف ويتأكد هل هذا خطأ صحيح ام هل هذا بلنتي صحيح؟؟؟
وماجد ونجيب بما ان عندهم خبره يعلقون على الاهداف واسبابها واخطاء المدربين علشان يعرف الدفاع انه يتجنبها
وعلشان هذا السبب الرياضيين كانو يتابعون مباريات المنتخب والدوري السعودي على قنوات ثانية اذا كانت منقوله مثل دبي الرياضية الإبداعية او اوربت الرياضية الخيالية بسبب التحليل الفني السخيف
3-الدعم الضعيف
وهذه هي الطامه الكبرى وسبب فشل القناة المسمية بالرياضية
مافيه اي دعم مادي للقناة وهذا السبب اللي يخليها ما تنقل مباريات الدوري الاوربي على الهوى مباشرة
مرة شفت المباراه النهائية في الدوري الإيطيالي بين ميلانو واعتقد الإنتر على دبي الرياضية او اوربت على الهواء مباشره
وبعدها بثلاث ايام شفتها على القناة الرياضية السعوديه
فالحين ينقلون الدوري الارجنتيني لا بعد وحصريا
قلك يعني سوو شي زين
4-وقت القناة ومركزها
وقت القناة صراحة جدا سيئ للي يتابعونها على الارضية مثلي
من الساعه 4 العصر الى الساعه 1 الليل
ويحطونها بدل الثانية
صراحه قمممممت الفشل
انا صراحه اتمنى من هاذي القناة الفاشله انها تعدل من برامجها
هي قناة رياضية للكره والرياضه فقط لااااااااا غير يكفينا غصب واحد وغصب اثنين هم وبرامجهم اللي مدري كيف جاييه
القناة الرياضية باقيلها بس تحط مسلسلات ومسرحيات وبرنامج مثل يوم جديد وبرامج سياسية
وخلاص تسير زي غصب واحد
اتمنى تسووي القناة الرياضية هذه الاشياء
1- تحليل عن الدوري الاوربي والعربي والآسيوي مثلا :
السبت- الدوري السباني
الاحد- الدوري الإنجليزي
الإثنين- الدوري الإيطالي
الثلاثاء- الدوري الفرنسي
الأربعاء- الدوري الأوربي بشكل عام
الخميس- الدوري العربي
الجمعه- الدوري الأسيوي
واللي اقصده بكلمة دوري : اهم المباريات والنتائج واللقطات والتعليقات
يعني اذا قلت الدوري العربي اقصد فيه اهم المباريات اللي صارت في دوري الخليج ودوري العرب يعني اهم المباريات المحلية العربية اللي صارت ونتايجها
ويسيرون يجمعون مثلا في الدوري العربي من يوم الخميس الى الخميس لقطات وتعليقات عن اهم المباريات والنتايج والترتيبات ويسير البرنامج مدته ساعه
2-يصير فيه برنامج عن حياة لاعب وعن تاريخ نادي
مثلا يوم السبت : برنامج عن حياة لاعب مشهور ( لاعب كرة قدم مو بسبول ولا ملاكمة ) وعن لقطات لاهدافه ومباريات وتاريخه (لاعب عالمي) ويسير يعاد يوم الأحد ويسير مدته تقريبا 45 دقيقه
وبرنامج عن تاريخ نادي وبطولاته وافضل لاعبينه يسير ييجي يوم الثلاثاء ويعاد يوم الأربعاء ويسير مدته ساعه
3- المصارعه
المصارعه صراحه هو الشيء الوحيد اللي بدعو فيه وخلوها مرتين في الاسبوع يوم الإثنين ويوم الأربعاء واتمنى انهم يستمرون
4-نقل مباريات مباشره:
نقل مباريات مباشره من الدوري الاوربي وكأس العالم
مو ينقلونها تسجيل لما تصير ببلاش
انا صراحه قلت كل اللي عندي
واتمنى من كل واحد يقول السلبيات في هاذي القناة
وانا قلت السلبيات بس
لان ما فيه ايجابيات ابدا[/align]