#1  
قديم 05/02/2005, 10:38 PM
الصورة الرمزية الخاصة بـ ابوساري
زعيــم متألــق
تاريخ التسجيل: 18/03/2003
المكان: حصه بنت محمد
مشاركات: 1,235
بالله اجتماع ياهلاليين .. ابيكم بكلمة راس

السلام عليكم ورحمة الله وبركاته ..

...


...


قايلكم اجتماع ... وكلمة راس ...

..

..

..

..

..

اخواني الهلاليين ... اخواتي الهلاليات .. اخواني الزوار من الاندية الاخرى ...

فيه شي خطير ...

عجزت ألقى تفسيره ....


تقلب الاراء عندكم .... بشكل ملحوظ



يعني مثلا ...


جاء واحد وعطى المفرج كلمتين ... يطبون باقي الجمهور ومعهم عصيان وعجاري وتقطيع بالمفرج ...

بعدين جاء واحد ثاني ... وقال المفرج خليفة نيستا ... كلهم تركوا العجاري .. وقالوا ايو الله المفرج فنان ...



مثال ثاني ...

كماتشو ...

قالوا اطردوه بعصى .... وامسكوه مع رقبته وصكوا شنطة بوجهه .. وسفروه ...

الا كلكم قلتوا صح ... اطردوه لابارك الله فيه ... الله لايبارك بالساعة اللي جابته ..


كان يجي واحد ... يقول وش ذا .. هذا مب كماتشو ... هذا زيدان والا رونالدينهو ...

عاد جيتوا وقلتوا ... يمكن توتي ... والله ياهو خطير كماتشو ... لاحد يتعرض له ... هذا احسن لاعب هالموسم ...


مثال ثالث

الشمراني ... الكاتب في جريدة الرياضية ...

قلتوا إن دمه ممزوج بيم الاخضر والابيض ... والازرق والابيض ...

وانه احسن كاتب مر على الصحافة الرياضية ... وانه واقعي .. وصريح .. ومنصف ...

كان يجي واحد ... ويكتب موضوع ... يقول الشمراني الخبيث كتب كذا وكذا عن الهلال ...

كان يجي واحد يقول من يومه وهو حقودي على الهلال ... وانه مايحب الهلال ...

الا انتم كل ابوكم تقولون انه يدس السم بالعسل ... وانه متعصب .. وماعنده سالفة .. صحافي مدري شلون يكتب ..




شي غريب ... وش المشلكة ....


المشكلة تكمن في التسرع في الحكم على الواحد ....


مع ان المفروض ان الواحد يعطى فرصته للحكم عليه ...


يعني خلونا نشوف وش عنده ... ننتظر للاخر ... بعدين نحكم على الشخص ...


والحل الامثل ...

اننا مانمدح الواحد ونبجله ... ونخليه احسن أحد بالعالم لمجرد انه يوم قال الهلال احسن شي ....

اننا مانقول هاللاعب شين والا زين من كم مباراة لعبها وحنا ماندري وش ظروفه ....



اننا نكتفي بقول الله يجزاه خير ان مدح الهلال ... والله يسامحه ان غلط ... حتى يمصخها .. بعدين نقول اللي نبي ... سواء نمدحه والا مانمدحه




وهذا هو الحل ... عشان الواحد مايحس انه تسرع بقرار .. ظلم احد ... او انغش بأحد ....



انتهى اجتماعنا اليوم ... كل واحد يشوف شغله الحين

ومشكورين على الدخول ... ومشاركتنا الموضوع ...

تحياتي لكم ...

أبو ساري
اضافة رد مع اقتباس
  #2  
قديم 05/02/2005, 10:44 PM
زعيــم نشيــط
تاريخ التسجيل: 25/11/2004
مشاركات: 719
اي والله ارجوا من الجماهير التفهم لهذا الموضوع

مشكور اخوي
اضافة رد مع اقتباس
  #3  
قديم 05/02/2005, 11:08 PM
زعيــم مميــز
تاريخ التسجيل: 04/02/2005
مشاركات: 1,803
والله كلامك 100%

والله انا الاحظ هالمشكلة

وياليت يشوفون لها حل

اضافة رد مع اقتباس
  #4  
قديم 06/02/2005, 12:48 AM
زعيــم متواصــل
تاريخ التسجيل: 29/12/2004
المكان: مكه المكرمه
مشاركات: 72
هذي مشكلتنا وعلى قولة المثل (نلقط الكبيبه من راس القدر) وهذي الطبيعه البشريه


نحب نصدر احكامنا قبل مانفهم الموضوع 00000000يمكن من الحماس ;) ;) ;)
اضافة رد مع اقتباس
  #5  
قديم 06/02/2005, 02:04 AM
زعيــم نشيــط
تاريخ التسجيل: 14/05/2003
مشاركات: 609
القضية .. قضية وعي ..

وقدرة على التعبير عن وجهة النظر بشكل صحيح ...

بدون التأثر بالاخرين ..

عموماً .. هذه المشكلة موجودة في كل العالم ... حيث ان طريقة الكتابة لها تأثير كبير على وجهة النظر

فإذا كانت تلامس أحاسيس الناس .. وكانت سهلة الالفاظ والمعاني .. كانت أكثر تأثير ...

ولكم تحياتي ...
اضافة رد مع اقتباس
  #6  
قديم 06/02/2005, 02:11 AM
زعيــم متألــق
تاريخ التسجيل: 07/12/2004
المكان: جـــــــدة
مشاركات: 1,387
والله كلامك صحيح
وانا اذكر اول الموسم كنت اقول ان كماتشوا افضل محترف هنا

ردوا على الشباب وقالوا والله ماعنده سالفة والان صار افضل محترف بالدوري السعودي بشهادة الجميع



وسلامتكم
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 07:42 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube