التعــادل خسارة والخمســة هي الفوز
هذا هــو الشعــار
^
^
^
^
^

الأيــام هذي مع زحمــة الجماهير صار الواحد لازم يحسب حســاب الجية من بدري عشــان يأخذ مكـان زين .. وإلا بتطير الطيور بارزاقهـا
جـالسين عند بوابـة الملعب ننتظر المؤذن يأذن للعشــاء عشان نصلي على " الثيــل " ونطلع فوق للمدرجـات .. وأبشركم الحمد لله صلينـا الله يتقبل وطلعنــا علطووول فووق طبعــا نبي مكــان حلوو ;) ;)
الملعب كــان مليـان وغـاص بالجمـاهير الزرقـاء ولاعبي الفريقين يسوون حركـات الإحمـاء .. ومع قرب بداية المبـاراة يزداد حضور الجماهير الزرقـاء

* نــزول الفريقين والشوط الأول:-

نزل الفريق الهلالي أولاً بقيـادة إمبراطوره " سمـــسم " وحيــوا جماهير المنصة وجو يحيونــا جماهير الدرجـة الثانية
نزل الفريق الأهلاوي من الجهة الأخرى عند الجمـاهير الأهلاوية وقوبلـوا بتحية من جماهيرهم وصـافرات استهجــان من الجمـاهير الهلالية التي بثت الرعب في قلوبهـم
المذيــع الداخلي يذكر أسمـاء اللاعبين وسمسم يستحوذ على نصيب الأسـد من التصفيق والهتـاف
بدأت المبـارات بحذر أهلاوي شديد جداً وخير دليل لذلك " النتيــف " الذي يعمـد إلى إضاعة الوقت في أحيـان كثيرة جداً .. مع إني ماأدري ليه يضيع الوقت
الهلال يلعب هجمـات رائعة جداً ويفعل الأفـاعيل بالأهلاويين في وسـط الميدان ولا هجمـات حقيقية على المرمى الهلالي

( الهـدف الهلالي ) أثنـاء الهدف كل شيء عـايدي ولكن من الذي سجل الهدف ؟؟ عرضية من كمـاتشو وراسية في العـارضة وسـامي يمزززززززززززززع الكورة في الشبكــة .. ويــاليل خبررني وآآآآآآآآآآآآآآآآآه ياساامي وآآآآه ياساامي .. والجمــاهير الي في الدرجة الثانية فوق متعلقين على ( السيــاج من الفرحة ) وأنــا منهم

وتشجيــع متواصل بعد الهدف ولعب هلالي رائـع وسـامي مكتوب على شـاشة الملعب هو صاحب الهدف الهلالي ويــاحبيلـك ياسامي

* بين الشوطين:-

أثناء خروج الحكم من الملعب تعــرض لأقسى أنواع السب وأنــا أقولها من كل قلبي شويــة عليه .. وهو علبــاله يناظر ويضحك <==== يا كرهي له
تريقــات من جماهير الهلال على بعضهم وسوالف وفلة حجــاج وشـاهي وحب وونــاسة وضحك وبرضو أقولكم ركــزوا على " الشاهي " برجع له ألحين .. وأنــا أناظر الملعب واااااااااااااااو رووعـــة صراحة اللون البرتقالي متوشح الوشـاح الأزرق .. والجمــاهير الهلالية تلبي نداء الصدارة

* الشــوط الثاني:

بدأ الشوط الثاني بسيطرة أهلاوية مخيفــة لجماهير الهلال .. ولا وجود لهجمـات مرتدة هلالية بسبب باولو ديسلفـا وأخطـائه وعدم قدرته على مواكبة فن ومهارات ســامي .. وجـاء الهدف الأهلاوي كالصاعقة على الجمـاهير الهلالية التي كـانت تنتظر الخماسية في مرمى الأهلي .. وفرحـة أهلاوية عارمة ( مع إن الجماهير كلهم خمسة وثلاثين واحد وأربعة بزران )

وبعــدها انتفض الهلال وانتفضت الجماهير الهلالية ولعب الهلال أروع دقــائق وبحمـاس منقطع النظير .. ولعب سامي أوقــات من أروع الأوقات لولا سذاجة الحكم ( التــافه ) الذي أفسد متعة اللقـاء .. وضغط الفريق الهلالي بشكل أكثر من رائــع وأبدع المفرج وتفاريس والبرقـان في كل هجمة تأتي على المرمى الهلالي في اقتناصهـا قبل وصولها لمناطق الخطر

( الدقـــائق الأخيرة والهدف الثاني ) الجمهور الهلالي مصـاب بالكـآبة والتغير في الدقيقة الأربعين دخول الصويلح مكـان الفرج وخمس دقائق وترن ساعة الملعب على الدقيقة 90 وركنيـة هلالية وكمـاتشو المتعهد خلف هذه الركنيـة وبقدمه اليسرى كورة لولبيــة بالمسطرة على رأس المتمركز أحمــد الصويلح الذي ببراعة الكبـار يرسل الكرة كمـا لو كـانت تسديدة بقدمه إلى الزاوية الأخرى في مرمى النتيـف .. وفي هذه اللحظـة بالذات لا يمكن أن أصف جماهير الهلال ولا يمكن وصف الحدث إطلاقاً شيء غير طبيعي وفوز له طعــم رائع جداً وهلال هلااااال هووووه هووووه هلاال هلاال هووو هوووووه

قفشــات

- حكم الراية القريب من الجمـاهير الزرقـاء بعد هدف سـاميو .. رمت الجمـاهير الهلالية ألعــاب نارية وانفجرت قريب منه .. في البداية الحكم مسوي شديد وكأن مـاجاني شيء .. بس الضعيف من زود الحرارة ماقدر يتحمل ونــادى حكم السـاحة وعالجوه .. وطبعـا الشورت حقه احترق
- جـاي رائد ومقدم وشرطتــهم مسوين أنهم شرطـة شغب .. مايدرون أن جماهير الهلال مثالية ولا تسوي شيء موو زين
- حكم السـاحة بعد نهاية المباراة تمت حمايته من قبل رجـال الأمن وأثناء توجهه لخارج الملعب تم رمي العلب الفارغة والمليانة عليه وكذلك العقل ونعــال وحدة شفتها " وأنتم بكرامة " طبعا أنحــاش هو واللي معـه
- في الدرجـة الثانية ووسط الجماهير الهلالية كـان فيه جماهير أهلاوية .. بس كـان التعامل معهم رائـع وهي عـادة الهلاليين .. مع إنـــ الهلالين ماقصروا فيهم وحــدوا النداء والتشجيع للطحـــالب
- مــازال خوينـا راعي المزمـار بعيد كل البعد عن المبـاراة بس ولو يعطيــه ألف مليون عـافية مااقصر والله إن جيتوا للجد هو أحسن من الرابطة اللي نـايمة شويتين
- مـاكان فيه استقبال حـافل من الدوريات والشرطة خارج الملعب شكلهم توقعوا أن النتيجة تعـادل .. وفلوهــا جماهير الهلال شويتين مع أن فيه راعي جيب دورية ماقدر ينزل مشغل السفتي وجـالس .. بس شوي إلا وهــم متجمعين
- ســامي خفت أنه ياخذ كرت أحمر لأنه رمى بالشارة الكابتنية في منتصف الملعب وكـان عليه كرت أصفــر
- ديسلفـا حصل على كرت أصفر من بداية المباراة " ماله لزوم " وأثناء سير المباراة كـان مصاب وطلع ودخل بدون أذن الحكم وخفت صراحة أنه يعطيه أحمر
- مع أهداف الهلال تجد الجمـاهير متعلقة على السيــاج وأنــا منهم ونبي نطير بس للأسف ما فيه مجـال
- من كثر ما نسب في الحكم انكب الشـاهي وطبعـا انكب على اللي قدامي وأنــا مدري .. المهم ينــاظرني وهو زعلان ويلتفت علي خويي ويقولي ياأخي حرام عليك وسخت ثوبي وهو حق الدوام بكرة .. وأنــاظر ثوب خويي مافيه شيء ؟؟!! .. وهو يقولي أنتبــه ياأخي .. وأقوله ماعليش وأقول للي قدامي ماعليش .. وفي النهاية خويي مــاجاه شيء بس يحاول يخفف الموقف على الدب اللي قدامنــا عشـان مايجيبها من جد :p :p
- أنــا كان معي علمين وكلهـا رميتها ما أدري وينهــا ( بس فدوة للأزرق والله ) وحلال على اللي يأخذهـا

لقطــات من هنـا وهنـاك

- سـامي بعد كل لقاء يقابل بتحية قوية جداً من الجمـاهير الهلالية وبرضو نفس اللقـاء السابق واللقاءات الأخرى يقول للجماهير أنتو في قلبي وعلى رااسي ( فديتـــك يااسامي )
- اليــأس بعد اللقاء هو أكثر المبتهجين بالفوز .. يـأتي من جهة الجماهير الهلالية ويحييهم بطريقته الخـاصة وترد الجمـاهير عليه التحية
- البرقــان أيضاً بعد اللقاء يسوي حركة بهجا والجماهير تتفاعل معه ... هووه هوه هو هووووووووووه
- الحكــم أفسد اللقاء كثيراً بسبب قراراته الخـاطئة .. ويستــاهل ماجـاه .. يعني قرارات عكسية وبلنتيــات عينك عينك .. مــاأدري وش يبي الحكم صراحة وربي حيرني معــه
- حسن العتيبي خرج من منطقة الجزاء وعرقل أحد لاعبي الأهلي وتحصل على كرت أصفر والحمد لله أنهــا جت على قد كذا ياأبو علي
- وااحد من الجمـاهير مع كل لقطة يتصل على واحد من أخوياه ويسأله عن بلنتيات سامي والخثران .. طبعــا ماأدري وش يقول له خويه بس اللي فهمته أنهـا بلنتيات واضحة أوضح من الشمس
- حصلت مشـادة بين جماهير الهلال في الدقيقة 35 في الشوط الأول بين شخصين أو ثلاثة .. يعني عددهم محدود وجو العســكر ومسكو واحد والثاني خلوه طبعـا جوهم الرائد والمقدم عشان يشوفون وش الموضوع يعني أنهم فاهمين
- الممرات في المدرجـات مليانة لكثرة الجمــاهير .. والعسـاكر حاولوا في البداية منع الجماهير ولكنــهم لم يستطيعوا
- آخر ثلاث مباريات فاز الهلال فيهـا كان لها طعم خـاص .. مع الاتفاق كـان سامي بطلها .. ومع الاتهـاد كـانت تأكيد لزعامة الهلال وروعة سامي .. ومع الأهلي كـانت في أخر الوقت وتأكيد لحسن اختيار كالديرون لسامي

اللاعبين

- ســامي الجــابر .. اثبت أنه على لياقة عالية جداً ورد على المشككين الذين يقولون أنه صاحب شوط واحد .. فقد فعل الأفااعيل وصال وجـال في أواخر الشوط الثاني .. وآآآآآآآآآآآآآآآآآآآآآآآآآآآه ياسامي .. ياأحلى الأساامي
- للأسف المدرب أخطـأ حينما وضع الموري يسـار .. الواجب مخليه يمين ويجيب الفرج يسـار .. عشــان ينعش الجهة اليمني
- قلوب الدفـاع والمحور أكثــر من رائعين .. وأتوقع يالغنـام راح تتعب عشان تكون أساسي في ظل وجود البرقان
- الفرج وديسلفا كـانـا الأسوأ ولم يستطيعــا مجاراة الفن الهلالي
- الخثــران نجم رائع ورائع ورائع ورائع .. هكذا أردنـــا الخثران وهكذا تمنينـاه

التغيــرات

(1) خروج الموري ودخول الجري .. تغير غريب جداً وغير مقنــع .. وتمنيت أن لا يكون بأي حال من الأحوال
(2) خروج الفرج ودخول الصويلح .. رائع هذا التغير ولكن تمنينــاه منذ وقت .. والحمد لله أنــه أصبح ذا فائدة

خـــــاتمة

• من عــادتي أن أكتب مقال المباراة بعد المبارة مباشرة ولكن تأخرت كثيراً في العودة للمنزل بسبب الفرحة بالفوز ..فعــذراً :sad: :sad:
• طبعــا نودعكم على أمل اللقــــاء بكم في مباريات هلالية قادمة .. يعني ما فيه مباريات هلالية ما فيه مقالات أكتبهـا .. بحتــرف في منتدى المنتخب السعودي عشـان سامي هناك

إقتباس - حكم السـاحة بعد نهاية المباراة تمت حمايته من قبل رجـال الأمن وأثناء توجهه لخارج الملعب تم رمي العلب الفارغة والمليانة عليه وكذلك العقل ونعــال وحدة شفتها " وأنتم بكرامة " طبعا أنحــاش هو واللي معـه

هل هذي هي اخلاق جماهير الهلال !!!!!!!!!!!!!!!!!!!!!!!!!!

الله يرجكككككككككككككككك يااااااااادب انا الي امتلى ثوبي من الشاهي حتى وانت بكرامه نعلتي قامت تلزق من الشاهي الله يرجك بس ياويلك مني بالوييييل

الضاهر انت كنت ورااي لان المشاجره صايره عندي وجا الرائد

عرفتني انا الي قدامك لابس كاب ابيض الي يجي مع بطاقة نادي الهلال ;)

بس اوريك ياشيخ مايغسل ثوبي غيرك طيييييييب

^

^

صاااااااادووووووووووووووووووووووووووووة


يعطيك العافية اخوي

الله يعطيك العافيه



ومبرووووووووووووووووووك الفووووووووووووووووووز

للأسف فشلتونا والله ماكنت اتوقعها منكم

هههههههههههههه


الله يرررررررررررجك .. تسلم والله الموضوووع رائع ,,,

أما من ناحية الخثران فأنا أتفق معك رااااااااااااااائع والله في هالمباراة .. فهي أفضل مباراة له في الدوري .. << من توقعي ... ,

أما .. >> (1) خروج الموري ودخول الجري .. تغير غريب جداً وغير مقنــع .. وتمنيت أن لا يكون بأي حال من الأحوال

خروووووووووووج الموري بسبب الإصابه .. >> ومع مقابله مع رئيس الهلال يقول أنه راح للمستشفى بين الشوطين . . . .



ثاااااااااااانكساااات .. ,

الله يعطيك العافية على المووووضوع ....

مشكوووور ومقصررررت .....

تحياااااتي *-’ ... .. ... .. ...

يعطيك العافية على هذا المقال
الاشبه في تصفح قصة قصيرة

ماقصرت والله يعطيك العافيه على الحضور والتشجيع ..

ومبروووك الفوز ..

والجمهور الهلالي امس رووعه مع انه ما ملى الملعب .. بس اللي يعيبه شي واحد .. المزمار .. ماودنا به ..

خوفي يغضب الله علينا وننتكس ..

والف شكر لك ...

والله الله بالغسل الزين لثوب الابداع كله سامي :p :p

اتمنى تحاسبون من الالعاب النارية

يمكن تفقع في عين واحد ولا شي وتروح عيونه عشان كورة

ويا ريت نشوف نظام اكثر بس فعلا عايشت التشجيع مع جماهير المنتخب السعودي في كأس الخليج في البحرين وكان شي روعة على ودك المباراة ما تنتهي



بس اهم شي تحاسبون للالعاب النارية

الله يعطيك العافيه



ومبرووووووووووووووووووك الفووووووووووووووووووز

hadi al-shammari
حكم المباراة خلى فيها اخلاق الله يهديك
والله كل ذلك قليل بحقه

صـــرااحة أنــا ماأدري وش أقــول على بعض أعضــاء المنتدى اللي يتمنــون المثالية في كل شيء .. الأمـــــر صرااحة غريب جداً .. يعني نشووف الظلم عينك عينك وتبينـــا نصفق له

الإبداع كله ســامي هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه ههههههههههههههه تعـــــال وشلون الشــاهي في عز البــرد

<================ يحااول يصرف ما يبي يدفع حق الغسيل

وبعدين تعـــال إذاا انــا دب أنت وش تصيررر ؟؟؟

<============== يقول ياليتني نسيت النقطــــة هذي .. بجد صاادوه

وصــراحة أنــا معك في المزمــار مال أم أمـــه دااعي

مشكوورين يازعمـــــــاء على مشااركتكم ومرووووووكم كل وااحد بااسمـــه وأعذروني إذاا مااذكرت اسم كل وااحد شــاركني .. وعلى فكـــرة ماادريت أن الموري كـان مصاااب بس قريته اليوم في الجرااايد ( طبعــاً ماأبدا أقرا الجراايد إلا بعد موقع الزعيــم )

ودمـــــــــــــــتم وعلى البركة ،،،

وش رايك في شعور الجماهير عقب هدف الفوز الحمد لله ماجاني شيء من الشرطه
بس ابأسلك في الظاهر هوشه في الشوط الثاني من عند مرمى الدعيع...عفوا العتيبي تدري عنها