::[فــ ـــ ـرفـ ـــ ـــشـــ ـــ ــ ـه ]:: - نادي الهلال السعودي - شبكة الزعيم

الفيروسه الزرقاء · #1 03/02/2005, 11:17 AM

[align=center]

الـســلامــوووو عـلــيــكــمـوووو

كــيـفــكـم ؟! إن شــاء الله تـمــامــووو

أتــمـنــى أن يــكـون الــجـمــيـع قــد أســتـمــتـع بــالإجــازة الــطـويـلــة

[ تـقــولهـا وهـي مــغـصــوبــه وإلا مــوب طــويــله مــرة

.. بـس هــذي أول إجـازة عــيـد أضـحــى شـفــتـهــا طـويـله

]

يـالله يـاشـطــااار ويـاشـااطــراات نـظــفـوا الــمـجــلـس

وأجـلــسـوا وقــولــوا لــنـا ويـن تــعـيــدتــوا فــيـه

؟ ووش ســويــتـوا بـالإجـازة

؟ ومـاهـي الـمــواقـف الـمــضـحــكـه والــمـقــالــب الــتـي حــدثــت

--->> عـلــى بـالهــا كـل الـعــالــم مـثــلهــا مـراجــيـج

مـاأوصـيــكـم أسـتــمـتــعـوا بـهــالأســبـوع الأخــيـر فــي الإجــازة

.. لان يــوم الـســبـت تــبـدأ الــتـعــاســه

فـيـّــو

[/align]

الجاحظ · #2 03/02/2005, 11:46 AM

آآآآآه على الأجازة الطويلة ..

ناس تتونس .. وناس مساكين يداومون خامس يوم بعد العيد :sad:

والله بالنسبة للعيد كان في الرياض

زيارات وطلعات .. ومع المطر بر الرياض كان أحلى ;)

متى يجي اليوم اللي ينقال فيه .... " هيه هيه ... بكرة مدرســــة ... هيه هيه .... جد وفرفشـــة "

وسلامتكم ..

ولد وايل · #3 03/02/2005, 11:55 AM

امحقها اجازة انا مسكين ماعطلت الا عشرة ايام بس

ليه كذا حرام عليكم مايصير الاجهزة الحكومية معطلة 16 يوم وانا بس 10

بصيح
جا الشتا وراح ماتهنينا بالبر غير بهالعشرة ايام لا ومن زينها بعد تمشي بسرعة
باختصار العيد والاجازة بالبر من ثاني العيد ,,,,ولافيه مواقف طريفة

تحياتو

قرقاص · #4 03/02/2005, 12:02 PM

8
8
8
انتم ياللي فوق احمدوا ربكم اقل واحد فيكم مداوم خامس العيد :p :p :p فيه ناس غيركم حظهم تعيس مثلي مداومين ثاني يوم العيد

ولو ماقدموا العيد يوم كان مداوم يوم العيد نفسه

اما قولتك يالفيروسه ان يوم السبت بتبدأ التعاسه فأنا اقول بالعكس اقول بتبدأ الوناسه عندي على الأقل لما أروح الدوام الصبح اشوف ناس جنبي مو رايح لحالي على الصباحية والناس غارقين في الأحلام السعيده

الجاحظ · #5 03/02/2005, 12:13 PM

ثلاث ردود وكلهم اجازاتهم من زمان قاضية ...

ليه جرح المشاعر والتذكير بمآسي بعض الناس في العيد

ولد وايل ... احمد ربّك ... انت 10 أيام ... انا بس 6 !!!!!!!!!!

قرقاص .. وانا أقول على نفسي مسكين !!!! من جد اشفقت عليك

=====

بس لا تزعل الفيروسة .. كأننا طلعنا عن موضوعها ... وش كنّا نقول .. ايه ...حادث طريف ...

والله كفر السيارة بنشر علينا في البر :p

معليش 6 أيام ما فيها أشياء كثير

سلام

الفيروسه الزرقاء · #6 03/02/2005, 12:21 PM

هلا الجاحظ

...

إقتباس


	ناس تتونس .. وناس مساكين يداومون خامس يوم بعد العيد

الله يكون بعونك خيو

إقتباس


	زيارات وطلعات .. ومع المطر بر الرياض كان أحلى

أيـــه رحت أنا من هينا جاء المطر لكم

مالت على حظي الردي لاخيمنا بالرياض ولا شفت مطر الرياض

إقتباس


	متى يجي اليوم اللي ينقال فيه .... " هيه هيه ... بكرة مدرســــة ... هيه هيه .... جد وفرفشـــة "

أي والله متى

.. المدرررسه عندي وناسه وسعة صدر وخبال وفله

-->> نصابه كانت من أول ماتواطنها الحين تبيها

هلا ولد وايل

..

إقتباس


	امحقها اجازة انا مسكين ماعطلت الا عشرة ايام بس

ياأخي عشر أيام نعمه

.. طالع المسكين قرقاص ثاني يوم بالعيد

إقتباس


	جا الشتا وراح ماتهنينا بالبر غير بهالعشرة ايام لا ومن زينها بعد تمشي بسرعة

صاااادق والله الأيام تمشي بسرررعه

هلا قرقاص

..

إقتباس


	انتم ياللي فوق احمدوا ربكم اقل واحد فيكم مداوم خامس العيد

أي والله أحمدوا ربكم

إقتباس


	فيه ناس غيركم حظهم تعيس مثلي مداومين ثاني يوم العيد

ليه طيب !!!
كل هذا حماس لشغل تبي تداوم بالعيد

إقتباس


	اما قولتك يالفيروسه ان يوم السبت بتبدأ التعاسه فأنا اقول بالعكس اقول بتبدأ الوناسه عندي على الأقل لما أروح الدوام الصبح اشوف ناس جنبي مو رايح لحالي على الصباحية والناس غارقين في الأحلام السعيده

مــســـكــيـــن
جالس بالدوام لحاله ومايقابل إلا الجدار

---->> تبي تقهره

أحسن ياأخي عود نفسك على السكوت أعرفك راعي بربره

.. خل اللي معك يستغربون وش في قرقاص صاير هادي

يسلمووو يالغالين على مروركم الحلوووو

وبإنتظار البقيه

الفيروسه الزرقاء

الفيروسه الزرقاء · #7 03/02/2005, 12:29 PM

سوري توني أنتبه لردك الثاني

إقتباس

الرسالة الأصلية كتبت بواسطة الجاحظ


	ثلاث ردود وكلهم اجازاتهم من زمان قاضية ... ليه جرح المشاعر والتذكير بمآسي بعض الناس في العيد ولد وايل ... احمد ربّك ... انت 10 أيام ... انا بس 6 !!!!!!!!!! قرقاص .. وانا أقول على نفسي مسكين !!!! من جد اشفقت عليك

أحب أعذبكم وأقهركم

إقتباس


	بس لا تزعل الفيروسة .. كأننا طلعنا عن موضوعها ...

عادي تمونون

إقتباس


	وش كنّا نقول .. ايه ...حادث طريف ... والله كفر السيارة بنشر علينا في البر معليش 6 أيام ما فيها أشياء كثير

هذي حركاتكم يالعيال في البر

.. بنشر الكفر ، غرزت السيارة ... إلخ

الله يكون بعونك خيو وإن شاء الله تعوضها بالأعياد الجايه .. ماتدري يمكن تتوظف بالقطاع الحكومي

الفيروسه الزرقاء

بـ يـ كـ هـ ـام 23 · #8 03/02/2005, 01:29 PM

بصراحه ..

الإجازه حلوووووه .وانا استمتعت فيها ..

وجات الدراسه كل واحد زعلان يطق راسه بالجدار

اما بالنسبة لي قضيتها في الرياض مابين بر ومنتزهات .. وخاصة معا الأمطار.. اذكر وحنا كنا في الفصل نزل مطر .. وعلينا (( رياضيات

)) والأستاذ متحمس .. شوي وتلقى كل الفصل يناظرون (( الشباك)) وكل واحد متلهف متى يطلع ...

وانا بصراحه اشيل هم اللي يداوم في ايام العيد .. والله حراااااااام ...

مشكورة اختي فيروسه على هالفرفشه ..

تقبلي تحياتي..

ولد وايل · #9 03/02/2005, 01:38 PM

إقتباس


	ياأخي عشر أيام نعمه .. طالع المسكين قرقاص ثاني يوم بالعيد

وين نعمة ياخيتي على اللي متعود ايام الدراسه يعطل بالشهور اااااااه بس والله شلكي بصيح

إقتباس


	انتم ياللي فوق احمدوا ربكم اقل واحد فيكم مداوم خامس العيد فيه ناس غيركم حظهم تعيس مثلي مداومين ثاني يوم العيد

والله عاد مشكلتك

يلله دنيا ولابد نتحمل تعبها شكلي باخذ اجازة

هلالي2008 · #10 03/02/2005, 02:41 PM

يا زين المدرسه ،،

قرقاص تعيش وتداوم غيرها

،،

مشكور فيروسه على هالموضوع اللي قلبناه مآسي ،،

كايدهم · #11 03/02/2005, 03:05 PM

هلا الفيروسه

..

الحقيقه انا كنت منطق في الرياض بس رحت قبل العيد للبر وخيمنا 3 ايـام توقعنا ان يكون فيه ربيع وانهار وشلالات

بس اللي شفناه بر وشجر يابس اصفر و بــــــرد الله لا يوريكم ..

أبـرز المواقف ...

كانت في الـبر ..

عقب ماحطينا الخيام وطقيناها .. وفرشناها .. الينا جوعانين نبي ماكندرز

قصدي رز ولحم اي شيء لان الجو كان بارد ولا تغدينا ولا افطرنا وكان الوقت على 4 العصر ..

بعد ماجينا نـدور برميل الغـاز .. وحطيناه جوا المطبخ .. لقينا ان برميل الغاز فـاضييييي

.. ابدا ماتكفخ اللي جاب برميل الغاز

. بس وش ينفعنا الطق .. الين الشمس بدت تـغرب .. رحنا ونزلنا الماطور من الشاص وحطيناه في مكان حول المطبخ وبعيد شوي عن جلستنا حتى مايزعجنا وقبلها لفينا عقد اللمبات على المخيم .. يوم جينا نشغل الماطور .. نسحب فيه نسحب فيه عيا لا يشتغل وبعد محاولات عديده .. برضوه مااشتغل .. وش فيه ‍‍!!

يوم فتحناه لقينا ان مافيه بنــــــزين

..

وش هالحظ وش هاللطعه اللي كلها اللي كنك طالع للثمامه

..

طبعا ماكنا في وقت يساعد نقول ليه ماجبت بنزين ولا ماجبت لان من 7 الصبح وحنا طالعين وماكلنا غير سنكرز و عصير الربيع

والشمس غابت .. فماكان فيه الا جبنا لمـبه وشبكناها في وحده من السيارات واشتغلت وحطيناها في المطبخ .. ثم بعدها بدينا نخطط وش نأكل ماكان معنا الا نواشب وخبز و نصف ذبيحة

..

فقررنا اننا نسوي مندي بـس .. وحفرنا الحفره وحطينا اللحم وانتظرنا حول الساعه ونصف ثم طلعناها وكان اللحم مابعد استوى مره وكان لدرجة العيال يقولون شكل الخروف معضل ويتمرن حديد لانه قاسي

طبعا عشانا كان خبز ولحم"مااستوى" ومرق اللحم ..

.

من بكره يوم صحينا لقينا ابريق الشاهي كنا معبينه ماء يوم صحينا لقيناه كله ثلج

وسلامتكم

blueblood_999 · #12 03/02/2005, 03:15 PM

تهئ تهئ تهئ ..

والله راح العيد وجت الدراسة ولا رحنا ولا جينا :sad:

الظروف ما ساعدت هالسنة ..

بس أحسن شيء إننا رحنا للبر وانبسطنا مع الشباب .. مو زي بعض الناس >> أبد ما أعني الفيروسة

المهم من ناحية المواقف :

مرة من المراريت ... رحت للسوق وكان بعد العيد وشريت لي جاكيت وذيك اللي يحطونه على الرأس ((يا ربي وش اسمها ؟ من جد نسيته )) المهم هذا كان الصبح .. وبالليل ركبت مع واحد من الشباب من أهل جدة ويوم قرّب الفجر نزلت من عنده ورحت للبيت عشان أنام

.. ومير أنسى أغراضي معه ... قلت : مو مشكلة بكرى أخذها ..
ولما جاء من باتسر وأدق على أبو الشباب إلا وأسمع عنده صوت بحر وأسأله وين أنت الحين وقال :

أنا الحين بجده ..
قلت الله ياخذك أغراضي معك يا درج ..
وأنا هذا حالي

وهو

..

ا .هـ . ##

وانتهت الحتوتة ..

{}{ خـــــــــــاص للفـيـروســـــــة }{}

اخر تعديل كان بواسطة » الفيروسه الزرقاء في يوم » اليوم عند الساعة » 11:43 AM. السبب: كان فيه غلط إملائي --> خافت من صدى الامس ليجي ويصيده

والله صدى مسوي لك قلق

هلالي وان جار الزمن · #13 03/02/2005, 03:52 PM

مساء الخير للجميع

في الحقيقة ان هذه الاجازة كانت بالنسبة لي سيئة للغاية :sad: وذلك من ناحية عدد أيامها

..
حيث كانت ثلاثة ايام فقط

العيد ويومين بعده ... وما اعطوني أياها الا بعد طلعة الروح ..
أحلى ما في هذي الاجازة هو الفوز الهلالي الرباعي

على عميدهم المزعوم

واللي احلى منه موقف خاص ( او بالاصح كان خاص والحين بأخليه عام

)
وهو من المواقف التي لن انساها :
دوامي كان في الشركة الى الساعة 3 فجر يوم العيد ورحلتي الى ديار اهلي 5 صباح العيد ...
والأهل ما كانوا يدرون اني راح اجيهم في العيد

فلذلك كانت فرحتهم وفرحتي بالعيد مضاعفة

وكانت الوالدة تكلمني أول ما وصلت مدينتهم وكنت أكذب عليها وأقول أني في الرياض وكانت متأثرة لبقائي وحيداً يوم العيد

فلذلك كانت فرحتها كبيرة جداً يوم شافتني ( الله يحفظها ويخليها ;) )
ولا أنسى ان أشيد بموظفى الضيافة في الخطوط السعودية

حيث قدموا لنا الحلوى والعصيرات في الطائرة الساعة 6 صباح يوم العيد .. وقدموا بعض الالعاب للاطفال :p
من المواقف اللي صارت :
أغلاقي على مفتاح السيارة داخل السيارة

...
بس ما قصّر ( !!! ) وهو احد أعضاء هذا المنتدى حيث استطاع اخراج المفتاح بخبرة كبيرة

كادت الذكريات أن تنسيني ان أشكر الفيروسة على طرح هذا الموضوع

فلها مني كل الشكر ... وسلامتكم ...

كيفي كويتية · #14 03/02/2005, 04:25 PM

إقتباس


	الـســلامــوووو عـلــيــكــمـوووو

وعليكمووو السلامووووو

إقتباس


	كــيـفــكـم ؟! إن شــاء الله تـمــامــووو

بنشكر الله..انتي شوعامله

إقتباس


	أتــمـنــى أن يــكـون الــجـمــيـع قــد أســتـمــتـع بــالإجــازة الــطـويـلــة [ تـقــولهـا وهـي مــغـصــوبــه وإلا مــوب طــويــله مــرة .. بـس هــذي أول إجـازة عــيـد أضـحــى شـفــتـهــا طـويـله ]

مرت مثل البرق

إقتباس


	يـالله يـاشـطــااار ويـاشـااطــراات نـظــفـوا الــمـجــلـس

اسفة شوفي لي شغله غيرها اسويها

إقتباس


	وأجـلــسـوا وقــولــوا لــنـا ويـن تــعـيــدتــوا فــيـه ؟

عيدنا في الكويت ورابع ايام العيد سافرنا

إقتباس


	مـاأوصـيــكـم أسـتــمـتــعـوا بـهــالأســبـوع الأخــيـر فــي الإجــازة .. لان يــوم الـســبـت تــبـدأ الــتـعــاســه

احنا دراستنا تبدا يوم السبت اللي ورا هالسبت

> فهمتي قصدي

يعني عندي اسبوع بعد استانس فيه

وزيدي عليه ثلاث ايام للسحب والاضافة

نرجع للموضوع الاصلي

العطلة كانت روووووعه استانست وايد فيها بس في السفر ما استانست

الف شكر لج يالغلا وسوري على الاطالة

زهرة الزعيم · #15 03/02/2005, 04:37 PM

هـــــلا فـيـّــــو

الإجازه هالمره كانت غير شكل

انبساط في بدايتها....

عشان بنات عمو جونا من ديرتنا ..وباتو عندنا ..

عاد تدرون ..لمة االعيله ماااااااااافي احلى منها..

سهر وإنبساط

وبعدين

.
.
.
.

جاني إكتئاب أخرتها..

عشان أختي الكبيره تزوجت ..راحت عني

والله اشتقت لها..
.
.

.
.

تحياتي للجميع..

شكرا فـــيو على الفــ ـــ ـرفـ ـــ ـــشـــ ـــ ــ ـه ;)