#1  
قديم 01/02/2005, 08:45 AM
زعيــم متواصــل
تاريخ التسجيل: 09/02/2004
مشاركات: 137
عفواً رئيس الهلال لقد أخطأت

السلام عليكم ورحمة الله وبركاته
اتمنى محد يرد على الموضوع بتسرع او يفسر الموضوع اي تفسير خاطئء

المشكله الي صارت بعد المباره وتسبب بها على حسب كلام الصحافه احد المحسوبين على النادي
وبعد مارجع نور لرئيس الهلال واعتذر منه
قام رئيس الهلال يعتذر للاتحاديين وانه لو رفع الاتحاد قضيه ضد من تسبب في المشكله على حد قولهم راح يكون مع الاتحاديين

كان المفروض انك تتحقق وتتاكد وش الي صاير ياسمو الامير
لاعبين الهلال ينضربون طول المباراه لا وبعد المباراه بعد
اداريي الفرق يتهجمون بالفم المليان على نجوم الهلال ويشككون في التحكيم
لو نور ماأخطأ كان مارجع يعتذر
المثاليات والله ماتنفع مع الاتحاديين

كان المفروض انك تقول ياسمو الامير انك ممكن ترفعون قضية على الصنيع الي اتهم الحكم وسامي مو تساندهم على مشجع كل الي سواه انه شاف سيرجيو يضرب تفاريس وبعدها صار مشاده بينه وبين الواكد والواكد هو الي بدا بالكلام
ومن بعدها تدخل العربجي نور
كان المفروض تقول ياسمو الامير انكم ممكن ترفعون قضيه على الي اتهموا سامي بالتزوير
لكن ان المثاليات الي مو في محلها ومع ناس ماتستاهل تخلينا نهاجم مشجعي الهلال
شي يحز في الخاطر ان نجامل ونكون مثاليين على حساب ناس حبوا النادي وضحوا على شانه بل والله ان بعضهم حتى وهم في اجازاتهم يروحون يداومون عشان يخدمون لاعبين النادي
المحسوب على النادي كما يحلو للبعض تسميته قد يكون اخطأ لكن رئيس الهلال عالج الخطأ بخطأ

وفي النهاية ماقول الا الله يوفق الازرق في المباريات القادمة
ويبقى الهلال غالي ويبقى ابوسلطان غاالي
اضافة رد مع اقتباس
  #2  
قديم 01/02/2005, 10:21 AM
الصورة الرمزية الخاصة بـ ياسيدهم وينك
زعيــم مميــز
تاريخ التسجيل: 26/02/2002
مشاركات: 13,209
شكرا اخوي على اجتهادك في الكتابه بس تأكد ان الي صلحه ابو سلطان عين العقل ويوافقني عليه معظم جماهير الزعيم
اضافة رد مع اقتباس
  #3  
قديم 01/02/2005, 10:25 AM
موقوف
تاريخ التسجيل: 04/08/2004
المكان: فوق الأرض وتحت السماء
مشاركات: 1,101
تصرف حكيم من ابو سلطان .. له ابعاد كثيرة

اخر تعديل كان بواسطة » الخير33 في يوم » 01/02/2005 عند الساعة » 10:40 AM
اضافة رد مع اقتباس
  #4  
قديم 01/02/2005, 01:45 PM
زعيــم نشيــط
تاريخ التسجيل: 26/10/2004
مشاركات: 907
والله ما ندري وش الي صار بالضبط....... لكن ابو سلطان ثقتنا فيه كبيره .... وتأكد ان فيه من الاتحاديين من يقدر موقف الامير بشكل ايجابي .....

في الملعب وادبناهم ب4

وكلنا في الاخير اخوان
اضافة رد مع اقتباس
  #5  
قديم 01/02/2005, 02:05 PM
زعيــم مميــز
تاريخ التسجيل: 23/09/2004
المكان: في جنة خيالي
مشاركات: 1,786
hsmlk

مشكور اخوي على كلامك وانا اتفق معاك ميه بالميه

الحين الاتهاديين هم الي يخطون ونجي حنا نتعذر لهم

الحين يجي نور واليامي والواكد ومسوين فتوه على مشجع ونروح نعتذر لهم

الحين الصنيع قاعد يتكلم على سامي والاحتياط قاعدين يسبوووون ابو عبدالله ونعتذر لهم

والله العضيم لا الوم المشجع الي نزل وسكت ولد الصنيع الي قاعد يتعهجم على عمه وحارق دمه سامي

بعدين المشجع من غيرته على الهلال وسامي نزل يسكت الحقير ولد الصنيع


ارجو من رئيس الهلال انلا يمر كلام الصنيع مرور الكرام

خاتمه///
الي نزل الملعب مشجع هلالي ويمكن الاتهاد يرفع عليه قضيه ليش طيب نروح نساعدهم ونايدهم ضد مشجع نادينا بعدين المشجع مانزل للملعب الا لحبه وغيرته على الهلال

بعدين يوم نور يكسر زجاج سيارات احد الجماهيرالهلاليه ماشفنا دعم لرفع قضيه عليه
ويوم يطب على الجمهور ويتضارب معهم هل كانت هناك قضايا


ارجو من الاداره الهلاليه عدم التدخل في الموضوع وان لايدعمون شكوى الاتحاد ضدواحد من الجمهور
اضافة رد مع اقتباس
  #6  
قديم 01/02/2005, 02:17 PM
زعيــم نشيــط
تاريخ التسجيل: 14/05/2003
مشاركات: 609
الاخ الكريم /hsmlk

بعد التحية والتقدير ...

أو ان اوضح لك بعض النقاط :

أولاً ) قلت يا اخي الكريم بان (( لاعبين الهلال ينضربون طول المباراه لا وبعد المباراه بعد ،
اداريي الفرق يتهجمون بالفم المليان على نجوم الهلال ويشككون في التحكيم )) .. وحتى تتضح الصورة فالمسئولية القانونية هنا تقع على حكم المبارة و مراقبها أولاً وعلى اتحاد كرة القدم ثانياً خاصة اذا كان التهجم داخل الملعب.. اما اذا كان التهجم في الصحافة فبالامكان الرفع للرئاسة العامة لرعاية الشباب بشكوى مدعمة بالوثائق ... فهناك يااخي الكريم قانون ونظام وليست القضية بان الواحد يأخذ حقه بيده ... والا كان عمت الفوضى ..

ثانياً) قلت يا أخي الكريم : ((كان المفروض انك تقول ياسمو الامير انك ممكن ترفعون قضية على الصنيع الي اتهم الحكم وسامي مو تساندهم على مشجع كل الي سواه انه شاف سيرجيو يضرب تفاريس وبعدها صار مشاده بينه وبين الواكد والواكد هو الي بدا بالكلام .. الخ)) .. وللتوضيح .. فالحكم مرجعة لجنة الحكام وفي حالة اتهامة فلجنة الحكام و اتحاد القدم هماالمسئولان لا رئيس الهلال .. اما اللاعب سامي الجابر فتم توضيح ذلك اعلاه ... وبالنسبة للمشجع الهلالي .. فخطورة الامر ان القانون ينص على معاقبة فريقه بالغرامة أو منع الفريق باللعب على ارضه أو كلاهما معاً .. وليست من مسئولية المشجع ان يخذ حق لعيبة الهلال .. فالاعتداء من قبل لاعب على لاعب في ارض الملعب اثناء المباراة أو بعدها من مسئولية الحكم ومراقب المبارةواللجنة الفنية فقط ...

وللمعلومية لو ان المشجع الهلالي لم يتدخل .. كان بالامكان ان يتم ايقاف لاعبي الاتحاد في حال طلب نادي الهلال للتحقيق في المشكلة ... لكن التدخل ( الاحمق ) من المشجع الهلالي جعل الضرر أكبر على الهلال لو تم التحقيق في القضية هو حرمان الفريق من اللعب على ارضة أو الغرامة المالية أو كليهما معاً .. ولن يستفيد الهلال استفادة مباشرة من إيقاف لاعبي الاتحاد فالمستفيد الفرق الاخرى ...

ولذلك فتدخل سمو الرئيس كان حكيماً ... فالمتضرر الاكبر هنا الهلال ... وليس الاتحاد .. بسبب تصرف المشجع ...

آمل ان اكون أوضحت لك الصورة يا اخي العزيز ...

ولكم تحياتي ،،،
اضافة رد مع اقتباس
  #7  
قديم 01/02/2005, 03:19 PM
زعيــم متواصــل
تاريخ التسجيل: 09/02/2004
مشاركات: 137
هلا اخوي قمر

اولا اتمنى اخوي قمر انك لما كتبت الرد ماتكون مفترض ان الي بدا بالغلط هو المشجع
لاعبين الاتحاد هم الي بداو بالمشكلة وهذا الكلام انا متاكد منه يعني مو مجرد احساس لاني اعرف ولد اخو المشجع وهو جاب الكلام منه يعني مو افتراض وبس

ثانيا كلامك صحيح اخوي ان المسؤول هو الاتحاد السعودي
ومدام كذا اذن ماله داعي التبرع المثالي من رئيس الهلال في القضيه وانه بيساند الاتحاد لو رفع قضيه
والمفروض بدال هالاعتذارات - اسميها مثاليه زايده - كان المفروض انه اذا مادافع عن حقوق الهلال المنتهكه من تهجم على اللاعبين وظلم تحكيمي كان المفروض انه يسكت في موقف مثل هذا مو يصير ضد واحد من جمهور الهلال
واعيد واكرر لو افترضنا ان المشجع هو الي بدا بالمشكله كان ممكن يكون الي صار مقبول
لكن ان لاعبين الاتحاد هم الي يغلطون ويبداون بالغلط ورئيس الهلال يقلب هالقلبه على المشجع فوالله مو مقبوله ابد

وشاكر لك اخوي قمر ردك وللاخوان
اضافة رد مع اقتباس
  #8  
قديم 01/02/2005, 05:13 PM
زعيــم مميــز
تاريخ التسجيل: 14/07/2004
المكان: وينك يا سامي
مشاركات: 1,678
والله انا اتفق مع ابوسلطان


يعني وش ترجي من ظلام
اضافة رد مع اقتباس
  #9  
قديم 01/02/2005, 05:18 PM
زعيــم متواصــل
تاريخ التسجيل: 28/12/2004
مشاركات: 71
أول شي أحييك على حبك وغيرتك على الهلال ونجومه ..
بس في اعتقادي واعتقاد أغلب الجمهور ان تصرف الأمير محمد كان عين الصواب .. حتى لو كان هم المخطئين ..
لأن دايم الهلال هو الكبير ..
وعلى قولتهم كبر عقلك وخلك أفضل منهم
تحياا ااااتي
اضافة رد مع اقتباس
  #10  
قديم 01/02/2005, 05:21 PM
زعيــم نشيــط
تاريخ التسجيل: 23/12/2004
المكان: فوق هام السحب
مشاركات: 644
ابو سلطان عاقل وكلنا اخوان حنا والاتحاديه
المنافسه داخل المستطيل الاخضر فقط
اضافة رد مع اقتباس
  #11  
قديم 01/02/2005, 05:30 PM
زعيــم مميــز
تاريخ التسجيل: 19/05/2004
مشاركات: 2,452
الله يعطيك العافية على طرح الموضوع
ولكن انا اؤيد كلاام قمر050 لانه منطقي فعلاً
وحراام يحرم جمهور الهلال من حضور المباريات
بسبب تصرف شخص واحد ,,,

لك تحياتي
اضافة رد مع اقتباس
  #12  
قديم 01/02/2005, 06:59 PM
الصورة الرمزية الخاصة بـ احمد ربك انك هلالي
زعيــم فعــال
تاريخ التسجيل: 19/10/2003
المكان: الرياض
مشاركات: 408
حصل خير ياشباب


كل واحد يتكلم ويعتقد انه هو الصح وهذا من غيرته وحبه للكيان العريق


ولكن كان تصرف الامير محمد بن فيصل رائع واكثر من رائع لحله المشكلة دون ان تحدث امور لا تحمد عقباه


ومشكور اخوي hsmlk على طرح الموضوع وهذا لايعني ان كلامك خطأ لكن من غيرتك وحبك للكيان الهلالي
اضافة رد مع اقتباس
  #13  
قديم 01/02/2005, 07:22 PM
زعيــم فعــال
تاريخ التسجيل: 08/08/2003
مشاركات: 224
لا اظن يجي من الاتحاديين اي خير

ولعلنا نتذكر قبل كم موسم عندما قذف باص الهلال واللععبين بداخله بالحجاره والقوارير الفارغه

ومع ذلك انكر الاتحاديين

ولم يعتذر اي احد منهم


هذا طبع الاتحاديين دائما الشغب

ووالله لو ان المبارة في جده بتشوفون العجائب من جمهور الاتحاد


اضافة رد مع اقتباس
  #14  
قديم 01/02/2005, 07:34 PM
الصورة الرمزية الخاصة بـ الزعيم في الصميم
زعيــم مميــز
تاريخ التسجيل: 15/05/2003
المكان: بين النجوم
مشاركات: 1,905
والله تصرف كبير من أبو سلطااااان وفي محله !
اضافة رد مع اقتباس
  #15  
قديم 01/02/2005, 10:32 PM
الصورة الرمزية الخاصة بـ فهد المنيف
زعيــم نشيــط
تاريخ التسجيل: 25/12/2004
مشاركات: 627
مع احترامي للاخوان الى مع تصرف ابوسلطان : ان اقول ان تصرفه سلم من ناحيه العقلانيه والاحترام للاخرين بس مع الاتهاد واغلب الانديه السعوديه والعربيه لا ينفع هذا التصرف المثالي ؟
مهمد نور ورفاقه ماينفع معهم الا الشده وبعد ابي اعرف الصنيع هذا وش موقعه من الاعراب( من امن العقوبه اسء الادب).
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 11:32 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube