.. [[ قصتي مع هدف كماتشو الرابع ]] .. ادخل وشوف .. - نادي الهلال السعودي - شبكة الزعيم

شفشينكووو7 · #1 31/01/2005, 01:48 PM

السلام عليكم ورحمة الله وبركاته ..

اول شئ مبروك الفوز والثلاث نقاط والصداره ..

ومبروك علينا سامي .. ومسكين اللي ماعنده سامي ..

صراحه صارت لي قصه مع هدف سامي الرابع الذي يعتبر هدف لسامي لانه سحب بالاربع مدافعين كلهم ومابقى الا مبروك زايد قال لكماتشو حطها بالمرمى ..

سيناريو الهدف ..

@ الكره ترسل من الخثران من الدفاع لسامي الجابر بالهجوم وجاء عبدالله الواكد يبي ياخذها ..

الكره الى الان مع عبدالله الواكد سامي يقول للواكد شف واحد من جمهور الهلال يبيك

الواكد صدق وخطف الكره سامي وراح مثل الذيب طااااااير وجاء قدامه الشايب باسم اليامي جاء سامي ضحك بوجهه

وعدا من جنبه يوم جاء الواكد يركض يبي يسوي المنقذ على غفله ( سوبر مان ) ويبي ياخذ الكوره ويطيح على خشته

ويجي الشاب علي سهيل ويخليه سامي طريق الملك فهد ويجي البزر ماجد المولد قاله سامي

لا يابابا مااحط راسي براسك توك صغير اخاف اضحك عليك اللي بالملعب كلهم وتروح الكوره لكماتشو وحطها بحرفنه بالمرمى ..

انا من يوم ماخطف سامي الكره من الواكد وانا قايل هذي هدف واقوم انا انطنط وسامي يجدع بالدفاع ويوم جاء الهدف فرحت فرحه غير طبيعيه موب عشان الهدف عشان تسحيبات جابريه قسم بالله ..

عموما مبروك الفوز والصداره ..

@ أتمنى اذا فيه احد من الشباب صور لنا احتفاليه جمهور الزعيم بعد المباراه بمقطع فيديو لايبخل علينا ..

@ خلونا ننسى هالمباراه ونفكر بيوم الجمعه مع الأهلي نبي نرد لهم خمستهم حقت العام اللي نسوها عندنا

.. وتكفون الحضور الجماهيري مهم وبكثافه مثل مباراة الاتحاد وأكثر ..

@ الزعيم بحاجتكم تكفون شدو الهمه ..

@ ودي أقترح على لجنة تنظيم الجمهور انهم يجيبون شئ جديد يعني مثل الشرائط البيضاء هذي والشعله الزرقاء عشان تعطي جماليه على جمهور الزعيم ..(( صاحب الشعبيه الجماهيريه الجارفه على المستوى العربي ))..

قفله ..

والله عادي وطبيعي .. هذا الهلال ياحبيبي ..

اسمحلي ياابو فيصل ..

بس تعودت عليها ..

أخووووكم

راشد الراشد ..

hatyo · #2 31/01/2005, 01:54 PM

والله الهدف خيالي بمعنى الكلمة

Sambastin · #3 31/01/2005, 03:10 PM

عساك من هالفرحه لفرحه شيفا..
واللي سواه سامي طبيعي لانه سامي

الفانوس الازرق · #4 31/01/2005, 03:19 PM

يليت نشوف الهدف في المنتدى اللي يقدر يحطه لايبخل علينا

ابو عبـــــــــدالله · #5 31/01/2005, 03:21 PM

الهدف هذا ذكرني بكور سامي الرائعة الي دايم يضحك على المدافعين بها .,.,.

sultan_2004 · #6 31/01/2005, 03:25 PM

والله الهدف خيالي بمعنى الكلمة

yhseer2004 · #7 31/01/2005, 03:33 PM

إقتباس

الرسالة الأصلية كتبت بواسطة شفشينكووو7


	الكره الى الان مع عبدالله الواكد سامي يقول للواكد شف واحد من جمهور الهلال يبيك

الله يرجك

هلالي أصلي · #8 31/01/2005, 03:52 PM

((الذيب مايهرول عبث))

momee999 · #9 31/01/2005, 03:57 PM

والله مساكين جماهير الاتحاد انتو ماشفتوهم انا كنت بينهم

خلاهم

على العموم الف مبروك الفوز والثلاث نقاط

canada2002 · #10 31/01/2005, 04:10 PM

http://www.alzaeemnetwork.com/hilal/...l4-1ittihad.rm

ابشر وهذا رابط الهدف وهذا الهدف والتسحيبه تدرس ويبغالهااااا كتب ليستفيد منهاا الاجيااال القادمه

تحياتي