#1  
قديم 07/05/2001, 12:44 AM
زعيــم متواصــل
تاريخ التسجيل: 13/02/2001
مشاركات: 64
ياجماعــه ياحبايبي يا ناس اصبروا على المدرب ياناس الصبر زين ........

مو معقوله كذا يااخوان لازم نصبر لازم.......

المدرب ماهو لاعب نقدر نحكم على مستواه من كم مباراه او بطوله...

الناس يطورون ويمشون لقدام وحنا كل مالنا وندبر مايصير كذا .....

كل الفرق العالميه يصبرون على مدربينهم فترات طويله واذا سمعنا انه اقيل احدهم تلقى كلهم مستنكرين اللي صار مو حنا اللي المدرب ياعيني عندنا كنه سياره بنشرت مره وحده جينا حنا يالناعمين غيرناها.............

البطولات تبي صبر وجهد ومثابره واراده وتصميم واهم شي ان الفريق يعيش روح الجسد الواحد ......واليد الوحده والقلب الواحد..........

ياناس وشلون بالله وحنا كل شوي جايبين لنا مدرب شكل الفريق بيتجانس ويتاقلم ويتكيف على استراتيجية مدرب واحد ......

لازم يلعبون مع مدرب واحد ثابت ويفوزون وينهزمون ويذوقون مع بعض طعم الفوز ومر الهزيمه ويعانون سوى عشان ذاك الوقت تجي روح الفريق الواحد اللي افراده على قلب واحد......


وسافيت المسيكين تراه ياناس والله فلته وموب بسيط وذهين حتى من كلامه وحوارته سهل انك تعرف انه هاالآدمي مو هين..........

وهذاهو قدام عينكم ماقصر وبدا حبه واخلاصه وتضحيته للازرق تبين ...

يكفي ياجماعه انه جا وقال للاعبين ان كانكم مابيضتوا وجهي نذر علي لخلي اذلني واذانكم اربع وماعاد تشوفون رقعة وجهي معكم ..( طبعا هو ماقال كذا نفس الكلام بس وسع صدرك)......

هذا اللي حنا نبيه اراده وحده عزيمه اصرار حماس قلب واحد........

خلونا ننهزم ونخسر بطوله وثنتين ......بس نكسب بعدين فريق قوي عنيد مايهزه ريح.

انا مدري وش هالمدرب عبقري زمانه اللي تبونه الللاعبين هم اللي بيدهم كل شي متى مااشتهوا والله بتلقون الهلال هو الهلال اللي نعرفه...

انا اقول جيبوا لعيبه اجانب عليهم الكلام وقضبوهم لسافيت وبعدين قولوا اللي تبون ...

صحيح انه اللي فيه من لاعبين اللهم لاحسد يبيضون الوجه ويسدون عين العدو بس برضوا يبي لهم تصفيه.....

اتمنى اشوف احد موافقني الرأي........
  #2  
قديم 07/05/2001, 12:47 AM
زعيــم فعــال
تاريخ التسجيل: 12/01/2001
المكان: المملكه العربيه السعوديه - الرياض
مشاركات: 298
لكن هناك مدربين افضل من سافييت مع احترامي له ... والهلال دائماً يطمح الى الأفضل وخصوصاً ونحن مقبلين على بطوله عالميه .. فأتمنى المدرب الأفضل للزعيم ..
مع احترامي لرأيك ..
وشكرا
مــــــــــــحـــــــــــــبـــــــــــــــكـــــــــــــــم،،،،،،،،،،،،،،
[عدلت بواسطة هلالي نجد التاريخ:07-05-2001 الساعة: 12:50 AM]
  #3  
قديم 07/05/2001, 12:54 AM
زعيــم متواصــل
تاريخ التسجيل: 02/02/2001
مشاركات: 121


السلام عليكم

انا اوافقك الرأي في نقطه واختلف معك في اخرى يا عزيزي ...


اوافقك بضروره الصبر على المدربين ولكن اخالفك بالصبر على سافيت

ففي تصوري انه اقل من طموح الهلال فليس ذلك المدرب صاحب التاريخ

التدريبي الذي يشفع له بتدريب الزعيم ، وقد اثبت بما يدع مجالا للشك الفرق

بين مستواه التدريبي وبين مستوى الهلال ، فكما تفضل الاخوه بأننا مقبلين

على بطوله مهمه تحتاج الى مدرب كبير وإن كنت ارى في كاندينو الرجل المناسب

وتفضل بقبول خالس احترامي وتقديري

نــــ ج ــــد
  #4  
قديم 07/05/2001, 12:56 AM
موقوف
تاريخ التسجيل: 22/08/2000
مشاركات: 406
بسم الله الرحمن الرحيم

مع احترامي لرايك اخي الكريم اي ابداع تتكلم عنه انت يمكن هذا المدرب دخل لبعض المباريات بتشكيل جيد لكن لتمنى انك تخبرني وين التكتيك الفريق ماقدم اي لمحات فنيه منذ قدوم هذا المدرب والمقصود ماهي فائده التشكيله الجيده (نوعا ما ) في ظل عدم وجود تكتيك نهائيا والكوره ماهي (طقها والحقها )......

وبعدين المدرب اللي تزعل على ذهابه هو شخص مثل يوردانيسكو فليس هناك اي مبرر لذهابه واذا كان السبب مادي انظر الان كيف نخسر بوجود هذا المدرب وربما ياتي شخص بعده وشهرين ونفس الشيء يشيل عفشه ونكون خسرنا اكثر من قيمة يوردانيسكو .......وشكرا
  #5  
قديم 07/05/2001, 01:19 AM
زعيــم متواصــل
تاريخ التسجيل: 13/02/2001
مشاركات: 64
أحبائي وأعزائي .......

انا معكم في كل كلامكم عن سافيت ......

بس ترا اللاعبين هم اللي فيهم البلا والله انهم الله يهديهم هم اللي يرفعون المدرب سما او ينزلونه بالأرض ......

سافيت صحيح انه ماهو فلتة زمانه ولكنه في كم مباراه ترا اثبت عن تفكير ذكي وعقلاني ....

ياجماعه المدرب هو اللي مسكين بقوه ....

اذا فاز الفريق ثاني يوم مغير نشوف هالمدح والتنفيخ وتغييراته العبقرية ومن هالرخيص..

وان تصقعوا طلع هيس اربد .......

كذا انا .....مانتغير لو ايش صار ......

مايصير كذا ....لازم نصبر .....

وصراحه .......

معكم حق عشان هالبطوله مهمه جدا لنا كلنا ....

صحيح انه سافيت مؤهلاته ما تشفع له كثير بس انا والله رأيي اصبر على مجنونك لا يجيك اللي ادلخ منه .....

والله اني شايل انه يجينا واحد اسم وسمعه وآخر شي يجيب العيد ويقعد يتفلسف ..

والأمثال كثيرة ...ما أظنكم نسيتوا كارلوس البرتو وماتشالا مع المنتخب .....

واللي زي هالطقه عد واغلط ....

شوفوا اوتو بفيستر اول ماجاء ماهضمناه مره ... ولما جاب البطوله طرنا به ...

ولما ضيع بطوله قضبناه الباب .....

شوفوا وش سوا في مصر .... صار الحين اعز عليهم من الفول لما صبروا عليه وحقق لهم اللي يبون ......

عشان كذا انا انصح التمهل وعدم الاستعجال .....

وان كان بيجي مدرب لازم ياخذ وقت كاف عشان يتأقلم على اسلوبه الفريق .....


مع احترامي للآرائكم جميعا ......

كلنا نختلف ونحوس وندور ونتناقش كله من اجل عيون الزعيم الأزرق اللي مهما سوينا مانرد لهالكيان الأفراح اللي رسمها على شفاهنا اللي يبسها جفاف الرياض ...

يالله ان تخلي لنا الأزرق ذخر يالله
  #6  
قديم 07/05/2001, 01:46 AM
زعيــم فعــال
تاريخ التسجيل: 08/04/2001
المكان: saudi arabia
مشاركات: 208
نصبر ... نصبر ... ولكن للصبر حدود

من ناحيتي أبصبر على المدرب إلى بعد المبارة مع الأهلي وإذا لم تتغير طريقة اللعب الهلالية فلن أصبر عليه خلاص اتفقنا يا ويله ان انهزم الهلال قلت لك يا ويله ويا سواد ليله من كل الجماهير الهلالية مو مني أنا بس .
  #7  
قديم 07/05/2001, 02:18 AM
زعيــم جديــد
تاريخ التسجيل: 12/04/2001
المكان: الريااااااااض
مشاركات: 48
اخوي عشقي الازرق
انا اتفق معك انه يجب علينا الصبر على المدربين لكن مثل ماقالوا الاخوان الزعيم بحاجة الان الى مدرب يقدر يوظف امكانيات اللاعبين ويقرا المباراة صح ويتعامل معها حسب ظروفها والشي اللي لمسناه خلال الفترة الاخيرة ان تغييراته صارت افضل من ناحية مناسبتها لسير المباراة ولكن لازلنا نحس ان اللاعبين يلعبون دون تكتيك واضح والاجتهادات واضحة من اللاعبين واكبر دليل مستوى الهلال قبل وبعد ما يطلع يوسف ورفض يوسف او سامي لتبديل بعض اللاعبين ونقاشهم مع المدرب قبل اجراء التغيير
لكن مانقول الا الله يوفق الزعيم بمدرب يحط كل لاعب في مركزه وبدون فلسفة تدريبية زايدة والباقي بيكون على اللاعبين وهم بعد توفيق الله اللي بيعوضونا عن اللي صار في الفترة الماضية
وتحياتي للجميع اخوكم مسافر
  #8  
قديم 07/05/2001, 03:16 AM
زعيــم متألــق
تاريخ التسجيل: 03/03/2001
المكان: الـــريـاض
مشاركات: 1,004
Cool

كلامك عن الصبر حلو وما عليه غبار
بس المدرب اللي في الهلال (سوفيت)ماعرف يوظف اللاعبين صح وأكبر دليل تغييراته في لمباراة المتخبطة أحيانا بلى تكتيك والا شفنا منه جمل تقدر تقول نصبر عليه ولا تنسى أيران المباراة الألى كأن من المفترض أن يتحصل عليها الهلال لكن رغبته في التعادل مدي ليه صدقني وضعه عادي كاي مدرب ولا نقول نطالبه فوق حده لا بس هذي الامكانيات تحت طموح فريق مثل الهلال الهلال يبيله مدرب عالمي وكحل المدرب بلاعبين عالميين مع توليو وتفرج بعدها .
هذا مجرد رأئي شخصي طبعا .

مـــلاحظــة / ما ورانا شي بكرة يورينا وش راح يسوي وأعتقد أنه عرف الاهلي زين وعرف لاعبينه زين وعرف الجمهور الهلالي زين وش نصبر عليه بعد ؟ ولا هوب معنا كلامي أن الخسارة معناتها المدرب لا بس أهم شي يتعامل بإمكانيات اللاعبين ويستغل الثغرات في المباراة ويعرف وين نقاط الضعف في الفريق المقابل ويعرف اللاعب اللي ماله داعي يكمل المبارة ويغيره ويدعم الفريق نفسيا في جو المباراة بتغيير المواقع وتبادل المراكز والتوفيق بيد الله بعدها ما نقول شي .

تحياتي للجميع ,,,
  #9  
قديم 07/05/2001, 04:11 AM
زعيــم جديــد
تاريخ التسجيل: 12/08/2000
المكان: الرياض
مشاركات: 47
السلام عليكم
انا معك ياخي العزيز في كل اللي قلته ورأي يوافق رأيك تماما.
مشكلتنا اننا نتبع الصحافه ,ودامت الصحافه (اللي محسوبه على انها هلاليه)
ماتبي المدرب تقعد تنتقد المدرب عالطالعه والنازله,صحيح اني كنت قبل مايجي سافيت اطالب بمدرب عالمي وكبير وصحيح اني تشائمت اول ماعرفت انه مدرب مغمور
لكن اللي ودي اقولكم اياه متى اتفقنا نحن على مدرب لم ولن نتفق على مدرب معين
حتى لو كان احسن مدرب في العالم ,وليس شرطا ان يكون المدرب عالمي لكي ينجح مع الهلال ,رأينا ماذا فعل كارلوس البرتو بيريرا بمنتخبنا في كاس العالم
وتحياتي للجميع
   

 

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 06:34 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube