بسم الله الرحمن الرحيم

بما إن الصـداقــــه
او الصديق باالمعنى الاصح نادر هالايــام
حبيت اطرح بين ايديكم
هذه القصه واحداثها التي حصلت حـقيـقــه
والزمن ليس ببعيد
وابطالها شخصين جمعتهم التجاره
ومن خلالها نشأت بينهم صداقه حميمه
لدرجة إن الواحد مايفارق الثاني إلا عند النوم أو إذا سافر احدهم مع تجارة
لان الإتفاق بينهم كل ست شهور يروح واحد والثاني يرعى شؤن خويه
الـمـــهههههـــــــــــم
كتب ربي لواحد منهم وتزوج
وبما إن الدور على العزوبي بيسافر مع القافله ( طبعاً لاولد ولاتلد وش يقعده )
وهذا ترتيب مسبق بين الطرفين لكن الزين مايكمل وقامت الاقدار بدورها
اللي حصل إن اكثر المستثمرين بالقافله رفضو العزوبي لتفوق المعرس بفنون التجارة
بعد شد وجذب جلس العزوبي وقبل مايسافر وصاه على إنه يمر كل يوم على بيته
ويشوف طلبات زوجته بحكم ثـقـته فيه اولا وعلى إنها تعتبر غريبه عن قريتهم
صار يمر ويسأل زوجة صاحبه من ورى الباب طبعا عن طلباتها والبيت
وكان بالاول
يشتري حاجاتها بنفسه ويرسلها مع واحد من صبيانه
لكنها قالت له انا ما اوثق إلا باللي وثق فيه زوجي
وارجوك
لاعاد ترسله قال على ( خشمي ) وبيوم من الايام
مثل العاده كان يحط الاغراض ويطق الباب ويروح عشان لايشوفها وهي تاخذها
وبنفس الوقت هي كانت قريبه من الباب
وقالت فلان سمعها ووقف قال ( لبيه )
قالت انت منت غريب تحط الاغراض
كنك احـد الصبيان وتروح
انت اخو وحنا بوضح النهارعلى الاقل سلم مثل العرب وانت على الباب ماهوب كنك حرامي
قال مايصير إلا خير
جاها المره الثانيه وطق الباب قامت وفتحت الباب
وإلى هاك القمر اي قمر المهم عطاها طلباتها
وسألها وش تبي بالمره الجايه وراسه بالارض
قالتله وودعها وراح
وبالمره الثانيه وهـوواقف يحاكيها
قالت تفضل قال مايصير
قالت أنت لزوجي مؤتمن على ماله وبيته وإلا انت منت واثق فيني انت حسبة اخو
وإستحى الرجال ودخل
بعد ما ترك باب البيت مفتوح للمجلس
قامت ودخلت داخل البيت وبعد شوي قبل ماتدخل عليه صكت باب الشارع
ودخلت عليه بثياب النوووووووووووم
قام وفز الرجال وطاحت بحظنه حاول يبعدها
شافها صامله خاف لو شد عليها يطلع منها صوت وينفـظـحـون طـمنها وقال
شوفي انا مقدر اسوي شي إلا وانا شبعان روحي للمطبخ وجيبي اكل ومالك إلا ارضيك
إستبشرت وقالت
اجل تعال بغرفة النوم عشان تثبتلي إنك صادق
قام ودخل غرفة النوم وهي راحت للمطبخ
بعدها صاحبنا قام وحط رجله
لكن قبل مايروح
رفع غطا مخملي على صندوق خشبي
شافه مثل إللي عنده
يعني إنه خاص بزوجها قام وكتب فوقة

ُرب عَـذرا تزينت لي فـدعـتني إلى وصالها فأبيت
ولم يكن طبعي العفاف ولكن كنت خِلآ ,, ولاكمل ,,,؟

المهم الرجال بعدها صار يرسل احد صبيانه
بطلباتها لها
ويوم رجع زوجها قالت له إن إللي امنته على بيتك خانك و طارت عيون الرجال مصدق مكذب
قام وقالها حظري الحمام اخذ دش واغير ملابسي ويصير خير
يوم دخل غرفته وكالعاده رفع غطا الصندوق
بيحط فلوسه
قراء المكتوب لكن مايدري من اللي كتبه
وشطرالقصيده ناقص
قام وفتح صندوقه حط قشه بعدما غطاه
طلع على طول ماكلم زوجته يوم راح ماراح لصديقه راح لواحد حكيم بالقريه
وقال مافيه احد غيرك يفـسرلي هالغموظ
وبعد ماعلمه بقصته والبيت الناقص من القصيده
قام الشيخ وقال ياولدي إللي كتبها كان قصده يقول

ُرب عَـذرا تزينت لي فـدعـتـنـي إلى وصالها فأبيت
ولم يكن طبعي العفاف ولكن كنت خلآ لبعلها فأسـتحيت

بعدها عـرف الرجال الموضوع
حـمـد ربه على كل شي

,, انتهت ,,

تحياتي